लातूरचे जिल्हाधिकारी डॉ. भारत बास्टेवाड यांनी महिला बचतगटांना सक्षम करण्यासाठी विविध शासकीय योजनांचा प्रभावीपणे उपयोग करण्याचे आवाहन केले आहे. राज्य शासन महिला सक्षमीकरणासाठी अनेक योजना राबवित असून, विविध शासकीय विभागांच्या योजनांमध्ये महिला बचतगटांनाही प्रोत्साहन दिले जात आहे. त्यामुळे महिला आर्थिक विकास महामंडळाने (माविम) या विभागांशी समन्वय साधून महिला बचतगटांच्या सक्षमीकरणासाठी प्रयत्न करावेत, असे निर्देश जिल्हाधिकारी डॉ. बास्टेवाड यांनी दिले. हे निर्देश जिल्हाधिकारी कार्यालयात डॉ. बास्टेवाड यांच्या अध्यक्षतेखाली झालेल्या नवतेजस्विनी महाराष्ट्र ग्रामीण महिला उद्यम विकास प्रकल्पांतर्गत जिल्हास्तरीय सल्लागार समितीच्या बैठकीत देण्यात आले. या बैठकीला जिल्हा ग्रामीण विकास यंत्रणेचे प्रकल्प संचालक संजय इंगळे, जिल्हा अधीक्षक कृषि अधिकारी राजेंद्र कदम, जिल्हा पशुसंवर्धन सहायक आयुक्त डॉ. श्रीधर शिंदे, नाबार्डचे जिल्हा विकास व्यवस्थापक प्रमोद पाटील, कौशल्य विकास सहायक आयुक्त निशांत सूर्यवंशी, जिल्हा ग्रामउद्योग अधिकारी चिंतामणी गुट्टे यांच्यासह संबंधित विभागांचे अधिकारी उपस्थित होते. डॉ. बास्टेवाड यांनी स्पष्ट केले की, मनरेगामधून रोपवाटिका निर्मिती आणि कृषि विभागामार्फत राबविण्यात येणाऱ्या पोकरा प्रकल्पात समाविष्ट गावांमध्ये अवजारे बँक यासाठी महिला बचतगटांना प्राधान्य देण्यात येते. त्यामुळे माविमने संबंधित विभागांशी समन्वय साधून या योजनांचा लाभ महिला बचतगटांना मिळवून द्यावा. यासोबतच, कुक्कुटपालन, शेळीपालन यांसारखे व्यवसाय उभारणीसाठी बँकांचे सहकार्य उपलब्ध करून देण्यासाठीही प्रयत्न करावेत, असे जिल्हाधिकारी डॉ. बास्टेवाड म्हणाले. बैठकीच्या सुरुवातीला महिला आर्थिक विकास महामंडळाचे जिल्हा समन्वय अधिकारी सोमनाथ लामगुंडे यांनी महामंडळाच्या जिल्ह्यातील कामकाजाची माहिती दिली.

Laxman Ugile

उदगीर, लातूर, महाराष्ट्र•

11 hrs ago

लातूरचे जिल्हाधिकारी डॉ. भारत बास्टेवाड यांनी महिला बचतगटांना सक्षम करण्यासाठी विविध शासकीय योजनांचा प्रभावीपणे उपयोग करण्याचे आवाहन केले आहे. राज्य शासन महिला सक्षमीकरणासाठी अनेक योजना राबवित असून, विविध शासकीय विभागांच्या योजनांमध्ये महिला बचतगटांनाही प्रोत्साहन दिले जात आहे. त्यामुळे महिला आर्थिक विकास महामंडळाने (माविम) या विभागांशी समन्वय साधून महिला बचतगटांच्या सक्षमीकरणासाठी प्रयत्न करावेत, असे निर्देश जिल्हाधिकारी डॉ. बास्टेवाड यांनी दिले. हे निर्देश जिल्हाधिकारी कार्यालयात डॉ. बास्टेवाड यांच्या अध्यक्षतेखाली झालेल्या नवतेजस्विनी महाराष्ट्र ग्रामीण महिला उद्यम विकास प्रकल्पांतर्गत जिल्हास्तरीय सल्लागार समितीच्या बैठकीत देण्यात आले. या बैठकीला जिल्हा ग्रामीण विकास यंत्रणेचे प्रकल्प संचालक संजय इंगळे, जिल्हा अधीक्षक कृषि अधिकारी राजेंद्र कदम, जिल्हा पशुसंवर्धन सहायक आयुक्त डॉ. श्रीधर शिंदे, नाबार्डचे जिल्हा विकास व्यवस्थापक प्रमोद पाटील, कौशल्य विकास सहायक आयुक्त निशांत सूर्यवंशी, जिल्हा ग्रामउद्योग अधिकारी चिंतामणी गुट्टे यांच्यासह संबंधित विभागांचे अधिकारी उपस्थित होते. डॉ. बास्टेवाड यांनी स्पष्ट केले की, मनरेगामधून रोपवाटिका निर्मिती आणि कृषि विभागामार्फत राबविण्यात येणाऱ्या पोकरा प्रकल्पात समाविष्ट गावांमध्ये अवजारे बँक यासाठी महिला बचतगटांना प्राधान्य देण्यात येते. त्यामुळे माविमने संबंधित विभागांशी समन्वय साधून या योजनांचा लाभ महिला बचतगटांना मिळवून द्यावा. यासोबतच, कुक्कुटपालन, शेळीपालन यांसारखे व्यवसाय उभारणीसाठी बँकांचे सहकार्य उपलब्ध करून देण्यासाठीही प्रयत्न करावेत, असे जिल्हाधिकारी डॉ. बास्टेवाड म्हणाले. बैठकीच्या सुरुवातीला महिला आर्थिक विकास महामंडळाचे जिल्हा समन्वय अधिकारी सोमनाथ लामगुंडे यांनी महामंडळाच्या जिल्ह्यातील कामकाजाची माहिती दिली.