Shuru
Apke Nagar Ki App…
અરવલ્લી જિલ્લાના બાયડ તાલુકાના ગાબટ ગામે એક મહિલાને અચાનક પ્રસુતિની પીડા ઉપડતાં ૧૦૮ ઈમરજન્સી સેવાનો સંપર્ક કરવામાં આવ્યો હતો. કોલ મળતાની સાથે જ ૧૦૮ના એએમટી હિતેન્દ્રભાઈ પંચાલ અને પાયલોટ તખતસિંહ તાત્કાલિક ગાબટ ગામે મહિલાના ઘરે પહોંચી ગયા હતા. ત્યાં પહોંચીને મેડિકલ ટીમે જોયું કે મહિલાને પ્રસૂતિનો દુખાવો ઘણો વધી ગયો હતો અને હોસ્પિટલ પહોંચાડવાનો સમય ન હોવાથી સ્થળ પર જ પ્રસુતિ કરાવવી અનિવાર્ય હતી. આ કટોકટીની સ્થિતિમાં એએમટી હિતેન્દ્રભાઈ પંચાલે ડૉક્ટર મંથન સરનો ટેલિફોનિક સંપર્ક સાધ્યો હતો અને તેમના માર્ગદર્શન હેઠળ ઘરે જ સફળ પ્રસુતિ કરાવી હતી. નવજાત બાળકના ગળામાં નાળ વીંટળાયેલી હોવા છતાં, ડૉક્ટરના માર્ગદર્શનથી આ મુશ્કેલ પ્રસવ સફળ રહ્યો હતો. જન્મ સમયે બાળકનું વજન ૨.૪ કિલોગ્રામ હતું અને તે સંપૂર્ણ તંદુરસ્ત હતું. આ સફળ કામગીરી બાદ માતા અને બાળક બંનેને બાયડના સામુહિક આરોગ્ય કેન્દ્ર ખાતે દાખલ કરવામાં આવ્યા છે, જ્યાં બંને સ્વસ્થ છે. આ ત્વરિત સેવા બદલ દર્દીના સગા અને ફરજ પરના ડૉક્ટરે ૧૦૮ એમ્બ્યુલન્સ સ્ટાફનો હૃદયપૂર્વક આભાર માન્યો હતો.
સમાચાર 31 ગુજરાત
અરવલ્લી જિલ્લાના બાયડ તાલુકાના ગાબટ ગામે એક મહિલાને અચાનક પ્રસુતિની પીડા ઉપડતાં ૧૦૮ ઈમરજન્સી સેવાનો સંપર્ક કરવામાં આવ્યો હતો. કોલ મળતાની સાથે જ ૧૦૮ના એએમટી હિતેન્દ્રભાઈ પંચાલ અને પાયલોટ તખતસિંહ તાત્કાલિક ગાબટ ગામે મહિલાના ઘરે પહોંચી ગયા હતા. ત્યાં પહોંચીને મેડિકલ ટીમે જોયું કે મહિલાને પ્રસૂતિનો દુખાવો ઘણો વધી ગયો હતો અને હોસ્પિટલ પહોંચાડવાનો સમય ન હોવાથી સ્થળ પર જ પ્રસુતિ કરાવવી અનિવાર્ય હતી. આ કટોકટીની સ્થિતિમાં એએમટી હિતેન્દ્રભાઈ પંચાલે ડૉક્ટર મંથન સરનો ટેલિફોનિક સંપર્ક સાધ્યો હતો અને તેમના માર્ગદર્શન હેઠળ ઘરે જ સફળ પ્રસુતિ કરાવી હતી. નવજાત બાળકના ગળામાં નાળ વીંટળાયેલી હોવા છતાં, ડૉક્ટરના માર્ગદર્શનથી આ મુશ્કેલ પ્રસવ સફળ રહ્યો હતો. જન્મ સમયે બાળકનું વજન ૨.૪ કિલોગ્રામ હતું અને તે સંપૂર્ણ તંદુરસ્ત હતું. આ સફળ કામગીરી બાદ માતા અને બાળક બંનેને બાયડના સામુહિક આરોગ્ય કેન્દ્ર ખાતે દાખલ કરવામાં આવ્યા છે, જ્યાં બંને સ્વસ્થ છે. આ ત્વરિત સેવા બદલ દર્દીના સગા અને ફરજ પરના ડૉક્ટરે ૧૦૮ એમ્બ્યુલન્સ સ્ટાફનો હૃદયપૂર્વક આભાર માન્યો હતો.
More news from ગુજરાત and nearby areas
- અરવલ્લી જિલ્લાના બાયડ તાલુકાના એક ગામમાં એક બાળકમાં ચાંદીપુરા વાયરસ જેવા લક્ષણો જોવા મળતાં આરોગ્ય વિભાગ સતર્ક બન્યું છે. આ કેસને હાલમાં શંકાસ્પદ તરીકે લેવામાં આવ્યો છે અને બાળકને વધુ સારવાર માટે હિંમતનગર સિવિલ હોસ્પિટલમાં ખસેડવામાં આવ્યું છે. બાળકના સેમ્પલ લેબમાં તપાસ માટે મોકલવામાં આવ્યા છે અને તેનો રિપોર્ટ આવ્યા બાદ જ ચાંદીપુરા વાયરસની સત્તાવાર પુષ્ટિ થશે. આ શંકાસ્પદ કેસ સામે આવ્યા બાદ આરોગ્ય વિભાગે તાત્કાલિક અસરથી ગામમાં સર્વેલન્સની કામગીરી શરૂ કરી દીધી છે. મચ્છર અને રેતીમાખીના ઉપદ્રવને નિયંત્રિત કરવા માટે ગામમાં ફોગિંગની કામગીરી હાથ ધરવામાં આવી છે. આ સાથે જ આરોગ્ય વિભાગ દ્વારા સ્થાનિક લોકોને સાવચેતી રાખવા અપીલ કરવામાં આવી છે અને સમગ્ર પરિસ્થિતિ પર સતત નજર રાખવામાં આવી રહી છે.2Hitendra patel
- ગાંધીનગર સ્થિત ભારતીય સેનાના મિલિટરી સેન્ટરમાં ગ્રીન એમ્બેસેડર જીતુભાઈની આગેવાનીમાં અને કેબિનેટ મંત્રી ઋષિકેશ પટેલની ઉપસ્થિતિમાં હરિત અભિયાન અંતર્ગત વૃક્ષારોપણ મહાઅભિયાન યોજાયું હતું. આ આયોજન દરમિયાન કેબિનેટ મંત્રી, સૈન્યના અધિકારીઓ, ગ્રીન ગ્લોબલ બ્રિગેડના પ્રણેતા જીતુભાઈ, ટ્રસ્ટીઓ અને પર્યાવરણપ્રેમીઓએ સાથે મળીને વૃક્ષારોપણ કરી પ્રકૃતિ સંરક્ષણનો સંદેશ વહેતો કર્યો હતો. આ કાર્યક્રમમાં કર્નલ સિદ્ધરાજસિંહ ભાટી, મેજર સૌરભ કુમાર અને તેમની ટીમની વિશેષ કામગીરીને બિરદાવવામાં આવી હતી. ગુજરાત જાહેર સેવા આયોગ (GPSC)ના અધ્યક્ષ હસમુખભાઈ પટેલના સહયોગથી અહીં છેલ્લા બે વર્ષમાં પ્રતિ વર્ષ ૨૧ હજારથી વધુ વૃક્ષોનું સફળ વાવેતર કરાયું છે. હવે ત્રીજા વર્ષમાં પ્રવેશતાની સાથે જ સમગ્ર સૈન્ય કેમ્પસમાં ૧ લાખ વૃક્ષો વાવીને હરિત આવરણ ઊભું કરવાનો નવો સંકલ્પ વ્યક્ત કરવામાં આવ્યો છે. કેન્દ્રીય ગૃહ અને સહકાર મંત્રી અમિત શાહના માર્ગદર્શન હેઠળ ગાંધીનગર લોકસભા વિસ્તારમાં ૧.૨૫ કરોડથી વધુ વૃક્ષો વાવીને વિસ્તારને હરિયાળો બનાવવાનો જે મહાસંકલ્પ ચાલી રહ્યો છે, આ અભિયાન તેમાં મોટું યોગદાન આપી રહ્યું છે. કાર્યક્રમના અંતે જીતુભાઈએ ઉપસ્થિત સૌને ગ્રીન ગ્લોબલ બ્રિગેડના પાંચ સંકલ્પો લેવડાવ્યા હતા અને જણાવ્યું હતું કે વૃક્ષારોપણ એ પ્રકૃતિ પ્રત્યેની આપણી જવાબદારી અને આવનારી પેઢી માટે હરિયાળા ભવિષ્યનું નિર્માણ છે.1BABA SAIYAD
- સાબરકાંઠા જિલ્લાના ખેડબ્રહ્મા તાલુકાના અંતરિયાળ વિસ્તારમાં અને ધરોઈ ડેમના કાંઠે આવેલા ગઢડા શામળાજી ગામે વરસાદ ખેંચાતા ગ્રામજનો ભગવાન શામળિયાના શરણે પહોંચ્યા છે. સાબરકાંઠાના 'મીની શામળાજી' તરીકે ઓળખાતા આ પવિત્ર ધામમાં વરસાદની ભારે ખેંચ વર્તાતા ગ્રામજનો, પૂજારીઓ અને ટ્રસ્ટીઓ દ્વારા ભગવાન શામળિયાને શુદ્ધ જળથી સ્નાન કરાવવાનો નિર્ણય લેવાયો હતો. આ ધાર્મિક વિધિ અંતર્ગત સૌપ્રથમ ભગવાનના વાઘા અને દાગીના ઉતારવામાં આવ્યા હતા. ત્યારબાદ ગામની મહિલાઓ માથે ગડા ભરીને પવિત્ર અને શુદ્ધ પાણી લાવી હતી, જેના વડે પૂજારી દ્વારા ભગવાનને શાસ્ત્રોક્ત સ્નાન કરાવવામાં આવ્યું હતું. સ્નાન વિધિ પૂર્ણ થયા બાદ ભગવાનને ફરીથી નવા વાઘા અને દાગીના પહેરાવી સુંદર શણગાર સજાવવામાં આવ્યો હતો. આ પ્રસંગે મોટી સંખ્યામાં મહિલાઓ અને ગ્રામજનોની ઉપસ્થિતિમાં કાળિયા ઠાકોરની પૂજા-આરતી કરવામાં આવી હતી અને મેઘરાજા સમયસર પધારે તે માટે હૃદયપૂર્વક પ્રાર્થના કરવામાં આવી હતી.1દિવાકર બન્ના
- મહીસાગર જિલ્લાના લુણાવાડા તાલુકામાં હવેલી બારીયા સમાજ દ્વારા તેજસ્વી તારલાઓના સન્માન માટે એક ભવ્ય કાર્યક્રમનું આયોજન કરવામાં આવ્યું હતું. આ ગૌરવવંતા સમારોહમાં મહીસાગર જિલ્લાના પોલીસ અધિક્ષક શ્રી સફીન હસન મુખ્ય અતિથિ તરીકે વિશેષ ઉપસ્થિત રહ્યા હતા. તેમણે તમામ વિદ્યાર્થીઓને પ્રોત્સાહિત કરી અભિનંદન પાઠવ્યા હતા અને તેમના ઉજ્જવળ ભવિષ્ય માટે શુભેચ્છાઓ વ્યક્ત કરી હતી. આ પ્રસંગે હવેલી વિભાગના સામાજિક અને રાજકીય આગેવાનો, બારીયા સમાજ મંડળના ટ્રસ્ટીઓ તેમજ મોટી સંખ્યામાં તેજસ્વી વિદ્યાર્થીઓ અને તેમના વાલીગણ હાજર રહ્યા હતા. કાર્યક્રમમાં પૂર્વ ધારાસભ્ય કાળુભાઈ માલિવાડ, પંચમહાલ ડેરીના ડિરેક્ટર જુવાનસિંહ ચૌહાણ અને ગુજરાત ક્ષત્રિય ઠાકોર સેનાના મહીસાગર જિલ્લા પ્રમુખ કિરીટસિંહ ઝાલા પણ ખાસ ઉપસ્થિત રહ્યા હતા. આ ઉપરાંત બાંધકામ સમિતિના ચેરમેન અરવિંદભાઈ બારીયા, શિવમ ઇન્સ્ટીટ્યુટ સંસ્થાના ડિરેક્ટર વિક્રમસિંહ ખાંટ, સી. એન. બારીયા, હવેલી મંડળના પ્રમુખશ્રી અને ટ્રસ્ટી મકનસિંહ પગી સહિત સમાજના અનેક સામાજિક અને રાજકીય અગ્રણીઓએ કાર્યક્રમમાં હાજરી આપીને ગરિમા વધારી હતી.1DILIPBHAI BARIA
- વિજયનગરના પોલો ફોરેસ્ટમાં એક કરુણ દુર્ઘટના ઘટી છે, જેમાં બે યુવકો પાણીમાં ડૂબી ગયા છે. મૃત્યુ પામેલા બંને યુવકોની ઓળખ ટીંટોઈના સાહિલ મોરી અને યશ વાઘેલા તરીકે કરવામાં આવી છે. વહીવટી તંત્ર દ્વારા આ બંને યુવકો પાણીમાં ડૂબ્યા હોવાની સત્તાવાર પુષ્ટિ પણ કરી દેવામાં આવી છે. આ ઘટનાની જાણ થતાં જ સ્થાનિક તંત્રે તાત્કાલિક ધોરણે ઘટનાસ્થળે પહોંચીને શોધખોળની કામગીરી હાથ ધરી હતી. આ અકસ્માત બાદ સમગ્ર ટીંટોઈ સહિત અરવલ્લી જિલ્લામાં શોકની લાગણી વ્યાપી ગઈ છે અને હાલ આ મામલે વધુ વિગતો આવવાની રાહ જોવાઈ રહી છે।1Arvalli city news
