मंठा तालुक्यातील काही शाळा आणि महाविद्यालयांकडून विद्यार्थ्यांकडून टीसी (ट्रान्सफर सर्टिफिकेट), मार्कशीट तसेच शालेय प्रवेश प्रक्रियेसाठी बेकायदेशीरपणे शुल्क आकारले जात असल्याचा गंभीर आरोप भाजप विद्यार्थी आघाडीने केला आहे. यासंदर्भात, भाजप विद्यार्थी आघाडीचे तालुकाध्यक्ष विवेक खराबे यांच्या नेतृत्वाखाली सोमवारी (२२ जून) तहसीलदार मंठा यांना निवेदन सादर करण्यात आले. निवेदनात स्पष्टपणे नमूद करण्यात आले आहे की, शासनाच्या नियमांनुसार विद्यार्थ्यांना टीसी आणि मार्कशीट देणे बंधनकारक असतानाही, काही शैक्षणिक संस्था विविध कारणे देत विद्यार्थ्यांकडून अतिरिक्त रकमेची मागणी करत आहेत. याशिवाय, शालेय प्रवेशावेळीही अवाजवी आणि अनधिकृत शुल्क आकारले जात असल्याने पालक व विद्यार्थ्यांमध्ये तीव्र नाराजीचे वातावरण आहे. भाजप विद्यार्थी आघाडीने प्रशासनाकडे या प्रकरणाची सखोल चौकशी करून दोषी शाळा व महाविद्यालयांवर त्वरित कारवाई करण्याची, विद्यार्थ्यांची आर्थिक पिळवणूक तात्काळ थांबवण्याची आणि तालुक्यातील सर्व शैक्षणिक संस्थांना यासंदर्भात स्पष्ट सूचना देण्याची मागणी केली आहे. जर या मागण्यांकडे दुर्लक्ष केले गेले, तर विद्यार्थ्यांच्या हितासाठी तीव्र आंदोलन उभारण्याचा इशाराही या निवेदनाद्वारे देण्यात आला आहे.

Sandip Gaikwad

Accountant मंठा, जालना, महाराष्ट्र•

1 hr ago

मंठा तालुक्यातील काही शाळा आणि महाविद्यालयांकडून विद्यार्थ्यांकडून टीसी (ट्रान्सफर सर्टिफिकेट), मार्कशीट तसेच शालेय प्रवेश प्रक्रियेसाठी बेकायदेशीरपणे शुल्क आकारले जात असल्याचा गंभीर आरोप भाजप विद्यार्थी आघाडीने केला आहे. यासंदर्भात, भाजप विद्यार्थी आघाडीचे तालुकाध्यक्ष विवेक खराबे यांच्या नेतृत्वाखाली सोमवारी (२२ जून) तहसीलदार मंठा यांना निवेदन सादर करण्यात आले. निवेदनात स्पष्टपणे नमूद करण्यात आले आहे की, शासनाच्या नियमांनुसार विद्यार्थ्यांना टीसी आणि मार्कशीट देणे बंधनकारक असतानाही, काही शैक्षणिक संस्था विविध कारणे देत विद्यार्थ्यांकडून अतिरिक्त रकमेची मागणी करत आहेत. याशिवाय, शालेय प्रवेशावेळीही अवाजवी आणि अनधिकृत शुल्क आकारले जात असल्याने पालक व विद्यार्थ्यांमध्ये तीव्र नाराजीचे वातावरण आहे. भाजप विद्यार्थी आघाडीने प्रशासनाकडे या प्रकरणाची सखोल चौकशी करून दोषी शाळा व महाविद्यालयांवर त्वरित कारवाई करण्याची, विद्यार्थ्यांची आर्थिक पिळवणूक तात्काळ थांबवण्याची आणि तालुक्यातील सर्व शैक्षणिक संस्थांना यासंदर्भात स्पष्ट सूचना देण्याची मागणी केली आहे. जर या मागण्यांकडे दुर्लक्ष केले गेले, तर विद्यार्थ्यांच्या हितासाठी तीव्र आंदोलन उभारण्याचा इशाराही या निवेदनाद्वारे देण्यात आला आहे.