భద్రాద్రి కొత్తగూడెం జిల్లాలోని ఇల్లందు ఏరియాలో మొహర్రం రోజున, సింగరేణి కాలరీస్ ఇల్లందు ఏరియా స్ట్రట్ ఇంక్లైన్ గని ప్రమాదంలో మరణించిన అధికారులు, ఉద్యోగులకు సింగరేణి కాలరీస్ కంపెనీ లిమిటెడ్ తరపున జిఎం శ్రీ వి. కృష్ణయ్య గారు మరియు ఇతర అధికారులు శ్రద్ధాంజలి ఘటించారు. ఈ సందర్భంగా జిఎం శ్రీ కృష్ణయ్య గారు మాట్లాడుతూ, 1938వ సంవత్సరంలో ఇల్లందులో జరిగిన ఈ ప్రమాదంలో దాదాపు 37 మంది పురుషులు మరియు 6 మంది మహిళా ఉద్యోగులు సహా మొత్తం 43 మంది ప్రాణాలు కోల్పోయారని తెలిపారు. వారి జ్ఞాపకార్థం ప్రతి ఏటా మొహర్రం నాడు గని ప్రదేశంలో సంస్మరణ సభ నిర్వహించి నివాళులు అర్పిస్తున్నామని పేర్కొన్నారు. నాడు వారు వేసిన బాటలు నేటి భావితరానికి పునాది అయ్యాయని ఆయన అన్నారు. 1886లో డా. కింగ్ అనే భూగర్భ శాస్త్రవేత్త ఇల్లందు పరిసర ప్రాంతాల్లో బొగ్గు నిక్షేపాలను కనుగొన్నారని, ఆపై బ్రిటీషర్లు దక్కన్ కంపెనీ పేరుతో 1889లో ఇక్కడ బొగ్గు బావులను తవ్వడం ప్రారంభించారని వివరించారు. సింగరేణిలో మొట్టమొదటిసారిగా 59,671 టన్నుల బొగ్గును ఉత్పత్తి చేస్తూ 49 సంవత్సరాలు పనిచేసిన క్రమంలో, దురదృష్టవశాత్తూ 1938 మార్చి 12న ఈ పెద్ద ప్రమాదం సంభవించిందని జిఎం కృష్ణయ్య గుర్తుచేశారు. బ్రిటీషర్లు కింగ్ సీం ద్వారా చక్కటి నాణ్యమైన బొగ్గును తీస్తున్న సమయంలో, స్ట్రట్ ఇంక్లైన్‌కు దగ్గరగా 100 మీటర్ల లోతులో ఉన్న ఒక ప్యానల్‌ను 1937లో ప్రారంభించి 9 నెలలుగా పనిచేస్తున్నారు. ఆ సమయంలో సాండ్ స్టోవింగ్ లేటెస్ట్ టెక్నాలజీ అందుబాటులో లేకపోవడంతో కేవలం కేవింగ్ మెథడ్ ద్వారా పని జరిగింది. ఐసోలేషన్ గోడలు నిర్మించడం కోసం అక్కడ ఉన్న షెల్ బొగ్గు పెల్లలతో గోడలు నిర్మించే ప్రక్రియ జరుగుతున్నప్పుడు, పైనుండి బోర్వెల్ వేసి దాని ద్వారా మట్టి నీరు పంపించి గోడలు నిర్మించే తరుణంలో 1938 మార్చి 12వ తేదీ రాత్రి దాదాపు 11:00 గంటలకు ప్రమాదం చోటుచేసుకుంది. గనుల మేనేజర్ శ్రీ ఆర్.ఎల్. యాండ్రూస్ ఆధ్వర్యంలో పని జరుగుతున్న వేళ, ఒక పెద్ద బండ కూలడంతో విషవాయువులు వెలువడ్డాయి. అక్కడ పనిచేస్తున్న అధికారులు, ఉద్యోగులు వెంటనే ఆ విషవాయువులను పీల్చడం ద్వారా ప్రాణాలు కోల్పోయారని జిఎం తెలిపారు. ఈ సంఘటన కారణంగా, సింగరేణి వ్యాప్తంగా యాజమాన్యం మొహర్రం పండుగను సెలవుదినంగా ప్రకటించింది. అలాగే, ఇల్లందు ఏరియాలో శుక్రవారం వారాంతపు సెలవుదినంగా ప్రకటించినట్లు తెలియజేశారు. ఈ శ్రద్ధాంజలి కార్యక్రమంలో జే.కే.పి.ఓ. జాకీర్ హుస్సేన్, డిజియం (సివిల్) రవి కుమార్, జే.కే. మేనేజర్ పి. పుర్ణచందర్, ఇతర అధికారులు దామోదర్, రామదాస్, అంజి రెడ్డి, యాన్. సతీష్, డేవిడ్, జి. సుధాకర్, ఇల్లందు అధికారుల సంఘం అద్యశులు బి. నాగేశ్వర రావు, గుర్తింపు సంఘం బ్రాంచ్ కార్యదర్శి నజీర్ అహ్మద్, ప్రాతినిధ్యసంఘం ఉపాధ్యక్షుడు జె. వెంకటేశ్వర్లుతో పాటు ఇతర అధికారులు, ఉద్యోగులు పాల్గొన్నారు.

Shiva shankar Yld

ఎల్లందు, భద్రాద్రి కొత్తగూడెం, తెలంగాణ•

1 hr ago

భద్రాద్రి కొత్తగూడెం జిల్లాలోని ఇల్లందు ఏరియాలో మొహర్రం రోజున, సింగరేణి కాలరీస్ ఇల్లందు ఏరియా స్ట్రట్ ఇంక్లైన్ గని ప్రమాదంలో మరణించిన అధికారులు, ఉద్యోగులకు సింగరేణి కాలరీస్ కంపెనీ లిమిటెడ్ తరపున జిఎం శ్రీ వి. కృష్ణయ్య గారు మరియు ఇతర అధికారులు శ్రద్ధాంజలి ఘటించారు. ఈ సందర్భంగా జిఎం శ్రీ కృష్ణయ్య గారు మాట్లాడుతూ, 1938వ సంవత్సరంలో ఇల్లందులో జరిగిన ఈ ప్రమాదంలో దాదాపు 37 మంది పురుషులు మరియు 6 మంది మహిళా ఉద్యోగులు సహా మొత్తం 43 మంది ప్రాణాలు కోల్పోయారని తెలిపారు. వారి జ్ఞాపకార్థం ప్రతి ఏటా మొహర్రం నాడు గని ప్రదేశంలో సంస్మరణ సభ నిర్వహించి నివాళులు అర్పిస్తున్నామని పేర్కొన్నారు. నాడు వారు వేసిన బాటలు నేటి భావితరానికి పునాది అయ్యాయని ఆయన అన్నారు. 1886లో డా. కింగ్ అనే భూగర్భ శాస్త్రవేత్త ఇల్లందు పరిసర ప్రాంతాల్లో బొగ్గు నిక్షేపాలను కనుగొన్నారని, ఆపై బ్రిటీషర్లు దక్కన్ కంపెనీ పేరుతో 1889లో ఇక్కడ బొగ్గు బావులను తవ్వడం ప్రారంభించారని వివరించారు. సింగరేణిలో మొట్టమొదటిసారిగా 59,671 టన్నుల బొగ్గును ఉత్పత్తి చేస్తూ 49 సంవత్సరాలు పనిచేసిన క్రమంలో, దురదృష్టవశాత్తూ 1938 మార్చి 12న ఈ పెద్ద ప్రమాదం సంభవించిందని జిఎం కృష్ణయ్య గుర్తుచేశారు. బ్రిటీషర్లు కింగ్ సీం ద్వారా చక్కటి నాణ్యమైన బొగ్గును తీస్తున్న సమయంలో, స్ట్రట్ ఇంక్లైన్‌కు దగ్గరగా 100 మీటర్ల లోతులో ఉన్న ఒక ప్యానల్‌ను 1937లో ప్రారంభించి 9 నెలలుగా పనిచేస్తున్నారు. ఆ సమయంలో సాండ్ స్టోవింగ్ లేటెస్ట్ టెక్నాలజీ అందుబాటులో లేకపోవడంతో కేవలం కేవింగ్ మెథడ్ ద్వారా పని జరిగింది. ఐసోలేషన్ గోడలు నిర్మించడం కోసం అక్కడ ఉన్న షెల్ బొగ్గు పెల్లలతో గోడలు నిర్మించే ప్రక్రియ జరుగుతున్నప్పుడు, పైనుండి బోర్వెల్ వేసి దాని ద్వారా మట్టి నీరు పంపించి గోడలు నిర్మించే తరుణంలో 1938 మార్చి 12వ తేదీ రాత్రి దాదాపు 11:00 గంటలకు ప్రమాదం చోటుచేసుకుంది. గనుల మేనేజర్ శ్రీ ఆర్.ఎల్. యాండ్రూస్ ఆధ్వర్యంలో పని జరుగుతున్న వేళ, ఒక పెద్ద బండ కూలడంతో విషవాయువులు వెలువడ్డాయి. అక్కడ పనిచేస్తున్న అధికారులు, ఉద్యోగులు వెంటనే ఆ విషవాయువులను పీల్చడం ద్వారా ప్రాణాలు కోల్పోయారని జిఎం తెలిపారు. ఈ సంఘటన కారణంగా, సింగరేణి వ్యాప్తంగా యాజమాన్యం మొహర్రం పండుగను సెలవుదినంగా ప్రకటించింది. అలాగే, ఇల్లందు ఏరియాలో శుక్రవారం వారాంతపు సెలవుదినంగా ప్రకటించినట్లు తెలియజేశారు. ఈ శ్రద్ధాంజలి కార్యక్రమంలో జే.కే.పి.ఓ. జాకీర్ హుస్సేన్, డిజియం (సివిల్) రవి కుమార్, జే.కే. మేనేజర్ పి. పుర్ణచందర్, ఇతర అధికారులు దామోదర్, రామదాస్, అంజి రెడ్డి, యాన్. సతీష్, డేవిడ్, జి. సుధాకర్, ఇల్లందు అధికారుల సంఘం అద్యశులు బి. నాగేశ్వర రావు, గుర్తింపు సంఘం బ్రాంచ్ కార్యదర్శి నజీర్ అహ్మద్, ప్రాతినిధ్యసంఘం ఉపాధ్యక్షుడు జె. వెంకటేశ్వర్లుతో పాటు ఇతర అధికారులు, ఉద్యోగులు పాల్గొన్నారు.