ଏଠି ଗୁମ୍ଫା ଭିତରେ ପୂଜା ପାଆନ୍ତି ମା ସମଲେଶ୍ୱରୀ ... ଏଠି ବୀର ସୁରେନ୍ଦ୍ର ସାଏ ବ୍ରିଟିଶ ମାନଙ୍କ ବିରୋଧରେ କରୁଥିଲେ ଯୁଦ୍ଧ କୌଶଳ ପ୍ରସ୍ତୁତ। ଆଜି କିନ୍ତୁ ଏହି ଐତିହାସିକ ବାରବଖରା ତୀର୍ଥସ୍ଥଳୀ ଅବହେଳିତ। ବରଗଡ଼ ଜିଲ୍ଲା ଡେବ୍ରିଗଡ଼ ଅଭୟାରଣ୍ୟ ତଥା ଅମ୍ବାଭୋନା ବ୍ଲକ କର୍ଲା ଗାଁ ନିକଟରେ ରହିଛି ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ବାରବଖରା ଜଳପ୍ରପାତ । ବର୍ଷକୁ ଆଠ ମାସ ଏହି ଜଳପ୍ରପାତକୁ ଦେଶ ଓ ରାଜ୍ୟର ବିଭିନ୍ନ ଅଞ୍ଚଳରୁ ହଜାରହଜାର ପର୍ଯ୍ୟଟକ, ଦର୍ଶକଙ୍କ ଭିଡ଼ ଲାଗି ରହେ । ବ୍ୟସ୍ତବହୁଳ ଜୀବନରୁ ସମୟ ବାହାର ମନକୁ ଶାନ୍ତ କରିବା ପାଇଁ ଶିଶୁଠାରୁ ଆରମ୍ଭ କରି ବରିଷ୍ଠ ନାଗରିକ ଯାଏ ସଭିଏଁ ଅତି ସହଜରେ ବାରବଖରା ତୀର୍ଥସ୍ଥଳୀ ପରିଦର୍ଶନ କରିଆସିଥାନ୍ତି । 2023 ମସିହାରେ ଡେବ୍ରିଗଡ଼ ଅଭୟାରଣ୍ୟ ତଟବର୍ତ୍ତୀ ଗାଁ ଲୋକଙ୍କ ଜୀବନ ଜୀବିକା ସହିତ ସେମାନଙ୍କ ଆର୍ଥିକ ବିକାଶ, ଅଭୟାରଣ୍ୟ ସୁରକ୍ଷା ଏବଂ ଐତିହାସିକ ବାରବଖରା ତୀର୍ଥସ୍ଥଳୀକୁ ବିଶ୍ବସ୍ତରୀୟ ମାନ୍ୟତା ପାଇଁ ନୂଆଁ ରୂପ ଢଙ୍ଗରେ ବିକାଶ କରିପା ପାଇଁ ହୀରାକୁଦ ବନ୍ୟପ୍ରାଣୀ ବିଭାଗ ପ୍ରୟାସ ଆରମ୍ଭ କରାଯାଇଥିଲା । ତାହା ଫାଇଲ ଭିତରେ ହଜିଯାଇଛି । ବିପଦଶୂନ୍ୟ ପାହାଡ଼ିଆ ରାସ୍ତା ଦେଇ ବାରବଖରା ଗୁମ୍ଫା ଓ ଜଳପ୍ରପାତକୁ ଯାତାୟତ କରିବା ପାଇଁ ପର୍ଯ୍ୟଟକ ଓ ଦର୍ଶକଙ୍କ ସ୍ବତନ୍ତ୍ର ଭାବେ ପାହାଡ଼ ଉପରେ ପାଦଚଳା ରାସ୍ତା ନିର୍ମାଣ ସହିତ ବାଡ଼ ଦିଆଯାଇଥିଲା ତାହା କେବେଠୁ ଭାଙ୍ଗିଗଲାଣି । ପର୍ଯ୍ୟଟକଙ୍କ ପାଇଁ ସ୍ବତନ୍ତ୍ର ଭାବେ ପାନୀୟଜଳ, ଟଏଲେଟ ଓ ଜଙ୍ଗଲକୁ ପ୍ଲାଷ୍ଟିକ, ପଲିଥିନ ମୁକ୍ତ କରିବା ପାଇଁ ହୀରାକୁଦ ବନ୍ୟପ୍ରାଣୀ ବିଭାଗ ଯେଉଁ ପ୍ରତିଶ୍ରୁତି ଦେଇଥିଲା ତାହା ସବୁ କିଛି ଫେଲ ମାରିଛି । ଆଉ ଏବେ ଏହି ଐତିହାସିକ ବାରବଖରା ଗୁମ୍ଫା ଓ ଜଳପ୍ରପାତ ଅଞ୍ଚଳରେ ଜମୁଛି ନିଶାଶକ୍ତ ଅସାମାଜିକ ଯୁବକଙ୍କ ଭିଡ଼ । ଯାହାକୁ ନେଇ ପର୍ଯ୍ୟଟକ, ଦର୍ଶକଙ୍କ ମଧ୍ୟରେ ଦେଖାଦେଇଛି ଅସନ୍ତୋଷ ।

Bargarh TV

Local News Reporter ବରଗଡ଼, ବରଗଡ଼, ଓଡ଼ିଶା•

1 hr ago

ଏଠି ଗୁମ୍ଫା ଭିତରେ ପୂଜା ପାଆନ୍ତି ମା ସମଲେଶ୍ୱରୀ ... ଏଠି ବୀର ସୁରେନ୍ଦ୍ର ସାଏ ବ୍ରିଟିଶ ମାନଙ୍କ ବିରୋଧରେ କରୁଥିଲେ ଯୁଦ୍ଧ କୌଶଳ ପ୍ରସ୍ତୁତ। ଆଜି କିନ୍ତୁ ଏହି ଐତିହାସିକ ବାରବଖରା ତୀର୍ଥସ୍ଥଳୀ ଅବହେଳିତ। ବରଗଡ଼ ଜିଲ୍ଲା ଡେବ୍ରିଗଡ଼ ଅଭୟାରଣ୍ୟ ତଥା ଅମ୍ବାଭୋନା ବ୍ଲକ କର୍ଲା ଗାଁ ନିକଟରେ ରହିଛି ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ବାରବଖରା ଜଳପ୍ରପାତ । ବର୍ଷକୁ ଆଠ ମାସ ଏହି ଜଳପ୍ରପାତକୁ ଦେଶ ଓ ରାଜ୍ୟର ବିଭିନ୍ନ ଅଞ୍ଚଳରୁ ହଜାରହଜାର ପର୍ଯ୍ୟଟକ, ଦର୍ଶକଙ୍କ ଭିଡ଼ ଲାଗି ରହେ । ବ୍ୟସ୍ତବହୁଳ ଜୀବନରୁ ସମୟ ବାହାର ମନକୁ ଶାନ୍ତ କରିବା ପାଇଁ ଶିଶୁଠାରୁ ଆରମ୍ଭ କରି ବରିଷ୍ଠ ନାଗରିକ ଯାଏ ସଭିଏଁ ଅତି ସହଜରେ ବାରବଖରା ତୀର୍ଥସ୍ଥଳୀ ପରିଦର୍ଶନ କରିଆସିଥାନ୍ତି । 2023 ମସିହାରେ ଡେବ୍ରିଗଡ଼ ଅଭୟାରଣ୍ୟ ତଟବର୍ତ୍ତୀ ଗାଁ ଲୋକଙ୍କ ଜୀବନ ଜୀବିକା ସହିତ ସେମାନଙ୍କ ଆର୍ଥିକ ବିକାଶ, ଅଭୟାରଣ୍ୟ ସୁରକ୍ଷା ଏବଂ ଐତିହାସିକ ବାରବଖରା ତୀର୍ଥସ୍ଥଳୀକୁ ବିଶ୍ବସ୍ତରୀୟ ମାନ୍ୟତା ପାଇଁ ନୂଆଁ ରୂପ ଢଙ୍ଗରେ ବିକାଶ କରିପା ପାଇଁ ହୀରାକୁଦ ବନ୍ୟପ୍ରାଣୀ ବିଭାଗ ପ୍ରୟାସ ଆରମ୍ଭ କରାଯାଇଥିଲା । ତାହା ଫାଇଲ ଭିତରେ ହଜିଯାଇଛି । ବିପଦଶୂନ୍ୟ ପାହାଡ଼ିଆ ରାସ୍ତା ଦେଇ ବାରବଖରା ଗୁମ୍ଫା ଓ ଜଳପ୍ରପାତକୁ ଯାତାୟତ କରିବା ପାଇଁ ପର୍ଯ୍ୟଟକ ଓ ଦର୍ଶକଙ୍କ ସ୍ବତନ୍ତ୍ର ଭାବେ ପାହାଡ଼ ଉପରେ ପାଦଚଳା ରାସ୍ତା ନିର୍ମାଣ ସହିତ ବାଡ଼ ଦିଆଯାଇଥିଲା ତାହା କେବେଠୁ ଭାଙ୍ଗିଗଲାଣି । ପର୍ଯ୍ୟଟକଙ୍କ ପାଇଁ ସ୍ବତନ୍ତ୍ର ଭାବେ ପାନୀୟଜଳ, ଟଏଲେଟ ଓ ଜଙ୍ଗଲକୁ ପ୍ଲାଷ୍ଟିକ, ପଲିଥିନ ମୁକ୍ତ କରିବା ପାଇଁ ହୀରାକୁଦ ବନ୍ୟପ୍ରାଣୀ ବିଭାଗ ଯେଉଁ ପ୍ରତିଶ୍ରୁତି ଦେଇଥିଲା ତାହା ସବୁ କିଛି ଫେଲ ମାରିଛି । ଆଉ ଏବେ ଏହି ଐତିହାସିକ ବାରବଖରା ଗୁମ୍ଫା ଓ ଜଳପ୍ରପାତ ଅଞ୍ଚଳରେ ଜମୁଛି ନିଶାଶକ୍ତ ଅସାମାଜିକ ଯୁବକଙ୍କ ଭିଡ଼ । ଯାହାକୁ ନେଇ ପର୍ଯ୍ୟଟକ, ଦର୍ଶକଙ୍କ ମଧ୍ୟରେ ଦେଖାଦେଇଛି ଅସନ୍ତୋଷ ।