ధర్మవరంలో జూన్ 15న 'యోగాంధ్ర' కార్యక్రమాన్ని వ్యాపార థీమ్‌తో నిర్వహించారు, ఇందులో రాష్ట్ర మంత్రి సత్య కుమార్ యాదవ్, జిల్లా కలెక్టర్ శ్యాం ప్రసాద్, జిల్లా సంయుక్త కలెక్టర్ మౌర్య భరద్వాజ్ పాల్గొన్నారు. అంతర్జాతీయ యోగా దినోత్సవం సందర్భంగా రాష్ట్ర ప్రభుత్వం ప్రతిష్టాత్మకంగా చేపట్టిన "యోగాంధ్ర 2026"లో భాగంగా, ధర్మవరం పట్టణంలోని సాయిబాబా దేవాలయం ప్రాంగణంలో సోమవారం చేనేత, వ్యాపార, వాణిజ్య వర్గాల కోసం ప్రత్యేక థీమాటిక్ యోగా కార్యక్రమం జరిగింది. ఈ సందర్భంగా, రాష్ట్ర వైద్య ఆరోగ్య శాఖ మంత్రి సత్యకుమార్ యాదవ్ మాట్లాడుతూ, రాష్ట్ర ప్రజలందరూ యోగాను కేవలం ఒక రోజు కార్యక్రమంగా కాకుండా, తమ దైనందిన జీవితంలో ఒక భాగంగా చేసుకుని జీవన విధానంగా మార్చుకోవాలని పిలుపునిచ్చారు. అనారోగ్యం బారిన పడకుండా, వ్యాధులు దరిచేరకుండా నివారించడానికి యోగా అద్భుతమైన మార్గమని పేర్కొన్నారు. భవిష్యత్తులో ఆరోగ్యంగా ఉండేందుకు ప్రతి ఒక్కరూ రోజుకు కనీసం 45 నిమిషాల నుండి గంట పాటు యోగా సాధన చేయాలని ఆయన కోరారు. ఈ సంవత్సరం పొదుపు చర్యలను పాటిస్తూ, 15 రోజుల పాటు వివిధ వర్గాల (వైద్యులు, పోలీసులు, కార్మికులు, రైతులు, విద్యార్థులు, వ్యాపారస్తులు మొదలైన వారితో) థీమ్ ఆధారితంగా యోగా కార్యక్రమాలు నిర్వహిస్తున్నట్లు తెలిపారు. ముఖ్యమంత్రి నారా చంద్రబాబు నాయుడు గారి 'ఆరోగ్యాంధ్రప్రదేశ్' ఆశయానికి, అలాగే ప్రధానమంత్రి నరేంద్ర మోదీ గారి 'వికసిత భారత్' సంకల్పానికి యోగా ఎంతో దోహదపడుతుందని మంత్రి వివరించారు. డిజిటల్ ప్లాట్‌ఫామ్స్, వెబ్‌సైట్లలో లభించే యోగా చిట్కాలను చూసి ఇంట్లోనే సులభంగా సాధన చేయవచ్చని సూచిస్తూ, కార్యక్రమాన్ని విజయవంతం చేసిన జిల్లా అధికార యంత్రాంగానికి ధన్యవాదాలు తెలిపారు. జిల్లా కలెక్టర్ ఏ. శ్యామ్ ప్రసాద్ మాట్లాడుతూ, మన చుట్టూ ఉన్న పర్యావరణం, జంతువుల కదలికలను పరిశీలించి మన రుషులు వివిధ యోగాసనాలను రూపొందించారని, ప్రకృతితో మమేకం కావడానికి యోగా ఎంతో దోహదపడుతుందని తెలిపారు. కేవలం 15 నిమిషాల యోగా సాధనతోనే శరీరంలో రక్తప్రసరణ మెరుగవుతుందని, ప్రాణవాయువు అంది శరీరం ఉత్తేజితం, ప్రశాంతతను పొందుతుందని ఆయన వివరించారు. ఈ శారీరక సౌకర్యం, ఆనందం డబ్బుతో లభించేవి కావని, నిరంతర సాధనతోనే సాధ్యమని పేర్కొన్నారు. ప్రభుత్వం ఆయుష్ శాఖ ద్వారా ఉచిత ఆన్‌లైన్ క్లాసులను అందిస్తూ కోట్లాది మందికి యోగాను చేరువ చేస్తోందని, తాను కూడా ఆన్‌లైన్ ద్వారానే యోగాను అనుసరిస్తున్నానని కలెక్టర్ వెల్లడించారు. ప్రతి ఒక్కరిలో సంకల్పం పెరిగినప్పుడే ఆసుపత్రులకు వెళ్లే వారి సంఖ్య తగ్గి దేశ ఆరోగ్యం మెరుగుపడుతుందని ఆశాభావం వ్యక్తం చేస్తూ, రోజుకు కనీసం అరగంట పాటు యోగా చేస్తామని ప్రతిజ్ఞ చేయాలని పిలుపునిచ్చారు. జాయింట్ కలెక్టర్ ఎం. మౌర్య భరద్వాజ్ మాట్లాడుతూ, మారుతున్న జీవనశైలి కారణంగా ఎదురవుతున్న వివిధ వ్యాధులు, ఆరోగ్య సమస్యలకు యోగా ఒక అద్భుతమైన పరిష్కారమని పేర్కొన్నారు. సమాజంలోని అన్ని వర్గాల ప్రజలను భాగస్వామ్యం చేస్తూ, యోగాను ప్రజల్లోకి విస్తృతంగా తీసుకెళ్లాలనే ఉద్దేశంతోనే ఈ థిమాటిక్ యోగా ప్రోగ్రామ్స్ నిర్వహిస్తున్నట్లు ఆయన తెలిపారు. ఇందులో భాగంగానే ధర్మవరంలోని చేనేత, వ్యాపార, వాణిజ్య వర్గాల ప్రతినిధులతో కలిసి కార్యక్రమాన్ని విజయవంతంగా నిర్వహించామని తెలియజేశారు. ఈ విశేష కార్యక్రమంలో ధర్మవరం ఇన్‌చార్జ్ ఆర్డీఓ సువర్ణ, ధర్మవరం మున్సిపల్ కమిషనర్ వెంకట రమణయ్య, డిఆర్‌డిఎ పిడి నరసయ్య, జిల్లా అధికారులు, స్థానిక వ్యాపార ప్రముఖులు, యోగా సాధకులు మరియు పెద్ద సంఖ్యలో ప్రజలు పాల్గొని యోగాసనాలు వేశారు.

Saddala Adi

ధర్మవరం, శ్రీ సత్య సాయి, ఆంధ్రప్రదేశ్•

8 hrs ago

ధర్మవరంలో జూన్ 15న 'యోగాంధ్ర' కార్యక్రమాన్ని వ్యాపార థీమ్‌తో నిర్వహించారు, ఇందులో రాష్ట్ర మంత్రి సత్య కుమార్ యాదవ్, జిల్లా కలెక్టర్ శ్యాం ప్రసాద్, జిల్లా సంయుక్త కలెక్టర్ మౌర్య భరద్వాజ్ పాల్గొన్నారు. అంతర్జాతీయ యోగా దినోత్సవం సందర్భంగా రాష్ట్ర ప్రభుత్వం ప్రతిష్టాత్మకంగా చేపట్టిన "యోగాంధ్ర 2026"లో భాగంగా, ధర్మవరం పట్టణంలోని సాయిబాబా దేవాలయం ప్రాంగణంలో సోమవారం చేనేత, వ్యాపార, వాణిజ్య వర్గాల కోసం ప్రత్యేక థీమాటిక్ యోగా కార్యక్రమం జరిగింది. ఈ సందర్భంగా, రాష్ట్ర వైద్య ఆరోగ్య శాఖ మంత్రి సత్యకుమార్ యాదవ్ మాట్లాడుతూ, రాష్ట్ర ప్రజలందరూ యోగాను కేవలం ఒక రోజు కార్యక్రమంగా కాకుండా, తమ దైనందిన జీవితంలో ఒక భాగంగా చేసుకుని జీవన విధానంగా మార్చుకోవాలని పిలుపునిచ్చారు. అనారోగ్యం బారిన పడకుండా, వ్యాధులు దరిచేరకుండా నివారించడానికి యోగా అద్భుతమైన మార్గమని పేర్కొన్నారు. భవిష్యత్తులో ఆరోగ్యంగా ఉండేందుకు ప్రతి ఒక్కరూ రోజుకు కనీసం 45 నిమిషాల నుండి గంట పాటు యోగా సాధన చేయాలని ఆయన కోరారు. ఈ సంవత్సరం పొదుపు చర్యలను పాటిస్తూ, 15 రోజుల పాటు వివిధ వర్గాల (వైద్యులు, పోలీసులు, కార్మికులు, రైతులు, విద్యార్థులు, వ్యాపారస్తులు మొదలైన వారితో) థీమ్ ఆధారితంగా యోగా కార్యక్రమాలు నిర్వహిస్తున్నట్లు తెలిపారు. ముఖ్యమంత్రి నారా చంద్రబాబు నాయుడు గారి 'ఆరోగ్యాంధ్రప్రదేశ్' ఆశయానికి, అలాగే ప్రధానమంత్రి నరేంద్ర మోదీ గారి 'వికసిత భారత్' సంకల్పానికి యోగా ఎంతో దోహదపడుతుందని మంత్రి వివరించారు. డిజిటల్ ప్లాట్‌ఫామ్స్, వెబ్‌సైట్లలో లభించే యోగా చిట్కాలను చూసి ఇంట్లోనే సులభంగా సాధన చేయవచ్చని సూచిస్తూ, కార్యక్రమాన్ని విజయవంతం చేసిన జిల్లా అధికార యంత్రాంగానికి ధన్యవాదాలు తెలిపారు. జిల్లా కలెక్టర్ ఏ. శ్యామ్ ప్రసాద్ మాట్లాడుతూ, మన చుట్టూ ఉన్న పర్యావరణం, జంతువుల కదలికలను పరిశీలించి మన రుషులు వివిధ యోగాసనాలను రూపొందించారని, ప్రకృతితో మమేకం కావడానికి యోగా ఎంతో దోహదపడుతుందని తెలిపారు. కేవలం 15 నిమిషాల యోగా సాధనతోనే శరీరంలో రక్తప్రసరణ మెరుగవుతుందని, ప్రాణవాయువు అంది శరీరం ఉత్తేజితం, ప్రశాంతతను పొందుతుందని ఆయన వివరించారు. ఈ శారీరక సౌకర్యం, ఆనందం డబ్బుతో లభించేవి కావని, నిరంతర సాధనతోనే సాధ్యమని పేర్కొన్నారు. ప్రభుత్వం ఆయుష్ శాఖ ద్వారా ఉచిత ఆన్‌లైన్ క్లాసులను అందిస్తూ కోట్లాది మందికి యోగాను చేరువ చేస్తోందని, తాను కూడా ఆన్‌లైన్ ద్వారానే యోగాను అనుసరిస్తున్నానని కలెక్టర్ వెల్లడించారు. ప్రతి ఒక్కరిలో సంకల్పం పెరిగినప్పుడే ఆసుపత్రులకు వెళ్లే వారి సంఖ్య తగ్గి దేశ ఆరోగ్యం మెరుగుపడుతుందని ఆశాభావం వ్యక్తం చేస్తూ, రోజుకు కనీసం అరగంట పాటు యోగా చేస్తామని ప్రతిజ్ఞ చేయాలని పిలుపునిచ్చారు. జాయింట్ కలెక్టర్ ఎం. మౌర్య భరద్వాజ్ మాట్లాడుతూ, మారుతున్న జీవనశైలి కారణంగా ఎదురవుతున్న వివిధ వ్యాధులు, ఆరోగ్య సమస్యలకు యోగా ఒక అద్భుతమైన పరిష్కారమని పేర్కొన్నారు. సమాజంలోని అన్ని వర్గాల ప్రజలను భాగస్వామ్యం చేస్తూ, యోగాను ప్రజల్లోకి విస్తృతంగా తీసుకెళ్లాలనే ఉద్దేశంతోనే ఈ థిమాటిక్ యోగా ప్రోగ్రామ్స్ నిర్వహిస్తున్నట్లు ఆయన తెలిపారు. ఇందులో భాగంగానే ధర్మవరంలోని చేనేత, వ్యాపార, వాణిజ్య వర్గాల ప్రతినిధులతో కలిసి కార్యక్రమాన్ని విజయవంతంగా నిర్వహించామని తెలియజేశారు. ఈ విశేష కార్యక్రమంలో ధర్మవరం ఇన్‌చార్జ్ ఆర్డీఓ సువర్ణ, ధర్మవరం మున్సిపల్ కమిషనర్ వెంకట రమణయ్య, డిఆర్‌డిఎ పిడి నరసయ్య, జిల్లా అధికారులు, స్థానిక వ్యాపార ప్రముఖులు, యోగా సాధకులు మరియు పెద్ద సంఖ్యలో ప్రజలు పాల్గొని యోగాసనాలు వేశారు.