జగిత్యాల జిల్లాలోని బీర్ పూర్ మండలంలో ఉన్న రోళ్లవాగు ప్రాజెక్టును రాష్ట్ర సాంఘీక సంక్షేమ శాఖ మంత్రి అడ్లూరి లక్ష్మణ్ కుమార్ శుక్రవారం సందర్శించారు. జగిత్యాల ఎమ్మెల్యే డాక్టర్ సంజయ్ కుమార్, జిల్లా కలెక్టర్ సత్యప్రసాద్ తోపాటు నీటిపారుదల, అటవీ శాఖల అధికారులు ఈ పర్యటనలో పాల్గొన్నారు. ఈ వానా కాలం సీజన్ లోనే రైతులకు సాగునీరు అందించేందుకు అవసరమైన అటవీశాఖ అనుమతులను పూర్తి చేస్తున్నామని మంత్రి ఈ సందర్భంగా వెల్లడించారు. ప్రాజెక్టు నిర్మాణంలో డీపీఆర్ (Detailed Project Report) పూర్తయిన తర్వాతే పనులు చేపడతారని, అయితే బీఆర్ఎస్ ప్రభుత్వ హయాంలో రోళ్లవాగు ప్రాజెక్టుకు ఎలాంటి డీపీఆర్ లేకుండానే పనులు ప్రారంభించారని మంత్రి లక్ష్మణ్ కుమార్ ఆరోపించారు. 2016లో అప్పటి నీటిపారుదల శాఖ మంత్రి హరీష్ రావు ఎలాంటి అనుమతులు లేకుండానే పనులు మొదలుపెట్టారని ఆయన పేర్కొన్నారు. మొదట్లో రూ. 60 కోట్లతో ప్రారంభమైన ఈ ప్రాజెక్టు అంచనాలు 2023 డిసెంబర్ నాటికి రూ. 153 కోట్లకు పెరిగినప్పటికీ, నిర్మాణం పూర్తి చేయలేదని మంత్రి మండిపడ్డారు. హరీష్ రావు మల్లన్న సాగర్, రంగనాయక సాగర్ ప్రాజెక్టులను పూర్తి చేసుకున్నా, ధర్మపురి నియోజకవర్గంలోని ప్రాజెక్టులను మాత్రం పెండింగ్ లో పెట్టారని మంత్రి అడ్లూరి ఆరోపించారు. నాటి బీఆర్ఎస్ ప్రభుత్వం అటవీ శాఖ అనుమతి లేకుండానే రోళ్ల వాగు ప్రాజెక్టును ప్రారంభించిందని ఆయన పునరుద్ఘాటించారు. రాష్ట్రంలో కాంగ్రెస్ ప్రభుత్వం అధికారంలోకి వచ్చిన తర్వాత రోళ్ల వాగు ప్రాజెక్టుపై ప్రత్యేక దృష్టి సారించి, అన్నదాతలకు సాగునీటిని అందించాలని లక్ష్యంగా పెట్టుకుందని మంత్రి తెలిపారు. గత ప్రభుత్వం నిర్మాణ సంస్థకు చెల్లించాల్సిన రూ. 40 కోట్లు చెల్లించడంతో పాటు, రెవెన్యూకు సంబంధించిన 800 ఎకరాల భూమిని అప్పగించామని ఆయన వివరించారు. రిజర్వ్ ఫారెస్ట్ అనుమతుల కోసం రూ. 32 లక్షలు డిపాజిట్ చేయడం జరిగిందని, ఈ అనుమతులతో పాటు ఇతర అటవీ శాఖ అనుమతులు సాధించి ఈ వానా కాలంలో రైతులకు సాగునీరు అందిస్తామని మంత్రి హామీ ఇచ్చారు. పదిహేను రోజుల్లో ప్రాజెక్టుకు గేట్లు బిగించి, 0.25 టీఎంసీల నీటిని నిల్వ చేసి రైతులకు అందిస్తామని తెలిపారు. ప్రాజెక్టు కాల్వ లైనింగ్ పనులకు అంచనాలు తయారు చేయాలని మంత్రి అధికారులను ఆదేశించారు. ప్రాజెక్టు నిర్మాణం పూర్తి చేయడానికి ప్రభుత్వం నుంచి పూర్తి సహాయ సహకారాలు అందుతున్నాయని ఎమ్మెల్యే డాక్టర్ సంజయ్ కుమార్ పేర్కొంటూ, యుద్ధ ప్రాతిపదికన గేట్ల బిగింపు చేపట్టి రైతులకు సాగునీటిని అందించాలని అధికారులను కోరారు.

Sk chaitanya

జగిత్యాల, జగిత్యాల, తెలంగాణ•

2 hrs ago

జగిత్యాల జిల్లాలోని బీర్ పూర్ మండలంలో ఉన్న రోళ్లవాగు ప్రాజెక్టును రాష్ట్ర సాంఘీక సంక్షేమ శాఖ మంత్రి అడ్లూరి లక్ష్మణ్ కుమార్ శుక్రవారం సందర్శించారు. జగిత్యాల ఎమ్మెల్యే డాక్టర్ సంజయ్ కుమార్, జిల్లా కలెక్టర్ సత్యప్రసాద్ తోపాటు నీటిపారుదల, అటవీ శాఖల అధికారులు ఈ పర్యటనలో పాల్గొన్నారు. ఈ వానా కాలం సీజన్ లోనే రైతులకు సాగునీరు అందించేందుకు అవసరమైన అటవీశాఖ అనుమతులను పూర్తి చేస్తున్నామని మంత్రి ఈ సందర్భంగా వెల్లడించారు. ప్రాజెక్టు నిర్మాణంలో డీపీఆర్ (Detailed Project Report) పూర్తయిన తర్వాతే పనులు చేపడతారని, అయితే బీఆర్ఎస్ ప్రభుత్వ హయాంలో రోళ్లవాగు ప్రాజెక్టుకు ఎలాంటి డీపీఆర్ లేకుండానే పనులు ప్రారంభించారని మంత్రి లక్ష్మణ్ కుమార్ ఆరోపించారు. 2016లో అప్పటి నీటిపారుదల శాఖ మంత్రి హరీష్ రావు ఎలాంటి అనుమతులు లేకుండానే పనులు మొదలుపెట్టారని ఆయన పేర్కొన్నారు. మొదట్లో రూ. 60 కోట్లతో ప్రారంభమైన ఈ ప్రాజెక్టు అంచనాలు 2023 డిసెంబర్ నాటికి రూ. 153 కోట్లకు పెరిగినప్పటికీ, నిర్మాణం పూర్తి చేయలేదని మంత్రి మండిపడ్డారు. హరీష్ రావు మల్లన్న సాగర్, రంగనాయక సాగర్ ప్రాజెక్టులను పూర్తి చేసుకున్నా, ధర్మపురి నియోజకవర్గంలోని ప్రాజెక్టులను మాత్రం పెండింగ్ లో పెట్టారని మంత్రి అడ్లూరి ఆరోపించారు. నాటి బీఆర్ఎస్ ప్రభుత్వం అటవీ శాఖ అనుమతి లేకుండానే రోళ్ల వాగు ప్రాజెక్టును ప్రారంభించిందని ఆయన పునరుద్ఘాటించారు. రాష్ట్రంలో కాంగ్రెస్ ప్రభుత్వం అధికారంలోకి వచ్చిన తర్వాత రోళ్ల వాగు ప్రాజెక్టుపై ప్రత్యేక దృష్టి సారించి, అన్నదాతలకు సాగునీటిని అందించాలని లక్ష్యంగా పెట్టుకుందని మంత్రి తెలిపారు. గత ప్రభుత్వం నిర్మాణ సంస్థకు చెల్లించాల్సిన రూ. 40 కోట్లు చెల్లించడంతో పాటు, రెవెన్యూకు సంబంధించిన 800 ఎకరాల భూమిని అప్పగించామని ఆయన వివరించారు. రిజర్వ్ ఫారెస్ట్ అనుమతుల కోసం రూ. 32 లక్షలు డిపాజిట్ చేయడం జరిగిందని, ఈ అనుమతులతో పాటు ఇతర అటవీ శాఖ అనుమతులు సాధించి ఈ వానా కాలంలో రైతులకు సాగునీరు అందిస్తామని మంత్రి హామీ ఇచ్చారు. పదిహేను రోజుల్లో ప్రాజెక్టుకు గేట్లు బిగించి, 0.25 టీఎంసీల నీటిని నిల్వ చేసి రైతులకు అందిస్తామని తెలిపారు. ప్రాజెక్టు కాల్వ లైనింగ్ పనులకు అంచనాలు తయారు చేయాలని మంత్రి అధికారులను ఆదేశించారు. ప్రాజెక్టు నిర్మాణం పూర్తి చేయడానికి ప్రభుత్వం నుంచి పూర్తి సహాయ సహకారాలు అందుతున్నాయని ఎమ్మెల్యే డాక్టర్ సంజయ్ కుమార్ పేర్కొంటూ, యుద్ధ ప్రాతిపదికన గేట్ల బిగింపు చేపట్టి రైతులకు సాగునీటిని అందించాలని అధికారులను కోరారు.