संविधानाच्या रक्षणासाठी आणि काँग्रेसला सत्तेत आणण्यासाठी ५९ जातींनी एकत्र येण्याचे आवाहन करत, लातूर जिल्हा काँग्रेस कमिटी अनुसूचित जाती विभाग आणि लातूर शहर जिल्हा काँग्रेस कमिटी अनुसूचित जाती विभाग यांची संयुक्त व महत्त्वपूर्ण बैठक रविवार, २१ जून रोजी काँग्रेस भवन, लातूर येथे उत्साहात पार पडली. या बैठकीत महाराष्ट्र प्रदेश काँग्रेस कमिटीच्या अनुसूचित जाती विभागाचे नवनियुक्त अध्यक्ष डॉ. अनिरुद्ध वनकर, लातूर शहर जिल्हा काँग्रेस कमिटीचे नवनियुक्त अध्यक्ष प्रा. डॉ. शिवाजी जवळगेकर आणि लातूरच्या नवनिर्वाचित महापौर सौ. जयश्री सोनकांबळे यांचा भव्य सत्कार करण्यात आला. सत्काराला उत्तर देताना महाराष्ट्र प्रदेशाध्यक्ष डॉ. अनिरुद्ध वनकर यांनी आक्रमक विचार मांडत सध्याची लढाई मनुस्मृतीच्या प्रवृत्तीशी असल्याचे आणि ती संविधानाच्या रक्षणासाठी असल्याचे स्पष्ट केले. त्यांनी जोर देत म्हटले की, सर्वसामान्य माणूस, महिला आणि शोषित वर्गाला स्वाभिमानाने जगण्याचा अधिकार फक्त संविधानाने दिला आहे, त्यामुळे संविधान हा आपला प्राणवायू आहे. डॉ. वनकर यांनी देशात राहुल गांधी हे संविधानाच्या रक्षणासाठी एकाकी झुंज देत असून, त्यांना साथ देण्यासाठी अनुसूचित जाती प्रवर्गातील सर्व ५९ जातींनी आणि अठरापगड जाती-धर्माच्या लोकांनी एकत्र येण्याची गरज असल्याचे आवाहन केले. राज्यात महाविकास आघाडीचे सरकार आणून काँग्रेसचा मुख्यमंत्री बसवणे आणि देशात राहुल गांधी यांना पंतप्रधान करणे, हेच आपले मुख्य ध्येय असल्याचे त्यांनी अधोरेखित केले. याप्रसंगी जिल्हाध्यक्ष अभय साळुंके यांनी डॉ. अनिरुद्ध वनकर यांच्या रूपाने एका खऱ्या आंबेडकरवादी आणि लढाऊ योद्ध्याला प्रदेशाध्यक्षपदाची जबाबदारी मिळाल्याची भावना व्यक्त केली. बैठकीत राज्याचे माजी मंत्री आ. अमित विलासराव देशमुख यांच्या मार्गदर्शनाखाली लातूर शहर आणि जिल्ह्यात गाव आणि वॉर्ड पातळीवर अनुसूचित जाती विभागाच्या शाखा स्थापन करून काँग्रेस पक्षाचे मजबूत जाळे निर्माण करण्याचा संकल्प सर्व पदाधिकाऱ्यांनी केला. तसेच, स्वतः अनुसूचित जाती प्रवर्गातील असलेल्या प्रा. डॉ. शिवाजी जवळगेकर यांची लातूर शहर जिल्हा काँग्रेस कमिटीच्या अध्यक्षपदी निवड झाल्याने समाजाला पक्षात एक अत्यंत महत्त्वाचे व सन्मानाचे स्थान मिळाल्याची कृतज्ञता व्यक्त करण्यात आली. या बैठक आणि सत्कार समारंभात लातूरच्या महापौर जयश्री सोनकांबळे, प्रदेश सचिव डॉ. दिनेश नवगीरे, शहर जिल्हाध्यक्ष प्रा. डॉ. शिवाजी जवळगेकर आणि लातूर जिल्हा काँग्रेस कमिटीचे अनुसूचित जाती विभागाचे जिल्हाध्यक्ष बाबासाहेब गायकवाड यांनीही उपस्थितांना संबोधित करत नूतन प्रांताध्यक्ष वनकर यांना शुभेच्छा दिल्या. यावेळी महानगरपालिकेतील सदस्य, जिल्हा परिषद पंचायत समिती सदस्य, विविध संस्थेवर काम करणारे संचालक आणि नगरपालिकेतून निवडून आलेले नगरसेवक विकास सतिश कांबळे, मुकेश गायकवाड, माणिक गायकवाड, महादेव मस्के, बालाजी अंधारे, तात्याराव वाघमारे, नामदेव उपहाडे, नितीन जाधव, अमोल देडे, परमेश्वर शिंदे, शिवाजी कांबळे, डॉ. बालाजी वाघमारे, अनिल दरकसे, दीपक बनसोडे, तानाजी कांबळे, संग्राम नामवाड यांचा विशेष सत्कार करण्यात आला. कार्यक्रमाच्या अध्यक्षस्थानी लातूर जिल्हा काँग्रेस कमिटीचे अध्यक्ष अभय साळुंके होते, तर माजी उपमहापौर कैलास कांबळे, सोशल मीडिया जिल्हाध्यक्ष प्रविण सूर्यवंशी, मनपा सदस्य असिफ बागवान, माजी जिल्हा परिषद सदस्य सहदेव मस्के, माजी समाज कल्याण सभापती मधुकर एकुगेकर साहेब, मागासवर्गीय विभागाचे प्रदेश पदाधिकारी संजय ओव्हाळ यांच्यासह अनेक मान्यवर आणि कार्यकर्ते मोठ्या संख्येने उपस्थित होते. या बैठकीमुळे लातूर जिल्ह्यातील कार्यकर्त्यांमध्ये प्रचंड उत्साह आणि नवचैतन्य निर्माण झाले आहे.

Sunil Gawali

शिरूर-अनंतपाळ, लातूर, महाराष्ट्र•

1 hr ago

संविधानाच्या रक्षणासाठी आणि काँग्रेसला सत्तेत आणण्यासाठी ५९ जातींनी एकत्र येण्याचे आवाहन करत, लातूर जिल्हा काँग्रेस कमिटी अनुसूचित जाती विभाग आणि लातूर शहर जिल्हा काँग्रेस कमिटी अनुसूचित जाती विभाग यांची संयुक्त व महत्त्वपूर्ण बैठक रविवार, २१ जून रोजी काँग्रेस भवन, लातूर येथे उत्साहात पार पडली. या बैठकीत महाराष्ट्र प्रदेश काँग्रेस कमिटीच्या अनुसूचित जाती विभागाचे नवनियुक्त अध्यक्ष डॉ. अनिरुद्ध वनकर, लातूर शहर जिल्हा काँग्रेस कमिटीचे नवनियुक्त अध्यक्ष प्रा. डॉ. शिवाजी जवळगेकर आणि लातूरच्या नवनिर्वाचित महापौर सौ. जयश्री सोनकांबळे यांचा भव्य सत्कार करण्यात आला. सत्काराला उत्तर देताना महाराष्ट्र प्रदेशाध्यक्ष डॉ. अनिरुद्ध वनकर यांनी आक्रमक विचार मांडत सध्याची लढाई मनुस्मृतीच्या प्रवृत्तीशी असल्याचे आणि ती संविधानाच्या रक्षणासाठी असल्याचे स्पष्ट केले. त्यांनी जोर देत म्हटले की, सर्वसामान्य माणूस, महिला आणि शोषित वर्गाला स्वाभिमानाने जगण्याचा अधिकार फक्त संविधानाने दिला आहे, त्यामुळे संविधान हा आपला प्राणवायू आहे. डॉ. वनकर यांनी देशात राहुल गांधी हे संविधानाच्या रक्षणासाठी एकाकी झुंज देत असून, त्यांना साथ देण्यासाठी अनुसूचित जाती प्रवर्गातील सर्व ५९ जातींनी आणि अठरापगड जाती-धर्माच्या लोकांनी एकत्र येण्याची गरज असल्याचे आवाहन केले. राज्यात महाविकास आघाडीचे सरकार आणून काँग्रेसचा मुख्यमंत्री बसवणे आणि देशात राहुल गांधी यांना पंतप्रधान करणे, हेच आपले मुख्य ध्येय असल्याचे त्यांनी अधोरेखित केले. याप्रसंगी जिल्हाध्यक्ष अभय साळुंके यांनी डॉ. अनिरुद्ध वनकर यांच्या रूपाने एका खऱ्या आंबेडकरवादी आणि लढाऊ योद्ध्याला प्रदेशाध्यक्षपदाची जबाबदारी मिळाल्याची भावना व्यक्त केली. बैठकीत राज्याचे माजी मंत्री आ. अमित विलासराव देशमुख यांच्या मार्गदर्शनाखाली लातूर शहर

आणि जिल्ह्यात गाव आणि वॉर्ड पातळीवर अनुसूचित जाती विभागाच्या शाखा स्थापन करून काँग्रेस पक्षाचे मजबूत जाळे निर्माण करण्याचा संकल्प सर्व पदाधिकाऱ्यांनी केला. तसेच, स्वतः अनुसूचित जाती प्रवर्गातील असलेल्या प्रा. डॉ. शिवाजी जवळगेकर यांची लातूर शहर जिल्हा काँग्रेस कमिटीच्या अध्यक्षपदी निवड झाल्याने समाजाला पक्षात एक अत्यंत महत्त्वाचे व सन्मानाचे स्थान मिळाल्याची कृतज्ञता व्यक्त करण्यात आली. या बैठक आणि सत्कार समारंभात लातूरच्या महापौर जयश्री सोनकांबळे, प्रदेश सचिव डॉ. दिनेश नवगीरे, शहर जिल्हाध्यक्ष प्रा. डॉ. शिवाजी जवळगेकर आणि लातूर जिल्हा काँग्रेस कमिटीचे अनुसूचित जाती विभागाचे जिल्हाध्यक्ष बाबासाहेब गायकवाड यांनीही उपस्थितांना संबोधित करत नूतन प्रांताध्यक्ष वनकर यांना शुभेच्छा दिल्या. यावेळी महानगरपालिकेतील सदस्य, जिल्हा परिषद पंचायत समिती सदस्य, विविध संस्थेवर काम करणारे संचालक आणि नगरपालिकेतून निवडून आलेले नगरसेवक विकास सतिश कांबळे, मुकेश गायकवाड, माणिक गायकवाड, महादेव मस्के, बालाजी अंधारे, तात्याराव वाघमारे, नामदेव उपहाडे, नितीन जाधव, अमोल देडे, परमेश्वर शिंदे, शिवाजी कांबळे, डॉ. बालाजी वाघमारे, अनिल दरकसे, दीपक बनसोडे, तानाजी कांबळे, संग्राम नामवाड यांचा विशेष सत्कार करण्यात आला. कार्यक्रमाच्या अध्यक्षस्थानी लातूर जिल्हा काँग्रेस कमिटीचे अध्यक्ष अभय साळुंके होते, तर माजी उपमहापौर कैलास कांबळे, सोशल मीडिया जिल्हाध्यक्ष प्रविण सूर्यवंशी, मनपा सदस्य असिफ बागवान, माजी जिल्हा परिषद सदस्य सहदेव मस्के, माजी समाज कल्याण सभापती मधुकर एकुगेकर साहेब, मागासवर्गीय विभागाचे प्रदेश पदाधिकारी संजय ओव्हाळ यांच्यासह अनेक मान्यवर आणि कार्यकर्ते मोठ्या संख्येने उपस्थित होते. या बैठकीमुळे लातूर जिल्ह्यातील कार्यकर्त्यांमध्ये प्रचंड उत्साह आणि नवचैतन्य निर्माण झाले आहे.