விருதுநகர் மாவட்ட அரசு மருத்துவக் கல்லூரி மருத்துவமனையில் மருத்துவம் மற்றும் மக்கள் நல்வாழ்வுத்துறை சார்பில், உலக மக்கள் தொகை தினத்தை முன்னிட்டு மாபெரும் விழிப்புணர்வு பேரணி நடைபெற்றது. விருதுநகர் மாவட்ட ஆட்சித்தலைவர் சுகபுத்ரா இப்பேரணியைக் கொடியசைத்துத் துவக்கி வைத்தார். இப்பேரணியில் 100-க்கும் மேற்பட்ட அரசு செவிலியர் பள்ளி மாணவிகள் ஆர்வமுடன் கலந்துகொண்டனர். அவர்கள் பொதுமக்களிடையே விழிப்புணர்வை ஏற்படுத்தும் வகையில் வாசகங்கள் அடங்கிய பதாகைகளை ஏந்திச் சென்றனர். அரசு மருத்துவக் கல்லூரி மருத்துவமனையின் மகப்பேறு பிரிவிலிருந்து தொடங்கிய இந்த விழிப்புணர்வு பேரணியானது, நகரின் முக்கிய வீதிகளின் வழியாக வலம் வந்து பொதுமக்களிடையே மக்கள் தொகை கட்டுப்பாட்டின் அவசியம் குறித்த விழிப்புணர்வை ஏற்படுத்தியது. முன்னதாக, மாவட்ட ஆட்சியருடன் இணைந்து மருத்துவர்கள் மற்றும் செவிலியர் பள்ளி மாணவிகள் விழிப்புணர்வு உறுதிமொழி எடுத்துக்கொண்டனர். அதனைத் தொடர்ந்து, உலக மக்கள் தொகையை முன்னிட்டு நடத்தப்பட்ட பேச்சுப்போட்டியில் முதல் மூன்று இடங்களைப் பிடித்த மாணவிகளுக்கு மாவட்ட ஆட்சியர் சான்றிதழ்களை வழங்கினார். இந்நிகழ்வில் மருத்துவமனை உயர் அதிகாரிகள், மருத்துவர்கள் மற்றும் மருத்துவப் பணியாளர்கள் பலர் கலந்துகொண்டனர்.

க.பாலசுப்பிரமணியன்

Photographer சாத்தூர், விருதுநகர், தமிழ்நாடு•

3 hrs ago

விருதுநகர் மாவட்ட அரசு மருத்துவக் கல்லூரி மருத்துவமனையில் மருத்துவம் மற்றும் மக்கள் நல்வாழ்வுத்துறை சார்பில், உலக மக்கள் தொகை தினத்தை முன்னிட்டு மாபெரும் விழிப்புணர்வு பேரணி நடைபெற்றது. விருதுநகர் மாவட்ட ஆட்சித்தலைவர் சுகபுத்ரா இப்பேரணியைக் கொடியசைத்துத் துவக்கி வைத்தார். இப்பேரணியில் 100-க்கும் மேற்பட்ட அரசு செவிலியர் பள்ளி மாணவிகள் ஆர்வமுடன் கலந்துகொண்டனர். அவர்கள் பொதுமக்களிடையே விழிப்புணர்வை ஏற்படுத்தும் வகையில் வாசகங்கள் அடங்கிய பதாகைகளை ஏந்திச் சென்றனர். அரசு மருத்துவக் கல்லூரி மருத்துவமனையின் மகப்பேறு பிரிவிலிருந்து தொடங்கிய இந்த விழிப்புணர்வு பேரணியானது, நகரின் முக்கிய வீதிகளின் வழியாக வலம் வந்து பொதுமக்களிடையே மக்கள் தொகை கட்டுப்பாட்டின் அவசியம் குறித்த விழிப்புணர்வை ஏற்படுத்தியது. முன்னதாக, மாவட்ட ஆட்சியருடன் இணைந்து மருத்துவர்கள் மற்றும் செவிலியர் பள்ளி மாணவிகள் விழிப்புணர்வு உறுதிமொழி எடுத்துக்கொண்டனர். அதனைத் தொடர்ந்து, உலக மக்கள் தொகையை முன்னிட்டு நடத்தப்பட்ட பேச்சுப்போட்டியில் முதல் மூன்று இடங்களைப் பிடித்த மாணவிகளுக்கு மாவட்ட ஆட்சியர் சான்றிதழ்களை வழங்கினார். இந்நிகழ்வில் மருத்துவமனை உயர் அதிகாரிகள், மருத்துவர்கள் மற்றும் மருத்துவப் பணியாளர்கள் பலர் கலந்துகொண்டனர்.