శ్రీకాకుళం జిల్లాలో ప్రభుత్వ పాఠశాలలను బలోపేతం చేయడం, అర్హులైన ప్రతి విద్యార్థికి నాణ్యమైన విద్యా సౌకర్యాలు అందించడమే ప్రభుత్వ లక్ష్యమని జిల్లా కలెక్టర్ స్వప్నిల్ దినకర్ పుండ్కర్ స్పష్టం చేశారు. జిల్లా పరిషత్ సమావేశ మందిరంలో విద్యాశాఖ, సమగ్ర శిక్షా ఆధ్వర్యంలో జరిగిన మండల విద్యాశాఖాధికారులు, క్లస్టర్ ప్రధానోపాధ్యాయుల సమీక్షా సమావేశానికి జూమ్ ద్వారా హాజరైన కలెక్టర్, జిల్లాలో 'బడి పిలుస్తోంది-2026' కార్యక్రమం ద్వారా ప్రభుత్వ పాఠశాలల్లో విద్యార్థుల ప్రవేశాలు ఉత్సాహంగా జరుగుతున్నాయని హర్షం వ్యక్తం చేశారు. రానున్న విద్యా సంవత్సరంలో వంద శాతం ప్రవేశాల లక్ష్యాన్ని సాధించేందుకు అధికారులు, ఉపాధ్యాయులు సరికొత్త వ్యూహాలతో, సానుకూల దృక్పథంతో సమన్వయంతో పనిచేయాలని కలెక్టర్ పిలుపునిచ్చారు. ఐదేళ్లు నిండిన పిల్లలను 1వ తరగతిలో చేర్పించడంలో బూర్జ, లక్ష్మీనరసుపేట, మెలియాపుట్టి, సంతబొమ్మాళి, సారవకోట మండలాలు నిర్దేశిత కనీస లక్ష్యాలను అధిగమించి ఆదర్శంగా నిలిచాయని, అలాగే ఉన్నత తరగతుల నమోదులో లావేరు, పలాస, బూర్జ మండలాలు మంచి ప్రగతిని సాధించి ముందు వరుసలో ఉన్నాయని ఆయన ప్రత్యేకంగా అభినందించారు. మిగిలిన మండలాలు కూడా ఇదే స్ఫూర్తితో లక్ష్యాలను చేరుకోవాలని ఆకాంక్షించారు. ప్రభుత్వ పాఠశాలల్లో కల్పిస్తున్న అత్యాధునిక వసతులు, 'లీప్' కార్యక్రమం ద్వారా అందిస్తున్న విద్యా ప్రమాణాలపై విస్తృత ప్రచారం కల్పించి 'బడి పిలుస్తోంది' కార్యక్రమాన్ని విజయవంతం చేయాలని కలెక్టర్ సూచించారు. ప్రైవేటు పాఠశాలల నుంచి ప్రవేశాలు, 1వ తరగతి చేరికల్లో వెనుకబడిన శ్రీకాకుళం, రణస్థలం, పొందూరు వంటి మండలాల అధికారులు ప్రత్యేక డ్రైవ్ చేపట్టి, బడి బయట ఉన్న పిల్లలను గుర్తించి పాఠశాలల్లో చేర్పించాలని ఆదేశించారు. వీటితో పాటు 'డొక్కా సీతమ్మ మధ్యాహ్న భోజన పథకం' ద్వారా విద్యార్థులకు నిరంతరం నాణ్యమైన, రుచికరమైన పోషకాహారాన్ని అందించేలా ప్రణాళికాబద్ధంగా పర్యవేక్షించాలని అధికారులను ఆదేశించారు. ఈ సమీక్షా సమావేశంలో డీఈవో రవిబాబు, జిల్లా విద్యాశాఖ అధికారులు, సమగ్ర శిక్షా ప్రాజెక్ట్ సిబ్బంది, ఎంఈఓలు, కాంప్లెక్స్ హెచ్ఎంలు పాల్గొన్నారు.

Dr.Manmadharao Gangu

శ్రీకాకుళం, శ్రీకాకుళం, ఆంధ్రప్రదేశ్•

2 hrs ago

శ్రీకాకుళం జిల్లాలో ప్రభుత్వ పాఠశాలలను బలోపేతం చేయడం, అర్హులైన ప్రతి విద్యార్థికి నాణ్యమైన విద్యా సౌకర్యాలు అందించడమే ప్రభుత్వ లక్ష్యమని జిల్లా కలెక్టర్ స్వప్నిల్ దినకర్ పుండ్కర్ స్పష్టం చేశారు. జిల్లా పరిషత్ సమావేశ మందిరంలో విద్యాశాఖ, సమగ్ర శిక్షా ఆధ్వర్యంలో జరిగిన మండల విద్యాశాఖాధికారులు, క్లస్టర్ ప్రధానోపాధ్యాయుల సమీక్షా సమావేశానికి జూమ్ ద్వారా హాజరైన కలెక్టర్, జిల్లాలో 'బడి పిలుస్తోంది-2026' కార్యక్రమం ద్వారా ప్రభుత్వ పాఠశాలల్లో విద్యార్థుల ప్రవేశాలు ఉత్సాహంగా జరుగుతున్నాయని హర్షం వ్యక్తం చేశారు. రానున్న విద్యా సంవత్సరంలో వంద శాతం ప్రవేశాల లక్ష్యాన్ని సాధించేందుకు అధికారులు, ఉపాధ్యాయులు సరికొత్త వ్యూహాలతో, సానుకూల దృక్పథంతో సమన్వయంతో పనిచేయాలని కలెక్టర్ పిలుపునిచ్చారు. ఐదేళ్లు నిండిన పిల్లలను 1వ తరగతిలో చేర్పించడంలో బూర్జ, లక్ష్మీనరసుపేట, మెలియాపుట్టి, సంతబొమ్మాళి, సారవకోట మండలాలు నిర్దేశిత కనీస లక్ష్యాలను అధిగమించి ఆదర్శంగా నిలిచాయని, అలాగే ఉన్నత తరగతుల నమోదులో లావేరు, పలాస, బూర్జ మండలాలు మంచి ప్రగతిని సాధించి ముందు వరుసలో ఉన్నాయని ఆయన ప్రత్యేకంగా అభినందించారు. మిగిలిన మండలాలు కూడా ఇదే స్ఫూర్తితో లక్ష్యాలను చేరుకోవాలని ఆకాంక్షించారు. ప్రభుత్వ పాఠశాలల్లో కల్పిస్తున్న అత్యాధునిక వసతులు, 'లీప్' కార్యక్రమం ద్వారా అందిస్తున్న విద్యా ప్రమాణాలపై విస్తృత ప్రచారం కల్పించి 'బడి పిలుస్తోంది' కార్యక్రమాన్ని విజయవంతం చేయాలని కలెక్టర్ సూచించారు. ప్రైవేటు పాఠశాలల నుంచి ప్రవేశాలు, 1వ తరగతి చేరికల్లో వెనుకబడిన శ్రీకాకుళం, రణస్థలం, పొందూరు వంటి మండలాల అధికారులు ప్రత్యేక డ్రైవ్ చేపట్టి, బడి బయట ఉన్న పిల్లలను గుర్తించి పాఠశాలల్లో చేర్పించాలని ఆదేశించారు. వీటితో పాటు 'డొక్కా సీతమ్మ మధ్యాహ్న భోజన పథకం' ద్వారా విద్యార్థులకు నిరంతరం నాణ్యమైన, రుచికరమైన పోషకాహారాన్ని అందించేలా ప్రణాళికాబద్ధంగా పర్యవేక్షించాలని అధికారులను ఆదేశించారు. ఈ సమీక్షా సమావేశంలో డీఈవో రవిబాబు, జిల్లా విద్యాశాఖ అధికారులు, సమగ్ర శిక్షా ప్రాజెక్ట్ సిబ్బంది, ఎంఈఓలు, కాంప్లెక్స్ హెచ్ఎంలు పాల్గొన్నారు.