পদ্মশ্ৰী হেমপ্ৰভা চুতীয়াই চৰকাৰৰ ভূমিকাত গভীৰ হতাশা ব্যক্ত কৰিছে। এই হতাশাৰ বাবেই তেওঁ তাঁতশালত ধৰ্মগ্ৰন্থ বোৱাৰ নিজৰ কাম বন্ধ কৰাৰ সিদ্ধান্ত লৈছে।

২০২৬ চনত অনুষ্ঠিত ষোড়শ বাৰ্ষিক সন্মিলিত ৰঙালী বিহু সন্মিলনত ভাৰতৰ সৰ্ব কনিষ্ঠ সৰ্প উদ্ধাৰকাৰী হিচাপে পৰিচিত তেজপুৰৰ ৬ বছৰীয়া বিস্ময় বালক ৰাজ সৌৰভ বৰকটকীক এক বিশেষ সম্বৰ্ধনা জনোৱা হয়। তেজপুৰৰ ৰৌশন নেচনেল বিদ্যালয়ৰ ছিনিয়ৰ কে.জি. শ্ৰেণীৰ মেধাৱী ছাত্ৰ ৰাজে মাত্ৰ ৪ বছৰ বয়সৰ পৰাই শোণিতপুৰ জিলাৰ ঢেকিয়াজুলি, বৰচলা, বিহগুৰী, তেজপুৰকে ধৰি বিভিন্ন স্থানত সুৰক্ষিতভাৱে সাপ উদ্ধাৰ কৰি আহিছে। কেৱল সাঁপেই নহয়, এই কণমানি শিশুটিয়ে কাছ, মেছেকা, জহামাল আদি বন্যপ্ৰাণীও উদ্ধাৰ কৰাৰ লগতে গছপুলি ৰোপণ আৰু পৰিৱেশ সংৰক্ষণৰ দৰে মহৎ কামত জড়িত হৈ সমাজলৈ এক ইতিবাচক বাৰ্তা প্ৰেৰণ কৰিছে। সৰ্পবান্ধৱ সৌৰভ বৰকটকী আৰু প্ৰকৃতিপ্ৰেমী কৃষ্ণা কলিতা বৰকটকীৰ পুত্ৰ ৰাজে অতি কম বয়সতেই সাপ সম্পৰ্কে মানুহৰ মাজত থকা ভুল ধাৰণা দূৰ কৰাৰ ক্ষেত্ৰতো সজাগতা সৃষ্টি কৰি ৰাইজৰ দৃষ্টি আকৰ্ষণ কৰিবলৈ সক্ষম হৈছে।

তিনিচুকীয়াৰ থানা চাৰিআলিত সুৰাপায়ী চালক আৰু যানবাহন আইন উলংঘাকাৰীৰ বিৰুদ্ধে আৰক্ষী, পৰিবহন আৰু আৱকাৰী বিভাগে এক যৌথ অভিযান চলাইছে। পথ দুৰ্ঘটনা হ্ৰাস আৰু পথ সুৰক্ষা নিশ্চিত কৰিবলৈ চলোৱা এই অভিযানত দুজনকৈ সুৰাপায়ী চালকৰ বিৰুদ্ধে গোচৰ পঞ্জীয়ন কৰা হৈছে।

মুখ্যমন্ত্ৰী হিমন্ত বিশ্ব শৰ্মাই জনতাৰ সৈতে হোৱা প্ৰতিটো বাৰ্তালাপকে তেওঁৰ বাবে বিশেষ বুলি অভিহিত কৰিছে।

আটছাঁৰ মাকুম শাখা সমিতিৰ উদ্যোগত মাকুম মহাবিদ্যালয়ত কৃতি ছাত্ৰ-ছাত্ৰীক সম্বৰ্দ্ধনা জনোৱা এক অনুষ্ঠান আয়োজন কৰা হয়। এই অনুষ্ঠানৰ লগত সংগতি ৰাখি অনুষ্ঠিত হোৱা কেৰিয়াৰ কাউন্সেলিং কাৰ্যসূচীত মাকুম সম জিলাৰ আৰক্ষী অধীক্ষক অৰূপজ্যোতি টেৰনে ছাত্ৰ-ছাত্ৰীক উদ্দেশ্যি এক সাৰুৱা আৰু গুৰুত্বপূৰ্ণ বক্তব্য আগবঢ়ায়।

লখিমপুৰ জিলাৰ প্ৰাক্তন সৈনিক ৮০ উদ্ধবৰ সত্যনাথ ফুকনক লৈ এটি সাক্ষাৎকাৰ গীত প্ৰস্তুত কৰা হৈছে।

লখিমপুৰৰ হাতীগড়ীয়া গাঁৱত ধৰ্মকান্ত নামৰ এগৰাকী মাতাল লোকে উৎপাত কৰাত ৰাইজ অতিষ্ঠ হৈ পৰে। পৰিস্থিতি চম্ভালিব নোৱাৰি ৰাইজে তেওঁক বান্ধি আৰক্ষীক চমজাই দিয়ে।

শিৱসাগৰ চহৰৰ অতি আপোন, সকলোৰে মৰমৰ কাঞ্চা দা ওৰফে সুদর্শন চেত্ৰী, যি এজন নিহাৰী আৰু সৰল ব্যক্তি আছিল, যোৱা ১৫ মে'ত শেষ নিশ্বাস ত্যাগ কৰে। তেওঁৰ হাতত বিশাল ধন-সম্পত্তি বা সমাজত ডাঙৰ চেলিব্ৰেটীৰ পৰিচয় নাছিল, কিন্তু আছিল এটা বিশাল হৃদয় আৰু ওঁঠত এটি চিৰপৰিচিত হাঁহি। তেওঁৰ মৃত্যুত সমগ্ৰ শিৱসাগৰ চহৰতে গভীৰ শোকৰ ছাঁ পৰিছে। বহু বছৰ পূৰ্বে শৈশৱতে সুদূৰ নেপালৰ পৰা শিৱসাগৰলৈ আহি কাঞ্চা দাই চহৰখনৰ ঐতিহ্যমণ্ডিত নাট্য মন্দিৰৰ সন্মুখত এখন সৰু তামোল-পাণৰ দোকান দি জীৱিকা নিৰ্বাহ কৰিছিল। তেওঁৰ দোকান সৰু আছিল যদিও, তাত অহা প্ৰতিজন গ্ৰাহকক তেওঁ যি মৰম আৰু আপোনত্ব দিছিল, তাৰ বাবেই তেওঁ সকলোৰে ঘৰৰ মানুহ হৈ পৰিছিল। জন্মসূত্ৰে নেপালৰ হ’লেও, কৰ্মসূত্ৰে আৰু অন্তৰেৰে তেওঁ আছিল এগৰাকী খাঁটি শিৱসাগৰীয়া। আজি কাঞ্চা দাৰ পৱিত্ৰ আদ্যশ্ৰাদ্ধ। তেওঁ চিৰকুমাৰ আছিল আৰু কোনো আপোন পৰিয়াল নাথাকিলেও, সমগ্ৰ শিৱসাগৰীয়া ৰাইজেই আজি তেওঁৰ পৰিয়ালৰ ভূমিকা লৈছে। সমাজৰ সকলো স্তৰৰ লোকে মিলি আজি তেখেতৰ আদ্যশ্ৰাদ্ধৰ ধৰ্মীয় আৰু সামাজিক নীতি-নিয়মসমূহ সম্পন্ন কৰিছে। তেওঁৰ বিয়োগত তেজৰ সম্পৰ্ক নাথাকিলেও সমগ্ৰ শিৱসাগৰবাসী একত্ৰিত হৈছে, যিয়ে শিৱসাগৰৰ মানৱতাৰ এক অনন্য উদাহৰণ দাঙি ধৰিছে। বিদায় কাঞ্চা দা, কৃতজ্ঞ শিৱসাগৰবাসী।

অখিল গগৈয়ে জনসাধাৰণক সামগ্ৰীৰ মূল্যবৃদ্ধিৰ ওপৰত চকু দিবলৈ আহ্বান জনাইছে। তেওঁ বিশেষকৈ ২০১৪, ২০২২ আৰু ২০২৬ চনৰ মূল্যবৃদ্ধিৰ এক তুলনামূলক তালিকাখনলৈ মন কৰিবলৈ কৈছে, য'ত বস্তুৰ দাম কিদৰে বৃদ্ধি পাইছে তাক দৰ্শোৱা হৈছে।

দেওবাৰে অসম মৰাণ সভাৰ ৰাইডাঙ শাখা সমিতিৰ উদ্যোগত ৰাইডাঙ গাঁও ৰাজহুৱা প্ৰেক্ষাগৃহত এক শৈক্ষিক সমৰ্দ্ধনা অনুষ্ঠান অনুষ্ঠিত কৰা হয়। এই অনুষ্ঠানত ২০২৫-২৬ বৰ্ষত উচ্চ আৰু উচ্চতৰ মাধ্যমিক চূড়ান্ত পৰীক্ষাত সুখ্যাতিৰে উত্তীৰ্ণ হোৱা ৬০ জনতকৈও অধিক ছাত্ৰ-ছাত্ৰীক সম্বৰ্ধনা জনোৱা হয়। শৈক্ষিক সমৰ্দ্ধনা অনুষ্ঠানৰ লগত সংগতি ৰাখি গছ পুলি ৰোপণ কাৰ্যসূচীও অনুষ্ঠিত কৰা হৈছিল। সম্বৰ্ধনা অনুষ্ঠানটি কান্তেশ্বৰ মৰানে পৰিচালনা কৰে, যি সভাত নিৰ্দিষ্ট বক্তা হিচাপেও উপস্থিত আছিল। এই অনুষ্ঠানত মৰাণ শৈক্ষিক বিকাশ মঞ্চৰ উপ-সভাপতি যুগ্য ফুকন, অসম মৰাণ সভাৰ মাকুম আঞ্চলিক সমিতিৰ প্ৰাক্তন সভাপতি কুসুম্বৰ নেওগ, বৰ্তমানৰ সভাপতি সঞ্জীৱ চেতিয়া, সম্পাদক ৰাজু মৰাণ, উপ-সভাপতি প্ৰদীপ নেওগ আৰু বহু কেইজন গণ্যমান্য ব্যক্তি উপস্থিত থাকে।