वसंतराव नाईक मराठवाडा कृषी विद्यापीठ, परभणी यांच्या विस्तार शिक्षण संचालनालय आणि हिंगोली जिल्ह्यातील तोंडापूर येथील कृषी विज्ञान केंद्र यांच्या संयुक्त विद्यमाने १० जुलै २०२६ रोजी १०६ व्या ऑनलाईन शेतकरी-शास्त्रज्ञ संवाद कार्यक्रमाचे यशस्वी आयोजन करण्यात आले. या कार्यक्रमाच्या अध्यक्षस्थानी कुलगुरू डॉ. इंद्रमणी होते. यावेळी विस्तार शिक्षण संचालक डॉ. राकेश अहिरे आणि केव्हीके, तोंडापूरचे वरिष्ठ शास्त्रज्ञ व प्रमुख डॉ. पी. पी. शेळके यांची प्रमुख उपस्थिती होती. कार्यक्रमाचे प्रमुख मार्गदर्शक, कृषी महाविद्यालय, परभणी येथील मृदा शास्त्र व कृषी रसायनशास्त्र विभागाचे प्रमुख डॉ. हरिहर कौसडीकर यांनी रासायनिक खतांच्या अतिवापरामुळे होणारे जमिनीचे नुकसान आणि सेंद्रिय कर्ब घटण्याबाबत सविस्तर मार्गदर्शन केले. जमिनीची सुपीकता आणि पर्यावरणाच्या संरक्षणासाठी नैसर्गिक शेती ही काळाची गरज असल्याचे मत कुलगुरु डॉ. इंद्रमणी यांनी व्यक्त केले. शास्त्रीय शिफारसी थेट शेतकऱ्यांपर्यंत पोहोचवण्यासाठी असे संवाद कार्यक्रम अत्यंत महत्त्वाचे असल्याचे मत डॉ. राकेश अहिरे यांनी मांडले. डॉ. पी. पी. शेळके यांनी शेतकऱ्यांना केव्हीकेद्वारे आयोजित नैसर्गिक शेती आणि मृदा आरोग्य व्यवस्थापन प्रशिक्षणांमध्ये सक्रिय सहभाग नोंदवण्याचे आवाहन केले. रासायनिक खतांचा पर्यायी स्त्रोत आणि नैसर्गिक शेती या विषयावरील या ऑनलाईन उपक्रमात राज्यातील विविध जिल्ह्यांतील शेतकरी, कृषी अधिकारी, शास्त्रज्ञ आणि विद्यार्थी मोठ्या संख्येने सहभागी झाले होते. शेवटी प्रश्नोत्तरांच्या सत्राने या कार्यक्रमाची सांगता झाली.

Shankar mulgir

Reporter कळमनुरी, हिंगोली, महाराष्ट्र•

3 hrs ago

वसंतराव नाईक मराठवाडा कृषी विद्यापीठ, परभणी यांच्या विस्तार शिक्षण संचालनालय आणि हिंगोली जिल्ह्यातील तोंडापूर येथील कृषी विज्ञान केंद्र यांच्या संयुक्त विद्यमाने १० जुलै २०२६ रोजी १०६ व्या ऑनलाईन शेतकरी-शास्त्रज्ञ संवाद कार्यक्रमाचे यशस्वी आयोजन करण्यात आले. या कार्यक्रमाच्या अध्यक्षस्थानी कुलगुरू डॉ. इंद्रमणी होते. यावेळी विस्तार शिक्षण संचालक डॉ. राकेश अहिरे आणि केव्हीके, तोंडापूरचे वरिष्ठ शास्त्रज्ञ व प्रमुख डॉ. पी. पी. शेळके यांची प्रमुख उपस्थिती होती. कार्यक्रमाचे प्रमुख मार्गदर्शक, कृषी महाविद्यालय, परभणी येथील मृदा शास्त्र व कृषी रसायनशास्त्र विभागाचे प्रमुख डॉ. हरिहर कौसडीकर यांनी रासायनिक खतांच्या अतिवापरामुळे होणारे जमिनीचे नुकसान आणि सेंद्रिय कर्ब घटण्याबाबत सविस्तर मार्गदर्शन केले. जमिनीची सुपीकता आणि पर्यावरणाच्या संरक्षणासाठी नैसर्गिक शेती ही काळाची गरज असल्याचे मत कुलगुरु डॉ. इंद्रमणी यांनी व्यक्त केले. शास्त्रीय शिफारसी थेट शेतकऱ्यांपर्यंत पोहोचवण्यासाठी असे संवाद कार्यक्रम अत्यंत महत्त्वाचे असल्याचे मत डॉ. राकेश अहिरे यांनी मांडले. डॉ. पी. पी. शेळके यांनी शेतकऱ्यांना केव्हीकेद्वारे आयोजित नैसर्गिक शेती आणि मृदा आरोग्य व्यवस्थापन प्रशिक्षणांमध्ये सक्रिय सहभाग नोंदवण्याचे आवाहन केले. रासायनिक खतांचा पर्यायी स्त्रोत आणि नैसर्गिक शेती या विषयावरील या ऑनलाईन उपक्रमात राज्यातील विविध जिल्ह्यांतील शेतकरी, कृषी अधिकारी, शास्त्रज्ञ आणि विद्यार्थी मोठ्या संख्येने सहभागी झाले होते. शेवटी प्रश्नोत्तरांच्या सत्राने या कार्यक्रमाची सांगता झाली.