पावसाच्या आगमनाबाबत आणि त्याच्या प्रमाणाबाबत निर्माण झालेल्या अनिश्चिततेच्या पार्श्वभूमीवर, संभाव्य पाणीटंचाईचे गांभीर्य ओळखून तासगाव नगरपरिषदेने एक महत्त्वपूर्ण आणि दूरदृष्टीपूर्ण निर्णय घेतला आहे. माजी खासदार संजय (काका) यांच्याशी चर्चा करून त्यांच्या सूचनेनुसार, आता शहरातील शासकीय सार्वजनिक स्वच्छतागृहे, रस्ते आणि सार्वजनिक ठिकाणांच्या स्वच्छतेसाठी पिण्याच्या शुद्ध पाण्याचा वापर थांबवण्यात आला आहे. यापूर्वी यासाठी शुद्ध पाण्याचा वापर केला जात होता, मात्र भविष्यातील दुष्काळजन्य परिस्थिती लक्षात घेऊन पाण्याचा अपव्यय टाळण्यासाठी पर्यायी व्यवस्था उभारण्यात आली आहे. या उपक्रमांतर्गत, तासगाव नगरपरिषदेने शहरातील शिवनेरी कॉलनीमधील माजी नगरसेवक संदीप सावंत यांच्या घराजवळील पटवेकर बाराव या जुन्या विहिरीचे पुनरुज्जीवन केले आहे. या विहिरीतील पाणी उपसा करून ते आता सार्वजनिक स्वच्छतागृहे आणि इतर स्वच्छतेच्या कामांसाठी वापरले जाणार आहे. यामुळे दररोज सुमारे ४०,००० लिटर शुद्ध पिण्याच्या पाण्याची बचत होणार आहे, जे नागरिकांसाठी उपलब्ध राहील. हा उपक्रम केवळ पाणी बचतीपुरता मर्यादित नसून, शहराच्या जलव्यवस्थापनातील एक महत्त्वाचे पाऊल ठरले आहे. संभाव्य दुष्काळ आणि वाढत्या पाणीटंचाईच्या काळात पिण्याच्या पाण्याचा प्रत्येक थेंब जपणे ही काळाची गरज असून, या निर्णयामुळे जलसंपत्तीचा अधिक परिणामकारक वापर होईल. तासगाव नगरपरिषदेचा हा प्रयत्न इतर स्थानिक स्वराज्य संस्थांसाठी प्रेरणादायी ठरेल आणि जलसंवर्धन, पाणी बचत व शाश्वत विकासाचा उत्कृष्ट संगम साधून भविष्यातील पाणी संकटाचा सामना करण्यासाठी मोलाचा ठरणार आहे. यावेळी माजी नगराध्यक्ष बाबासाहेब (तात्या) पाटील, नगराध्यक्षा सौ. विजयाताई बाबासाहेब पाटील, माजी उपनगराध्यक्ष प्रसाद पैलवान, माजी नगरसेवक संदीप सावंत यांच्यासह अनेक मान्यवर उपस्थित होते. पाण्याचा प्रत्येक थेंब वाचवून भविष्यासाठी जलसंपत्ती जपण्याचा हा संकल्प नगरपालिकेने केला आहे.

EXPRESS NEWS

Press advisory मिरज, सांगली, महाराष्ट्र•

1 hr ago

पावसाच्या आगमनाबाबत आणि त्याच्या प्रमाणाबाबत निर्माण झालेल्या अनिश्चिततेच्या पार्श्वभूमीवर, संभाव्य पाणीटंचाईचे गांभीर्य ओळखून तासगाव नगरपरिषदेने एक महत्त्वपूर्ण आणि दूरदृष्टीपूर्ण निर्णय घेतला आहे. माजी खासदार संजय (काका) यांच्याशी चर्चा करून त्यांच्या सूचनेनुसार, आता शहरातील शासकीय सार्वजनिक स्वच्छतागृहे, रस्ते आणि सार्वजनिक ठिकाणांच्या स्वच्छतेसाठी पिण्याच्या शुद्ध पाण्याचा वापर थांबवण्यात आला आहे. यापूर्वी यासाठी शुद्ध पाण्याचा वापर केला जात होता, मात्र भविष्यातील दुष्काळजन्य परिस्थिती लक्षात घेऊन पाण्याचा अपव्यय टाळण्यासाठी पर्यायी व्यवस्था उभारण्यात आली आहे. या उपक्रमांतर्गत, तासगाव नगरपरिषदेने शहरातील शिवनेरी कॉलनीमधील माजी नगरसेवक संदीप सावंत यांच्या घराजवळील पटवेकर बाराव या जुन्या विहिरीचे पुनरुज्जीवन केले आहे. या विहिरीतील पाणी उपसा करून ते आता सार्वजनिक स्वच्छतागृहे आणि इतर स्वच्छतेच्या कामांसाठी वापरले जाणार आहे. यामुळे दररोज सुमारे ४०,००० लिटर शुद्ध पिण्याच्या पाण्याची बचत होणार आहे, जे नागरिकांसाठी उपलब्ध राहील. हा उपक्रम केवळ पाणी बचतीपुरता मर्यादित नसून, शहराच्या जलव्यवस्थापनातील एक महत्त्वाचे पाऊल ठरले आहे. संभाव्य दुष्काळ आणि वाढत्या पाणीटंचाईच्या काळात पिण्याच्या पाण्याचा प्रत्येक थेंब जपणे ही काळाची गरज असून, या निर्णयामुळे जलसंपत्तीचा अधिक परिणामकारक वापर होईल. तासगाव नगरपरिषदेचा हा प्रयत्न इतर स्थानिक स्वराज्य संस्थांसाठी प्रेरणादायी ठरेल आणि जलसंवर्धन, पाणी बचत व शाश्वत विकासाचा उत्कृष्ट संगम साधून भविष्यातील पाणी संकटाचा सामना करण्यासाठी मोलाचा ठरणार आहे. यावेळी माजी नगराध्यक्ष बाबासाहेब (तात्या) पाटील, नगराध्यक्षा सौ. विजयाताई बाबासाहेब पाटील, माजी उपनगराध्यक्ष प्रसाद पैलवान, माजी नगरसेवक संदीप सावंत यांच्यासह अनेक मान्यवर उपस्थित होते. पाण्याचा प्रत्येक थेंब वाचवून भविष्यासाठी जलसंपत्ती जपण्याचा हा संकल्प नगरपालिकेने केला आहे.