କଂଗ୍ରେସ ନେତା ମନୋଜ କୁମାର ସାହୁ ନୟାଗଡ଼ର ବିଭିନ୍ନ ସମସ୍ୟାକୁ ନେଇ ପ୍ରଶ୍ନ ଉଠାଇଛନ୍ତି।

କଂଗ୍ରେସ ନେତା ମନୋଜ କୁମାର ସାହୁ ନୟାଗଡ଼ର ବିଭିନ୍ନ ସମସ୍ୟାକୁ ନେଇ ପ୍ରଶ୍ନ ଉଠାଇଛନ୍ତି।

ଖୋର୍ଦ୍ଧା ଅବକାରୀ ଅଧିକ୍ଷିକା ସୁମତି ତ୍ରିପାଠୀଙ୍କ ନିର୍ଦ୍ଦେଶକ୍ରମେ ଉପ ଅବକାରୀ ଅଧିକ୍ଷକ ରାଧାକାନ୍ତ ଭୋଇ ଏବଂ ଟାଙ୍ଗୀ ଅବକାରୀ ନିରୀକ୍ଷକ ଅଜିତ କୁମାର ପାତ୍ରଙ୍କ ତତ୍ତ୍ଵାବଧାନରେ ଟାଙ୍ଗୀ ଅବକାରୀ ଅଧିକାରୀ ରମେଶ ଚନ୍ଦ୍ର ବାରିକଙ୍କ ପରିଚାଳନାରେ ଜଙ୍କିଆ ଥାନା ଅନ୍ତର୍ଗତ ଛଣଗିରି ଠାରେ ଚୋରା ଗଞ୍ଜେଇ ଚାଲାଣ କରୁଥିବା ଏକ କାରକୁ କାବୁ କରାଯାଇଛି। ଜିଲ୍ଲା ଅବକାରୀ ବିଭାଗକୁ ମିଳିଥିବା ସୂଚନା ମୁତାବକ, ଓଡି ୦୨ ସି ଡବ୍ଲୁ ୬୫୩୧ ନମ୍ବର ବିଶିଷ୍ଟ ଏକ ଧଳା ରଙ୍ଗର ଡିଜାର କାରରେ ଗଞ୍ଜେଇ ଚାଲାଣ ହେଉଥିଲା। ଆଜି ମଧ୍ୟାହ୍ନ ୧୨ ଘଟିକା ସମୟରେ ଛଣଗିରି ଦୋଳପଡ଼ିଆ ଠାରେ ଅବକାରୀ ବିଭାଗର ଟିମ୍ ଉକ୍ତ କାରକୁ କାବୁ କରି ୩ଟି ଜରି ବସ୍ତାରୁ ୮୦ କିଲୋଗ୍ରାମ ଓଜନର ଗଞ୍ଜେଇ ଜବତ କରିଥିଲା, ଯାହାର ଆନୁମାନିକ ମୂଲ୍ୟ ୬ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି। ଏହି ଗଞ୍ଜେଇ ଫୁଲବାଣୀରୁ ଭୁବନେଶ୍ୱର ଅଭିମୁଖେ ଚାଲାଣ ହେଉଥିଲା। ଏହି ଘଟଣାରେ ଫୁଲବାଣୀର ଶୁଣ୍ଢୀ ସାହିର ଅମିତ କୁମାର ସାହୁକୁ ଗିରଫ କରାଯାଇ ଟାଙ୍ଗୀ ଅବକାରୀ ଥାନାରେ ୫୬/୨୬-୨୭ ନମ୍ବରରେ ଏକ ମାମଲା ରୁଜୁ କରାଯାଇଛି ଏବଂ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି। ଏହି ଚଢ଼ାଉରେ ଖୋର୍ଦ୍ଧା ସଦର ଓଆଇସି ସୁଜିତ କୁମାର ମୁଦୁଲି, ଏଏସଆଇ ଶମ୍ବୁନାଥ ପ୍ରଧାନ, ଜିତେନ୍ଦ୍ର ବେହେରା, ଇସି ଟିଟୁ ସାହୁ, ଅନିଲ କୁମାର ପ୍ରଧାନ, ମନୋଜ କୁମାର ଜୟସିଂହ ଏବଂ ପ୍ରଣବ କୁମାର ବେହେରା ପ୍ରମୁଖ ସାମିଲ ଥିଲେ।

ଢେଙ୍କାନାଳ ଜିଲ୍ଲାର ହିନ୍ଦୋଳସ୍ଥିତ ରଞ୍ଜଗୋଳ ମଠ ଠାରେ ଗତ ୪୦୦ ବର୍ଷ ଧରି ପାରମ୍ପରିକ ରଜ ଯାତ୍ରା ଅନୁଷ୍ଠିତ ହେଉଛି। ଏହି ଯାତ୍ରାରେ ଜିଲ୍ଲା ତଥା ଜିଲ୍ଲା ବାହାରୁ ବହୁ ସଂଖ୍ୟାରେ ଶ୍ରଦ୍ଧାଳୁ ଓ ପର୍ଯ୍ୟଟକଙ୍କ ସୁଅ ଛୁଟୁଛି। ମଠର ମହନ୍ତ ପ୍ରେମଆନନ୍ଦ ଦାସ ମହାରାଜ ଏହି ପ୍ରାଚୀନ ପରମ୍ପରା ଏବଂ ମଠର ଅନେକ ମାହାତ୍ମ୍ୟ ସମ୍ପର୍କରେ ନିଜର ପ୍ରତିକ୍ରିୟା ରଖିବା ସହ ଏହାର ଆଲୌକିକ ମହିମା ଉପରେ ମଧ୍ୟ ଆଲୋକପାତ କରିଛନ୍ତି।

ଦୁଃଖରେ ଥିବା ଭକ୍ତ ହେଉ ଅବା ସୁଖରେ ଥିବା ଭକ୍ତ, ସମସ୍ତେ ମହାପ୍ରଭୁ ଜଗନ୍ନାଥଙ୍କୁ ସ୍ମରଣ କରନ୍ତି। ଦୁଃଖୀ ଭକ୍ତ ପ୍ରଭୁଙ୍କୁ 'ରଖ କଳା ଶ୍ରୀମୁଖ' ବୋଲି ପ୍ରାର୍ଥନା କରୁଥିବାବେଳେ, ସୁଖରେ ଥିବା ଭକ୍ତ ମଧ୍ୟ 'ରଖ ରଖ' ବୋଲି ଡାକିଥାଏ। ଏହିପରି ଭାବରେ, ସୁଖ ଏବଂ ଦୁଃଖ ଉଭୟ ଅବସ୍ଥାରେ ଜୟ ଜଗନ୍ନାଥଙ୍କ ନାମ ଉଚ୍ଚାରିତ ହୋଇଥାଏ।

ରଜ ଉତ୍ସବ ସମୟରେ ଓଡ଼ିଶାର ବିଭିନ୍ନ ସ୍ଥାନରୁ ତିନୋଟି ଦୁଷ୍କର୍ମ ମାମଲା ସାମ୍ନାକୁ ଆସିଛି, ଯେଉଁଥିରେ ପୋଲିସ ତଦନ୍ତ ଜାରି ରଖିଛି। ଅନ୍ୟ ଏକ ଗୁରୁତ୍ୱପୂର୍ଣ୍ଣ ଘଟଣାରେ ଜାତୀୟ ମାନବାଧିକାର କମିଶନ (NHRC) ଜଣେ ମହିଳାଙ୍କ ଶେଷକୃତ୍ୟ ପାଇଁ ସହାୟତା ମନା ଏବଂ ସାମାଜିକ ବହିଷ୍କାର ମାମଲାକୁ ନେଇ ଓଡ଼ିଶା ସରକାରଙ୍କ ଠାରୁ ରିପୋର୍ଟ ତଲବ କରିଛି। ସୁରକ୍ଷା ବାହିନୀ ପାଇଁ ମାଲକାନଗିରିରେ ଏକ ବଡ଼ ସଫଳତା ମିଳିଛି, ଯେଉଁଠାରେ ମାଓ ମୁକ୍ତ ଅଞ୍ଚଳରେ ଏକ ଅସ୍ତ୍ର ଭଣ୍ଡାର ଠାବ କରାଯାଇଛି। ପ୍ରତିରକ୍ଷା ଗବେଷଣା ଓ ବିକାଶ ସଂଗଠନ (DRDO) ଓଡ଼ିଶାରୁ ଏକ ଲଙ୍ଗ୍ ରେଞ୍ଜ୍ ଭୂମିରୁ ଭୂମିକୁ ଆକ୍ରମଣ କ୍ରୁଜ୍ ମିସାଇଲର ସଫଳ ପରୀକ୍ଷଣ କରିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜୁନ୍ 20 ତାରିଖରେ ହେବାକୁ ଥିବା ଓଡ଼ିଶା ଗସ୍ତ କାର୍ଯ୍ୟସୂଚୀ ଚୂଡ଼ାନ୍ତ ହୋଇଛି। ଏଥିସହ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ 1100 ତୀର୍ଥଯାତ୍ରୀଙ୍କୁ ନେଇ ସୋମନାଥ ସ୍ୱାଭିମାନ ଯାତ୍ରା ପାଇଁ ଏକ ସ୍ୱତନ୍ତ୍ର ତୀର୍ଥଯାତ୍ରା ଟ୍ରେନକୁ ପତାକା ଦେଖାଇ ଶୁଭାରମ୍ଭ କରିଛନ୍ତି। ମୌସୁମୀ ଦୁଇ ଦିନର ବିରତି ପରେ ରାଜ୍ୟର ଆଉ କିଛି ଜିଲ୍ଲାକୁ ଆଗକୁ ବଢ଼ିଛି ଏବଂ ଆଜି ପ୍ରବଳ ବର୍ଷା ସମ୍ଭାବନା ରହିଛି। ଶିକ୍ଷା କ୍ଷେତ୍ରରେ ରଜ ପର୍ବ ପରେ ଜୁନ୍ 18 ତାରିଖରୁ ସମସ୍ତ ସରକାରୀ, ଅନୁଦାନପ୍ରାପ୍ତ ଏବଂ ବେସରକାରୀ ବିଦ୍ୟାଳୟ ଖୋଲିବ ଏବଂ ଗ୍ରୀଷ୍ମ ଛୁଟି ବୃଦ୍ଧି କରାଯିବ ନାହିଁ। ରାଇରଙ୍ଗପୁର ମାମଲାରେ ଜଣେ 13 ବର୍ଷୀୟ ବାଳିକାଙ୍କୁ ଅପହରଣ ଏବଂ ଯୌନ ନିର୍ଯାତନା ଅଭିଯୋଗରେ ତାଙ୍କ ପୁରୁଷ ବନ୍ଧୁଙ୍କ ସମେତ ତିନି ଜଣଙ୍କୁ ଅଟକ ରଖାଯାଇଛି। ଉଚ୍ଚଶିକ୍ଷା ବିଭାଗ SAMS UG ପଞ୍ଜୀକରଣ ପାଇଁ ଆଜି ଜୁନ୍ 16 ରାତି 11:45 ପର୍ଯ୍ୟନ୍ତ ସମୟସୀମା ବୃଦ୍ଧି କରିଛି। ସର୍ବୋଚ୍ଚ ନ୍ୟାୟାଳୟ ପୂର୍ବତନ ସାଂସଦ ଅନୁଭବ ମହାନ୍ତିଙ୍କ ଆବେଦନ ଉପରେ ଜବାବ ତଲବ କରିଛି।

ଗଞ୍ଜାମ ଜିଲ୍ଲାର ପୋଲସରା ବ୍ଲକ ଅନ୍ତର୍ଗତ ପାଣ୍ଡିରିପଡା ପଞ୍ଚାୟତର କଷିପଡାଠାରେ ବିଜେ ମା' ସିଂହାସନୀ ଶକ୍ତି ପୀଠରେ ରଜ ପର୍ବ ଅତ୍ୟନ୍ତ ଉତ୍ସବମୁଖର ଭାବେ ପାଳିତ ହୋଇଛି। ପ୍ରତିବର୍ଷ ପରି ଏଥର ମଧ୍ୟ ପହିଲି ରଜଠାରୁ ତିନି ଦିନ ଧରି ଏହି ପର୍ବ ପାଳିତ ହେଉଥିବା ବେଳେ, ଜୁନ୍ ୧୫, ୨୦୨୬ ରେ ଦ୍ୱିତୀୟ ରଜ ବା ରଜ ସଂକ୍ରାନ୍ତି ପାଳନ କରାଯାଇଛି। ଚଳିତ ବର୍ଷ ପ୍ରବଳ ଗରମ ସତ୍ତ୍ୱେ ରଜ ସଂକ୍ରାନ୍ତି ଅବସରରେ ସକାଳରୁ ଅପରାହ୍ନ ୫ଟା ପର୍ଯ୍ୟନ୍ତ ଏକ ଲକ୍ଷରୁ ଊର୍ଦ୍ଧ୍ଵ ଶ୍ରଦ୍ଧାଳୁଙ୍କ ସମାଗମ ହୋଇଥିଲା। ଶ୍ରଦ୍ଧାଳୁମାନଙ୍କ ବିଶ୍ୱାସ ରହିଛି ଯେ, ରଜ ପର୍ବର ଏହି ତିନି ଦିନ ମଧ୍ୟରେ ମା'ଙ୍କ ପୀଠରେ ଦର୍ଶନ କଲେ ମା'ଙ୍କ କୃପା ଦୃଷ୍ଟି ପଡ଼ିଥାଏ। ଏଥିପାଇଁ ପହିଲି ରଜ ଠାରୁ ଗଞ୍ଜାମ ଜିଲ୍ଲାର ବିଭିନ୍ନ ଅଞ୍ଚଳ ସହିତ ଜିଲ୍ଲା ବାହାରୁ ମଧ୍ୟ ହଜାର ହଜାର ମାନସିକଧାରୀ ଶ୍ରଦ୍ଧାଳୁ ଆସି ମା'ଙ୍କ ଦର୍ଶନ କରିବା ସହିତ ମୁଣ୍ଡନ କରି ଭୋଗରାଗ ଲଗାଇଥିଲେ। ମନ୍ଦିର କମିଟିର ସଦସ୍ୟ ଏବଂ ପ୍ରଶାସନ ତରଫରୁ ଏହି ବୃହତ ସମାଗମକୁ ଦୃଷ୍ଟିରେ ରଖି ତଦାରଖ ଦାୟିତ୍ୱ ଗୁରୁତ୍ୱପୂର୍ଣ୍ଣ ସହକାରେ ତୁଲାଯାଇଥିଲା। ମନ୍ଦିର ପରିଚାଳନା କମିଟିର ସଭାପତି ତଥା ପୋଲସରା ବିଧାୟକ ଓ ସ୍ୱାଧୀନ ରାଷ୍ଟ୍ରମନ୍ତ୍ରୀ ଗୋକୁଳାନନ୍ଦ ମଲ୍ଲିକ ମା' ସିଂହାସନୀଙ୍କ ଶକ୍ତି ପୀଠରେ ପହଞ୍ଚି ମା'ଙ୍କ ଦର୍ଶନ କରି ଆଶୀର୍ବାଦ ଗ୍ରହଣ କରିଥିଲେ। ସେ ରଜ ପର୍ବକୁ ଶାନ୍ତିପୂର୍ଣ୍ଣ ଭାବେ ସମାପନ କରିବା ପାଇଁ ମନ୍ଦିର କମିଟିର ସଦସ୍ୟମାନଙ୍କ ସହ ଆଲୋଚନା କରି ତଦାରଖ କରିଥିଲେ। କମିଟିର କର୍ମକର୍ତ୍ତାଙ୍କ ସମେତ ଚିରିକିପଡା ଶାସନ, ଭାବରଡା, ଗୋଛାବାଡି ଏବଂ ପାଣ୍ଡିରିପଡା ପଞ୍ଚାୟତର ଲୋକଙ୍କ ସହଯୋଗରେ ରଜ ସଂକ୍ରାନ୍ତି ଶାନ୍ତିପୂର୍ଣ୍ଣ ଭାବରେ ସମାପନ ହୋଇଥିଲା। ଉପସଭାପତି ପ୍ରଭାକର ପଣ୍ଡା ଓ ଦୀପକ ପ୍ରଧାନ, ସମ୍ପାଦକ ରଘୁନାଥ ପ୍ରଧାନ, ସ୍ଥାନୀୟ ସରପଞ୍ଚ ରଘୁନାଥ ଭୂୟାଁ, ଭଗବାନ ସାହୁ, ପ୍ରତିନିଧି ମନୁ ଗୌଡ଼, ପୀତବାସ ପ୍ରଧାନ, ରବିନ୍ଦ୍ର ନାୟକ, କୈଳାସ ମହାରଣା, ବିପ୍ରଚରଣ ପ୍ରଧାନ, ସୁରେନ୍ଦ୍ର ପ୍ରଧାନ, ବିପିନ ପ୍ରଧାନ, ଚନ୍ଦ୍ରଶେଖର ଗୌଡ, କୃଷ୍ଣ ଚନ୍ଦ୍ର ଜେନା, ଶଙ୍କର୍ଷଣ ଗୌଡ଼ ସମେତ କମିଟିର ଅନ୍ୟ ସଦସ୍ୟ ଓ ବହୁ ଜନପ୍ରତିନିଧି ଉପସ୍ଥିତ ରହି ସହଯୋଗ କରିଥିଲେ। ଏହା ବ୍ୟତୀତ, ଗଞ୍ଜାମ ଏସପି ହରିସା ବି.ସି.ଙ୍କ ନିର୍ଦ୍ଦେଶକ୍ରମେ ଏସଡିପିଓ ପୁରୁଷୋତ୍ତମପୁର ସୁଜିତ କୁମାର ନାୟକ ଏବଂ ପୋଲସରା ଥାନାଧିକାରୀ କୌଶିକ ମାଝୀଙ୍କ ତତ୍ତ୍ୱାବଧାନରେ ଅନ୍ୟ ଥାନାଧିକାରୀ, ପୋଲିସ ଓ ପ୍ରଶାସନିକ ଅଧିକାରୀ ତଥା ଅନ୍ୟ ବିଭାଗର କର୍ମଚାରୀମାନେ ଉପସ୍ଥିତ ରହି ଆଇନ ଶୃଙ୍ଖଳା ନିୟନ୍ତ୍ରଣ କରିବା ସହିତ ପର୍ବକୁ ସଫଳ କରିବାରେ ସହଯୋଗ କରିଥିଲେ।

ଗଞ୍ଜାମ ଜିଲ୍ଲା ବ୍ରହ୍ମପୁର ସହରର ଖଲ୍ଲିକୋଟ କଲେଜ ସମ୍ମୁଖରେ ଏକ ଚଳନ୍ତା ସ୍କୁଟିରେ ହଠାତ୍ ଅଗ୍ନିକାଣ୍ଡ ଘଟିଛି। ସ୍କୁଟିର ଇଞ୍ଜିନ ଅତ୍ୟଧିକ ଗରମ ହେବା କାରଣରୁ ଏହି ଘଟଣା ଘଟିଥିବା ଜଣାପଡିଛି। ନିଆଁ ଲାଗିବା ଆରମ୍ଭ ହେବା ମାତ୍ରେ ସ୍କୁଟି ଚାଳକ ରାସ୍ତା ଉପରେ ଗାଡ଼ି ରଖି ଓହ୍ଲାଇ ଯାଇଥିଲେ। ଏହି କ୍ଷିପ୍ର କାର୍ଯ୍ୟ ଯୋଗୁଁ ଆଙ୍କୁଲି ଅଞ୍ଚଳର ବୋଲି ଜଣାପଡିଥିବା ଚାଳକ ଜଣକ ଅଳ୍ପକେ ବର୍ତ୍ତି ଯାଇଛନ୍ତି।