ସୁନ୍ଦରଗଡ଼ ଜିଲ୍ଲା ଅନ୍ତର୍ଗତ ରାଉରକେଲା ପିଏସ୍ ଅଞ୍ଚଳରେ ପୁରୁଷଙ୍କ ପାଇଁ ଏକ ସ୍ୱତନ୍ତ୍ର ପୋଷାକ ଅଫର ଉପଲବ୍ଧ କରାଯାଇଛି। ଏଠାରେ ମାତ୍ର ୨୯୯ ଟଙ୍କାରେ ପୁରୁଷଙ୍କ ପାଇଁ ପ୍ୟୁର କଟନର କଳା ରଙ୍ଗର ଟି-ସାର୍ଟ ବିକ୍ରି କରାଯାଉଛି। ଗ୍ରାହକଙ୍କ ସୁବିଧା ପାଇଁ ଏଠାରେ କ୍ୟାଶ ଅନ ଡେଲିଭରି ବ୍ୟବସ୍ଥା ମଧ୍ୟ ରହିଛି।

ସୁନ୍ଦରଗଡ଼ ଜିଲ୍ଲାର ବାଲିଶଙ୍କରା ବ୍ଲକ ଅନ୍ତର୍ଗତ ତୁମଳିଆ ପଞ୍ଚାୟତର ତୁମଳିଆ ଗ୍ରାମରେ ଚାଷୀମାନେ ବର୍ତ୍ତମାନ ଧାନ ରୁଆ କାର୍ଯ୍ୟରେ ନିୟୋଜିତ ଅଛନ୍ତି।

ଓଡ଼ିଶାରେ ଲୋକଙ୍କ ସରକାରଙ୍କ ଅଧୀନରେ ଶିଳ୍ପ ବିକାଶ ଆଜି କେବଳ ପ୍ରତିଶ୍ରୁତିରେ ସୀମିତ ନରହି ବାସ୍ତବ ରୂପ ନେଉଛି। ଏହି ବିକାଶ ପ୍ରକ୍ରିୟା ଭୂମିପୂଜନରୁ ଉତ୍ପାଦନ, ନିବେଶରୁ ନିଯୁକ୍ତି ଏବଂ ସ୍ୱପ୍ନରୁ ସଫଳତା ପର୍ଯ୍ୟନ୍ତ ଗତି କରୁଛି। ମାତ୍ର ଦୁଇ ବର୍ଷ ମଧ୍ୟରେ ରାଜ୍ୟରେ ଲକ୍ଷ ଲକ୍ଷ କୋଟି ଟଙ୍କାର ଶିଳ୍ପ ପ୍ରକଳ୍ପ, ବ୍ୟାପକ ନିବେଶ ଅନୁମୋଦନ ଏବଂ ନୂତନ ଶିଳ୍ପାଞ୍ଚଳର ବିକାଶ କରାଯାଇଛି। ଏହା ସହିତ ପ୍ରାୟ ୬ ଲକ୍ଷ ନିଯୁକ୍ତି ସୁଯୋଗ ସୃଷ୍ଟି ଦିଗରେ ଦ୍ରୁତ ଅଗ୍ରଗତି ଘଟିଛି, ଯାହା ଓଡ଼ିଶାକୁ ଦେଶର ଅନ୍ୟତମ ପସନ୍ଦର ନିବେଶସ୍ଥଳୀରେ ପରିଣତ କରିଛି। ରାଜ୍ୟ ସରକାରଙ୍କ ଦ୍ରୁତ ନିଷ୍ପତ୍ତି, ସ୍ୱଚ୍ଛ ନୀତି ଏବଂ ଶିଳ୍ପ ଅନୁକୂଳ ପରିବେଶ ନିବେଶକଙ୍କ ବିଶ୍ୱାସକୁ ଆହୁରି ସୁଦୃଢ଼ କରିଛି। ଏହି ଶିଳ୍ପ ବିକାଶ ସହ ଆଜି ଓଡ଼ିଆ ଯୁବକମାନେ ନିଜ ମାଟିକୁ ଫେରୁଛନ୍ତି। ଏହା ବିକଶିତ ଏବଂ ସମୃଦ୍ଧ ଓଡ଼ିଶା ଗଠନ ଦିଗରେ ଲୋକଙ୍କ ସରକାରର ଦୃଢ଼ ସଂକଳ୍ପକୁ ପ୍ରତିପାଦିତ କରୁଛି।

କେନ୍ଦୁଝର ଜିଲ୍ଲା ପାଟଣା ବ୍ଲକର ଯମୁନାପଶି ଓ ଚେମେଣା ପଞ୍ଚାୟତର ୧୨ଟି ଗ୍ରାମରେ ୪୦ହଜାର କୋଟି ଟଙ୍କା ବ୍ୟୟରେ ବାର୍ଷିକ ପାଞ୍ଚ ନିୟୁତ ଟନ କ୍ଷମତା ବିଶିଷ୍ଟ ଏକ ମେଘା ଇସ୍ପାତ କାରଖାନା ପ୍ରତିଷ୍ଠା ପାଇଁ ଗ୍ରାମସଭା ଆୟୋଜିତ ହୋଇଆସୁଛି। ଏହି କ୍ରମରେ ଶୁକ୍ରବାର ସକାଳ ୯ଟା ସମୟରେ ଚିଲିଦା ଗ୍ରାମରେ ୧୧ତମ ଗ୍ରାମସଭା ଅନୁଷ୍ଠିତ ହୋଇଥିଲା। ସଭାରେ ଆଇନ-ଶୃଙ୍ଖଳା ପରିସ୍ଥିତି ବଜାୟ ରଖିବା ପାଇଁ ଏସପିଙ୍କ ନିର୍ଦ୍ଦେଶରେ ପୋଲିସ ମୁତୟନ କରାଯାଇଥିବା ବେଳେ, ଗ୍ରାମସଭାକୁ ଲୋକଙ୍କୁ ଛାଡୁ ନଥିବା ନେଇ ପୋଲିସ ବିରୋଧରେ ଆସିଥିବା ଅଭିଯୋଗକୁ ତୁରୁମୁଙ୍ଗା ଥାନା ଅଧିକାରୀ ଶ୍ରୀ ସାହୁ ଦୃଢ଼ ଭାବେ ଖଣ୍ଡନ କରିଛନ୍ତି। ଥାନା ଅଧିକାରୀଙ୍କ ଅନୁଯାୟୀ, ଜିନ୍ଦଲ ପୋସ୍କୋ ପ୍ରତିରୋଧ ମଞ୍ଚର କିଛି ବିରୋଧୀ ଦଳର ନେତା ଗ୍ରାମସଭାକୁ ବାତିଲ କରିବା ଉଦ୍ଦେଶ୍ୟରେ ଲୋକଙ୍କୁ ମଦ, ମାଂସ ଓ ଟଙ୍କା ଦେଇ ମତାଇବା ସହ ଗଣ୍ଡଗୋଳ ସୃଷ୍ଟି କରିବା, ଆଇନ ହାତକୁ ନେବା ଏବଂ ପ୍ରଶାସନକୁ ବଦନାମ କରିବାକୁ ଚେଷ୍ଟା କରୁଛନ୍ତି। ଏହି ନେତାମାନେ ପୋଲିସ ଏବଂ ତୁରୁମୁଙ୍ଗା ଥାନା ଅଧିକାରୀ ଗ୍ରାମସଭାକୁ ଲୋକଙ୍କୁ ଛାଡୁ ନଥିବା ଭଳି ମିଥ୍ୟା ଅଭିଯୋଗ ଆଣି ବଦନାମ କରିବାକୁ ଚେଷ୍ଟା କରୁଛନ୍ତି। ଥାନା ଅଧିକାରୀ ସ୍ପଷ୍ଟ କରିଛନ୍ତି ଯେ ଗ୍ରାମସଭାରେ ଯୋଗଦେବା ଏବଂ ନିଜର ମତ ପ୍ରକାଶ କରିବା ପ୍ରତ୍ୟେକ ଯୋଗ୍ୟ ବ୍ୟକ୍ତିଙ୍କ ଆଇନଗତ ଅଧିକାର ଅଟେ। ପୋଲିସର ଭୂମିକା କେବଳ ଶାନ୍ତି, ସୁରକ୍ଷା ଓ ଆଇନ-ଶୃଙ୍ଖଳା ରକ୍ଷା କରିବା ପର୍ଯ୍ୟନ୍ତ ସୀମିତ। ପୋଲିସ ପକ୍ଷରୁ ଚିଲିଦା ଗ୍ରାମବାସୀଙ୍କୁ ଶାନ୍ତିପୂର୍ଣ୍ଣ ଭାବେ ସଭାରେ ଅଂଶଗ୍ରହଣ କରିବାକୁ ବୁଝାସୁଝା କରାଯିବା ସହ ଆଇନକୁ ସମ୍ମାନ କରିବାକୁ ସଚେତନ କରାଯାଇଥିଲା। ସୋସିଆଲ ମିଡିଆରେ ପୋଲିସର ଭୂମିକାକୁ ନେଇ ଆସୁଥିବା ସମସ୍ତ ବିଭିନ୍ନ ପ୍ରକାର ଅପପ୍ରଚାର ଓ ମତାମତକୁ ଥାନା ଅଧିକାରୀ ସମ୍ପୂର୍ଣ୍ଣ ଭାବେ ପ୍ରତ୍ୟାଖ୍ୟାନ କରିଛନ୍ତି।

ଗତ ଗୁରୁବାର (୦୯-୦୭-୨୦୨୬) ଦିନ ହୀରାକୁଦ ଜଳଭଣ୍ଡାରରୁ ଚଳିତ ବର୍ଷର ପ୍ରଥମ ବନ୍ୟାଜଳ ନିଷ୍କାସନ କରାଯାଇଛି। ଉପରମୁଣ୍ଡରେ ପ୍ରବଳ ବର୍ଷା ହେତୁ ଜଳଭଣ୍ଡାରର ଜଳସ୍ତର କ୍ରମାଗତ ଭାବେ ବୃଦ୍ଧି ପାଉଥିବାରୁ କର୍ତ୍ତୃପକ୍ଷ ଏହି ପଦକ୍ଷେପ ନେଇଛନ୍ତି। ପୂଜାପାଠ ପରେ ସ୍ଲୁଇସ୍ ଗେଟ୍ ଖୋଲିବା ପ୍ରକ୍ରିୟା ଆରମ୍ଭ ହୋଇଥିଲା। ବାମ ପାର୍ଶ୍ୱରୁ ପୂର୍ବାହ୍ନ ୧୧.୪୬ ମିନିଟ୍‌ରେ ପ୍ରଥମ, ୧୧.୫୦ ମିନିଟ୍‌ରେ ଦ୍ୱିତୀୟ ଏବଂ ୧୧.୫୨ ମିନିଟ୍‌ରେ ତୃତୀୟ ଗେଟ୍ ଖୋଲାଯାଇଥିଲା। ଏହାପରେ ମଧ୍ୟାହ୍ନ ୧୨.୨୨ ମିନିଟ୍‌ରେ ଡାହାଣ ପାର୍ଶ୍ୱରୁ ଚତୁର୍ଥ ଗେଟ୍‌ଟି ଖୋଲାଯାଇ ମହାନଦୀକୁ ଜଳ ନିଷ୍କାସନ କରାଯାଇଛି। ଜିଲ୍ଲା ଜରୁରୀକାଳୀନ ବିଭାଗର ସୂଚନା ଅନୁଯାୟୀ, ଗେଟ୍‌ଗୁଡ଼ିକ ଖୋଲିବା ପରେ ମୋଟ ଜଳ ନିଷ୍କାସନ ୮୯,୭୯୧ କ୍ୟୁସେକ୍‌କୁ ବୃଦ୍ଧି ପାଇଛି। ଜଳଭଣ୍ଡାରର ବର୍ତ୍ତମାନର ଜଳସ୍ତର ୬୧୫.୧୫ ଫୁଟ ରହିଛି ଏବଂ ଏହା ଉପରମୁଖୀ ରହିଛି। ଏହି ସମୟରେ ଜଳଭଣ୍ଡାରକୁ ପ୍ରତି ସେକେଣ୍ଡରେ ହାରାହାରି ୧,୩୧,୦୦୩ କ୍ୟୁସେକ୍ ଜଳ ପ୍ରବେଶ କରୁଛି। ଜରୁରୀକାଳୀନ ବିଭାଗ ପକ୍ଷରୁ କୁହାଯାଇଛି ଯେ ବର୍ତ୍ତମାନ ଜଳଭଣ୍ଡାରର ସ୍ଥିତି ଓ ନିଷ୍କାସନ ପ୍ରକ୍ରିୟା ସମ୍ପୂର୍ଣ୍ଣ ନିୟନ୍ତ୍ରଣାଧୀନ ରହିଛି।

ସମ୍ବଲପୁର ଜିଲ୍ଲାର ଅନେକ ସ୍ଥାନରେ ବନ୍ୟାଜଳ ହେଉ ଅବା ନାଳ-ନର୍ଦ୍ଦମା ଜଳର ନିଷ୍କାସନ ପାଇଁ କୌଣସି ବ୍ୟବସ୍ଥା କରାଯାଉ ନଥିବାରୁ ସାଧାରଣ ଜନସାଧାରଣ ଚରମ ହଇରାଣ ହରକତ ହେଉଛନ୍ତି। ପ୍ରଶାସନିକ ପଦବୀରେ ରହି ଅଧିକାରୀମାନେ ପୁଳା ପୁଳା ଦରମା ନେଉଥିଲେ ମଧ୍ୟ କୌଣସି କାମ କରୁନାହାନ୍ତି କିମ୍ବା ଲୋକଙ୍କୁ ସୁବିଧା ସୁଯୋଗ ଯୋଗାଇ ଦେଉନାହାନ୍ତି। କେବଳ ଗୋଟିଏ ସ୍ଥାନ ନୁହେଁ, ବରଂ ଜିଲ୍ଲାର ବିଭିନ୍ନ ସ୍ଥାନରେ ଏଭଳି ସମସ୍ୟା ଲାଗି ରହିଥିବା ବେଳେ ପ୍ରଶାସନ ଏହି ବିଷୟରେ କୌଣସି ସୁବିଧା କରୁନାହିଁ। ପ୍ରଶାସନର ଏଭଳି ନିଷ୍କ୍ରିୟତା କାରଣରୁ ଜନସାଧାରଣ କିପରି ଜୀବନଯାପନ କରିବେ, ତାହାକୁ ନେଇ ଗଭୀର ଅସନ୍ତୋଷ ପ୍ରକାଶ ପାଇଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିକଟ ଅତୀତରେ ଅନେକ ଦେଶ ଗସ୍ତ କରି ଭାରତର କୂଟନୈତିକ ସମ୍ପର୍କକୁ ନୂତନ ରୂପ ଦେଇଛନ୍ତି। ସେ ୪୦ ବର୍ଷ ମଧ୍ୟରେ ପ୍ରଥମ ଭାରତୀୟ ପ୍ରଧାନମନ୍ତ୍ରୀ ଭାବେ ନ୍ୟୁଜିଲ୍ୟାଣ୍ଡ ଗସ୍ତ କରିଥିବା ବେଳେ, ୬୦ ବର୍ଷର ବ୍ୟବଧାନ ପରେ ଆୟର୍ଲାଣ୍ଡ ଗସ୍ତ କରି ଦୀର୍ଘ ଦିନରୁ ସୁପ୍ତ ଥିବା କୂଟନୈତିକ ସମ୍ପର୍କକୁ ପୁନର୍ଜୀବିତ କରିଛନ୍ତି। ଏହାଛଡ଼ା, ୫୬ ବର୍ଷ ପରେ ଗାୟାନା ଗସ୍ତ କରିଥିବା ପ୍ରଥମ ଭାରତୀୟ ପ୍ରଧାନମନ୍ତ୍ରୀ ଭାବେ ସେ ଦ୍ଵିପାକ୍ଷିକ ସମ୍ପର୍କର ଏକ ନୂଆ ଅଧ୍ୟାୟ ଆରମ୍ଭ କରିଛନ୍ତି। ଗତ ଏକ ଦଶନ୍ଧି ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୀର୍ଘ ଦିନ ଧରି ଅବହେଳିତ ହୋଇ ରହିଥିବା ଅନେକ ଭାଗୀଦାରିକୁ ପୁନର୍ଜୀବିତ କରିବା ସହ ବିଶ୍ୱସ୍ତରରେ ଭାରତର ପହଞ୍ଚକୁ ବିସ୍ତାର କରିଛନ୍ତି। ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତ ବିଶ୍ୱ ବ୍ୟାପାରରେ କେବଳ ଅଂଶଗ୍ରହଣ କରୁନାହିଁ, ବରଂ ଜଣେ ବିଶ୍ୱସ୍ତ ସହଯୋଗୀ, ଏକ ଅଗ୍ରଣୀ ସ୍ୱର ଏବଂ ଏକ ଉଦୀୟମାନ ବିଶ୍ୱ ଶକ୍ତି ଭାବେ ନିଜକୁ ପ୍ରତିଷ୍ଠିତ କରି ବିଶ୍ୱକୁ ପ୍ରଭାବିତ କରୁଛି।

କେନ୍ଦୁଝର ସଦର ବ୍ଲକ ଅନ୍ତର୍ଗତ ପଦ୍ମପୁର ପଞ୍ଚାୟତ ୯ନମ୍ବର ୱାର୍ଡ ବନାଯୋଡି ଗାଁ ତଳସାହିର ବାସିନ୍ଦାମାନେ ମୌଳିକ ସୁବିଧାରୁ ବଞ୍ଚିତ ହୋଇ ଚଳିତ ସାଧାରଣ ନିର୍ବାଚନରେ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି। ଏଠାରେ ପକ୍କା ରାସ୍ତା ଏବଂ ଡ୍ରେନ ସୁବିଧା ନଥିବାରୁ ସ୍ଥାନୀୟ ଲୋକେ ଗୁରୁତର ସମସ୍ୟାର ସମ୍ମୁଖୀନ ହେଉଛନ୍ତି। ଏ ସମ୍ପର୍କରେ ପଞ୍ଚାୟତ ଓ ବ୍ଲକ ପ୍ରଶାସନକୁ ପାଞ୍ଚଥରରୁ ଅଧିକ ଅଭିଯୋଗ କରାଯାଇଥିଲେ ମଧ୍ୟ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇ ନଥିବାରୁ ଗ୍ରାମବାସୀଙ୍କ ମଧ୍ୟରେ ତୀବ୍ର ଜନଅସନ୍ତୋଷ ପ୍ରକାଶ ପାଇଛି। ବନାଯୋଡି ତଳସାହିରେ ପ୍ରାୟ ୨୫ଟି ପରିବାର ବାସ କରୁଥିବା ବେଳେ ଏଠାକାର ଜନସଂଖ୍ୟା ୧୦୦ରୁ ଅଧିକ। ଦୀର୍ଘ ବର୍ଷ ଧରି ମରାମତି ଅଭାବରୁ ସାମାନ୍ୟ ବର୍ଷା ହେଲେ ମାଟି ରାସ୍ତାରେ ଆଣ୍ଠୁଏ କାଦୁଅ ଜମିଯାଉଛି। ଏହାସହ ଡ୍ରେନ ସୁବିଧା ନଥିବାରୁ ଏବଂ ଜାଗାଟି ଗଡ଼ାଣିଆ ହୋଇଥିବାରୁ ବର୍ଷା ପାଣି ଲୋକଙ୍କ ଘର ଭିତରେ ପଶୁଛି। ଯାତାୟାତ ସମସ୍ୟା ଯୋଗୁଁ ଲୋକେ ସାହିର ରାଧାକୃଷ୍ଣ ମନ୍ଦିରକୁ ପୂଜାର୍ଚ୍ଚନା ପାଇଁ ଯିବାକୁ ଏବଂ ନଳକୂଅରୁ ପାଣି ଆଣିବାକୁ ମଧ୍ୟ ନାପସନ୍ଦ କରୁଛନ୍ତି। ସବୁଠାରୁ ଗୁରୁତର କଥା ହେଉଛି, ଚିକିତ୍ସା ପାଇଁ ୧୦୮ ଆମ୍ବୁଲାନ୍ସ ସାହି ଭିତରକୁ ପଶିପାରୁ ନଥିବାରୁ ରୋଗୀଙ୍କୁ ଖଟିଆରେ ବୋହି ଭଲ ରାସ୍ତା ପର୍ଯ୍ୟନ୍ତ ଆଣିବାକୁ ପଡ଼ୁଛି। ମୌଳିକ ଅଧିକାରରୁ ବଞ୍ଚିତ ହୋଇ ବନାଯୋଡି ତଳସାହିର ନାଏବ ସରପଞ୍ଚ ସଞ୍ଜୟ ଦେଣ୍ତସେନାଙ୍କ ସମେତ ନାଗେଶ୍ବର ବାରିକ୍, ଶିବନନ୍ଦ ବାରିକ୍, ଇନ୍ଦ୍ରମଣି ବାରିକ୍, ରାମଚନ୍ଦ୍ର ଦେହୁରୀ, ମନରଂଞ୍ନନ ବ୍ରହ୍ମ, ରାଘବ ବାରିକ୍, ଲକ୍ଷ୍ମୀଧର ଦଣ୍ତସେନା, ଜୀବନ ବଲ୍ଲଭ ବ୍ରହ୍ମ, ବାସନ୍ତୀ ବାରିକ୍, ଉଲପୀ ବାରିକ୍, ସବିତା ବାରିକ୍, ସୂର୍ଣ୍ଣମଣୀ ବାରିକ୍, କୁକିଳ ବ୍ରହ୍ମ, ଝୁମର ଦଣ୍ତସେନା, ଭାରୁ ଦେହୁରୀ, ସଦାନନ୍ଦ ଦେହରୁୀ, ଭଗବାନ ଦେହୁରୀ, ହିରୋଣ୍ୟ ଦେହୁରୀ, ମହେନ୍ଦ୍ର ଦେହୁରୀ, ବାସୁଦେବ ବାରିକ୍, ରଇବୁ ଦେହୁରୀ, ଅଶେաକ ଦଣ୍ତସେନା, କଳାକର ଦେହୁରି, ପ୍ରଫୁଲ୍ଲ ଦଣ୍ତସେନା, କୁଳମଣି ବାରିକ୍, ରବି ଦେହୁରୀ, ପୁରେନ୍ଦ୍ର ଦେହୁରୀ, ଶମ୍ବୁନାଥ ବାରିକ୍, ଗୋବିନ୍ଦ ବାରକ୍, ଶତ୍ରୁଘ୍ନ ନାଏକ, ସନାତନ ଖଟୁଆ, ଚେମୁଣୁ ଦେଣ୍ତସେନା, ତ୍ରିନାଥ ନାଏକ, ମାୟାଧର ଦଣ୍ତସେନା ଓ ଗୈାର ଦେଣ୍ତସେନା ପ୍ରମୁଖ ବାସିନ୍ଦା ଏକତ୍ରିତ ହୋଇ ଚଳିତ ସାଧାରଣ ନିର୍ବାଚନରେ ସମ୍ପୂର୍ଣ୍ଣ ଭୋଟ୍ ବର୍ଜନ କରିବାକୁ ପ୍ରଶାସନକୁ ଚେତାବନୀ ଦେଇଛନ୍ତି।

ଓଡ଼ିଶାରେ ରଥଯାତ୍ରାକୁ ସୁଚାରୁ, ସୁରକ୍ଷିତ ଏବଂ ଶାନ୍ତିପୂର୍ଣ୍ଣ ଭାବେ ସମ୍ପନ୍ନ କରିବା ଉଦ୍ଦେଶ୍ୟରେ ପୁରୀ ଟାଉନ୍ ହଲ୍‌ରେ ଏକ ସୁରକ୍ଷା ବ୍ୟବସ୍ଥାର ଉଚ୍ଚସ୍ତରୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଓଡ଼ିଶା ପୋଲିସର ଡିଜିପି ଯୋଗେଶ ବାହାଦୁର ଖୁରାନିଆଙ୍କ ଅଧ୍ୟକ୍ଷତାରେ ଏହି ଗୁରୁତ୍ୱପୂର୍ଣ୍ଣ ବୈଠକ ଆୟୋଜିତ ହୋଇଥିଲା। ଏହି ବୈଠକରେ ରଥଯାତ୍ରା ସମୟରେ ଭିଡ଼ ନିୟନ୍ତ୍ରଣ, ଯାତାୟାତ ପରିଚାଳନା, ସୁରକ୍ଷା ବ୍ୟବସ୍ଥା, ଜରୁରୀକାଳୀନ ପ୍ରସ୍ତୁତି ଏବଂ ବିଭିନ୍ନ ବିଭାଗ ମଧ୍ୟରେ ସମନ୍ୱୟ ରକ୍ଷା କରିବାକୁ ନେଇ ବିସ୍ତୃତ ଭାବେ ଆଲୋଚନା କରାଯାଇଛି। ଏହା ସହିତ ଶ୍ରଦ୍ଧାଳୁମାନଙ୍କ ସୁରକ୍ଷା ଏବଂ ସେମାନଙ୍କର ନିର୍ବାଧ ଦର୍ଶନ ସୁନିଶ୍ଚିତ କରିବା ପାଇଁ ବୈଠକରେ ଉପସ୍ଥିତ ଅଧିକାରୀମାନଙ୍କୁ ଆବଶ୍ୟକୀୟ ଦିଶା-ନିର୍ଦ୍ଦେଶ ଦିଆଯାଇଛି।

ସମ୍ବଲପୁରର ଆଇନ୍ଠାପାଲି ଅନ୍ତର୍ଗତ ଏକ ନିର୍ମାଣାଧୀନ ପାଣି ଟାଙ୍କିରେ ପଡ଼ି ଦୁଇ ଜଣ ଶ୍ରମିକଙ୍କର ଅତ୍ୟନ୍ତ ଯନ୍ତ୍ରଣାଦାୟକ ମୃତ୍ୟୁ ଘଟିଛି। ଏହି ଦୁଃଖଦ ଦୁର୍ଘଟଣା ନିର୍ମାଣ କାର୍ଯ୍ୟରେ ସୁରକ୍ଷା ବ୍ୟବସ୍ଥାକୁ ନେଇ ଗମ୍ଭୀର ପ୍ରଶ୍ନବାଚୀ ସୃଷ୍ଟି କରିଛି। ଯଦି ସୁରକ୍ଷା ମାନଦଣ୍ଡକୁ ଅଣଦେଖା କରିବା କିମ୍ବା ଶ୍ରମିକମାନଙ୍କ ଦ୍ବାରା ଅସୁରକ୍ଷିତ ପରିସ୍ଥିତିରେ କାର୍ଯ୍ୟ କରାଇବା ଭଳି ଅଭିଯୋଗ ସତ୍ୟ ହୋଇଥାଏ, ତେବେ ଏହି ଘଟଣାର ନିଷ୍ପକ୍ଷ ତଦନ୍ତ କରାଯାଇ ଦୋଷୀମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଆବଶ୍ୟକ। ମୃତ ଶ୍ରମିକଙ୍କ ପରିବାରକୁ ଉଚିତ କ୍ଷତିପୂରଣ ଏବଂ ନ୍ୟାୟ ପ୍ରଦାନ କରିବା ସହ ଭବିଷ୍ୟତରେ ଏଭଳି ଘଟଣାର ଯେପରି ପୁନରାବୃତ୍ତି ନହେବ, ସେଥିପାଇଁ ସମସ୍ତ ନିର୍ମାଣ ସ୍ଥଳରେ ସୁରକ୍ଷା ନିୟମକୁ କଡ଼ାକଡ଼ି ଭାବେ ପାଳନ କରାଯିବା ଉଚିତ।