आज बुलढाणा जिल्हाधिकारी कार्यालयातील जिजाऊ सभागृह येथे राज्याचे मदत व पुनर्वसन मंत्री तथा जिल्ह्याचे पालकमंत्री मकरंद जाधव पाटील यांच्या अध्यक्षतेखाली जिल्हा नियोजन समितीची बैठक आयोजित करण्यात आली होती. पालकमंत्री जाधव पाटील यांनी दृकश्राव्य माध्यमातून बैठकीला मार्गदर्शन केले. या बैठकीत राज्याचे वस्त्रोद्योग मंत्री तथा सहपालकमंत्री संजय सावकारे, केंद्रीय आयुष राज्यमंत्री प्रतापराव जाधव, कामगार मंत्री ॲड. आकाश फुंडकर यांच्यासह आमदार किरण सरनाईक, चैनसुख संचेती, संजय गायकवाड, श्वेता महाले, सिद्धार्थ खरात, मनोज कायंदे हे देखील दृकश्राव्य माध्यमातून सहभागी झाले होते. बैठकीस जिल्हाधिकारी डॉ. प्रवीण कुमार देवरे, जिल्हा परिषदेचे मुख्य कार्यकारी अधिकारी गुलाबराव खरात, पोलीस अधीक्षक निलेश तांबे, उपवनसंरक्षक जमीर शेख, जिल्हा नियोजन अधिकारी राहुल पवार आणि निवासी उपजिल्हाधिकारी सुरेश कव्हळे यांच्यासह विविध विभागांचे प्रमुख उपस्थित होते. यावेळी जिल्हा वार्षिक योजना (सर्वसाधारण) सन २०२६-२७ चा सविस्तर आढावा घेण्यात आला. या योजनेंतर्गत जिल्ह्यासाठी ५३३ कोटी रुपयांचा मंजूर नियतव्यय असून, शासनाकडून ६० टक्के निधी प्राप्त झाला असल्याची माहिती बैठकीत देण्यात आली. सर्वसाधारण योजनेतील गाभा क्षेत्रासाठी ३५७.२८ कोटी रुपयांची तरतूद करण्यात आली असून, त्यापैकी २१४.३७ कोटी रुपयांचा निधी मिळाला आहे. तसेच, सामाजिक व सामूहिक सेवेसाठी २०९.५१ कोटी रुपये, कृषी व संलग्न सेवा क्षेत्रासाठी ५३.३५ कोटी, ग्रामीण विकासासाठी २७.२० कोटी, पाटबंधारे व पूरनियंत्रणासाठी ३२.२२ कोटी आणि ऊर्जा विकासासाठी ३५ कोटी रुपयांची तरतूद करण्यात आली आहे. याव्यतिरिक्त, जिल्हा वार्षिक योजना (आदिवासी घटक कार्यक्रम) सन २०२६-२७ चा आढावा देखील घेण्यात आला. या योजनेसाठी २०.७८ कोटी रुपयांचा मंजूर नियतव्यय असून, त्यापैकी १२.४७ कोटी रुपयांचा निधी प्राप्त झाला आहे. यामध्ये कृषी व संलग्न सेवा, सामाजिक व सामूहिक सेवा, पाटबंधारे व पूरनियंत्रण, परिवहन आणि नाविन्यपूर्ण योजना या क्षेत्रांमध्ये विकासकामे हाती घेण्यात येणार असल्याचे सांगितले गेले. तसेच अनुसूचित जाती उपयोजना सन २०२६-२७ अंतर्गत ९९ कोटी रुपयांचा मंजूर नियतव्यय असून, त्यापैकी ५९.४० कोटी रुपयांचा निधी प्राप्त झाला आहे. कृषी व संलग्न सेवा, सामाजिक व सामुदायिक सेवा, उद्योग व खाणकाम तसेच नाविन्यपूर्ण योजना या क्षेत्रांतील कामांना प्राधान्य देण्याचे निर्देश देण्यात आले. पालकमंत्री मकरंद जाधव पाटील यांनी जिल्हा परिषदेच्या सर्व विभागांच्या कामांचा सविस्तर आढावा घेण्याचे निर्देश दिले. जिल्हा वार्षिक योजना, जल जीवन मिशन तसेच मुख्यमंत्री बळीराजा पाणंद रस्ते योजना अंतर्गत सुरू असलेल्या कामांची स्थिती जाणून घेत त्यांनी कामे दर्जेदार व वेळेत पूर्ण करण्याच्या सूचना दिल्या. नाला खोलीकरणाच्या कामांना अधिक वेगाने गती देण्याचे निर्देश देत, आवश्यक निधी लवकरच उपलब्ध करून देण्यात येईल, असे त्यांनी स्पष्ट केले. सन २०२६-२७ या आर्थिक वर्षात ज्या गावांमध्ये स्मशानभूमी नाही, त्या गावांमध्ये स्मशानभूमीची कामे प्राधान्याने घेण्याचे निर्देशही पालकमंत्र्यांनी दिले. या बैठकीत ‘क’ वर्ग दर्जाच्या तीन तीर्थक्षेत्रांचे प्रस्ताव प्राप्त झाल्याची माहिती देण्यात आली. यामध्ये बुलढाणा तालुक्यातील रुईखेड टेकाळे येथील दत्त महानुभाव समाजसेवा मंडळ, मेहकर तालुक्यातील शेंदला येथील संत गजानन महाराज संस्थान आणि खामगाव तालुक्यातील घाटपुरी येथील सद्गुरु श्रीधर महाराज चॅरिटेबल ट्रस्ट यांच्या प्रस्तावांचा समावेश आहे. iPAS प्रणालीचा १०० टक्के वापर यंत्रणेने करावा, विहीत मुदतीत प्रशासकीय मान्यता प्राप्त करून घ्यावी, तसेच विकास कामांच्या अंमलबजावणीत गुणवत्ता, पारदर्शकता आणि वेळेचे नियोजन यांना प्राधान्य देऊन नागरिकांना अधिकाधिक सुविधा उपलब्ध करून देण्याचे आवाहन पालकमंत्री मकरंद जाधव पाटील यांनी यावेळी केले.

सागर वानखेडे sagar wankhede

Teacher मोताळा, बुलढाणा, महाराष्ट्र•

1 hr ago

आज बुलढाणा जिल्हाधिकारी कार्यालयातील जिजाऊ सभागृह येथे राज्याचे मदत व पुनर्वसन मंत्री तथा जिल्ह्याचे पालकमंत्री मकरंद जाधव पाटील यांच्या अध्यक्षतेखाली जिल्हा नियोजन समितीची बैठक आयोजित करण्यात आली होती. पालकमंत्री जाधव पाटील यांनी दृकश्राव्य माध्यमातून बैठकीला मार्गदर्शन केले. या बैठकीत राज्याचे वस्त्रोद्योग मंत्री तथा सहपालकमंत्री संजय सावकारे, केंद्रीय आयुष राज्यमंत्री प्रतापराव जाधव, कामगार मंत्री ॲड. आकाश फुंडकर यांच्यासह आमदार किरण सरनाईक, चैनसुख संचेती, संजय गायकवाड, श्वेता महाले, सिद्धार्थ खरात, मनोज कायंदे हे देखील दृकश्राव्य माध्यमातून सहभागी झाले होते. बैठकीस जिल्हाधिकारी डॉ. प्रवीण कुमार देवरे, जिल्हा परिषदेचे मुख्य कार्यकारी अधिकारी गुलाबराव खरात, पोलीस अधीक्षक निलेश तांबे, उपवनसंरक्षक जमीर शेख, जिल्हा नियोजन अधिकारी राहुल पवार आणि निवासी उपजिल्हाधिकारी सुरेश कव्हळे यांच्यासह विविध विभागांचे प्रमुख उपस्थित होते. यावेळी जिल्हा वार्षिक योजना (सर्वसाधारण) सन २०२६-२७ चा सविस्तर आढावा घेण्यात आला. या योजनेंतर्गत जिल्ह्यासाठी ५३३ कोटी रुपयांचा मंजूर नियतव्यय असून, शासनाकडून ६० टक्के निधी प्राप्त झाला असल्याची माहिती बैठकीत देण्यात आली. सर्वसाधारण योजनेतील गाभा क्षेत्रासाठी ३५७.२८ कोटी रुपयांची तरतूद करण्यात आली असून, त्यापैकी २१४.३७ कोटी रुपयांचा निधी मिळाला आहे. तसेच, सामाजिक व सामूहिक सेवेसाठी २०९.५१ कोटी रुपये, कृषी व संलग्न सेवा क्षेत्रासाठी ५३.३५ कोटी, ग्रामीण विकासासाठी २७.२० कोटी, पाटबंधारे व पूरनियंत्रणासाठी ३२.२२ कोटी आणि ऊर्जा विकासासाठी ३५ कोटी रुपयांची तरतूद करण्यात आली आहे. याव्यतिरिक्त, जिल्हा वार्षिक योजना (आदिवासी घटक कार्यक्रम) सन २०२६-२७ चा आढावा देखील घेण्यात आला. या योजनेसाठी २०.७८ कोटी रुपयांचा मंजूर नियतव्यय असून, त्यापैकी १२.४७ कोटी रुपयांचा निधी प्राप्त झाला आहे. यामध्ये कृषी व संलग्न सेवा, सामाजिक व सामूहिक सेवा, पाटबंधारे व पूरनियंत्रण, परिवहन आणि नाविन्यपूर्ण योजना या क्षेत्रांमध्ये विकासकामे हाती घेण्यात येणार असल्याचे सांगितले गेले. तसेच अनुसूचित जाती उपयोजना सन २०२६-२७ अंतर्गत ९९ कोटी रुपयांचा मंजूर नियतव्यय असून, त्यापैकी ५९.४० कोटी रुपयांचा निधी प्राप्त झाला आहे. कृषी व संलग्न सेवा, सामाजिक व सामुदायिक सेवा, उद्योग व खाणकाम तसेच नाविन्यपूर्ण योजना या क्षेत्रांतील कामांना प्राधान्य देण्याचे निर्देश देण्यात आले. पालकमंत्री मकरंद जाधव पाटील यांनी जिल्हा परिषदेच्या सर्व विभागांच्या कामांचा सविस्तर आढावा घेण्याचे निर्देश दिले. जिल्हा वार्षिक योजना, जल जीवन मिशन तसेच मुख्यमंत्री बळीराजा पाणंद रस्ते योजना अंतर्गत सुरू असलेल्या कामांची स्थिती जाणून घेत त्यांनी कामे दर्जेदार व वेळेत पूर्ण करण्याच्या सूचना दिल्या. नाला खोलीकरणाच्या कामांना अधिक वेगाने गती देण्याचे निर्देश देत, आवश्यक निधी लवकरच उपलब्ध करून देण्यात येईल, असे त्यांनी स्पष्ट केले. सन २०२६-२७ या आर्थिक वर्षात ज्या गावांमध्ये स्मशानभूमी नाही, त्या गावांमध्ये स्मशानभूमीची कामे प्राधान्याने घेण्याचे निर्देशही पालकमंत्र्यांनी दिले. या बैठकीत ‘क’ वर्ग दर्जाच्या तीन तीर्थक्षेत्रांचे प्रस्ताव प्राप्त झाल्याची माहिती देण्यात आली. यामध्ये बुलढाणा तालुक्यातील रुईखेड टेकाळे येथील दत्त महानुभाव समाजसेवा मंडळ, मेहकर तालुक्यातील शेंदला येथील संत गजानन महाराज संस्थान आणि खामगाव तालुक्यातील घाटपुरी येथील सद्गुरु श्रीधर महाराज चॅरिटेबल ट्रस्ट यांच्या प्रस्तावांचा समावेश आहे. iPAS प्रणालीचा १०० टक्के वापर यंत्रणेने करावा, विहीत मुदतीत प्रशासकीय मान्यता प्राप्त करून घ्यावी, तसेच विकास कामांच्या अंमलबजावणीत गुणवत्ता, पारदर्शकता आणि वेळेचे नियोजन यांना प्राधान्य देऊन नागरिकांना अधिकाधिक सुविधा उपलब्ध करून देण्याचे आवाहन पालकमंत्री मकरंद जाधव पाटील यांनी यावेळी केले.