राष्ट्रवादी काँग्रेस शरदचंद्र पवार पक्षाच्या राष्ट्रीय युवती आघाडीने आज मुंबईतील वाय. बी. सेंटर येथे भाजप सरकारविरोधात तीव्र निदर्शने केली. राष्ट्रीय युवती आघाडीच्या अध्यक्षा सक्षणा सलगर यांनी सरकारवर आरोप केला की, देशात आणि राज्यात महिला असुरक्षित आहेत, तसेच नीट पेपरफुटीमुळे लाखो विद्यार्थ्यांचे भविष्य अंधारात गेले आहे. या सर्व परिस्थितीला सरकार जबाबदार असल्याचा निषेध करत त्यांनी भाजप सरकारचा तीव्र शब्दांत धिक्कार केला. या आंदोलनादरम्यान वाय. बी. सेंटर येथे मोठ्या प्रमाणावर पोलीस बंदोबस्त तैनात होता. सरकारविरोधात घोषणाबाजी सुरू झाल्यानंतर, आंदोलनकर्त्या युवती आघाडीच्या पदाधिकारी आणि कार्यकर्त्यांना ताब्यात घेण्यासाठी पोलिसांनी कारवाई सुरू केली. यावेळी पोलीस आणि युवती पदाधिकाऱ्यांमध्ये झटापट झाल्याचे दिसून आले. आंदोलनकर्त्यांनी म्हटले की, ते संविधानाने दिलेल्या अधिकारानुसार शांततेत आंदोलन करत असताना, सरकार पोलिसांचा वापर करून त्यांना दडपण्याचा प्रयत्न करत आहे. या कृतीचा निषेध करत असतानाच पोलिसांनी युवती आघाडीच्या पदाधिकारी आणि कार्यकर्त्यांना ताब्यात घेतले. 'सरकार हमसे डरती हैं... पोलीस को आगे करती हैं...' अशा घोषणा देत राष्ट्रवादी काँग्रेस शरदचंद्र पवार पक्षाची राष्ट्रीय युवती आघाडी या घटनेमुळे अधिक आक्रमक झाल्याचे स्पष्ट झाले.

लोकमान्य टाइम्स

पिंपरी चिंचवड, पुणे, महाराष्ट्र•

3 hrs ago

राष्ट्रवादी काँग्रेस शरदचंद्र पवार पक्षाच्या राष्ट्रीय युवती आघाडीने आज मुंबईतील वाय. बी. सेंटर येथे भाजप सरकारविरोधात तीव्र निदर्शने केली. राष्ट्रीय युवती आघाडीच्या अध्यक्षा सक्षणा सलगर यांनी सरकारवर आरोप केला की, देशात आणि राज्यात महिला असुरक्षित आहेत, तसेच नीट पेपरफुटीमुळे लाखो विद्यार्थ्यांचे भविष्य अंधारात गेले आहे. या सर्व परिस्थितीला सरकार जबाबदार असल्याचा निषेध करत त्यांनी भाजप सरकारचा तीव्र शब्दांत धिक्कार केला. या आंदोलनादरम्यान वाय. बी. सेंटर येथे मोठ्या प्रमाणावर पोलीस बंदोबस्त तैनात होता. सरकारविरोधात घोषणाबाजी सुरू झाल्यानंतर, आंदोलनकर्त्या युवती आघाडीच्या पदाधिकारी आणि कार्यकर्त्यांना ताब्यात घेण्यासाठी पोलिसांनी कारवाई सुरू केली. यावेळी पोलीस आणि युवती पदाधिकाऱ्यांमध्ये झटापट झाल्याचे दिसून आले. आंदोलनकर्त्यांनी म्हटले की, ते संविधानाने दिलेल्या अधिकारानुसार शांततेत आंदोलन करत असताना, सरकार पोलिसांचा वापर करून त्यांना दडपण्याचा प्रयत्न करत आहे. या कृतीचा निषेध करत असतानाच पोलिसांनी युवती आघाडीच्या पदाधिकारी आणि कार्यकर्त्यांना ताब्यात घेतले. 'सरकार हमसे डरती हैं... पोलीस को आगे करती हैं...' अशा घोषणा देत राष्ट्रवादी काँग्रेस शरदचंद्र पवार पक्षाची राष्ट्रीय युवती आघाडी या घटनेमुळे अधिक आक्रमक झाल्याचे स्पष्ट झाले.