तालुक्यातील किवत येथे नागरिकांना गढूळ पाणी पुरवठा ; नागरिकांचे आरोग्य धोक्यात ऐन उन्हाळ्यात गढूळ पाणी पुरवठा भोर दि.६ किवत (ता.भोर )येथे मागील काही दिवसांपासून नागरिकांना गढूळ पाणी पुरवठा होत असल्याचे निदर्शनास आले आहे.याबाबत नागरिकांनी तक्रार केली असून शुध्द पाणी पुरवठा करण्याची मागणी केली आहे.किवत गावाला पाणी पुरवठा करण्यासाठी भोलावडे येथील पाण्याच्या टाकीतून पाणी पुरवठा केला जातो.मात्र मागील काही दिवसांपासून नळाला पिण्यासाठी गाळ मिश्रित गढूळ पाणी येत असल्याने नागरिकांचे आरोग्य धोक्यात आले आहे.नळांद्वारे माती आणि गाळ मिश्रित पाणी येत असल्याने पिण्यासाठी तसेच दैनंदिन वापरण्यासाठी पाणी योग्य नसल्याचे नागरीक सांगत आहेत.घरगुती उपाय योजना करून देखील पाणी स्वच्छ करता येत नसल्याने नागरिकांमध्ये सध्या चिंतेचे वातावरण आहे.याबाबत सरपंच तानाजी चंदनशिव यांच्याशी दूरध्वनीद्वारे संपर्क साधला असता त्यांनी सांगितले की ,भोलावडे येथील एका वीट भट्टी व्यावसायिकाच्या हद्दीतून पाईपलाईन येते दरम्यान व्यवसायानिमित्याने खोदकाम करताना पाण्याची पाईपलाईन फुटल्याने पाण्यामध्ये माती गेल्याने गाळ मिश्रित पाणी येत आहे .मात्र पाईपलाईनची दुरुस्ती केल्याने लवकरच शुध्द पाणी पुरवठा होईल.

दै.राष्ट्र सह्याद्री reporter

Reporter भोर, पुणे, महाराष्ट्र•

23 hrs ago

तालुक्यातील किवत येथे नागरिकांना गढूळ पाणी पुरवठा ; नागरिकांचे आरोग्य धोक्यात ऐन उन्हाळ्यात गढूळ पाणी पुरवठा भोर दि.६ किवत (ता.भोर )येथे मागील काही दिवसांपासून नागरिकांना गढूळ पाणी पुरवठा होत असल्याचे निदर्शनास आले आहे.याबाबत नागरिकांनी तक्रार केली असून शुध्द पाणी पुरवठा करण्याची मागणी केली आहे.किवत गावाला पाणी पुरवठा करण्यासाठी भोलावडे येथील पाण्याच्या टाकीतून पाणी पुरवठा केला जातो.मात्र मागील काही दिवसांपासून नळाला पिण्यासाठी गाळ मिश्रित गढूळ पाणी येत असल्याने नागरिकांचे आरोग्य धोक्यात आले आहे.नळांद्वारे माती आणि गाळ मिश्रित पाणी येत असल्याने पिण्यासाठी तसेच दैनंदिन वापरण्यासाठी पाणी योग्य नसल्याचे नागरीक सांगत आहेत.घरगुती उपाय योजना करून देखील पाणी स्वच्छ करता येत नसल्याने नागरिकांमध्ये सध्या चिंतेचे वातावरण आहे.याबाबत सरपंच तानाजी चंदनशिव यांच्याशी दूरध्वनीद्वारे संपर्क साधला असता त्यांनी सांगितले की ,भोलावडे येथील एका वीट भट्टी व्यावसायिकाच्या हद्दीतून पाईपलाईन येते दरम्यान व्यवसायानिमित्याने खोदकाम करताना पाण्याची पाईपलाईन फुटल्याने पाण्यामध्ये माती गेल्याने गाळ मिश्रित पाणी येत आहे .मात्र पाईपलाईनची दुरुस्ती केल्याने लवकरच शुध्द पाणी पुरवठा होईल.