పేదల ఇండ్ల స్థలాలు పేదలకే ఇవ్వాలి - పేదల ఇళ్ల స్థలాలపై ఇచ్చిన ఉత్తర్వులు నిలిపివేయాలి - జిల్లా కలెక్టర్‌కు వంగా గీత వినతి ​పిఠాపురం: పిఠాపురం నియోజకవర్గంలో పేద ప్రజలకు గత ప్రభుత్వం మంజూరు చేసిన ఇళ్ల పట్టాల భూములను ఇతర అవసరాలకు మళ్లిస్తూ (అన్యాక్రాంతం) జారీ చేసిన ఉత్తర్వులను వెంటనే నిలిపివేయాలని మాజీ ఎంపీ, వైఎస్సార్‌సీపీ పిఠాపురం ఇన్‌ఛార్జ్ వంగా గీత విశ్వనాథ్ డిమాండ్ చేశారు. ఈ మేరకు ఆమె శుక్రవారం కాకినాడ జిల్లా కలెక్టర్ జె.యు.ఎన్. హరెంధిర ప్రసాద్‌ను కలిసి వినతిపత్రం సమర్పించారు. ​ఈ సందర్భంగా ఆమె పత్రికా ప్రకటన విడుదల చేశారు. పిఠాపురం రూరల్, పట్టణం, గొల్లప్రోలు, ఉప్పాడ కొత్తపల్లి మండలాల్లో సుమారు 400 ఎకరాల భూమిని సేకరించి, 50 లేఅవుట్లలో 10,000 మంది నిరుపేదలకు గతంలో పట్టాలు పంపిణీ చేశారని పేర్కొన్నారు. రిజిస్ట్రేషన్ ప్రక్రియ కూడా పూర్తయి, కొందరు ఇళ్ల నిర్మాణాలు కూడా చేపట్టారన్నారు. ​ప్రస్తుత ప్రభుత్వం ఈ లేఅవుట్లలోని భూములను ఇతర ప్రభుత్వ కట్టడాలకు కేటాయించడంపై వంగా గీత తీవ్ర అభ్యంతరం వ్యక్తం చేశారు. ముఖ్యంగా ​పిఠాపురం పట్టణంలోని "మసీదు మాన్యం" లేఅవుట్‌లో 250 మంది లబ్ధిదారులకు చెందిన 5 ఎకరాల భూమిని కాలేజీ నిర్మాణం కోసం మళ్లించడం, ​నరసింగపురం లేఅవుట్‌లో 1000 మంది లబ్ధిదారులకు చెందిన 20 ఎకరాల భూమిని పాఠశాల నిర్మాణం కోసం కేటాయించడం వంటి చర్యలు పేదలను ఆందోళనకు గురిచేస్తున్నాయని పేర్కొన్నారు. కొన్ని లేఅవుట్లలో రోడ్లు, నీరు, విద్యుత్ వంటి కనీస మౌలిక సదుపాయాలు లేకపోవడం వల్ల లబ్ధిదారులు ఇబ్బంది పడుతున్నారని, ఎన్నికల తర్వాత కొత్త ఇళ్ల మంజూరు నిలిచిపోవడంపై వారు ఆవేదన చెందుతున్నారని ఈ విషయాన్ని కలెక్టర్ దృష్టికి తీసుకెళ్లామని తెలిపారు. ​పేద వర్గాల పట్ల దయతో వ్యవహరించి,వారికి కేటాయించిన భూములను అన్యాక్రాంతం చేయకుండా చూడాలని కోరారు. తక్షణమే మౌలిక సదుపాయాలు కల్పించి, పెండింగ్‌లో ఉన్న గృహ నిర్మాణాలను మంజూరు చేయాలని ఆమె విన్నవించారు.

Prasanna kumar Rowthu

Local News Reporter Pithapuram, Kakinada•

5 hrs ago

పేదల ఇండ్ల స్థలాలు పేదలకే ఇవ్వాలి - పేదల ఇళ్ల స్థలాలపై ఇచ్చిన ఉత్తర్వులు నిలిపివేయాలి - జిల్లా కలెక్టర్‌కు వంగా గీత వినతి ​పిఠాపురం: పిఠాపురం నియోజకవర్గంలో పేద ప్రజలకు గత ప్రభుత్వం మంజూరు చేసిన ఇళ్ల పట్టాల భూములను ఇతర అవసరాలకు మళ్లిస్తూ (అన్యాక్రాంతం) జారీ చేసిన ఉత్తర్వులను వెంటనే నిలిపివేయాలని మాజీ ఎంపీ, వైఎస్సార్‌సీపీ పిఠాపురం ఇన్‌ఛార్జ్ వంగా గీత విశ్వనాథ్ డిమాండ్ చేశారు. ఈ మేరకు ఆమె శుక్రవారం కాకినాడ జిల్లా కలెక్టర్ జె.యు.ఎన్. హరెంధిర ప్రసాద్‌ను కలిసి వినతిపత్రం సమర్పించారు. ​ఈ సందర్భంగా ఆమె పత్రికా ప్రకటన విడుదల చేశారు. పిఠాపురం రూరల్, పట్టణం, గొల్లప్రోలు, ఉప్పాడ కొత్తపల్లి మండలాల్లో సుమారు 400 ఎకరాల భూమిని సేకరించి, 50 లేఅవుట్లలో 10,000 మంది నిరుపేదలకు గతంలో పట్టాలు పంపిణీ చేశారని పేర్కొన్నారు. రిజిస్ట్రేషన్ ప్రక్రియ కూడా పూర్తయి, కొందరు ఇళ్ల నిర్మాణాలు కూడా చేపట్టారన్నారు. ​ప్రస్తుత ప్రభుత్వం ఈ లేఅవుట్లలోని భూములను ఇతర ప్రభుత్వ కట్టడాలకు కేటాయించడంపై వంగా గీత తీవ్ర అభ్యంతరం వ్యక్తం చేశారు. ముఖ్యంగా ​పిఠాపురం పట్టణంలోని "మసీదు మాన్యం" లేఅవుట్‌లో 250 మంది లబ్ధిదారులకు చెందిన 5 ఎకరాల భూమిని కాలేజీ నిర్మాణం కోసం మళ్లించడం, ​నరసింగపురం లేఅవుట్‌లో 1000 మంది లబ్ధిదారులకు చెందిన 20 ఎకరాల భూమిని పాఠశాల నిర్మాణం కోసం కేటాయించడం వంటి చర్యలు పేదలను ఆందోళనకు గురిచేస్తున్నాయని పేర్కొన్నారు. కొన్ని లేఅవుట్లలో రోడ్లు, నీరు, విద్యుత్ వంటి కనీస మౌలిక సదుపాయాలు లేకపోవడం వల్ల లబ్ధిదారులు ఇబ్బంది పడుతున్నారని, ఎన్నికల తర్వాత కొత్త ఇళ్ల మంజూరు నిలిచిపోవడంపై వారు ఆవేదన చెందుతున్నారని ఈ విషయాన్ని కలెక్టర్ దృష్టికి తీసుకెళ్లామని తెలిపారు. ​పేద వర్గాల పట్ల దయతో వ్యవహరించి,వారికి కేటాయించిన భూములను అన్యాక్రాంతం చేయకుండా చూడాలని కోరారు. తక్షణమే మౌలిక సదుపాయాలు కల్పించి, పెండింగ్‌లో ఉన్న గృహ నిర్మాణాలను మంజూరు చేయాలని ఆమె విన్నవించారు.