పరిగి పోలీసులకు తీన్మార్ మల్లన్న వార్నింగ్.............. టీఆర్పీ సోషల్ మీడియా వారియర్స్ పై బైండోవర్ చేయడాలు లాంటివి బంద్ చెయ్యాలే మిమ్మల్ని ఏ రెడ్డి అందుకోలేడు💯

పరిగి పోలీసులకు తీన్మార్ మల్లన్న వార్నింగ్.............. టీఆర్పీ సోషల్ మీడియా వారియర్స్ పై బైండోవర్ చేయడాలు లాంటివి బంద్ చెయ్యాలే మిమ్మల్ని ఏ రెడ్డి అందుకోలేడు💯

గణేష్ నిమజ్జన వేడుకల సందర్భంగా తల్లిదండ్రులు చిన్నారుల భద్రతపై ప్రత్యేక శ్రద్ధ చూపాల : ఎస్ఐ సృజన గణేష్ నిమజ్జన వేడుకల సందర్భంగా తల్లిదండ్రులు చిన్నారుల భద్రతపై ప్రత్యేక శ్రద్ధ చూపాలని ఎస్ఐ సృజన సూచించారు. రద్దీ ప్రాంతాల్లో పిల్లలు తప్పిపోకుండా వారిని నిరంతరం గమనిస్తూ ఉండాలని తెలిపారు. చెరువులు, కుంటలు, వాగులు, నదుల వద్దకు చిన్నారులను ఒంటరిగా పంపవద్దని సూచించారు. నిమజ్జనం ప్రశాంతంగా, ఎలాంటి అవాంఛనీయ ఘటనలు జరగకుండా ప్రజలు పోలీసులకు సహకరించాలని ఎస్ఐ కోరారు.

జిన్నారం మున్సిపల్ కేంద్రంలో ఘనంగా గణపతి హోమం కార్యక్రమం జిన్నారం మున్సిపల్ కేంద్రంలో నవరాత్రి ఉత్సవాలు ఘనంగా కొనసాగుతున్నాయి. ఉత్సవాల్లో భాగంగా మంగళవారం మరకత జీవనజ్యోతి లింగాలయం వద్ద తొమ్మిదో రోజు గణపతి హోమం కార్యక్రమాన్ని భక్తిశ్రద్ధలతో నిర్వహించారు. ఆలయానికి తరలివచ్చిన భక్తులు ప్రత్యేక పూజల్లో పాల్గొని స్వామివారిని దర్శించుకున్నారు. కార్యక్రమంలో ఆలయ నిర్వాహకులు, భక్తులు పాల్గొన్నారు.

వీధి కుక్కల బారి నుంచి కాపాడాలని కోరుతున్న పట్టణ ప్రజలు.. వీధి కుక్కలు స్వైర విహారం చేస్తూ ప్రజలను భయభ్రాంతులకు గురిచేస్తున్నాయని పట్టణ ప్రజలు ఆవేదన వ్యక్తం చేస్తున్నారు. వికారాబాద్ పట్టణంలోని ఏడో వార్డు గుడిపల్లి కాలనీలో కుక్కలు విపరీతంగా పెరిగిపోయి వెంటపడి కరిచేస్తున్నాయని కాలనీ ప్రజలు ఆవేదన వ్యక్తం చేస్తున్నారు. మున్సిపల్ అధికారులు ప్రజాప్రతినిధులు వెంటనే స్పందించి కుక్కలను నిర్మూలించి రక్షణ కల్పించాలని కోరుతున్నారు.

యెన్నేపల్లి–వికారాబాద్ మెయిన్ రోడ్డుపై ప్రత్యేక దృష్టి అవసరం. వర్షం పడితే రోడ్డు మీద నీళ్లు చేరడం కాదు… రోడ్డు ఎక్కడుంది, నది ఎక్కడుంది అని వెతుక్కోవాల్సిన పరిస్థితి! రోజూ ప్రజలు, విద్యార్థులు, ఉద్యోగులు, ద్విచక్ర వాహనదారులు ఈ రోడ్డుపై ఎన్నో ఇబ్బందులు పడుతున్నారు. చిన్న వర్షానికే రోడ్డు పరిస్థితి ప్రమాదకరంగా మారుతోంది. ప్రమాదాలు జరిగే అవకాశం కూడా ఎక్కువగా ఉంది. ఇదే రోడ్డుపై మన ప్రజాప్రతినిధులు, రాజకీయ నాయకులు కూడా ప్రయాణిస్తూనే ఉన్నారు. కానీ ఆశ్చర్యం ఏమిటంటే… రోడ్డు మాత్రం అందరికీ కనిపిస్తోంది, సమస్య మాత్రం ఎవరికీ కనిపించడం లేదు! రాజకీయ కార్యక్రమాలు ఎంత ముఖ్యమో, ప్రజల ప్రాణాలకు సంబంధించిన రోడ్లు, డ్రైనేజీ, మౌలిక వసతులు కూడా అంతే ముఖ్యం. ప్రజల కష్టాలు ఎన్నికల సమయంలో మాత్రమే కనిపించకుండా, వర్షం పడినప్పుడూ కనిపిస్తే బాగుంటుంది! సంబంధిత ప్రజాప్రతినిధులు, అధికారులు యెన్నేపల్లి–వికారాబాద్ రోడ్డును పరిశీలించి, శాశ్వతంగా డ్రైనేజీ మరియు రోడ్డు సమస్యను పరిష్కరించాలని కోరుతున్నాను. ప్రజలకు కావాల్సింది హామీలు కాదు… వర్షం వచ్చినా ప్రయాణించగలిగే రోడ్డు.

వికారాబాద్ మహావీర్ మెడికల్ కళాశాలలో ర్యాగింగ్: బాధ్యులపై చర్యలకు SFI, CPM డిమాండ్ వికారాబాద్:వికారాబాద్ జిల్లా కేంద్రంలోని మహావీర్ మెడికల్ కళాశాలలో ఎంబిబిఎస్ (MBBS) మొదటి సంవత్సరం చదువుతున్న మహారాష్ట్రకు చెందిన రోహన్ ఖాన్ అనే విద్యార్థిపై తోటి విద్యార్థులు ప్రాంతీయ విభేదాలతో ర్యాగింగ్, దాడికి పాల్పడటం పట్ల SFI, DYFI, CPM ప్రజా సంఘాలు తీవ్ర అభ్యంతరం వ్యక్తం చేశాయి.సహచరుల అవమానాలు, దాడులు భరించలేక రోహన్ ఖాన్ రాత్రికి రాత్రే మహారాష్ట్రకు వెళ్ళిపోగా, తాజాగా తన తల్లిదండ్రులు, బంధువులతో కలిసి తిరిగి కళాశాలకు వచ్చారు. ఈ సందర్భంగా విద్యార్థి కుటుంబ సభ్యులు, ప్రజాసంఘాల నాయకులు కళాశాల యాజమాన్యం మరియు పోలీసులను కలిసి, దాడికి పాల్పడిన వారిపై తక్షణమే కఠిన చర్యలు తీసుకోవాలని డిమాండ్ చేశారు. ప్రజాసంఘాల ప్రధాన డిమాండ్లు: అవగాహన సదస్సులు:కళాశాలలో చదువుతున్న 300 మందికి పైగా విద్యార్థులకు ర్యాగింగ్, దాడులు, దౌర్జన్యాలు, అలాగే గంజాయి, డ్రగ్స్ దుష్పరిణామాలపై నిరంతరం అవగాహన సదస్సులు నిర్వహించాలి. కఠిన పర్యవేక్షణ: విద్యార్థుల మధ్య ప్రాంతీయ తగాదాలను అరికట్టేందుకు, బాలికలు మరియు బాలుర హాస్టళ్లపై యాజమాన్యం, పోలీసులు నిరంతరం నిఘా ఉంచాలి. యాజమాన్య బాధ్యత: కళాశాల యాజమాన్యం నిర్లక్ష్యం వీడి విద్యార్థుల భద్రతకు పూర్తి పూచీకత్తు వహించాలని SFI జిల్లా ఉపాధ్యక్షులు తేజా బాయ్, CPM జిల్లా కార్యదర్శి ఆర్. మహిపాల్ డిమాండ్ చేశారు. چنین ఘటనలు పునరావృతం కాకుండా చూడాలని హెచ్చరించారు.

బంట్వారంలో ఇరువైపులా ముళ్ల పొదలతో వాహనదారులకు ఇబ్బందులు. బంట్వారం: మండల కేంద్రం నుంచి సల్బత్తాపూర్ గేట్ వరకు ఉన్న ప్రధాన రహదారికి ఇరువైపులా ముళ్ల చెట్లు, పొదలు విపరీతంగా పెరిగాయి. దీంతో రహదారి ఇరుకుగా మారి వాహనదారులు ఇబ్బందులు ఎదుర్కొంటున్నారు. ముఖ్యంగా రాత్రి వేళల్లో ద్విచక్ర వాహనదారులు ముళ్ల పొదల కారణంగా భయాందోళనకు గురవుతున్నారు. ఎదురుగా వచ్చే వాహనాలకు దారి ఇవ్వడంలోనూ ఇబ్బందులు తలెత్తుతున్నాయని స్థానికులు చెబుతున్నారు. సంబంధిత అధికారులు స్పందించి రహదారికి ఇరువైపులా పెరిగిన ముళ్ల పొదలను తొలగించి ప్రయాణికులకు ఇబ్బందులు లేకుండా చర్యలు తీసుకోవాలని వారు కోరుతున్నారు.

మనంతాయిపల్లి గ్రామపంచాయతీలో చేయూత పెన్షన్ల వెరిఫికేషన్ ప్రక్రియ కౌడిపల్లి మండలం మనంతాయిపల్లి గ్రామపంచాయతీలో మంగళవారం చేయూత పెన్షన్ల వెరిఫికేషన్ ప్రక్రియ నిర్వహించారు. ఎంపీడీవో శ్రీనివాస్ గ్రామపంచాయతీ పరిధిలోని లబ్ధిదారుల వివరాలు, అర్హతలను పరిశీలించారు. అనంతరం గ్రామస్తుల సమక్షంలో నూతన చేయూత పెన్షన్లకు అర్హులుగా గుర్తించిన వారి జాబితాను చదివి వినిపించారు. అర్హత ఉన్న ప్రతి ఒక్కరికీ పెన్షన్ అందేలా వివరాలను పరిశీలించినట్లు తెలిపారు. కార్యక్రమంలో సర్పంచ్ చెన్యా నాయక్, పంచాయతీ కార్యదర్శి, సిబ్బంది పాల్గొన్నారు.