कोल्हापूर येथील अयोध्या टॉवर, दाभोळकर कॉर्नर येथे रविवार, 21 जून रोजी चेस असोसिएशन कोल्हापूरने आयोजित केलेल्या जी.एच. रायसोनी स्मृती 17 वर्षाखालील मुला-मुलींच्या कोल्हापूर जिल्हा निवड बुद्धिबळ स्पर्धांचा उत्साहात प्रारंभ झाला. या स्पर्धांमध्ये इचलकरंजी, जयसिंगपूर, गडहिंग्लज, चंदगड, कागल, वारणानगर आणि स्थानिक कोल्हापूर येथील एकूण 57 नामवंत बुद्धिबळपटूंनी सहभाग घेतला आहे, ज्यापैकी 28 बुद्धिबळपटू आंतरराष्ट्रीय गुणांकन प्राप्त आहेत. स्विस् लीग पद्धतीने जलद बुद्धिबळाच्या आंतरराष्ट्रीय नियमानुसार होणाऱ्या या स्पर्धेतून मुलांच्या गटातून दोन आणि मुलींच्या गटातून चार खेळाडूंची निवड मुंबई येथे होणाऱ्या महाराष्ट्र राज्य 17 वर्षाखालील निवड बुद्धिबळ स्पर्धेसाठी केली जाणार आहे. जी.एच. रायसोनी स्पोर्ट्स अँड कल्चरल फाउंडेशन आणि कल्पना प्रकाश वेल्फेअर फाउंडेशनने या स्पर्धांना पुरस्कृत केले असून, युनिव्हर्सल सेक्युरिटी सर्व्हिसेसचे कॅप्टन उत्तम पाटील यांनी स्पर्धेसाठी सभागृह उपलब्ध करून सहकार्य केले आहे. सामाजिक कार्यकर्ते व उचगाव ग्रामपंचायतीचे सदस्य तल्हा मणेर आणि कॅंडिडेट मास्टर अनिश गांधी यांच्या हस्ते बुद्धिबळाच्या पटावर चाल करून स्पर्धेचे उद्घाटन करण्यात आले. यावेळी चेस असोसिएशन कोल्हापूरचे सचिव आणि स्पर्धेचे मुख्य पंच मनीष मारुलकर, राष्ट्रीय पंच आरती मोदी, राज्य पंच किरण शिंदे आणि महेश व्यापारी उपस्थित होते. आज झालेल्या तिसऱ्या फेरीनंतर मुलांच्या गटात द्वितीय मानांकित व्यंकटेश खाडे पाटील (कोल्हापूर), तृतीय मानांकित सर्वेश पोतदार (कोल्हापूर), पाचवा मानांकित अरिन कुलकर्णी (कोल्हापूर) आणि आठवा मानांकित राजदीप पाटील (कोल्हापूर) हे चौघेजण प्रत्येकी तीन गुणांसह संयुक्तपणे आघाडीवर आहेत. तर, अग्रमानांकित स्वरूप साळवी (गडहिंग्लज) आणि अकरावा मानांकित प्रणव मोरे (कोल्हापूर) हे दोघे अडीच गुणांसह संयुक्तपणे द्वितीय स्थानावर आहेत. मुलींच्या गटात, तिसऱ्या फेरीनंतर अग्रमानांकित संस्कृती सुतार (नांदणी), पाचवी मानांकित स्नेहल गावडे (कोल्हापूर) आणि सातवी मानांकित निधी पोटे (चंदगड) या तिघीजणी प्रत्येकी तीन गुणांसह संयुक्तपणे आघाडीवर आहेत. जी.एच. रायसोनी स्मृती कोल्हापूर जिल्हा सतरा वर्षाखालील मुला-मुलींच्या निवड बुद्धिबळ स्पर्धेत संस्कृती, स्नेहल, निधी, व्यंकटेश, सर्वेश, अरीन आणि राजदीप हे खेळाडू सध्या आघाडीवर आहेत.

E city news network

Local News Reporter करवीर, कोल्हापूर, महाराष्ट्र•

1 hr ago

कोल्हापूर येथील अयोध्या टॉवर, दाभोळकर कॉर्नर येथे रविवार, 21 जून रोजी चेस असोसिएशन कोल्हापूरने आयोजित केलेल्या जी.एच. रायसोनी स्मृती 17 वर्षाखालील मुला-मुलींच्या कोल्हापूर जिल्हा निवड बुद्धिबळ स्पर्धांचा उत्साहात प्रारंभ झाला. या स्पर्धांमध्ये इचलकरंजी, जयसिंगपूर, गडहिंग्लज, चंदगड, कागल, वारणानगर आणि स्थानिक कोल्हापूर येथील एकूण 57 नामवंत बुद्धिबळपटूंनी सहभाग घेतला आहे, ज्यापैकी 28 बुद्धिबळपटू आंतरराष्ट्रीय गुणांकन प्राप्त आहेत. स्विस् लीग पद्धतीने जलद बुद्धिबळाच्या आंतरराष्ट्रीय नियमानुसार होणाऱ्या या स्पर्धेतून मुलांच्या गटातून दोन आणि मुलींच्या गटातून चार खेळाडूंची निवड मुंबई येथे होणाऱ्या महाराष्ट्र राज्य 17 वर्षाखालील निवड बुद्धिबळ स्पर्धेसाठी केली जाणार आहे. जी.एच. रायसोनी स्पोर्ट्स अँड कल्चरल फाउंडेशन आणि कल्पना प्रकाश वेल्फेअर फाउंडेशनने या स्पर्धांना पुरस्कृत केले असून, युनिव्हर्सल सेक्युरिटी सर्व्हिसेसचे कॅप्टन उत्तम पाटील यांनी स्पर्धेसाठी सभागृह उपलब्ध करून सहकार्य केले आहे. सामाजिक कार्यकर्ते व उचगाव ग्रामपंचायतीचे सदस्य तल्हा मणेर आणि कॅंडिडेट मास्टर अनिश गांधी यांच्या हस्ते बुद्धिबळाच्या पटावर चाल करून स्पर्धेचे उद्घाटन करण्यात आले. यावेळी चेस असोसिएशन कोल्हापूरचे सचिव आणि स्पर्धेचे मुख्य पंच मनीष मारुलकर, राष्ट्रीय पंच आरती मोदी, राज्य पंच किरण शिंदे आणि महेश व्यापारी उपस्थित होते. आज झालेल्या तिसऱ्या फेरीनंतर मुलांच्या गटात द्वितीय मानांकित व्यंकटेश खाडे पाटील (कोल्हापूर), तृतीय मानांकित सर्वेश पोतदार (कोल्हापूर), पाचवा मानांकित अरिन कुलकर्णी (कोल्हापूर) आणि आठवा मानांकित राजदीप पाटील (कोल्हापूर) हे चौघेजण प्रत्येकी तीन गुणांसह संयुक्तपणे आघाडीवर आहेत. तर, अग्रमानांकित स्वरूप साळवी (गडहिंग्लज) आणि अकरावा मानांकित प्रणव मोरे (कोल्हापूर) हे दोघे अडीच गुणांसह संयुक्तपणे द्वितीय स्थानावर आहेत. मुलींच्या गटात, तिसऱ्या फेरीनंतर अग्रमानांकित संस्कृती सुतार (नांदणी), पाचवी मानांकित स्नेहल गावडे (कोल्हापूर) आणि सातवी मानांकित निधी पोटे (चंदगड) या तिघीजणी प्रत्येकी तीन गुणांसह संयुक्तपणे आघाडीवर आहेत. जी.एच. रायसोनी स्मृती कोल्हापूर जिल्हा सतरा वर्षाखालील मुला-मुलींच्या निवड बुद्धिबळ स्पर्धेत संस्कृती, स्नेहल, निधी, व्यंकटेश, सर्वेश, अरीन आणि राजदीप हे खेळाडू सध्या आघाडीवर आहेत.