लातूरमध्ये बुधवारी 'नशा मुक्त अभियान' सुरू करण्यात आले. या अभियानाच्या प्रारंभी समाज कल्याण विभागाचे प्रादेशिक उपायुक्त अविनाश देवसटवार यांनी तरुणांना व्यसनांपासून दूर राहण्याचा सल्ला दिला. सशक्त युवा पिढी देशाचे आधारस्तंभ आणि भविष्य असल्याने त्यांनी निर्व्यसनी राहावे असे आवाहन देवसटवार यांनी केले. भारत सरकारच्या सामाजिक न्याय व अधिकारिता मंत्रालय, पुणे येथील समाज कल्याण आयुक्त आणि लातूर जिल्हा परिषदेच्या समाज कल्याण विभागाच्या वतीने हे अभियान राबवले जात आहे. "नशा मुक्त भारत अभियान, विकसित भारत की पहचान" या संकल्पनेवर आधारित हा सप्ताह २६ जूनपर्यंत चालणार आहे. कार्यक्रमावेळी व्यासपीठावर सहाय्यक संचालक (वित्त व लेखा) विनायक शिरोळे, समाज कल्याण विभागाचे सहाय्यक आयुक्त यादव गायकवाड, जिल्हा समाज कल्याण अधिकारी संतोषकुमार नाईकवाडी, समाज कल्याण अधिकारी विलास केंद्रे, लेखाधिकारी नामदेव पांडोळे, जीवन रेखा प्रतिष्ठानचे संचालक डॉ. विजयकुमार यादव, डॉ. सिद्धेश्वर हुकीरे, वैद्यकीय सामाजिक कार्यकर्ता डॉ. राजू गायकवाड, कार्यालयीन अधीक्षक मोहन चव्हाण, लेखाधिकारी शिवाजी शिरडे, तसेच समाज कल्याण निरीक्षक राहुल काळे आणि विक्रम जाधव यांची उपस्थिती होती. अविनाश देवसटवार यांनी विद्यार्थ्यांना सामाजिक न्याय विभागाच्या विविध योजनांची माहिती देत व्यसनांचे दुष्परिणाम सांगितले. जिल्हा समाज कल्याण अधिकारी संतोषकुमार नाईकवाडी यांनी अंमली पदार्थांच्या सेवनामुळे शरीर आणि कुटुंबाला होणारे नुकसान स्पष्ट केले, तसेच तरुण पिढीतील वाढत्या व्यसनांवर प्रतिबंध घालण्याची गरज व्यक्त केली. डॉ. सिद्धेश्वर हुकीरे यांनी व्यसनांमुळे मानवी शरीरातील नैसर्गिक क्षमता नष्ट होत असल्याचे सांगत घातक व्यसनांपासून दूर राहण्याचा सल्ला दिला. या कार्यक्रमात महाविद्यालयातील तरुण-तरुणी, प्रादेशिक उपायुक्त, सहाय्यक आयुक्त, जिल्हा जात पडताळणी समितीचे अधिकारी आणि जिल्हा समाज कल्याण कार्यालयातील अधिकारी व कर्मचाऱ्यांनी नशा मुक्तीची शपथ घेतली, तसेच स्वाक्षरी मोहिमेत सहभाग नोंदवला. कार्यक्रमाचे सूत्रसंचालन अजय आचार्य यांनी केले, तर अतुल झुल्फे यांनी आभार मानले. समाज कल्याण विभागाचे प्रादेशिक उपायुक्त, समाज कल्याण विभागातील कर्मचारी आणि जीवन रेखा प्रतिष्ठानच्या कर्मचाऱ्यांनी कार्यक्रम यशस्वी करण्यासाठी परिश्रम घेतले.

सुमन नागनाथ अलमलकर

Local News Reporter शिरूर-अनंतपाळ, लातूर, महाराष्ट्र•

1 hr ago

लातूरमध्ये बुधवारी 'नशा मुक्त अभियान' सुरू करण्यात आले. या अभियानाच्या प्रारंभी समाज कल्याण विभागाचे प्रादेशिक उपायुक्त अविनाश देवसटवार यांनी तरुणांना व्यसनांपासून दूर राहण्याचा सल्ला दिला. सशक्त युवा पिढी देशाचे आधारस्तंभ आणि भविष्य असल्याने त्यांनी निर्व्यसनी राहावे असे आवाहन देवसटवार यांनी केले. भारत सरकारच्या सामाजिक न्याय व अधिकारिता मंत्रालय, पुणे येथील समाज कल्याण आयुक्त आणि लातूर जिल्हा परिषदेच्या समाज कल्याण विभागाच्या वतीने हे अभियान राबवले जात आहे. "नशा मुक्त भारत अभियान, विकसित भारत की पहचान" या संकल्पनेवर आधारित हा सप्ताह २६ जूनपर्यंत चालणार आहे. कार्यक्रमावेळी व्यासपीठावर सहाय्यक संचालक (वित्त व लेखा) विनायक शिरोळे, समाज कल्याण विभागाचे सहाय्यक आयुक्त यादव गायकवाड, जिल्हा समाज कल्याण अधिकारी संतोषकुमार नाईकवाडी, समाज कल्याण अधिकारी विलास केंद्रे, लेखाधिकारी नामदेव पांडोळे, जीवन रेखा प्रतिष्ठानचे संचालक डॉ. विजयकुमार यादव, डॉ. सिद्धेश्वर हुकीरे, वैद्यकीय सामाजिक कार्यकर्ता डॉ. राजू गायकवाड, कार्यालयीन अधीक्षक मोहन चव्हाण, लेखाधिकारी शिवाजी शिरडे, तसेच समाज कल्याण निरीक्षक राहुल काळे आणि विक्रम जाधव यांची उपस्थिती होती. अविनाश देवसटवार यांनी विद्यार्थ्यांना सामाजिक न्याय विभागाच्या विविध योजनांची माहिती देत व्यसनांचे दुष्परिणाम सांगितले. जिल्हा समाज कल्याण अधिकारी संतोषकुमार नाईकवाडी यांनी अंमली पदार्थांच्या सेवनामुळे शरीर आणि कुटुंबाला होणारे नुकसान स्पष्ट केले, तसेच तरुण पिढीतील वाढत्या व्यसनांवर प्रतिबंध घालण्याची गरज व्यक्त केली. डॉ. सिद्धेश्वर हुकीरे यांनी व्यसनांमुळे मानवी शरीरातील नैसर्गिक क्षमता नष्ट होत असल्याचे सांगत घातक व्यसनांपासून दूर राहण्याचा सल्ला दिला. या कार्यक्रमात महाविद्यालयातील तरुण-तरुणी, प्रादेशिक उपायुक्त, सहाय्यक आयुक्त, जिल्हा जात पडताळणी समितीचे अधिकारी आणि जिल्हा समाज कल्याण कार्यालयातील अधिकारी व कर्मचाऱ्यांनी नशा मुक्तीची शपथ घेतली, तसेच स्वाक्षरी मोहिमेत सहभाग नोंदवला. कार्यक्रमाचे सूत्रसंचालन अजय आचार्य यांनी केले, तर अतुल झुल्फे यांनी आभार मानले. समाज कल्याण विभागाचे प्रादेशिक उपायुक्त, समाज कल्याण विभागातील कर्मचारी आणि जीवन रेखा प्रतिष्ठानच्या कर्मचाऱ्यांनी कार्यक्रम यशस्वी करण्यासाठी परिश्रम घेतले.