వర్సిటీ నుంచి విమానాశ్రయం వరకు..ఆదిలాబాద్ కాంగ్రెస్ పీఏసీ ఫోకస్ జిల్లా కాంగ్రెస్ కమిటీ ఆధ్వర్యంలో ఆదిలాబాద్‌లోని చిలుకూరి లక్ష్మీ గార్డెన్‌లో శనివారం నిర్వహించిన జిల్లా పొలిటికల్ అఫైర్స్ కమిటీ (పీఏసీ) తొలి సమావేశంలో పార్టీ బలోపేతంతో పాటు జిల్లా అభివృద్ధి అంశాలపై కీలక నిర్ణయాలు తీసుకున్నారు. డీసీసీ అధ్యక్షుడు డా. నరేష్ జాదవ్ అధ్యక్షతన జరిగిన సమావేశంలో నియోజకవర్గ ఇన్‌చార్జులు, ప్రజాప్రతినిధులు, మార్కెట్ కమిటీ చైర్మన్లు, అనుబంధ సంఘాల నాయకులు పాల్గొన్నారు. నూతన డీసీసీ కార్యాలయ నిర్మాణం, మండల కమిటీల ఏర్పాటు,ప్రభుత్వ సంక్షేమ పథకాల అమలు,పార్టీ విస్తరణపై విస్తృతంగా చర్చించారు. రాష్ట్ర,జిల్లా స్థాయి నామినేటెడ్ పోస్టుల భర్తీతో పాటు సంక్షేమ పథకాల అమలులో పార్టీ నాయకులు, కార్యకర్తలను భాగస్వాములను చేయాలని నిర్ణయించారు. ఆదిలాబాద్ జిల్లా విద్యార్థుల ఉన్నత విద్య అవసరాలను దృష్టిలో ఉంచుకుని తలమడుగు మండలం కజ్జర్ల గ్రామ శివారులోని 800 ఎకరాల ప్రభుత్వ భూమిలో విశ్వవిద్యాలయం, జేఎన్‌టీయూ కళాశాల ఏర్పాటు చేయాలని పీఏసీ తీర్మానించింది. ఈ ప్రతిపాదనను రాష్ట్ర ప్రభుత్వం దృష్టికి తీసుకెళ్లాలని నిర్ణయించారు. బోథ్ నియోజకవర్గానికి కీలకమైన కుప్టి ప్రాజెక్టు జీవో నంబర్లు 18,34లను సవరించి నీటి నిల్వ సామర్థ్యాన్ని 6.5 టీఎంసీలకు పెంచాలని సమావేశంలో తీర్మానించారు. సాగు,తాగునీటి అవసరాలకు ఇది ఉపయోగపడుతుందని నాయకులు పేర్కొన్నారు. జైనథ్–బేలా సంయుక్త మార్కెట్ కమిటీని విభజించి బేలాకు ప్రత్యేక మార్కెట్ కమిటీ ఏర్పాటు చేయాలని ప్రతిపాదించారు. ఇందిరమ్మ ఇండ్లను కాంగ్రెస్ ప్రభుత్వమే మంజూరు చేస్తోందని, వాటిపై ఇతరులు ప్రచారం చేసుకోవడం తగదని ఆదిలాబాద్ నియోజకవర్గ ఇన్‌చార్జి కంది శ్రీనివాస్ రెడ్డి అన్నారు. ఆదిలాబాద్ విమానాశ్రయం భూసేకరణకు రాష్ట్ర ప్రభుత్వం నిధులు కేటాయించిందని, ఆదిలాబాద్–ఆర్మూర్ రైల్వే మార్గం నిర్మాణానికి కూడా సహకారం అందిస్తోందని డా. నరేష్ జాదవ్ తెలిపారు. సమావేశంలో మాజీ ఎంపీ సోయం బాపురావు,కంది శ్రీనివాస్ రెడ్డి,ఆడే గజేందర్,బోరంచు శ్రీకాంత్ రెడ్డి,సాజిద్ ఖాన్‌తో పాటు పలువురు కాంగ్రెస్ నాయకులు,ప్రజాప్రతినిధులు,కార్యకర్తలు పాల్గొన్నారు.

AlluriMahesh

Local News Reporter Adilabad Urban, Telangana•

2 hrs ago

వర్సిటీ నుంచి విమానాశ్రయం వరకు..ఆదిలాబాద్ కాంగ్రెస్ పీఏసీ ఫోకస్ జిల్లా కాంగ్రెస్ కమిటీ ఆధ్వర్యంలో ఆదిలాబాద్‌లోని చిలుకూరి లక్ష్మీ గార్డెన్‌లో శనివారం నిర్వహించిన జిల్లా పొలిటికల్ అఫైర్స్ కమిటీ (పీఏసీ) తొలి సమావేశంలో పార్టీ బలోపేతంతో పాటు జిల్లా అభివృద్ధి అంశాలపై కీలక నిర్ణయాలు తీసుకున్నారు. డీసీసీ అధ్యక్షుడు డా. నరేష్ జాదవ్ అధ్యక్షతన జరిగిన సమావేశంలో నియోజకవర్గ ఇన్‌చార్జులు, ప్రజాప్రతినిధులు, మార్కెట్ కమిటీ చైర్మన్లు, అనుబంధ సంఘాల నాయకులు పాల్గొన్నారు. నూతన డీసీసీ కార్యాలయ నిర్మాణం, మండల కమిటీల ఏర్పాటు,ప్రభుత్వ సంక్షేమ పథకాల అమలు,పార్టీ విస్తరణపై విస్తృతంగా చర్చించారు. రాష్ట్ర,జిల్లా స్థాయి నామినేటెడ్ పోస్టుల భర్తీతో పాటు సంక్షేమ పథకాల అమలులో పార్టీ నాయకులు, కార్యకర్తలను భాగస్వాములను చేయాలని నిర్ణయించారు. ఆదిలాబాద్ జిల్లా విద్యార్థుల ఉన్నత విద్య అవసరాలను దృష్టిలో ఉంచుకుని తలమడుగు మండలం కజ్జర్ల గ్రామ శివారులోని 800 ఎకరాల ప్రభుత్వ భూమిలో విశ్వవిద్యాలయం, జేఎన్‌టీయూ కళాశాల ఏర్పాటు చేయాలని పీఏసీ తీర్మానించింది. ఈ ప్రతిపాదనను రాష్ట్ర ప్రభుత్వం దృష్టికి తీసుకెళ్లాలని నిర్ణయించారు. బోథ్ నియోజకవర్గానికి కీలకమైన కుప్టి ప్రాజెక్టు జీవో నంబర్లు 18,34లను సవరించి నీటి నిల్వ సామర్థ్యాన్ని 6.5 టీఎంసీలకు పెంచాలని సమావేశంలో తీర్మానించారు. సాగు,తాగునీటి అవసరాలకు ఇది ఉపయోగపడుతుందని నాయకులు పేర్కొన్నారు. జైనథ్–బేలా సంయుక్త మార్కెట్ కమిటీని విభజించి బేలాకు ప్రత్యేక మార్కెట్ కమిటీ ఏర్పాటు చేయాలని ప్రతిపాదించారు. ఇందిరమ్మ ఇండ్లను కాంగ్రెస్ ప్రభుత్వమే మంజూరు చేస్తోందని, వాటిపై ఇతరులు ప్రచారం చేసుకోవడం తగదని ఆదిలాబాద్ నియోజకవర్గ ఇన్‌చార్జి కంది శ్రీనివాస్ రెడ్డి అన్నారు. ఆదిలాబాద్ విమానాశ్రయం భూసేకరణకు రాష్ట్ర ప్రభుత్వం నిధులు కేటాయించిందని, ఆదిలాబాద్–ఆర్మూర్ రైల్వే మార్గం నిర్మాణానికి కూడా సహకారం అందిస్తోందని డా. నరేష్ జాదవ్ తెలిపారు. సమావేశంలో మాజీ ఎంపీ సోయం బాపురావు,కంది శ్రీనివాస్ రెడ్డి,ఆడే గజేందర్,బోరంచు శ్రీకాంత్ రెడ్డి,సాజిద్ ఖాన్‌తో పాటు పలువురు కాంగ్రెస్ నాయకులు,ప్రజాప్రతినిధులు,కార్యకర్తలు పాల్గొన్నారు.