दादर रेल्वे स्थानक परिसर फेरीवाला- मुक्त ठेवण्यासाठी,मुंबई महानगरपालिका प्रशासनाकडून संयुक्त पथकाची नियुक्ती करण्यात आली आहे.मुंबई महानगरपालिकेच्या वरिष्ठ अधिकाऱ्यांच्या थेट नियंत्रणाखाली हे पथक कार्यरत असून परिसरातील अतिक्रमण रोखण्यासाठी कठोर उपाययोजना राबवण्यात येत आहेत.या संयुक्त पथकाकडून दररोज किमान ३ वेळा दादर परिसरात मार्चिंग व गस्त घालण्यात येते.फेरीवाले पुन्हा रस्ते व पदपथांवर अतिक्रमण करणार नाहीत यासाठी सातत्याने देखरेख ठेवली जात आहे. गस्तीसाठी आवश्यक वाहने,मनुष्यबळ,कामगारवर्ग उपलब्ध करून देण्यात आला असून कारवाई अधिक प्रभावी करण्यावर भर देण्यात आला आहे.प्रवाशांच्या सुरक्षिततेसह वाहतूक सुरळीत राहावी,पदपथ नागरिकांसाठी मोकळे ठेवावेत या उद्देशाने ही संयुक्त मोहीम सुरू असून पुढील काळातही ती सातत्याने राबवण्यात येणार असल्याची माहिती प्रशासनाकडून देण्यात आली आहे.

Maharashtra News

Media Consultant Mumbai, Maharashtra•

2 hrs ago