ରଘୁନାଥପୁର ବ୍ଲକର ବୟନ ଗ୍ରାମରେ ୯୦ ପରିବାର ହସ୍ତତନ୍ତ ଉପରେ ନିର୍ଭରଶୀଳ ଜଗତସିଂହପୁର ଜିଲ୍ଲା ରଘୁନାଥପୁର ବ୍ଲକ ଛପଡା ପଞ୍ଚାୟତର ବୟନ ଗ୍ରାମରେ ଅବସ୍ଥିତ ଶ୍ରୀ ଶ୍ରୀ ପାର୍ବତୀ ତନ୍ତୁବାୟ ସହଯୋଗ ସମିତି। ୧୯୭୯ ମସିହା ଜାନୁଆରୀ ୫ ତାରିଖରେ ଏହା ପ୍ରତିଷ୍ଠା ହୋଇଥିଲା। ୯୦ ପରିବାର ଏହି ସମିତି ଉପରେ ନିର୍ଭରଶୀଳ। ବୟନ ଗ୍ରାମର ମହିଳାମାନେ ଏଠାରେ ତନ୍ତ୍ର କାମକରି ପରିବାର ପ୍ରତିପୋଷଣ କରିଥାନ୍ତି। ସୂତା କାଟିବା, ଲୁଗା ବୁଣିବା ଉପରେ ସମିତି ଏବଂ ବୟନିକା ପକ୍ଷରୁ କାର୍ଯ୍ୟରତ ମହିଳାଙ୍କୁ ପ୍ରଶିକ୍ଷଣ ଦିଆଯାଇଛି। ଘର କଥା ବୁଝି ପାର୍ଟ ଟାଇମ୍ କାମ କରି ଦିନକୁ ୨୦୦ ରୁ ୬୦୦ ଟଙ୍କା ଏମାନେ ରୋଜଗାର କରିଥାନ୍ତି ‌। ବୟନ ଗ୍ରାମରେ ପ୍ରସ୍ତୁତ ଗାମୁଛା, ଲୁଙ୍ଗି,ବେଡସିଟ, ପୋଷାକ କପଡ଼ା ଓ ଶାଢ଼ୀ କେବଳ ଓଡ଼ିଶାରେ କାହିଁକି ବାହାର ରାଜ୍ୟରେ ମଧ୍ୟ ବେଶ୍ ଆଦୃତ ହୋଇଛି। ରାଜ୍ୟ ସରକାରଙ୍କ ବୟନିକା ସଂସ୍ଥା ଏଠାରୁ ହସ୍ତତନ୍ତ ସାମଗ୍ରୀ କ୍ରୟ କରିଥାଏ। ଏଥିସହ ସମିତି ପକ୍ଷରୁ ଓଡ଼ିଶାର ବିଭିନ୍ନ ଜିଲ୍ଲାରେ ଏବଂ ବାହାର ରାଜ୍ୟରେ ପଡୁଥିବା ହସ୍ତତନ୍ତ ମେଳାରେ ନିଜର ଉତ୍ପାଦିତ ସାମଗ୍ରୀକୁ ବିକ୍ରୟ କରାଯାଉଥିବା ସଂପାଦକ ମାନସ ପୃଷ୍ଟି ସୂଚନା ଦେଇଛନ୍ତି। ତେବେ ଦୁଃଖ ଓ ପରିତାପର ବିଷୟ ଏକ ବର୍ଷ ହେବ ବୟସ୍କ ବୁଣାକାରମାନଙ୍କୁ ରାଜ୍ୟ ସରକାର ଦେଉଥିବା ମାସିକ ୨ ହଜାର ଟଙ୍କା ଭତ୍ତା ବନ୍ଦ କରିଛନ୍ତି। ଏହାକୁ ପୁନଃ ସରକାର ପ୍ରଦାନ କରିବାକୁ ସ୍ଥାନୀୟ ବୁଣାକାର ସରକାରଙ୍କ ଦୃଷ୍ଟି ଆକର୍ଷଣ କରିଛନ୍ତି।

ନୃସିଂହ ଚରଣ ବାରିକ

Local News Reporter କୁଜଙ୍ଗ, ଜଗତସିଂହପୁର, ଓଡ଼ିଶା•

5 hrs ago

ରଘୁନାଥପୁର ବ୍ଲକର ବୟନ ଗ୍ରାମରେ ୯୦ ପରିବାର ହସ୍ତତନ୍ତ ଉପରେ ନିର୍ଭରଶୀଳ ଜଗତସିଂହପୁର ଜିଲ୍ଲା ରଘୁନାଥପୁର ବ୍ଲକ ଛପଡା ପଞ୍ଚାୟତର ବୟନ ଗ୍ରାମରେ ଅବସ୍ଥିତ ଶ୍ରୀ ଶ୍ରୀ ପାର୍ବତୀ ତନ୍ତୁବାୟ ସହଯୋଗ ସମିତି। ୧୯୭୯ ମସିହା ଜାନୁଆରୀ ୫ ତାରିଖରେ ଏହା ପ୍ରତିଷ୍ଠା ହୋଇଥିଲା। ୯୦ ପରିବାର ଏହି ସମିତି ଉପରେ ନିର୍ଭରଶୀଳ। ବୟନ ଗ୍ରାମର ମହିଳାମାନେ ଏଠାରେ ତନ୍ତ୍ର କାମକରି ପରିବାର ପ୍ରତିପୋଷଣ କରିଥାନ୍ତି। ସୂତା କାଟିବା, ଲୁଗା ବୁଣିବା ଉପରେ ସମିତି ଏବଂ ବୟନିକା ପକ୍ଷରୁ କାର୍ଯ୍ୟରତ ମହିଳାଙ୍କୁ ପ୍ରଶିକ୍ଷଣ ଦିଆଯାଇଛି। ଘର କଥା ବୁଝି ପାର୍ଟ ଟାଇମ୍ କାମ କରି ଦିନକୁ ୨୦୦ ରୁ ୬୦୦ ଟଙ୍କା ଏମାନେ ରୋଜଗାର କରିଥାନ୍ତି ‌। ବୟନ ଗ୍ରାମରେ ପ୍ରସ୍ତୁତ ଗାମୁଛା, ଲୁଙ୍ଗି,ବେଡସିଟ, ପୋଷାକ କପଡ଼ା ଓ ଶାଢ଼ୀ କେବଳ ଓଡ଼ିଶାରେ କାହିଁକି ବାହାର ରାଜ୍ୟରେ ମଧ୍ୟ ବେଶ୍ ଆଦୃତ ହୋଇଛି। ରାଜ୍ୟ ସରକାରଙ୍କ ବୟନିକା ସଂସ୍ଥା ଏଠାରୁ ହସ୍ତତନ୍ତ ସାମଗ୍ରୀ କ୍ରୟ କରିଥାଏ। ଏଥିସହ ସମିତି ପକ୍ଷରୁ ଓଡ଼ିଶାର ବିଭିନ୍ନ ଜିଲ୍ଲାରେ ଏବଂ ବାହାର ରାଜ୍ୟରେ ପଡୁଥିବା ହସ୍ତତନ୍ତ ମେଳାରେ ନିଜର ଉତ୍ପାଦିତ ସାମଗ୍ରୀକୁ ବିକ୍ରୟ କରାଯାଉଥିବା ସଂପାଦକ ମାନସ ପୃଷ୍ଟି ସୂଚନା ଦେଇଛନ୍ତି। ତେବେ ଦୁଃଖ ଓ ପରିତାପର ବିଷୟ ଏକ ବର୍ଷ ହେବ ବୟସ୍କ ବୁଣାକାରମାନଙ୍କୁ ରାଜ୍ୟ ସରକାର ଦେଉଥିବା ମାସିକ ୨ ହଜାର ଟଙ୍କା ଭତ୍ତା ବନ୍ଦ କରିଛନ୍ତି। ଏହାକୁ ପୁନଃ ସରକାର ପ୍ରଦାନ କରିବାକୁ ସ୍ଥାନୀୟ ବୁଣାକାର ସରକାରଙ୍କ ଦୃଷ୍ଟି ଆକର୍ଷଣ କରିଛନ୍ତି।