బద్వేలు నియోజకవర్గంలోని చెరువుల కొలతలను కుదించి కబ్జాదారులకు లబ్ధి చేకూరేలా అవినీతి అక్రమాలకు పాల్పడిన పూర్వ నీటిపారుదల శాఖ డిఈ వేణుగోపాల్ రెడ్డిపై ఉన్నత స్థాయి శాఖాపరమైన విచారణ చేపట్టి చర్యలు తీసుకోవాలని సిపిఐ(ఎంఎల్) లిబరేషన్ పార్టీ జిల్లా స్టాండింగ్ కమిటీ సభ్యులు ఎస్ చంద్రశేఖర్ డిమాండ్ చేశారు. తక్షణమే నియోజకవర్గంలోని అన్ని చెరువులను జిల్లా సర్వేయర్‌తో సర్వే చేయించి ఆక్రమణలను తొలగించి రైతాంగానికి అండగా నిలబడాలని ఆయన కోరారు. ఆదివారం బద్వేలు పట్టణం భగత్ సింగ్ నగర్‌లోని పార్టీ కార్యాలయంలో నిర్వహించిన పత్రికా విలేకరుల సమావేశంలో ఆయన ఈ డిమాండ్లను వెలిబుచ్చారు. ఈ సందర్భంగా ఎస్ చంద్రశేఖర్ మాట్లాడుతూ, బద్వేలు నియోజకవర్గంలో 40కి పైగా చెరువులు ఉండగా, దాదాపు 30 చెరువులు ఆక్రమణలకు గురయ్యాయని తెలిపారు. గతంలో డిఈగా పనిచేసిన వేణుగోపాల్ రెడ్డి పాత్ర ఎక్కువగా ఉందనే ప్రచారం నియోజకవర్గంలో బలంగా ఉందని, ఆయన ఉద్దేశపూర్వకంగా కొంతమంది వ్యక్తులకు లబ్ధి చేకూర్చేలా కొలతలను కుదించి కబ్జాదారులకు సహకరించారని ఆరోపించారు. నాగుల చెరువు సుందరీకరణలో భాగంగా నిధులను దుర్వినియోగం చేసి, మార్గదర్శకాలను తుంగలో తొక్కి లక్షలాది రూపాయలు వెనకేసుకున్నారని కూడా ఆయన ఆరోపించారు. గతంలో బద్వేలు పెద్ద చెరువు ఆక్రమణదారులకు నామమాత్రంగా నోటీసులు ఇచ్చి ఏ చర్య తీసుకోకుండా వదిలేయడం వాస్తవం కాదా అని ఆయన ప్రశ్నించారు. వేణుగోపాల్ రెడ్డి నిర్లక్ష్యం కారణంగానే నాగుల చెరువు సుందరీకరణ పనులు మధ్యలోనే ఆగిపోయాయని సిపిఐ(ఎంఎల్) లిబరేషన్ పార్టీ సభ్యులు విమర్శించారు. అటు పోరుమామిళ్ల నుండి ఇటు అట్లూరు వరకు ఉన్న చెరువులన్నీ ఆక్రమించి పంటలు సాగు చేస్తుంటే నీటిపారుదల శాఖ అధికారులు కళ్లకు గంతలు కట్టుకొని ఉన్నారా అని చంద్రశేఖర్ ప్రశ్నించారు. ఎటువంటి పనులు చేయకున్నా చేసినట్లుగా సృష్టించి దొంగ బిల్లులు చేసిన మాట వాస్తవం కాదా అని, పెండింగ్‌లో ఉన్న చెరువుల పూడిక తీత పనులకు సంబంధించిన బిల్లులను హడావిడిగా మంజూరు చేసి కమీషన్లు దండుకున్న మాట వాస్తవం కాదా అని కూడా ఆయన నిలదీశారు. వర్షాకాలం ప్రారంభమవుతున్న నేపథ్యంలో తక్షణమే జిల్లా సర్వేయర్‌తో నియోజకవర్గంలోని అన్ని చెరువులను రీ-సర్వే చేసి రైతన్నలను ఆదుకోవాలని వారు డిమాండ్ చేశారు. డిఈ వేణుగోపాల్ రెడ్డి హయాంలో జరిగిన అక్రమాలు, అవినీతి, దొంగ బిల్లులపై ఉన్నత స్థాయి అధికారులతో విచారణ జరిపించి శాఖాపరమైన చర్యలు తీసుకోవాలని ఆయన మరోసారి స్పష్టం చేశారు. ఈ సమావేశంలో పార్టీ జిల్లా కమిటీ సభ్యులు జకరయ్య, నియోజకవర్గ కమిటీ సభ్యులు కే బాబు, విజయరావు, నారాయణ తదితరులు పాల్గొన్నారు.

జీ.మౌలాలి.

Photographer బద్వేల్, వై.ఎస్.ఆర్., ఆంధ్రప్రదేశ్•

22 hrs ago

బద్వేలు నియోజకవర్గంలోని చెరువుల కొలతలను కుదించి కబ్జాదారులకు లబ్ధి చేకూరేలా అవినీతి అక్రమాలకు పాల్పడిన పూర్వ నీటిపారుదల శాఖ డిఈ వేణుగోపాల్ రెడ్డిపై ఉన్నత స్థాయి శాఖాపరమైన విచారణ చేపట్టి చర్యలు తీసుకోవాలని సిపిఐ(ఎంఎల్) లిబరేషన్ పార్టీ జిల్లా స్టాండింగ్ కమిటీ సభ్యులు ఎస్ చంద్రశేఖర్ డిమాండ్ చేశారు. తక్షణమే నియోజకవర్గంలోని అన్ని చెరువులను జిల్లా సర్వేయర్‌తో సర్వే చేయించి ఆక్రమణలను తొలగించి రైతాంగానికి అండగా నిలబడాలని ఆయన కోరారు. ఆదివారం బద్వేలు పట్టణం భగత్ సింగ్ నగర్‌లోని పార్టీ కార్యాలయంలో నిర్వహించిన పత్రికా విలేకరుల సమావేశంలో ఆయన ఈ డిమాండ్లను వెలిబుచ్చారు. ఈ సందర్భంగా ఎస్ చంద్రశేఖర్ మాట్లాడుతూ, బద్వేలు నియోజకవర్గంలో 40కి పైగా చెరువులు ఉండగా, దాదాపు 30 చెరువులు ఆక్రమణలకు గురయ్యాయని తెలిపారు. గతంలో డిఈగా పనిచేసిన వేణుగోపాల్ రెడ్డి పాత్ర ఎక్కువగా ఉందనే ప్రచారం నియోజకవర్గంలో బలంగా ఉందని, ఆయన ఉద్దేశపూర్వకంగా కొంతమంది వ్యక్తులకు లబ్ధి చేకూర్చేలా కొలతలను కుదించి కబ్జాదారులకు సహకరించారని ఆరోపించారు. నాగుల చెరువు సుందరీకరణలో భాగంగా నిధులను దుర్వినియోగం చేసి, మార్గదర్శకాలను తుంగలో తొక్కి లక్షలాది రూపాయలు వెనకేసుకున్నారని కూడా ఆయన ఆరోపించారు. గతంలో బద్వేలు పెద్ద చెరువు ఆక్రమణదారులకు నామమాత్రంగా నోటీసులు ఇచ్చి ఏ చర్య తీసుకోకుండా వదిలేయడం వాస్తవం కాదా అని ఆయన ప్రశ్నించారు. వేణుగోపాల్ రెడ్డి నిర్లక్ష్యం కారణంగానే నాగుల చెరువు సుందరీకరణ పనులు మధ్యలోనే ఆగిపోయాయని సిపిఐ(ఎంఎల్) లిబరేషన్ పార్టీ సభ్యులు విమర్శించారు. అటు పోరుమామిళ్ల నుండి ఇటు అట్లూరు వరకు ఉన్న చెరువులన్నీ ఆక్రమించి పంటలు సాగు చేస్తుంటే నీటిపారుదల శాఖ అధికారులు కళ్లకు గంతలు కట్టుకొని ఉన్నారా అని చంద్రశేఖర్ ప్రశ్నించారు. ఎటువంటి పనులు చేయకున్నా చేసినట్లుగా సృష్టించి దొంగ బిల్లులు చేసిన మాట వాస్తవం కాదా అని, పెండింగ్‌లో ఉన్న చెరువుల పూడిక తీత పనులకు సంబంధించిన బిల్లులను హడావిడిగా మంజూరు చేసి కమీషన్లు దండుకున్న మాట వాస్తవం కాదా అని కూడా ఆయన నిలదీశారు. వర్షాకాలం ప్రారంభమవుతున్న నేపథ్యంలో తక్షణమే జిల్లా సర్వేయర్‌తో నియోజకవర్గంలోని అన్ని చెరువులను రీ-సర్వే చేసి రైతన్నలను ఆదుకోవాలని వారు డిమాండ్ చేశారు. డిఈ వేణుగోపాల్ రెడ్డి హయాంలో జరిగిన అక్రమాలు, అవినీతి, దొంగ బిల్లులపై ఉన్నత స్థాయి అధికారులతో విచారణ జరిపించి శాఖాపరమైన చర్యలు తీసుకోవాలని ఆయన మరోసారి స్పష్టం చేశారు. ఈ సమావేశంలో పార్టీ జిల్లా కమిటీ సభ్యులు జకరయ్య, నియోజకవర్గ కమిటీ సభ్యులు కే బాబు, విజయరావు, నారాయణ తదితరులు పాల్గొన్నారు.