વડાલીના વાતાવરણમાં પલટો, હળવા વરસાદી છાંટા પડ્યા: રવિ પાકને નુકસાનની ભીતિ, ખેડૂતો ચિંતિત સાબરકાંઠા જિલ્લાના વડાલી શહેર અને આસપાસના ગ્રામ્ય વિસ્તારોમાં આજે વહેલી સવારથી જ વાતાવરણમાં અચાનક પલટો જોવા મળ્યો હતો. આકાશમાં ઘેરાયેલા વાદળો બાદ શહેર સહિત ગ્રામ્ય વિસ્તારમાં હળવા વરસાદી છાંટા પડ્યા હતા જેને લઈ ને પંથકના ખેડૂતોના જીવ તાળવે ચોંટ્યા હતા. હાલમાં તાલુકામાં ઘઉં, ચણા, શાકભાજી અને મકાઈ જેવા રવિ પાકો તૈયાર અવસ્થામાં છે.આવા સમયે કમોસમી વરસાદ પડે તો પાકને ભારે નુકસાન થવાનો ભય સેવાઈ રહ્યો છે.

વડાલી શહેર ની એશિયન ઇન્સ્ટિટ્યૂટ ઓફ ટેકનોલોજી ખાતે ત્રિદિવસીય રમતોત્સવ ઉત્સાહભેર સંપન્ન થયો જેમાં “રમશે એશિયન… જીતશે એશિયન” થીમ હેઠળ આયોજિત આ કાર્યક્રમનો શુભારંભ ગુજરાત ટેક્નોલોજીકલ યુનિવર્સિટીના કોઓર્ડિનેટર મૌલિક પટેલના હસ્તે થયો હતો. ત્યારે આ પ્રસંગે ક્રિકેટ, વોલીબોલ, કબડ્ડી અને એથ્લેટિક્સ સહિતની રમતોમાં વિદ્યાર્થીઓએ ઉત્સાહપૂર્વક ભાગ લઈ સ્પોર્ટ્સમેનશિપનું ઉત્તમ પ્રદર્શન કર્યું હતું.

પોશીના તાલુકામાંથી પસાર થતી સાબરમતી નદીમાં હાલમાં જે પાણી છે તે પાણીમાં ઘટાડો જોવા મળતા આવનાર ગરમીના દિવસો તેમજ ઉનાળામાં નદીમાં પાણી ઓછું કે પછી સુકાઈ જવાના સંકેત જોવા મળી રહ્યા છે તાલુકાની સૌથી મોટી સાબરમતી નદીમાં હાલમાં જે પાણી છે તે ઉનાળા પૂરતું ન હોય ત્યારે આવનાર સમયમાં નદીકાંઠાના વિસ્તારમાં પાણીની રામાયણ ઊભી થાય તો નવાઈ નહીં જેને લઇ પશુઓ સંમેત કૂવા બોરના તળ પણ નીચે આવે તેમ લાગી રહ્યું છે

ખેડબ્રહ્માના વાતાવરણમાં આવ્યો પલટો

અમેરિકા-ભારત વેપાર કરારથી ગુજરાતના કપાસ-મકાઈ ખેડૂતોને પારાવાર નુકસાન, કલેક્ટરને આવેદન આમ આદમી પાર્ટી (AAP) ગુજરાત દ્વારા **ભારત-અમેરિકા વચ્ચેના વેપાર કરાર (India-US Trade Deal)**નો સખત વિરોધ કરવામાં આવ્યો છે. પાર્ટીના મતે આ કરારથી ગુજરાતના ખેડૂતો, પશુપાલકો, નાના વેપારીઓ તેમજ સામાન્ય નાગરિકોને ભારે નુકસાન થવાની શક્યતા છે. તા. 17 ફેબ્રુઆરી, 2026ના રોજ જારી કરાયેલ પ્રેસ નોટમાં AAP ગુજરાતે જણાવ્યું છે કે અમેરિકા સાથેની આ ટ્રેડ ડીલ ખેડૂતો અને પશુપાલકો વિરોધી છે. આ કરાર હેઠળ અમેરિકન કૃષિ ઉત્પાદનો જેમ કે મકાઈ, સોયાબીન, કપાસ વગેરેની આયાત પર ટેરિફ ઘટાડવાથી અથવા ખોલવાથી ભારતીય ખેડૂતોના ઉત્પાદનોના ભાવ ઘટી શકે છે અને તેમની આજીવિકા પર અસર પડી શકે છે. આ સંદર્ભે AAPના મહેસાણા જિલ્લા પ્રમુખ **જયદેવસિંહ ચાવડા (એડવોકેટ)**એ જિલ્લા પદ અધિકારીઓ અને કાર્યકર્તાઓ સાથે મળીને મહેસાણા કલેક્ટરને આવેદન પાઠવ્યું છે. આ આવેદન ગુજરાતના તમામ જિલ્લાઓમાં પણ સમાન રીતે પાઠવવામાં આવી રહ્યું છે, જેથી સરકાર સુધી વિરોધનો અવાજ પહોંચે. AAP ગુજરાતના આ વિરોધમાં કહેવામાં આવ્યું છે કે આ કરારથી ગુજરાત જેવા કપાસ, મકાઈ અને અન્ય પાકોના મોટા ઉત્પાદક રાજ્યમાં ખેડૂતોની આવક ઘટશે, પશુપાલનને અસર થશે અને નાના વેપારીઓનો વેપાર પણ પ્રભાવિત થશે. પાર્ટીએ સરકારને આ કરાર પર પુનર્વિચાર કરવા અને ખેડૂતોના હિતોનું રક્ષણ કરવાની માંગ કરી છે. આ વેપાર કરારના વિરોધમાં AAP દ્વારા આગામી દિવસોમાં વધુ આંદોલન અને જાગૃતિ અભિયાનો ચલાવવાની યોજના છે, જેથી સામાન્ય નાગરિકો અને ખેડૂતોના હિતો સુરક્ષિત રહે.

कारमेल इंग्लिश स्कूल अंबाजी/कुंभरिया में स्टैंडर्ड 10th के छात्रों और छात्राओं के लिए दिनांक 16.02.2026 को दीक्षांत समारोह का आयोजन किया गया। उनकी एग्जाम्स और रिजल्ट्स एवम तद पश्चात के जीवन हेतु शुभकामनाएं....!

લાંબડીયા સાબરમતી નદીમાં પાણી ઓછુ થતાં ઉનાળામાં પાણી તંગીના સંકેત

Post by Yusuf Bahai

વડાલી શહેરના સગરવાસ વિસ્તારમાં ઈશ્વરના ચોક નજીક સગર સમાજ વાડી પાસે પુલિયા નીચે કચરાના ઢગલામાં ગત રાત્રિના સમયે આગ લાગી હતી. આ ઘટનામાં કોઈ જાનહાનિ થઈ ન હતી.ત્યારે આગ લાગતા આસપાસના વિસ્તારોમાં ધુમાડાના ગોટેગોટા જોવા મળ્યા હતા. આ જોઈને સ્થાનિક લોકો ઘટનાસ્થળે દોડી આવ્યા હતા અને વડાલી ફાયર બ્રિગેડને જાણ કરી હતી.માહિતી મળતા જ વડાલી ફાયર બ્રિગેડની ટીમ તાત્કાલિક સ્થળ પર પહોંચી હતી. ફાયર વિભાગની ટીમે પાણીનો મારો ચલાવી ભારે જહેમત બાદ આગ પર કાબુ મેળવ્યો હતો. ત્યારે આ ઘટનામાં કોઈ જાનહાનિ થઈ ન હતી. ત્યારે 12 દિવસમાં એ જ જગ્યાએ આગ લાગવાની આજે બીજી ઘટના બની હતી.