डहाणूत जमिनीच्या वादातून कुटुंबियांना बेदम मारहाण; दगडफेकीत तरुण जखमी पालघर: वडीलोपार्जित जमिनीच्या वादातून आणि गोठ्यातील दुर्गंधीच्या कारणावरून वाणगाव येथे एकाच कुटुंबातील सदस्यांना लाथाबुक्क्यांनी व दगडाने बेदम मारहाण केल्याची धक्कादायक घटना समोर आली आहे. या हल्ल्यात फिर्यादींचा १८ वर्षांचा मुलगा गंभीर जखमी झाला असून, वाणगाव पोलिसांनी आरोपीविरुद्ध गुन्हा दाखल केला आहे. मिळालेल्या माहितीनुसार, फिर्यादी यज्ञेश्वर नरसिंह पाटील (५८, रा. वाढवण पाटीलआळी) आणि आरोपी अभिजीत भुवनेश्वर पाटील यांच्यात जुन्या जमिनीवरून वाद सुरू आहे. आरोपीचा गोठा फिर्यादींच्या घरासमोर असून, तेथील मलमुत्र अंगणात येत असल्याने परिसरात दुर्गंधी पसरत होती. यावरून ६ मार्च २०२६ रोजी सकाळी फिर्यादींनी आरोपीच्या वडिलांना व्यवस्था करण्याची विनंती केली असता, त्यांनी ती फेटाळून लावत शिवीगाळ केली. याच वादाचा राग मनात धरून, ८ मार्च २०२६ रोजी पहाटेच्या सुमारास आरोपी अभिजीत याने फिर्यादींना गाठून बेदम मारहाण करण्यास सुरुवात केली. पतीला वाचवण्यासाठी गेलेल्या पत्नी योगीता पाटील आणि मुलगी दुर्विका यांनाही आरोपीने धक्काबुक्की व मारहाण केली. यावेळी आरोपीने रागाच्या भरात हातात असलेल्या दगडाने फिर्यादींचा मुलगा कौस्तुभ (१८) याच्यावर हल्ला केला, ज्यामध्ये तो जखमी झाला आहे. वाणगाव पोलिसांनी याप्रकरणी भारतीय न्याय संहिता २०२३ च्या कलम ११५(२), ११८(१), ३५२, ३५१(२) आणि ३५१(३) नुसार गुन्हा नोंदवला आहे. कौटुंबिक वादाचे रूपांतर हिंसक मारहाणीत झाल्याने परिसरात खळबळ माजली आहे.

अमोल काळे

Newspaper advertising department पालघर, पालघर, महाराष्ट्र•

2 days ago

डहाणूत जमिनीच्या वादातून कुटुंबियांना बेदम मारहाण; दगडफेकीत तरुण जखमी पालघर: वडीलोपार्जित जमिनीच्या वादातून आणि गोठ्यातील दुर्गंधीच्या कारणावरून वाणगाव येथे एकाच कुटुंबातील सदस्यांना लाथाबुक्क्यांनी व दगडाने बेदम मारहाण केल्याची धक्कादायक घटना समोर आली आहे. या हल्ल्यात फिर्यादींचा १८ वर्षांचा मुलगा गंभीर जखमी झाला असून, वाणगाव पोलिसांनी आरोपीविरुद्ध गुन्हा दाखल केला आहे. मिळालेल्या माहितीनुसार, फिर्यादी यज्ञेश्वर नरसिंह पाटील (५८, रा. वाढवण पाटीलआळी) आणि आरोपी अभिजीत भुवनेश्वर पाटील यांच्यात जुन्या जमिनीवरून वाद सुरू आहे. आरोपीचा गोठा फिर्यादींच्या घरासमोर असून, तेथील मलमुत्र अंगणात येत असल्याने परिसरात दुर्गंधी पसरत होती. यावरून ६ मार्च २०२६ रोजी सकाळी फिर्यादींनी आरोपीच्या वडिलांना व्यवस्था करण्याची विनंती केली असता, त्यांनी ती फेटाळून लावत शिवीगाळ केली. याच वादाचा राग मनात धरून, ८ मार्च २०२६ रोजी पहाटेच्या सुमारास आरोपी अभिजीत याने फिर्यादींना गाठून बेदम मारहाण करण्यास सुरुवात केली. पतीला वाचवण्यासाठी गेलेल्या पत्नी योगीता पाटील आणि मुलगी दुर्विका यांनाही आरोपीने धक्काबुक्की व मारहाण केली. यावेळी आरोपीने रागाच्या भरात हातात असलेल्या दगडाने फिर्यादींचा मुलगा कौस्तुभ (१८) याच्यावर हल्ला केला, ज्यामध्ये तो जखमी झाला आहे. वाणगाव पोलिसांनी याप्रकरणी भारतीय न्याय संहिता २०२३ च्या कलम ११५(२), ११८(१), ३५२, ३५१(२) आणि ३५१(३) नुसार गुन्हा नोंदवला आहे. कौटुंबिक वादाचे रूपांतर हिंसक मारहाणीत झाल्याने परिसरात खळबळ माजली आहे.