सातारा जिल्हा परिषद निवडणुकीवरून महायुतीतील मंत्र्यांमध्ये असलेला अंतर्गत वाद पुन्हा एकदा समोर आला आहे. अलीकडेच विधानसभा भवन परिसरात राष्ट्रवादी काँग्रेस शरद पवार पक्षाचे माजी प्रदेशाध्यक्ष आमदार जयंत पाटील यांच्यासमोर पालकमंत्री शंभूराजे देसाई आणि बांधकाम मंत्री शिवेंद्रराजे भोसले यांनी एकमेकांना कोपरखळ्या मारल्याचा व्हिडिओ समाज माध्यमांवर व्हायरल झाला आहे. सातारा जिल्ह्यात महायुतीचा चांगलाच प्रभाव असून, शिवसेना, भाजप आणि राष्ट्रवादी काँग्रेसचे मंत्री येथे कार्यरत आहेत. शिवसेनेकडून पालकमंत्री शंभूराजे देसाई, भाजपकडून बांधकाम मंत्री शिवेंद्रराजे भोसले आणि राष्ट्रवादी काँग्रेसकडून मदत व पुनर्वसन मंत्री मकरंद पाटील हे काम करत आहेत. जिल्हा परिषद सदस्य निवडीमध्ये पालकमंत्री शंभूराजे देसाई यांनी राष्ट्रवादी काँग्रेसचे मंत्री मकरंद पाटील आणि शरद पवार राष्ट्रवादी काँग्रेसचे प्रदेशाध्यक्ष आमदार शशिकांत शिंदे यांना सोबत घेऊन भाजपला धोबीपछाड दिली होती. मात्र, जिल्हा परिषद अध्यक्ष व इतर विषय सभापतींच्या निवडीत भाजपने बाजी मारली. यावेळी भाजपकडून मंत्री शिवेंद्रराजे भोसले यांनी शिवसेनेचे आमदार महेश शिंदे आणि ग्रामविकास मंत्री जयकुमार गोरे यांना साथीला घेत, पालकमंत्री शंभूराजे देसाई यांच्या मनसूब्यावर पाणी फिरवून भाजपची सत्ता प्रस्थापित केली. या पदाधिकारी निवडीमध्ये अनेक राजकीय आरोप झाले, ज्यात पोलीस प्रशासनाला 'बळीचा बकरा' बनवण्यात आल्याची चर्चा आजही सातारा जिल्ह्यात आहे. असे आरोप झाले होते की, कोणाच्या तरी आदेशाने पालकमंत्री व इतर मंत्र्यांना सत्तेपासून रोखण्यासाठी शिवसेना आणि राष्ट्रवादी काँग्रेसच्या सदस्यांना जिल्हा परिषदेच्या निवडणुकीसाठी पोहोचण्यात अडथळे निर्माण केले गेले. एवढेच नाही, तर पोलीस प्रशासनाने मंत्र्यांना धक्काबुक्की केल्याचेही आरोप त्यावेळी झाले होते, ज्यामुळे ही निवडणूक राज्यभर गाजली. शिवसेना, राष्ट्रवादी व मित्रपक्षांकडे एकूण ३५ सदस्य असताना आणि भाजपकडे २८ सदस्य असतानाही, पदाधिकारी निवडीत भाजप व मित्रपक्षांनी ३३ विरुद्ध ३० अशी बाजी मारली. या घटनेचे पडसाद विधासभा आणि विधान परिषदेच्या सभागृहातही उमटले होते, त्यानंतर भाजपने शिवसेना आणि राष्ट्रवादी काँग्रेसला एकत्रित सत्ता स्थापन करण्याचा निरोप दिला होता. तेव्हापासून मंत्री शंभूराजे देसाई आणि मंत्री शिवेंद्रराजे भोसले यांच्या भेटींमध्ये जिल्हा परिषद पदाधिकारी निवडीवरून एकमेकांना सातत्याने कोपरखळ्या आणि चिमटे काढले जात होते. आता जयंत पाटील यांच्यासमोर झालेल्या या सार्वजनिक शाब्दिक चकमकीने महायुतीतील मंत्र्यांमधील अंतर्गत संघर्ष पुन्हा एकदा अधोरेखित झाला आहे.

लोकमान्य टाइम्स

पिंपरी चिंचवड, पुणे, महाराष्ट्र•

3 hrs ago

सातारा जिल्हा परिषद निवडणुकीवरून महायुतीतील मंत्र्यांमध्ये असलेला अंतर्गत वाद पुन्हा एकदा समोर आला आहे. अलीकडेच विधानसभा भवन परिसरात राष्ट्रवादी काँग्रेस शरद पवार पक्षाचे माजी प्रदेशाध्यक्ष आमदार जयंत पाटील यांच्यासमोर पालकमंत्री शंभूराजे देसाई आणि बांधकाम मंत्री शिवेंद्रराजे भोसले यांनी एकमेकांना कोपरखळ्या मारल्याचा व्हिडिओ समाज माध्यमांवर व्हायरल झाला आहे. सातारा जिल्ह्यात महायुतीचा चांगलाच प्रभाव असून, शिवसेना, भाजप आणि राष्ट्रवादी काँग्रेसचे मंत्री येथे कार्यरत आहेत. शिवसेनेकडून पालकमंत्री शंभूराजे देसाई, भाजपकडून बांधकाम मंत्री शिवेंद्रराजे भोसले आणि राष्ट्रवादी काँग्रेसकडून मदत व पुनर्वसन मंत्री मकरंद पाटील हे काम करत आहेत. जिल्हा परिषद सदस्य निवडीमध्ये पालकमंत्री शंभूराजे देसाई यांनी राष्ट्रवादी काँग्रेसचे मंत्री मकरंद पाटील आणि शरद पवार राष्ट्रवादी काँग्रेसचे प्रदेशाध्यक्ष आमदार शशिकांत शिंदे यांना सोबत घेऊन भाजपला धोबीपछाड दिली होती. मात्र, जिल्हा परिषद अध्यक्ष व इतर विषय सभापतींच्या निवडीत भाजपने बाजी मारली. यावेळी भाजपकडून मंत्री शिवेंद्रराजे भोसले यांनी शिवसेनेचे आमदार महेश शिंदे आणि ग्रामविकास मंत्री जयकुमार गोरे यांना साथीला घेत, पालकमंत्री शंभूराजे देसाई यांच्या मनसूब्यावर पाणी फिरवून भाजपची सत्ता प्रस्थापित केली. या पदाधिकारी निवडीमध्ये अनेक राजकीय आरोप झाले, ज्यात पोलीस प्रशासनाला 'बळीचा बकरा' बनवण्यात आल्याची चर्चा आजही सातारा जिल्ह्यात आहे. असे आरोप झाले होते की, कोणाच्या तरी आदेशाने पालकमंत्री व इतर मंत्र्यांना सत्तेपासून रोखण्यासाठी शिवसेना आणि राष्ट्रवादी काँग्रेसच्या सदस्यांना जिल्हा परिषदेच्या निवडणुकीसाठी पोहोचण्यात अडथळे निर्माण केले गेले. एवढेच नाही, तर पोलीस प्रशासनाने मंत्र्यांना धक्काबुक्की केल्याचेही आरोप त्यावेळी झाले होते, ज्यामुळे ही निवडणूक राज्यभर गाजली. शिवसेना, राष्ट्रवादी व मित्रपक्षांकडे एकूण ३५ सदस्य असताना आणि भाजपकडे २८ सदस्य असतानाही, पदाधिकारी निवडीत भाजप व मित्रपक्षांनी ३३ विरुद्ध ३० अशी बाजी मारली. या घटनेचे पडसाद विधासभा आणि विधान परिषदेच्या सभागृहातही उमटले होते, त्यानंतर भाजपने शिवसेना आणि राष्ट्रवादी काँग्रेसला एकत्रित सत्ता स्थापन करण्याचा निरोप दिला होता. तेव्हापासून मंत्री शंभूराजे देसाई आणि मंत्री शिवेंद्रराजे भोसले यांच्या भेटींमध्ये जिल्हा परिषद पदाधिकारी निवडीवरून एकमेकांना सातत्याने कोपरखळ्या आणि चिमटे काढले जात होते. आता जयंत पाटील यांच्यासमोर झालेल्या या सार्वजनिक शाब्दिक चकमकीने महायुतीतील मंत्र्यांमधील अंतर्गत संघर्ष पुन्हा एकदा अधोरेखित झाला आहे.