વાવના માવસરી ગૌશાળા વિવાદે લીધો રાજકીય રંગ: ₹1.24 કરોડના હિસાબમાં ગોટાળોનો આક્ષેપ, ₹71 લાખ પરત જમા કરાવવાની ચર્ચા ઠાકોર સમાજના આગેવાનો અને ગૌશાળા પૂજારી વચ્ચે બેઠક બાદ ખુલાસા; ભાજપના પૂર્વ તાલુકા પ્રમુખ પ્રકાશ વ્યાસ પર ગંભીર આક્ષેપ, જિલ્લામાં ચર્ચા ગરમાઈ વાવ-થરાદ તાલુકાના માવસરી ગામે આવેલી ગૌશાળાના વહીવટ અને નાણાકીય હિસાબને લઈને મોટો વિવાદ સામે આવ્યો છે. ગૌશાળાના હિસાબમાં ગોટાળો થયાના આક્ષેપો વચ્ચે સમગ્ર મામલે રાજકીય ગરમાવો જોવા મળી રહ્યો છે. ગઈકાલે કોંગ્રેસના નેતા ઠાકરસી રબારીએ ગૌશાળાના નાણાંમાં ઉચાપત થયાના ગંભીર આક્ષેપ કર્યા હતા. આ મુદ્દે આજે માવસરી ગામે ગૌશાળામાં ઠાકોર સમાજના આગેવાનો, ગૌશાળાના સંચાલકો અને ધાર્મિક સ્થળના પૂજારી વચ્ચે બેઠક યોજાઈ હતી. માવસરીમાં આવેલી ગૌશાળા લખીરામ બાપુના ધાર્મિક સ્થળના નેજા હેઠળ સંચાલિત થાય છે, જેને ઠાકોર સમાજની ધાર્મિક આસ્થાથી પણ જોડાયેલી માનવામાં આવે છે. બેઠક દરમિયાન ગૌશાળાના હિસાબ અંગે ચર્ચા થઈ અને તેમાં વાવ તાલુકા ભાજપના પૂર્વ પ્રમુખ તથા માવસરી ગામના સરપંચપતિ પ્રકાશ વ્યાસ પર ગંભીર આક્ષેપો કરવામાં આવ્યા. માહિતી મુજબ ગૌશાળાના અંદાજે ₹1.24 કરોડના હિસાબમાં ગોટાળો થયો હોવાની ચર્ચા છે. જેમાંથી લગભગ ₹71 લાખની રકમ બે હપ્તામાં પરત જમા કરાવવાની વાત પણ સામે આવી હોવાનું જણાવાયું છે. આક્ષેપો મુજબ ગૌશાળાના નાણાંનો ઉપયોગ એગ્રો, પેટ્રોલ પંપ, રેડીમેડ ગાર્મેન્ટ્સ સહિતના બિઝનેસમાં ખર્ચ બતાવવામાં આવ્યો હોવાનો આરોપ પણ લાગ્યો છે. બીજી તરફ ગૌ પોષણ યોજના હેઠળ 2023થી અત્યાર સુધીમાં માવસરી ગૌશાળાને અંદાજે ₹97 લાખથી વધુની સહાય મળ્યાનું કહેવામાં આવે છે, જ્યારે ગૌશાળાના સંચાલકોના જણાવ્યા મુજબ ગૌશાળાને વાસ્તવમાં માત્ર ₹8 થી ₹10 લાખ જેટલી રકમ જ મળી હોવાનું જણાવાયું છે. આ સમગ્ર મામલે બનાસકાંઠા જિલ્લા ગૌસંસદ રામભાઈનું નિવેદન પણ સામે આવ્યું છે. તેમણે જણાવ્યું હતું કે ગૌશાળાના હિસાબ અંગે ગામલોકોમાં છેલ્લા કેટલાક દિવસથી વિવાદ ચાલી રહ્યો છે અને આ મુદ્દે તાત્કાલિક પારદર્શક તપાસ કરીને નિરાકરણ લાવવું જરૂરી છે. ગૌશાળાના નાણાં અંગેનો વિવાદ સમગ્ર જિલ્લાની ગૌશાળાઓ અને ગૌ પોષણ યોજનાની વિશ્વસનીયતા પર પણ અસર કરી શકે તેવી સ્થિતિ ઉભી થઈ છે. હાલ સમગ્ર મામલે ગામલોકો, ટ્રસ્ટીઓ અને સંચાલકો વચ્ચે ચર્ચા ચાલી રહી છે અને આક્ષેપોની સત્યતા અંગે તપાસ પછી જ સમગ્ર ચિત્ર સ્પષ્ટ થશે.

Vaghela Janak

Media house થરાદ, બનાસકાંઠા, ગુજરાત•

7 hrs ago

વાવના માવસરી ગૌશાળા વિવાદે લીધો રાજકીય રંગ: ₹1.24 કરોડના હિસાબમાં ગોટાળોનો આક્ષેપ, ₹71 લાખ પરત જમા કરાવવાની ચર્ચા ઠાકોર સમાજના આગેવાનો અને ગૌશાળા પૂજારી વચ્ચે બેઠક બાદ ખુલાસા; ભાજપના પૂર્વ તાલુકા પ્રમુખ પ્રકાશ વ્યાસ પર ગંભીર આક્ષેપ, જિલ્લામાં ચર્ચા ગરમાઈ વાવ-થરાદ તાલુકાના માવસરી ગામે આવેલી ગૌશાળાના વહીવટ અને નાણાકીય હિસાબને લઈને મોટો વિવાદ સામે આવ્યો છે. ગૌશાળાના હિસાબમાં ગોટાળો થયાના આક્ષેપો વચ્ચે સમગ્ર મામલે રાજકીય ગરમાવો જોવા મળી રહ્યો છે. ગઈકાલે કોંગ્રેસના નેતા ઠાકરસી રબારીએ ગૌશાળાના નાણાંમાં ઉચાપત થયાના ગંભીર આક્ષેપ કર્યા હતા. આ મુદ્દે આજે માવસરી ગામે ગૌશાળામાં ઠાકોર સમાજના આગેવાનો, ગૌશાળાના સંચાલકો અને ધાર્મિક સ્થળના પૂજારી વચ્ચે બેઠક યોજાઈ હતી. માવસરીમાં આવેલી ગૌશાળા લખીરામ બાપુના ધાર્મિક

સ્થળના નેજા હેઠળ સંચાલિત થાય છે, જેને ઠાકોર સમાજની ધાર્મિક આસ્થાથી પણ જોડાયેલી માનવામાં આવે છે. બેઠક દરમિયાન ગૌશાળાના હિસાબ અંગે ચર્ચા થઈ અને તેમાં વાવ તાલુકા ભાજપના પૂર્વ પ્રમુખ તથા માવસરી ગામના સરપંચપતિ પ્રકાશ વ્યાસ પર ગંભીર આક્ષેપો કરવામાં આવ્યા. માહિતી મુજબ ગૌશાળાના અંદાજે ₹1.24 કરોડના હિસાબમાં ગોટાળો થયો હોવાની ચર્ચા છે. જેમાંથી લગભગ ₹71 લાખની રકમ બે હપ્તામાં પરત જમા કરાવવાની વાત પણ સામે આવી હોવાનું જણાવાયું છે. આક્ષેપો મુજબ ગૌશાળાના નાણાંનો ઉપયોગ એગ્રો, પેટ્રોલ પંપ, રેડીમેડ ગાર્મેન્ટ્સ સહિતના બિઝનેસમાં ખર્ચ બતાવવામાં આવ્યો હોવાનો આરોપ પણ લાગ્યો છે. બીજી તરફ ગૌ પોષણ યોજના હેઠળ 2023થી અત્યાર સુધીમાં માવસરી ગૌશાળાને અંદાજે ₹97 લાખથી વધુની સહાય મળ્યાનું

કહેવામાં આવે છે, જ્યારે ગૌશાળાના સંચાલકોના જણાવ્યા મુજબ ગૌશાળાને વાસ્તવમાં માત્ર ₹8 થી ₹10 લાખ જેટલી રકમ જ મળી હોવાનું જણાવાયું છે. આ સમગ્ર મામલે બનાસકાંઠા જિલ્લા ગૌસંસદ રામભાઈનું નિવેદન પણ સામે આવ્યું છે. તેમણે જણાવ્યું હતું કે ગૌશાળાના હિસાબ અંગે ગામલોકોમાં છેલ્લા કેટલાક દિવસથી વિવાદ ચાલી રહ્યો છે અને આ મુદ્દે તાત્કાલિક પારદર્શક તપાસ કરીને નિરાકરણ લાવવું જરૂરી છે. ગૌશાળાના નાણાં અંગેનો વિવાદ સમગ્ર જિલ્લાની ગૌશાળાઓ અને ગૌ પોષણ યોજનાની વિશ્વસનીયતા પર પણ અસર કરી શકે તેવી સ્થિતિ ઉભી થઈ છે. હાલ સમગ્ર મામલે ગામલોકો, ટ્રસ્ટીઓ અને સંચાલકો વચ્ચે ચર્ચા ચાલી રહી છે અને આક્ષેપોની સત્યતા અંગે તપાસ પછી જ સમગ્ર ચિત્ર સ્પષ્ટ થશે.