दुर्दैवी घटना महावितरण कर्मचाऱ्याची गोळ्या झाडून हत्या ! महावितरण कर्मचाऱ्याची गोळ्या झाडून हत्या ! सांगली जिल्ह्यातील जत तालुक्यातील संख परिसरातील पांडोझरी गावच्या हद्दीत महावितरणच्या कर्मचाऱ्याची गोळ्या झाडून निर्घृण हत्या करण्यात आल्याची धक्कादायक घटना उघडकीस आली आहे. संतोष उर्फ कुमार बिराजदार असे मृत कर्मचाऱ्याचे नाव असून, या घटनेमुळे संपूर्ण परिसरात खळबळ उडाली आहे. मिळालेल्या माहितीनुसार, संतोष बिराजदार हे महावितरणमध्ये लिपिक (क्लार्क) पदावर कार्यरत होते. शुक्रवारी मध्यरात्रीच्या सुमारास ते पांडोझरी गावच्या हद्दीतून जात असताना अज्ञात हल्लेखोरांनी त्यांच्यावर अचानक अंदाधुंद गोळीबार केला. गोळ्या लागल्याने ते गंभीर जखमी झाले. स्थानिकांनी त्यांना तातडीने रुग्णालयात दाखल केले, मात्र उपचारापूर्वीच डॉक्टरांनी त्यांना मृत घोषित केले. या घटनेची माहिती मिळताच उमदी पोलिसांनी घटनास्थळी धाव घेत पंचनामा केला. पोलिसांनी परिसरातील सीसीटीव्ही फुटेज, मोबाईल कॉल रेकॉर्ड आणि इतर पुरावे तपासण्यास सुरुवात केली आहे. प्राथमिक तपासात ही हत्या व्यक्तिगत वादातून किंवा पूर्ववैमनस्यातून झाल्याचा संशय व्यक्त करण्यात येत आहे. दरम्यान, परिसरात अनैतिक संबंधाच्या संशयातून हा हल्ला झाल्याची चर्चा रंगली आहे. मात्र, पोलिसांनी अद्याप कोणतेही अधिकृत कारण स्पष्ट केलेले नाही. या प्रकरणात पोलिसांनी दोन संशयितांना ताब्यात घेतले असून, त्यांची गुप्त ठिकाणी कसून चौकशी सुरू आहे. हत्येमागील नेमका सूत्रधार कोण आणि खून करण्यामागचे खरे कारण काय, याचा तपास उमदी पोलीस करत आहेत.

पत्रकार ओमप्रकाश उढाण

घनसावंगी, जालना, महाराष्ट्र•

1 hr ago

दुर्दैवी घटना महावितरण कर्मचाऱ्याची गोळ्या झाडून हत्या ! महावितरण कर्मचाऱ्याची गोळ्या झाडून हत्या ! सांगली जिल्ह्यातील जत तालुक्यातील संख परिसरातील पांडोझरी गावच्या हद्दीत महावितरणच्या कर्मचाऱ्याची गोळ्या झाडून निर्घृण हत्या करण्यात आल्याची धक्कादायक घटना उघडकीस आली आहे. संतोष उर्फ कुमार बिराजदार असे मृत कर्मचाऱ्याचे नाव असून, या घटनेमुळे संपूर्ण परिसरात खळबळ उडाली आहे. मिळालेल्या माहितीनुसार, संतोष बिराजदार हे महावितरणमध्ये लिपिक (क्लार्क) पदावर कार्यरत होते. शुक्रवारी मध्यरात्रीच्या सुमारास ते पांडोझरी गावच्या हद्दीतून जात असताना अज्ञात हल्लेखोरांनी त्यांच्यावर अचानक अंदाधुंद गोळीबार केला. गोळ्या लागल्याने ते गंभीर जखमी झाले. स्थानिकांनी त्यांना तातडीने रुग्णालयात दाखल केले, मात्र उपचारापूर्वीच डॉक्टरांनी त्यांना मृत घोषित केले. या घटनेची माहिती मिळताच उमदी पोलिसांनी घटनास्थळी धाव घेत पंचनामा केला. पोलिसांनी परिसरातील सीसीटीव्ही फुटेज, मोबाईल कॉल रेकॉर्ड आणि इतर पुरावे तपासण्यास सुरुवात केली आहे. प्राथमिक तपासात ही हत्या व्यक्तिगत वादातून किंवा पूर्ववैमनस्यातून झाल्याचा संशय व्यक्त करण्यात येत आहे. दरम्यान, परिसरात अनैतिक संबंधाच्या संशयातून हा हल्ला झाल्याची चर्चा रंगली आहे. मात्र, पोलिसांनी अद्याप कोणतेही अधिकृत कारण स्पष्ट केलेले नाही. या प्रकरणात पोलिसांनी दोन संशयितांना ताब्यात घेतले असून, त्यांची गुप्त ठिकाणी कसून चौकशी सुरू आहे. हत्येमागील नेमका सूत्रधार कोण आणि खून करण्यामागचे खरे कारण काय, याचा तपास उमदी पोलीस करत आहेत.