लातूर येथे २२ ऑक्टोबर रोजी जिल्हाधिकारी डॉ. भारत बास्टेवाड यांनी महिला बचतगटांच्या सक्षमीकरणासाठी शासकीय योजनांचा प्रभावीपणे वापर करण्याचे आवाहन केले. राज्य शासन महिला सक्षमीकरणासाठी विविध योजना राबवीत असून, त्यासोबतच विविध शासकीय विभागांच्या योजनांमध्ये महिला बचतगटांनाही प्रोत्साहन देण्यात येत असल्याचे त्यांनी सांगितले. त्यामुळे महिला आर्थिक विकास महामंडळाने (माविम) या विभागांशी समन्वय साधून महिला बचतगटांच्या सक्षमीकरणासाठी प्रयत्न करावेत, असे निर्देश त्यांनी दिले. डॉ. बास्टेवाड यांच्या अध्यक्षतेखाली जिल्हाधिकारी कार्यालयात 'माविम'च्या नवतेजस्विनी महाराष्ट्र ग्रामीण महिला उद्यम विकास प्रकल्पांतर्गत जिल्हास्तरीय सल्लागार समितीची बैठक झाली, त्यावेळी ते बोलत होते. या बैठकीला जिल्हा ग्रामीण विकास यंत्रणेचे प्रकल्प संचालक संजय इंगळे, जिल्हा अधीक्षक कृषि अधिकारी राजेंद्र कदम, जिल्हा पशुसंवर्धन सहायक आयुक्त डॉ. श्रीधर शिंदे, नाबार्डचे जिल्हा विकास व्यवस्थापक प्रमोद पाटील, कौशल्य विकास सहायक आयुक्त निशांत सूर्यवंशी, जिल्हा ग्रामउद्योग अधिकारी चिंतामणी गुट्टे यांच्यासह संबंधित विभागांचे अधिकारी उपस्थित होते. जिल्हाधिकारी डॉ. बास्टेवाड यांनी मनरेगामधून रोपवाटिका निर्मिती आणि कृषि विभागामार्फत राबविण्यात येणाऱ्या पोकरा प्रकल्पात समाविष्ट गावांमध्ये अवजारे बँक यासाठी महिला बचतगटांना प्राधान्य देण्यावर भर दिला. माविमने संबंधित विभागांशी समन्वय साधून या योजनांचा लाभ बचतगटांना मिळवून द्यावा, तसेच कुक्कुटपालन, शेळीपालन यांसारख्या व्यवसाय उभारणीसाठीही बँकेचे सहकार्य उपलब्ध करून देण्यासाठी प्रयत्न करावेत, असेही ते म्हणाले. बैठकीच्या सुरुवातीला महिला आर्थिक विकास महामंडळाचे जिल्हा समन्वय अधिकारी सोमनाथ लामगुंडे यांनी जिल्ह्यात महामंडळाच्या कामकाजाची माहिती सादर केली.

डी उमाकांत

शिरूर-अनंतपाळ, लातूर, महाराष्ट्र•

2 hrs ago

लातूर येथे २२ ऑक्टोबर रोजी जिल्हाधिकारी डॉ. भारत बास्टेवाड यांनी महिला बचतगटांच्या सक्षमीकरणासाठी शासकीय योजनांचा प्रभावीपणे वापर करण्याचे आवाहन केले. राज्य शासन महिला सक्षमीकरणासाठी विविध योजना राबवीत असून, त्यासोबतच विविध शासकीय विभागांच्या योजनांमध्ये महिला बचतगटांनाही प्रोत्साहन देण्यात येत असल्याचे त्यांनी सांगितले. त्यामुळे महिला आर्थिक विकास महामंडळाने (माविम) या विभागांशी समन्वय साधून महिला बचतगटांच्या सक्षमीकरणासाठी प्रयत्न करावेत, असे निर्देश त्यांनी दिले. डॉ. बास्टेवाड यांच्या अध्यक्षतेखाली जिल्हाधिकारी कार्यालयात 'माविम'च्या नवतेजस्विनी महाराष्ट्र ग्रामीण महिला उद्यम विकास प्रकल्पांतर्गत जिल्हास्तरीय सल्लागार समितीची बैठक झाली, त्यावेळी ते बोलत होते. या बैठकीला जिल्हा ग्रामीण विकास यंत्रणेचे प्रकल्प संचालक संजय इंगळे, जिल्हा अधीक्षक कृषि अधिकारी राजेंद्र कदम,

जिल्हा पशुसंवर्धन सहायक आयुक्त डॉ. श्रीधर शिंदे, नाबार्डचे जिल्हा विकास व्यवस्थापक प्रमोद पाटील, कौशल्य विकास सहायक आयुक्त निशांत सूर्यवंशी, जिल्हा ग्रामउद्योग अधिकारी चिंतामणी गुट्टे यांच्यासह संबंधित विभागांचे अधिकारी उपस्थित होते. जिल्हाधिकारी डॉ. बास्टेवाड यांनी मनरेगामधून रोपवाटिका निर्मिती आणि कृषि विभागामार्फत राबविण्यात येणाऱ्या पोकरा प्रकल्पात समाविष्ट गावांमध्ये अवजारे बँक यासाठी महिला बचतगटांना प्राधान्य देण्यावर भर दिला. माविमने संबंधित विभागांशी समन्वय साधून या योजनांचा लाभ बचतगटांना मिळवून द्यावा, तसेच कुक्कुटपालन, शेळीपालन यांसारख्या व्यवसाय उभारणीसाठीही बँकेचे सहकार्य उपलब्ध करून देण्यासाठी प्रयत्न करावेत, असेही ते म्हणाले. बैठकीच्या सुरुवातीला महिला आर्थिक विकास महामंडळाचे जिल्हा समन्वय अधिकारी सोमनाथ लामगुंडे यांनी जिल्ह्यात महामंडळाच्या कामकाजाची माहिती सादर केली.