मंत्रालयातील धाडप्रकरणावर मंत्री नरहरी झिरवळ यांनी आज स्पष्ट आणि ठाम भूमिका मांडली. १२ तारखेला झालेल्या धाडीमध्ये संबंधित क्लार्क रंगेहात पकडला गेल्याचं सर्वांनाच माहीत असून या प्रकरणाची स्वतंत्र चौकशी पोलीस उपयुक्तांच्या मार्फत करण्याचे आदेश देण्यात आले असल्याचं त्यांनी सांगितलं.मला या प्रकाराची कोणतीही कल्पना नव्हती.कार्यालय जवळ असूनही तिथे कधी पाहणी करण्याची वेळ आली नाही.मात्र सत्य हे सत्य असतं आणि कुणीही दोषी असेल तर त्याला कारवाईला सामोरं जावंच लागेल असं झिरवळ यांनी ठामपणे नमूद केलं.राजू नावाच्या व्यक्तीची चौकशी सुरू असून जी कारवाई आहे ती त्या ठिकाणीच केली जाईल असंही त्यांनी स्पष्ट केलं. सुनावणीनंतर स्टे देणं आणि कागदपत्रांची पूर्तता ही रुटीन प्रक्रिया असल्याचं सांगत कोणताही दबाव किंवा गैरप्रकार सहन केला जाणार नाही असा इशारा दिला.उपमुख्यमंत्री सुनेत्रा पवार यांच्या भेटीबाबत बोलताना झिरवळ म्हणाले नाराजीचा प्रश्न नाही मलाही असा प्रकार खपवून घेण्यासारखा नाही. सखोल चौकशी करा, काही चुकीचं आढळल्यास कठोर कारवाई करा अशा सूचना देण्यात आल्या आहेत. मुख्यमंत्र्यांबाबत बोलताना त्यांनी स्पष्ट केलं की अधिकार काढणं किंवा देणं हा त्यांचा अधिकार आहे आणि मुख्यमंत्र्यांच्या मनात माझ्या कामाबद्दल कोणताही किंतु नाही. मात्र अद्याप थेट संवाद झालेला नसल्याचंही त्यांनी सांगितलं. टीकेच्या मुद्द्यावर बोलताना त्यांनी संजय राऊत यांच्यावर अप्रत्यक्ष निशाणा साधला.टीका करा पण माणूस मारणारी भाषा नको. जाताना काहीतरी चांगलं लिहिलं पाहिजे असं सूचक विधान त्यांनी केलं. डाग लागतो तेव्हा आत्मा दुखतो. मंत्रालयात असे प्रकार होत असतील तर डोळ्यात तेल घालून काम करावं लागेल. कोणाचाही संबंध आढळल्यास त्यालाही भोगावं लागेल असा कडक संदेश देत झिरवळ यांनी कठोर कारवाईचे संकेत दिले. राज्यसभा,विलिनीकरण,पार्थ पवार, अल्पसंख्यांक शाळा या मुद्द्यांवर अद्याप चर्चा नसल्याचं सांगत वरिष्ठ पातळीवर निर्णय होतील असंही त्यांनी स्पष्ट केलं. मंत्रालयातील भ्रष्टाचार, चौकशीचे आदेश आणि राजकीय प्रतिक्रियांनी राज्याचं राजकारण तापलं असून पुढील कारवाईकडे सर्वांचं लक्ष लागलं आहे.

Maharashtra News

Media Consultant कुर्ला, मुंबई उपनगर, महाराष्ट्र•

19 hrs ago

मंत्रालयातील धाडप्रकरणावर मंत्री नरहरी झिरवळ यांनी आज स्पष्ट आणि ठाम भूमिका मांडली. १२ तारखेला झालेल्या धाडीमध्ये संबंधित क्लार्क रंगेहात पकडला गेल्याचं सर्वांनाच माहीत असून या प्रकरणाची स्वतंत्र चौकशी पोलीस उपयुक्तांच्या मार्फत करण्याचे आदेश देण्यात आले असल्याचं त्यांनी सांगितलं.मला या प्रकाराची कोणतीही कल्पना नव्हती.कार्यालय जवळ असूनही तिथे कधी पाहणी करण्याची वेळ आली नाही.मात्र सत्य हे सत्य असतं आणि कुणीही दोषी असेल तर त्याला कारवाईला सामोरं जावंच लागेल असं झिरवळ यांनी ठामपणे नमूद केलं.राजू नावाच्या व्यक्तीची चौकशी सुरू असून जी कारवाई आहे ती त्या ठिकाणीच केली जाईल असंही त्यांनी स्पष्ट केलं. सुनावणीनंतर स्टे देणं आणि कागदपत्रांची पूर्तता ही रुटीन प्रक्रिया असल्याचं सांगत कोणताही दबाव किंवा गैरप्रकार सहन केला जाणार नाही असा इशारा दिला.उपमुख्यमंत्री सुनेत्रा पवार यांच्या भेटीबाबत बोलताना झिरवळ म्हणाले नाराजीचा प्रश्न नाही मलाही असा प्रकार खपवून घेण्यासारखा नाही. सखोल चौकशी करा, काही चुकीचं आढळल्यास कठोर कारवाई करा अशा सूचना देण्यात आल्या आहेत. मुख्यमंत्र्यांबाबत बोलताना त्यांनी स्पष्ट केलं की अधिकार काढणं किंवा देणं हा त्यांचा अधिकार आहे आणि मुख्यमंत्र्यांच्या मनात माझ्या कामाबद्दल कोणताही किंतु नाही. मात्र अद्याप थेट संवाद झालेला नसल्याचंही त्यांनी सांगितलं. टीकेच्या मुद्द्यावर बोलताना त्यांनी संजय राऊत यांच्यावर अप्रत्यक्ष निशाणा साधला.टीका करा पण माणूस मारणारी भाषा नको. जाताना काहीतरी चांगलं लिहिलं पाहिजे असं सूचक विधान त्यांनी केलं. डाग लागतो तेव्हा आत्मा दुखतो. मंत्रालयात असे प्रकार होत असतील तर डोळ्यात तेल घालून काम करावं लागेल. कोणाचाही संबंध आढळल्यास त्यालाही भोगावं लागेल असा कडक संदेश देत झिरवळ यांनी कठोर कारवाईचे संकेत दिले. राज्यसभा,विलिनीकरण,पार्थ पवार, अल्पसंख्यांक शाळा या मुद्द्यांवर अद्याप चर्चा नसल्याचं सांगत वरिष्ठ पातळीवर निर्णय होतील असंही त्यांनी स्पष्ट केलं. मंत्रालयातील भ्रष्टाचार, चौकशीचे आदेश आणि राजकीय प्रतिक्रियांनी राज्याचं राजकारण तापलं असून पुढील कारवाईकडे सर्वांचं लक्ष लागलं आहे.