અરવલ્લી જિલ્લાના મેઘરજ અને માલપુર તાલુકાના ખેડૂતો સાથે થયેલા આશરે દોઢ કરોડ રૂપિયાના ટ્રેક્ટર કૌભાંડ મામલે કાર્યવાહી તેજ કરવાની માંગ ઉઠી છે. સામાજિક એકતા જાગૃતિ મિશનના સહપ્રભારી કિર્તીરાજ પંડ્યાએ ગુજરાત સરકાર અને ગૃહમંત્રી સમક્ષ રજૂઆત કરી ખેડૂતોને તાત્કાલિક ન્યાય અપાવવાની માંગ કરી છે. આક્ષેપ મુજબ, ખેડૂતો પાસેથી ત્રણ માસના ભાડા કરારના બહાને ટ્રેક્ટરો લેવામાં આવ્યા હતા, પરંતુ કરાર પૂર્ણ થયા બાદ ન તો ભાડું ચૂકવાયું કે ન તો ટ્રેક્ટરો પરત આપવામાં આવ્યા. આ કૌભાંડમાં મેઘરજના બે તથા માલપુરના અંદાજે 20 જેટલા ટ્રેક્ટરો મળીને આશરે દોઢ કરોડ રૂપિયાની છેતરપિંડી થઈ હોવાનું જણાવાયું છે. પોતાના ટ્રેક્ટર પરત માંગતા ખેડૂતોને જાનથી મારી નાખવાની ધમકીઓ પણ આપવામાં આવી છે. આ સમગ્ર મામલે બાયડ તાલુકાના પ્રાંતવેલ ગામના રહેવાસી પરમાર સુનિલ અને પરમાર વિજય રાધાભાઈ વિરુદ્ધ ગુનો નોંધાયો હોવાનું જણાવાયું છે. કિર્તીરાજ પંડ્યાએ આ આરોપીઓની તાત્કાલિક ધરપકડ કરી ખેડૂતોને ન્યાય અપાવવાની માંગ કરી છે. આ સાથે જ તેમણે ચીમકી ઉચ્ચારી છે કે જો આ બાબતે યોગ્ય કાર્યવાહી કરવામાં નહીં આવે તો આગામી સમયમાં ગાંધી ચિંધ્યા માર્ગે આંદોલન કરવામાં આવશે.

Jaydip bhatiya

Photographer મોડાસા, અરવલ્લી, ગુજરાત•

3 hrs ago

અરવલ્લી જિલ્લાના મેઘરજ અને માલપુર તાલુકાના ખેડૂતો સાથે થયેલા આશરે દોઢ કરોડ રૂપિયાના ટ્રેક્ટર કૌભાંડ મામલે કાર્યવાહી તેજ કરવાની માંગ ઉઠી છે. સામાજિક એકતા જાગૃતિ મિશનના સહપ્રભારી કિર્તીરાજ પંડ્યાએ ગુજરાત સરકાર અને ગૃહમંત્રી સમક્ષ રજૂઆત કરી ખેડૂતોને તાત્કાલિક ન્યાય અપાવવાની માંગ કરી છે. આક્ષેપ મુજબ, ખેડૂતો પાસેથી ત્રણ માસના ભાડા કરારના બહાને ટ્રેક્ટરો લેવામાં આવ્યા હતા, પરંતુ કરાર પૂર્ણ થયા બાદ ન તો ભાડું ચૂકવાયું કે ન તો ટ્રેક્ટરો પરત આપવામાં આવ્યા. આ કૌભાંડમાં મેઘરજના બે તથા માલપુરના અંદાજે 20 જેટલા ટ્રેક્ટરો મળીને આશરે દોઢ કરોડ રૂપિયાની છેતરપિંડી થઈ હોવાનું જણાવાયું છે. પોતાના ટ્રેક્ટર પરત માંગતા ખેડૂતોને જાનથી મારી નાખવાની ધમકીઓ પણ આપવામાં આવી છે. આ સમગ્ર મામલે બાયડ તાલુકાના પ્રાંતવેલ ગામના રહેવાસી પરમાર સુનિલ અને પરમાર વિજય રાધાભાઈ વિરુદ્ધ ગુનો નોંધાયો હોવાનું જણાવાયું છે. કિર્તીરાજ પંડ્યાએ આ આરોપીઓની તાત્કાલિક ધરપકડ કરી ખેડૂતોને ન્યાય અપાવવાની માંગ કરી છે. આ સાથે જ તેમણે ચીમકી ઉચ્ચારી છે કે જો આ બાબતે યોગ્ય કાર્યવાહી કરવામાં નહીં આવે તો આગામી સમયમાં ગાંધી ચિંધ્યા માર્ગે આંદોલન કરવામાં આવશે.