शेतातील कचरा पेटवणे पडले महागात; सुटाळा खुर्द येथे आगीत घरातील साहित्य जळून खाक ​खामगाव : शेतातील कचरा पेटवण्याची एक छोटीशी चूक एका कुटुंबासाठी अत्यंत भयानक ठरली आहे. सुटाळा खुर्द येथे रात्रीच्या सुमारास शेतातील कचऱ्याला लावलेली आग वाऱ्यामुळे पसरली आणि आज सकाळी 11 वाजता सुमारास आगीने रौद्र रूप धारण करत शेतातील घराला कचाट्यात घेतले. यामध्ये उत्तम कानोजी घाटे यांचे घर जळाले असून संसाराची मोठी राखरांगोळी झाली आहे. मिळालेल्या माहितीनुसार, सुटाळा खुर्द शिवारात रात्रीच्या वेळी शेतातील कचरा (काडीकचरा) पेटवण्यात आला होता. मात्र, रात्रीच्या वाऱ्यामुळे या आगीच्या ठिणग्या उडून शेतातच असलेल्या घरालगतच्या कुटार जळाले काही क्षणातच आगीने घराला विळखा घातला. या भीषण आगीत घरातील फ्रीज, कुलर, कपाट यांसारख्या इलेक्ट्रॉनिक वस्तूंसह अंगावरील कपडे आणि महत्त्वाची कागदपत्रे जळून खाक झाली आहेत. घराचा संपूर्ण संसार डोळ्यादेखत जळत असताना घाटे कुटुंबावर आभाळ कोसळले आहे. सुदैवाने या घटनेत कोणतीही जीवितहानी झाली नसल्याचे समजते, मात्र कुटुंबाचे लाखो रुपयांचे नुकसान झाले आहे. घटनेची माहिती मिळताच अग्निशमन दलाच्या गाड्या तातडीने घटनास्थळी दाखल झाली. अग्निशमन जवान आणि स्थानिक नागरिकांनी शर्थीचे प्रयत्न करून आग आटोक्यात आणली. घटनास्थळी सुटाळा खुर्द चे तलाठी सुमित गवई , ग्रामपंचायत ग्रामसेवक कांबळे, दाखल होऊन पाहणी केली.

Shivaji Bhosale

Journalist खामगाव, बुलढाणा, महाराष्ट्र•

2 hrs ago

शेतातील कचरा पेटवणे पडले महागात; सुटाळा खुर्द येथे आगीत घरातील साहित्य जळून खाक ​खामगाव : शेतातील कचरा पेटवण्याची एक छोटीशी चूक एका कुटुंबासाठी अत्यंत भयानक ठरली आहे. सुटाळा खुर्द येथे रात्रीच्या सुमारास शेतातील कचऱ्याला लावलेली आग वाऱ्यामुळे पसरली आणि आज सकाळी 11 वाजता सुमारास आगीने रौद्र रूप धारण करत शेतातील घराला कचाट्यात घेतले. यामध्ये उत्तम कानोजी घाटे यांचे घर जळाले असून संसाराची मोठी राखरांगोळी झाली आहे. मिळालेल्या माहितीनुसार, सुटाळा खुर्द शिवारात रात्रीच्या वेळी शेतातील कचरा (काडीकचरा) पेटवण्यात आला होता. मात्र, रात्रीच्या वाऱ्यामुळे या आगीच्या ठिणग्या उडून शेतातच असलेल्या घरालगतच्या कुटार जळाले काही क्षणातच आगीने घराला विळखा घातला. या भीषण आगीत घरातील फ्रीज, कुलर, कपाट यांसारख्या इलेक्ट्रॉनिक वस्तूंसह अंगावरील कपडे आणि महत्त्वाची कागदपत्रे जळून खाक झाली आहेत. घराचा संपूर्ण संसार डोळ्यादेखत जळत असताना घाटे कुटुंबावर आभाळ कोसळले आहे. सुदैवाने या घटनेत कोणतीही जीवितहानी झाली नसल्याचे समजते, मात्र कुटुंबाचे लाखो रुपयांचे नुकसान झाले आहे. घटनेची माहिती मिळताच अग्निशमन दलाच्या गाड्या तातडीने घटनास्थळी दाखल झाली. अग्निशमन जवान आणि स्थानिक नागरिकांनी शर्थीचे प्रयत्न करून आग आटोक्यात आणली. घटनास्थळी सुटाळा खुर्द चे तलाठी सुमित गवई , ग्रामपंचायत ग्रामसेवक कांबळे, दाखल होऊन पाहणी केली.