କଟକରେ ଏକ ସିରିଜ୍ ଦୁର୍ଘଟଣା ଘଟିଛି ଯେଉଁଥିରେ ୩ ଜଣ ବ୍ୟକ୍ତି ଗୁରୁତର ଆହତ ହୋଇଛନ୍ତି। ଏହି ଘଟଣା କଟକର ମାତାମଠ ଛକ ନିକଟରେ ଘଟିଛି, ଯେଉଁଠାରେ ଏକ ପିକ୍ ଅପ୍ ଗାଡ଼ି ଏକାଧିକ ଯାନକୁ ଧକ୍କା ଦେଇଛି। ଦୁର୍ଘଟଣାରେ ଗୋଟିଏ କାର, ଅଟୋ, ସ୍କୁଟି ଏବଂ ବାଇକ କ୍ଷତିଗ୍ରସ୍ତ ହୋଇଛି। ଏହି ଦୁର୍ଘଟଣାର ମୁଖ୍ୟ କାରଣ ହେଉଛି ପିକ୍ ଅପ୍ ଡ୍ରାଇଭର ମଦ୍ୟପାନ କରି ଗାଡ଼ି ଚଳାଉଥିଲେ।

ଓଡ଼ିଶା ରାଜ୍ୟ ବ୍ରାହ୍ମଣ ମହାସଭା, ମୟୂରଭଞ୍ଜ ଜିଲ୍ଲା ଶାଖା ପକ୍ଷରୁ ସପ୍ତଦଶ ବାର୍ଷିକ ଜିଲ୍ଲା ସମ୍ମିଳନୀ ଓ ବନ୍ଧୁମିଳନ ସମାରୋହ ବାରିପଦା ସ୍ଥିତ ହରିହର ମନ୍ଦିର ପ୍ରାଙ୍ଗଣରେ ଅତ୍ୟନ୍ତ ଉତ୍ସାହର ସହ ଅନୁଷ୍ଠିତ ହୋଇଯାଇଛି।

ମୟୁରଭଞ୍ଜ ଜିଲ୍ଲାର କରଞ୍ଜିଆ ଉପଖଣ୍ଡ ଅଞ୍ଚଳରେ କାଳ ବୈଶାଖୀର ଭୀଷଣ ତାଣ୍ଡବ ଦେଖିବାକୁ ମିଳିଛି। ଗତ ଦୁଇ ଦିନ ହେବ ଏଠାରେ ପ୍ରବଳ ବର୍ଷା ସାଙ୍ଗକୁ ଘୁର୍ଣ୍ଣିଝଡ଼ ଯୋଗୁଁ ବ୍ୟାପକ କ୍ଷୟକ୍ଷତି ଘଟିଛି। ଏହି ପ୍ରାକୃତିକ ବିପର୍ଯ୍ୟୟରେ ଘର ଭାଙ୍ଗିଯାଇଥିବା ବେଳେ ସୋଲାର ପ୍ଲେଟଗୁଡ଼ିକ ଉଡ଼ିଯାଇଛି ଏବଂ ବଡ଼ ବଡ଼ ଗଛ ଉପୁଡ଼ି ରାସ୍ତା ଅବରୋଧ ହୋଇଛି। ଆଜି ମଧ୍ୟ କରଞ୍ଜିଆ ବ୍ଲକର କଙ୍କଡା, କୁରୁଳିଆ, କୁଆଁରୀପୋଲି, ଅନ୍ଧାରଝରି, ଡୁମୁରିଆ, ଘୋଡାଘାଗରୀ ଭଳି ଅନେକ ଗ୍ରାମରେ ଝଡ଼ତୋଫାନ ଯୋଗୁଁ ବହୁତ କ୍ଷୟକ୍ଷତି ହୋଇଥିବା ଜଣାପଡ଼ିଛି। କଙ୍କଡା ଗ୍ରାମରେ ଦାଶରଥୀ ମହାନ୍ତଙ୍କ ଘର ଛାତ ଉପରେ ଲାଗିଥିବା ସୋଲାର ପ୍ଲେଟ ଏବଂ ଗୋଟିଏ ଚାଳ ଘର ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଏହା ବ୍ୟତୀତ ଗ୍ରାମର ଅନେକ ଘରର ଛାତ ମଧ୍ୟ ଆଂଶିକ ଭାବେ ନଷ୍ଟ ହୋଇଥିବା ସୂଚନା ମିଳିଛି। ଏହି କ୍ଷୟକ୍ଷତିକୁ ଦୃଷ୍ଟିରେ ରଖି ରାଜସ୍ୱ ବିଭାଗ ଏହାର ସଠିକ୍ ତଦନ୍ତ କରି ଆଦିବାସୀ ଏବଂ ଗରିବ ଲୋକଙ୍କୁ ତୁରନ୍ତ କ୍ଷତିପୂରଣ ଯୋଗାଇ ଦେବା ପାଇଁ ସାଧାରଣରେ ଦାବି ହୋଇଛି।

ବହୁ ଚର୍ଚ୍ଚିତ ନାବାଳିକାଙ୍କୁ ବିକ୍ରୟ କରି ଗଣଦୁଷ୍କର୍ମ ଘଟଣାର ମୁଖ୍ୟ ଅଭିଯୁକ୍ତକୁ ଗିରଫ କରାଯାଇଛି। ଗିରଫ ହୋଇଥିବା ଅଭିଯୁକ୍ତ ଜଣକ ଝିଅ ଚାଲାଣକାରୀ ଥିଲା।

କେନ୍ଦୁଝର ଜିଲ୍ଲା ଚମ୍ପୁଆ ଅଞ୍ଚଳରେ ରାଜ୍ୟ ସରକାରଙ୍କ ସ୍ୱଚ୍ଛ ଶାସନ ଦାବି ଉପରେ ଏକ ବଡ଼ଧରଣର କୁଠାରଘାତ କରାଯାଉଛି। ବାରିଆ ଥାନା ଅଧୀନ ଉଚ୍ଚବାଲି ପଞ୍ଚାୟତର ମାଳିପଶି ଗ୍ରାମ ଏବଂ ଜ୍ୟୋତିପୁର ଘାଟରେ ସରକାରୀ ନିୟମକୁ ଖୋଲାଖୋଲି ଭାବେ ଉଲ୍ଲଂଘନ କରି ବେଆଇନ ବାଲି କାରବାର ଜାରି ରହିଛି। ଅଭିଯୋଗ ଅନୁଯାୟୀ, ୨୦୨୨-୨୩ ମସିହାରେ ଜ୍ୟୋତିପୁର ବାଲିଘାଟକୁ ସରକାରୀ ନିଲାମ ଦିଆଯାଇଥିଲେ ମଧ୍ୟ, ଲିଜ୍‌ଧାରୀ ନିଜ ସୀମା ବାହାରୁ, ବିଶେଷ କରି ମାଳିପଶି ଗ୍ରାମରୁ ବାଲି ଜୋର-ଜବରଦସ୍ତ ଲୁଟ୍ କରୁଛନ୍ତି। ଏହାସହ ପଡ଼ୋଶୀ ମୟୂରଭଞ୍ଜ ଜିଲ୍ଲାର ଆଦିପୁର ଗ୍ରାମ ସୀମା ପଟୁ ମଧ୍ୟ ବାଲି ଚୋରି ଚାଲିଛି। ଏହି ବେଆଇନ ବାଲି ଉତ୍ତୋଳନ ଉଚ୍ଚବାଲି ପଞ୍ଚାୟତର ଜଳ ଯୋଗାଣ ପ୍ରକଳ୍ପ 'ବସୁଧା'କୁ ସମ୍ପୂର୍ଣ୍ଣ ରୂପେ ଠପ୍ କରିଦେଇଛି। ବୈତରଣୀ ନଦୀରୁ କୋଟି କୋଟି ଟଙ୍କା ବ୍ୟୟରେ ୯ଟି ଗ୍ରାମକୁ ପାଣି ସଂଯୋଗ କରିବା ପାଇଁ ଉଦ୍ଦିଷ୍ଟ ଏହି ପ୍ରକଳ୍ପ, ନିଲାମଧାରୀଙ୍କ ଦ୍ୱାରା ଅତି ଗଭୀରରେ ବାଲି ଉତ୍ତୋଳନ ହେତୁ ବନ୍ଦ ହୋଇଯାଇଛି, ଫଳରେ ଗ୍ରାମବାସୀଙ୍କୁ ବୁନ୍ଦାଏ ପାଣି ପାଇଁ ୧ରୁ ୨ କିଲୋମିଟର ଦୌଡ଼ିବାକୁ ପଡୁଛି। ସରକାରୀ ନିୟମ ଅନୁସାରେ ନଦୀର ପୋଲ, ବନ୍ଧ ଓ ଜଳସେଚନ ପ୍ରକଳ୍ପର ୨୦୦ରୁ ୫୦୦ ମିଟର ଭିତରେ ବାଲି ଉଠାଇବା ମନା ହୋଇଥିବାବେଳେ ଏଠାରେ ଏହି ନିୟମର ଖୋଲାଖୋଲି ଉଲ୍ଲଂଘନ କରାଯାଉଛି। ବାଲି ମାଫିଆମାନେ ନିର୍ଦ୍ଧାରିତ ରାସ୍ତା ବ୍ୟବହାର ନକରି ଗ୍ରାମ୍ୟ ଜଙ୍ଗଲର ଗଛ କାଟି ନୂଆ ରାସ୍ତା ତିଆରି କରୁଛନ୍ତି ଏବଂ ଚାଷ ଜମି ଉପରେ ଦାଦାଗିରି କରି ବାଲି ଗାଡ଼ି ଚଳାଇ ଏକର ଏକର ଚାଷ ଜମି ନଷ୍ଟ କରୁଛନ୍ତି। ସ୍ଥାନୀୟ ଚାଷୀ ବିରୋଧ କଲେ ଲିଜ୍‌ଧାରୀ ଓ ତାଙ୍କ ଗୁଣ୍ଡାବାହିନୀ ସେମାନଙ୍କୁ ଜୀବନରୁ ମାରିଦେବାକୁ ଧମକ ଦେଉଥିବା ଅଭିଯୋଗ ହୋଇଛି। ସରକାରୀ ଗାଇଡଲାଇନ ଅନୁଯାୟୀ, ବାଲି ଉତ୍ତୋଳନ କେବଳ ଦିନରେ (ସୂର୍ଯ୍ୟୋଦୟରୁ ସୂର୍ଯ୍ୟାସ୍ତ) ହେବା ଉଚିତ ଏବଂ ରାତିରେ ସମ୍ପୂର୍ଣ୍ଣ ନିଷେଧ। କିନ୍ତୁ ଏଠାରେ ଦିନରାତି ବାଲି ଲୁଟ୍ ଚାଲିଛି। ଜେସିବି କିମ୍ବା ବଡ଼ ପୋକ୍‌ଲିନ ମେସିନ ସାହାଯ୍ୟରେ ଗଭୀର ଖନନ ବାରଣ ଥିବାବେଳେ, ବେଆଇନ ଭାବେ ବଡ଼ ବଡ଼ ମେସିନ ଲଗାଇ ଭୂତଳ ଜଳସ୍ତରଠାରୁ ଅଧିକ ଗଭୀରତାକୁ ଖୋଳାଯାଉଛି। ରାସ୍ତାରେ ପ୍ରଦୂଷଣ ରୋକିବା ପାଇଁ ଜଳ ସିଞ୍ଚନ, ଗାଡ଼ିରେ ତ୍ରିପାଲ ଢାଙ୍କିବା, ଜିପିଏସ୍, ଓଜନ ମେସିନ ଏବଂ ପ୍ରବେଶ ପଥରେ ଲାଇଭ୍ ସିସିଟିଭି କ୍ୟାମେରା ବାଧ୍ୟତାମୂଳକ ଥିଲେ ମଧ୍ୟ ଏସବୁ ନିୟମ ପାଳନ କରାଯାଉନାହିଁ। ବିନା ସରକାରୀ ରସିଦରେ ୧୦/୧୨ ଚକିଆ ଟ୍ରକ ଯୋଗେ ବାଲି ଚାଲାଣ କରି ଓଡ଼ିଶା ସରକାରଙ୍କ କୋଟି କୋଟି ଟଙ୍କାର ରାଜସ୍ୱ ହାନି କରାଯାଉଛି। ଏହି ସଂଘାତିକ ବେଆଇନ କାର୍ଯ୍ୟ ବିରୋଧରେ ମାଳିପଶି ଗ୍ରାମବାସୀ ଏକତ୍ରିତ ହୋଇ ଜିଲ୍ଲାପାଳଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି। ଏହି ଅଭିଯୋଗ ପତ୍ରର ନକଲ ଓଡ଼ିଶାର ରାଜସ୍ୱ ମନ୍ତ୍ରୀ, କେନ୍ଦୁଝର ଆରକ୍ଷୀ ଅଧୀକ୍ଷକ, କେନ୍ଦୁଝର ବନଖଣ୍ଡ ଅଧିକାରୀ, ଚମ୍ପୁଆ ଉପଜିଲାପାଳ, ଚମ୍ପୁଆ ତହସିଲଦାର ଏବଂ ଖଣି ଉପନିର୍ଦ୍ଦେଶକଙ୍କୁ ମଧ୍ୟ ପ୍ରେରଣ କରାଯାଇଛି। ଏ ସମ୍ପର୍କରେ ଭାରପ୍ରାପ୍ତ ଖଣି ନିର୍ଦ୍ଦେଶକଙ୍କୁ ପଚାରିବାରୁ ସେ କହିଛନ୍ତି ଯେ, ଅଭିଯୋଗକୁ ଅନୁଧ୍ୟାନ କରାଯାଇଛି ଏବଂ ସ୍ଥିତିର ମିଳିତ ଯାଞ୍ଚ କରିବା ପାଇଁ ଚମ୍ପୁଆ ଖଣି ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି, ରିପୋର୍ଟ ଆସିବା ପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସବୁ ଜାଣିଶୁଣି ମଧ୍ୟ ଖଣି ବିଭାଗ ଓ ସ୍ଥାନୀୟ ପ୍ରଶାସନ ଘୁଘୁଡ଼ି ମାରି ଶୋଇଥିବା ଭଳି ଅଭିନୟ କରୁଛି ବୋଲି ଅଭିଯୋଗ ହୋଇଛି, ଯାହା ସରକାରଙ୍କୁ ବଦନାମ କରିବାରେ ବାବୁମାନଙ୍କ ମାହିରପଣିଆକୁ ପଦାରେ ପକାଇଛି। ଏବେ ପ୍ରଶ୍ନ ଉଠୁଛି ଯେ, ବାଲିଘାଟ ଲିଜ୍ ଦେବା ସମୟରେ ଖଣି ବିଭାଗ କ'ଣ ଆଖି ବୁଜି ଦେଇଥିଲା? ନିୟମର ଖୋଲା ଉଲ୍ଲଂଘନ କରୁଥିବା ଏହି ମାଫିଆଙ୍କ ପଛରେ କେଉଁ ପ୍ରଭାବଶାଳୀ ନେତା ବା ବାବୁଙ୍କ ହାତ ରହିଛି? ଜିଲ୍ଲା ପ୍ରଶାସନ ତଦନ୍ତ ନାମରେ କେବଳ ସମୟ ଗଡ଼ାଉଛି ନା ସ୍ଥାନୀୟ ଚାଷୀ ଓ ଜନସାଧାରଣଙ୍କୁ ନ୍ୟାୟ ମିଳିବ, ତାହା ଦେଖିବାକୁ ବାକି ରହିଲା।

ବାଲେଶ୍ୱରର ମୁଭି X ପ୍ରେକ୍ଷାଳୟରେ ଓଡ଼ିଆ ଚଳଚ୍ଚିତ୍ର "ମେହେର ମୁଣ୍ଡା"ର ଏକ ଭବ୍ୟ ପ୍ରିମୀୟର ଶୋ ଆୟୋଜିତ ହୋଇଛି। ଏହି ବିଶେଷ ଅବସରରେ ଓଲିଉଡ ଅଭିନେତା ଜ୍ୟୋତି ରଞ୍ଜନ ନାୟକ, ଚଳଚ୍ଚିତ୍ରର ନାୟିକା ଏବଂ ସମ୍ପୂର୍ଣ୍ଣ ଟିମ୍ ଉପସ୍ଥିତ ଥିଲେ। ନିଜ ପ୍ରିୟ କଳାକାରମାନଙ୍କୁ ନିକଟରୁ ଦେଖିବା ପାଇଁ ପ୍ରେକ୍ଷାଳୟ ପରିସରରେ ଦର୍ଶକଙ୍କ ପ୍ରବଳ ଭିଡ଼ ଦେଖିବାକୁ ମିଳିଥିଲା। ପ୍ରିମୀୟର ଶୋ ପୂର୍ବରୁ ଫିଲ୍ମର ଟିମ୍ ବାଲେଶ୍ୱରର ଶ୍ରୀନିକ୍ସ କଲେଜ ପରିଦର୍ଶନ କରିଥିଲେ। ସେଠାରେ ସେମାନେ ଛାତ୍ରଛାତ୍ରୀଙ୍କ ସହ ମତବିନିମୟ କରିବା ସହ "ମେହେର ମୁଣ୍ଡା"ର କାହାଣୀ ଏବଂ ଏହାର ସାମାଜିକ ବାର୍ତ୍ତା ସମ୍ପର୍କରେ ବିସ୍ତୃତ ଆଲୋଚନା କରିଥିଲେ। ଛାତ୍ରଛାତ୍ରୀମାନେ ମଧ୍ୟ କଳାକାରମାନଙ୍କ ସହ ଫଟୋ ଉଠାଇ ନିଜର ଉତ୍ସାହ ପ୍ରକାଶ କରିଥିଲେ। ପରେ ମୁଭି X ରେ ପ୍ରିମୀୟର ଶୋ ଆରମ୍ଭ ହେବା ପରେ ଦର୍ଶକଙ୍କ ଭରପୂର ସମର୍ଥନ ଦେଖିବାକୁ ମିଳିଥିଲା। ପ୍ରେକ୍ଷାଳୟ ହାଉସଫୁଲ୍ ପରିବେଶ ମଧ୍ୟରେ ଚଳଚ୍ଚିତ୍ର ପ୍ରଦର୍ଶିତ ହୋଇଥିଲା ଏବଂ ଦର୍ଶକମାନେ ଫିଲ୍ମକୁ ଭରପୂର ପ୍ରଶଂସା କରିଥିଲେ। ଏହି ପ୍ରିମୀୟରରେ "ମେହେର ମୁଣ୍ଡା"କୁ ଦର୍ଶକଙ୍କ ଭଲପାଇବା ମିଳିବା ସହ ବାଲେଶ୍ୱର ମୁଭି X ରେ ଦର୍ଶକଙ୍କ ଜବରଦସ୍ତ ଉତ୍ସାହ ପରିଲକ୍ଷିତ ହୋଇଛି।

ମୟୂରଭଞ୍ଜ ଜିଲ୍ଲା ଅନ୍ତର୍ଗତ ଉଦଳା ବିଜ୍ଞପିତ ଅଞ୍ଚଳ ପରିଷଦର ୭ ନମ୍ବର ୱାର୍ଡରେ ଏକ ଦୁର୍ଲଭ ବ୍ରହ୍ମ କମଳ ଫୁଟିଥିବା ଜଣାପଡ଼ିଛି।

କଟକରେ ଏକ ସିରିଜ୍ ଦୁର୍ଘଟଣା ଘଟିଛି ଯେଉଁଥିରେ ୩ ଜଣ ବ୍ୟକ୍ତି ଗୁରୁତର ଆହତ ହୋଇଛନ୍ତି। ଏହି ଘଟଣା କଟକର ମାତାମଠ ଛକ ନିକଟରେ ଘଟିଛି, ଯେଉଁଠାରେ ଏକ ପିକ୍ ଅପ୍ ଗାଡ଼ି ଏକାଧିକ ଯାନକୁ ଧକ୍କା ଦେଇଛି। ଦୁର୍ଘଟଣାରେ ଗୋଟିଏ କାର, ଅଟୋ, ସ୍କୁଟି ଏବଂ ବାଇକ କ୍ଷତିଗ୍ରସ୍ତ ହୋଇଛି। ଏହି ଦୁର୍ଘଟଣାର ମୁଖ୍ୟ କାରଣ ହେଉଛି ପିକ୍ ଅପ୍ ଡ୍ରାଇଭର ମଦ୍ୟପାନ କରି ଗାଡ଼ି ଚଳାଉଥିଲେ।