এজাক মুষলধাৰ বৰষুণৰ ফলত মাৰ্ঘেৰিটাৰ লিডু অঞ্চলত ভয়ংকৰ কৃত্ৰিম বানপানীৰ সৃষ্টি হৈছে, যাৰ ফলত লিডু মহাবিদ্যালয় সম্পূৰ্ণৰূপে জলমগ্ন হৈ পৰিছে। ইয়াৰ উপৰিও কাষৰ গাঁৱৰ অঞ্চলসমূহো পানীৰ তলত। মহাবিদ্যালয়খনত স্বাভাৱিক পাঠদান ব্যৱস্থা ব্যাপকভাৱে ব্যাহত হোৱাত আজি পুৱাই বহু দূৰ-দূৰণিৰ পৰা অহা অধ্যাপক-অধ্যাপিকা আৰু ছাত্ৰ-ছাত্ৰীসকলে চৌহদত জমা হোৱা পানীৰ বাবে ভিতৰলৈ প্ৰৱেশ কৰিব নোৱাৰি আধা বাটৰ পৰাই উভতি যাবলগীয়া হয়। ইয়াৰ লগতে জৰুৰীকালীন সেৱাসমূহো সম্পূৰ্ণৰূপে বন্ধ হৈ পৰে। স্থানীয় ৰাইজে অভিযোগ কৰিছে যে অঞ্চলটোত উপযুক্ত পানী নিষ্কাশন ব্যৱস্থা নথকাৰ ফলতেই সামান্য বৰষুণতে এনে জলাবদ্ধ পৰিস্থিতিৰ সৃষ্টি হয়। প্ৰতিবছৰে বাৰিষাকালত একেই সমস্যাই লিডুবাসীক জুৰুলা কৰি আহিছে যদিও আজিলৈকে কোনো স্থায়ী বা সুদূৰপ্ৰসাৰী সমাধান গ্ৰহণ কৰা হোৱা নাই। এই ঘটনাক কেন্দ্ৰ কৰি স্থানীয় ৰাইজৰ মাজত তীব্ৰ অসন্তোষৰ সৃষ্টি হৈছে। ৰাইজে অভিযোগ তুলিছে যে অঞ্চলটোৰ পঞ্চায়েত প্ৰতিনিধি তথা বিধায়ক ভাস্কৰ শৰ্মাই এই গুৰুত্বপূৰ্ণ সমস্যাক অগ্ৰাধিকাৰ নিদিয়াৰ ফলতেই লিডুবাসীয়ে বছৰে বছৰে একেই দুৰ্ভোগ ভোগ কৰি আহিছে।

Ratul Deka

Court reporter বৰডুমচা, তিনিচুকীয়া, অসম•

2 hrs ago

এজাক মুষলধাৰ বৰষুণৰ ফলত মাৰ্ঘেৰিটাৰ লিডু অঞ্চলত ভয়ংকৰ কৃত্ৰিম বানপানীৰ সৃষ্টি হৈছে, যাৰ ফলত লিডু মহাবিদ্যালয় সম্পূৰ্ণৰূপে জলমগ্ন হৈ পৰিছে। ইয়াৰ উপৰিও কাষৰ গাঁৱৰ অঞ্চলসমূহো পানীৰ তলত। মহাবিদ্যালয়খনত স্বাভাৱিক পাঠদান ব্যৱস্থা ব্যাপকভাৱে ব্যাহত হোৱাত আজি

পুৱাই বহু দূৰ-দূৰণিৰ পৰা অহা অধ্যাপক-অধ্যাপিকা আৰু ছাত্ৰ-ছাত্ৰীসকলে চৌহদত জমা হোৱা পানীৰ বাবে ভিতৰলৈ প্ৰৱেশ কৰিব নোৱাৰি আধা বাটৰ পৰাই উভতি যাবলগীয়া হয়। ইয়াৰ লগতে জৰুৰীকালীন সেৱাসমূহো সম্পূৰ্ণৰূপে বন্ধ হৈ পৰে। স্থানীয় ৰাইজে অভিযোগ কৰিছে যে

অঞ্চলটোত উপযুক্ত পানী নিষ্কাশন ব্যৱস্থা নথকাৰ ফলতেই সামান্য বৰষুণতে এনে জলাবদ্ধ পৰিস্থিতিৰ সৃষ্টি হয়। প্ৰতিবছৰে বাৰিষাকালত একেই সমস্যাই লিডুবাসীক জুৰুলা কৰি আহিছে যদিও আজিলৈকে কোনো স্থায়ী বা সুদূৰপ্ৰসাৰী সমাধান গ্ৰহণ কৰা হোৱা নাই। এই ঘটনাক কেন্দ্ৰ

কৰি স্থানীয় ৰাইজৰ মাজত তীব্ৰ অসন্তোষৰ সৃষ্টি হৈছে। ৰাইজে অভিযোগ তুলিছে যে অঞ্চলটোৰ পঞ্চায়েত প্ৰতিনিধি তথা বিধায়ক ভাস্কৰ শৰ্মাই এই গুৰুত্বপূৰ্ণ সমস্যাক অগ্ৰাধিকাৰ নিদিয়াৰ ফলতেই লিডুবাসীয়ে বছৰে বছৰে একেই দুৰ্ভোগ ভোগ কৰি আহিছে।