दिल्लीतील जंतर-मंतर येथे उपोषणाला बसलेल्या विद्यार्थ्यांवर, महिलांवर आणि चिमुकल्या मुलांवर झालेला लाठीहल्ला अत्यंत अमानुष व संविधानविरोधी असल्याचा आरोप करत जालन्यातील सामाजिक कार्यकर्ते साद बीन मुबारक व त्यांच्या सहकाऱ्यांनी जिल्हाधिकाऱ्यांना निवेदन सादर केले आहे. गुरुवारी, 23 जुलै रोजी दुपारी सादर केलेल्या या निवेदनाद्वारे पीडितांना तात्काळ न्याय मिळवून देण्याची मागणी करण्यात आली आहे. निवेदनात दिलेल्या माहितीनुसार, जंतर-मंतर येथे गेल्या काही दिवसांपासून विद्यार्थ्यांचे उपोषण सुरू होते. हे उपोषण मोडून काढण्यासाठी पोलीस प्रशासनाकडून बळाचा वापर करत उपोषणकर्त्यांवर अमानुषपणे लाठीहल्ला करण्यात आला तसेच अश्रूधुराच्या नळकांड्या फोडण्यात आल्या. आंदोलकांच्या रास्त मागण्यांवर तोडगा काढण्याऐवजी त्यांना मारहाण करण्यात आली, ही खेदाची बाब आहे. एकीकडे शासन 'बेटी बचाव, बेटी पढाओ'चा नारा देते आणि दुसरीकडे आंदोलन करणाऱ्या महिला व विद्यार्थ्यांना पोलिसांच्या उपस्थितीत मारहाण केली जाते, ज्यावेळी पोलिसांनी केवळ प्रेक्षकाची भूमिका घेतली असा गंभीर आरोपही करण्यात आला आहे. या घटनेमुळे देशभरात संतापाची लाट पसरली असून प्रशासनाकडे काही प्रमुख मागण्या करण्यात आल्या आहेत. जंतर-मंतर येथील पीडित महिला, मुले व उपोषणकर्त्यांना शासनाने त्वरित न्याय द्यावा, लोकशाही मार्गाने आंदोलन करणाऱ्यांवर होणारे अत्याचार थांबवावेत आणि देशातील वातावरण पूर्ववत करून कायदा व सुव्यवस्था सुरळीत करावी, अशी मागणी करण्यात आली आहे. या निवेदनावर साद बीन मुबारक, मोईज अन्सारी, मोहसीन अफजल खान व अन्य सामाजिक कार्यकर्त्यांच्या स्वाक्षऱ्या आहेत.

सय्यद अबरार

Press advisory जालना, जालना, महाराष्ट्र•

3 hrs ago

दिल्लीतील जंतर-मंतर येथे उपोषणाला बसलेल्या विद्यार्थ्यांवर, महिलांवर आणि चिमुकल्या मुलांवर झालेला लाठीहल्ला अत्यंत अमानुष व संविधानविरोधी असल्याचा आरोप करत जालन्यातील सामाजिक कार्यकर्ते साद बीन मुबारक व त्यांच्या सहकाऱ्यांनी जिल्हाधिकाऱ्यांना निवेदन सादर केले आहे. गुरुवारी, 23 जुलै रोजी दुपारी सादर केलेल्या या निवेदनाद्वारे पीडितांना तात्काळ न्याय मिळवून देण्याची मागणी करण्यात आली आहे. निवेदनात दिलेल्या माहितीनुसार, जंतर-मंतर येथे गेल्या काही दिवसांपासून विद्यार्थ्यांचे उपोषण सुरू होते. हे उपोषण मोडून काढण्यासाठी पोलीस प्रशासनाकडून बळाचा वापर करत उपोषणकर्त्यांवर अमानुषपणे लाठीहल्ला करण्यात आला तसेच अश्रूधुराच्या नळकांड्या फोडण्यात आल्या. आंदोलकांच्या रास्त मागण्यांवर तोडगा काढण्याऐवजी त्यांना मारहाण करण्यात आली, ही खेदाची बाब आहे. एकीकडे शासन 'बेटी बचाव, बेटी पढाओ'चा नारा देते आणि दुसरीकडे आंदोलन करणाऱ्या महिला व विद्यार्थ्यांना पोलिसांच्या उपस्थितीत मारहाण केली जाते, ज्यावेळी पोलिसांनी केवळ प्रेक्षकाची भूमिका घेतली असा गंभीर आरोपही करण्यात आला आहे. या घटनेमुळे देशभरात संतापाची लाट पसरली असून प्रशासनाकडे काही प्रमुख मागण्या करण्यात आल्या आहेत. जंतर-मंतर येथील पीडित महिला, मुले व उपोषणकर्त्यांना शासनाने त्वरित न्याय द्यावा, लोकशाही मार्गाने आंदोलन करणाऱ्यांवर होणारे अत्याचार थांबवावेत आणि देशातील वातावरण पूर्ववत करून कायदा व सुव्यवस्था सुरळीत करावी, अशी मागणी करण्यात आली आहे. या निवेदनावर साद बीन मुबारक, मोईज अन्सारी, मोहसीन अफजल खान व अन्य सामाजिक कार्यकर्त्यांच्या स्वाक्षऱ्या आहेत.