పోలవరం జిల్లా వ్యాప్తంగా ఏజెన్సీ ప్రాంతాల్లో మైనింగ్ మాఫియా సాగిస్తున్న దోపిడీ, చట్టాలను నీరుగార్చే భూకబ్జాలపై తక్షణమే ఉన్నత స్థాయి విచారణ జరిపి కఠిన చర్యలు తీసుకోవాలని ఆదివాసి సంక్షేమ పరిషత్ రాష్ట్ర ప్రధాన కార్యదర్శి కుంజ శ్రీను డిమాండ్ చేశారు. శనివారం నాడు రాష్ట్ర ఎస్టీ కమిషన్ చైర్మన్ చోళ బోజ్జి రెడ్డికి ఆదివాసి సంక్షేమ పరిషత్ రాష్ట్ర ప్రధాన కార్యదర్శి కుంజ శ్రీను నేతృత్వంలో ప్రతినిధి బృందం కలిసి ఏజెన్సీలో జరుగుతున్న పలు తీవ్రమైన సమస్యలతో కూడిన సమగ్ర వినతి పత్రాన్ని సమర్పించింది. ఈ సందర్భంగా ఆదివాసి సంక్షేమ పరిషత్ నాయకులు మాట్లాడుతూ, పోలవరం జిల్లా ఐదో షెడ్యూల్ ఏజెన్సీ ప్రాంతమైనప్పటికీ, రాజ్యాంగబద్ధమైన ఆదివాసి రక్షణ చట్టాలు అమలు కావడం లేదని ఆవేదన వ్యక్తం చేశారు. మైనింగ్ మాఫియా ఏజెన్సీ ప్రాంతాలను అడ్డాగా చేసుకుని, స్థానిక గిరిజనులను బినామీలుగా పెట్టి కోట్లాది రూపాయల ఏజెన్సీ మైనింగ్ సంపదను పగలు రేయి తేడా లేకుండా దోచుకుంటున్నారని మండిపడ్డారు. బినామీ పేర్లతో నడుస్తున్న ఈ అక్రమ మైనింగ్‌ క్వారీలపై ప్రత్యేక సిట్టింగ్ జరిపి, సమగ్ర దర్యాప్తు ద్వారా దోషులను కఠినంగా శిక్షించాలని కోరారు. ఏజెన్సీ ప్రాంతంలో గిరిజనేతరులకు భూ బదలాయింపును నిరోధించే చారిత్రాత్మక ఎల్టీఆర్ 1/70 చట్టాన్ని, 1905 చట్టాన్ని, జీవో నంబర్ 188ని జిల్లా అధికారులు పూర్తిగా నీరుగారుస్తున్నారని నాయకులు ధ్వజమెత్తారు. అధికారుల ఉదాసీనత వల్లే నాన్-ట్రైబల్స్ యథేచ్ఛగా భూకబ్జాలకు పాల్పడుతున్నారని, ఏజెన్సీ ప్రాంతాన్ని మొత్తం వ్యాపార సముదాయాలుగా మార్చేస్తున్నారని ఆగ్రహం వ్యక్తం చేశారు. చట్ట విరుద్ధంగా నిర్మించిన నాన్-ట్రైబల్స్ అక్రమ కట్టడాలను తక్షణమే కూల్చివేయాలని వారు చైర్మన్‌ను కోరారు. ఎటపాక మండలం లక్ష్మీదేవిపేటలో సుమారు 40 ఎకరాల విలువైన ప్రభుత్వ భూమిని ఒక నాన్-ట్రైబల్ రియల్ ఎస్టేట్ వ్యాపారి అక్రమంగా ఆక్రమించి, ప్లాట్లుగా మార్చి విక్రయిస్తున్నా అధికారులు పట్టించుకోవడం లేదని ప్రశ్నించారు. గిరిజన రక్షణ కొరకు ప్రవేశపెట్టిన పీజీఆర్ఎస్ (స్పందన) పోర్టల్‌లో ఆదివాసీలు ఎన్నిసార్లు ఫిర్యాదు చేసినా, జిల్లా అధికారులు కనీసం స్పందించడం లేదని, అర్జీలను బుట్టదాఖలు చేస్తూ గిరిజనుల గొంతు నొక్కుతున్నారని ఆరోపించారు. రంపచోడవరం మండలం నరసాపురం గ్రామంలో నల్లరాయి క్వారీల్లో నిబంధనలకు విరుద్ధంగా భారీ ఎత్తున బాంబు బ్లాస్టింగ్‌లు జరుపుతున్నారని, దీనివల్ల స్థానిక గిరిజనుల ఇళ్లు బీటలు వారి కూలిపోయే దశకు చేరాయని ఎస్టీ కమిషన్ దృష్టికి తీసుకెళ్లారు. ఈ అక్రమాలపై బాధితులు ఫిర్యాదు చేసినా రెవెన్యూ, మైనింగ్ శాఖల అధికారులు క్వారీ నిర్వహణదారులతో కుమ్మక్కై సమస్యను పక్కదారి పట్టిస్తున్నారని దుయ్యబట్టారు. ధైర్యంగా ఫిర్యాదు చేసిన ఆదివాసీలపై మైనింగ్ మాఫియా గుండాలతో దాడులు చేయిస్తూ భయభ్రాంతులకు గురిచేస్తోందని ఆందోళన వ్యక్తం చేశారు. అలాగే, వై.రామవరం మండలానికి చెందిన లండ శారద దేవి అనే గిరిజన మహిళ కుటుంబంపై, అదే మండలంలో రెవెన్యూ ఇన్‌స్పెక్టర్ గా విధులు నిర్వహిస్తున్న అధికారి కుటుంబ సభ్యులు అమానుషంగా దాడికి పాల్పడటం ఏజెన్సీలో గిరిజనులకు రక్షణ కరువైందనే దానికి నిదర్శనమన్నారు. ఈ దాడి ఘోరమని, బాధిత మహిళకు న్యాయం చేయాలని డిమాండ్ చేశారు. ఆదివాసి సంక్షేమ పరిషత్ సమర్పించిన వినతిపత్రంపై రాష్ట్ర ఎస్టీ కమిషన్ చైర్మన్ చోళ బోజ్జి రెడ్డి తీవ్రంగా స్పందించారు. ఏజెన్సీ చట్టాల ఉల్లంఘనను, గిరిజనులపై జరుగుతున్న దౌర్జన్యాలను సహించేది లేదన్నారు. వినతిపత్రంలోని ప్రతి సమస్యను కూలంకషంగా పరిశీలించి, సంబంధిత ఉన్నతాధికారుల దృష్టికి తీసుకెళ్తామని, గిరిజన చట్టాల రక్షణకు, బాధితులకు పూర్తి న్యాయం జరిగేలా తక్షణమే కఠిన చర్యలు తీసుకుంటామని ఆయన ఆదివాసి నాయకులకు హామీ ఇచ్చారు అని ఆదివాసి సంక్షేమం పరిస్థితి నాయకులు తెలియజేశారు. ఈ కార్యక్రమంలో ఆదివాసి సంక్షేమ పరిషత్ ముఖ్య నాయకులు చోడి ఏడుకొండల రావు, కంబాల అబ్బాయి దొర, బల్లెం గంగాభవాని, పోడియం అరుణ కుమారి, దుర్గ భవాని, కోటం రాజన్న దొర, సరియం వెంకటేశ్వర్లు, పెద్ద సంఖ్యలో ఆదివాసి కార్యకర్తలు, ఆదివాసి బాధితులు పాల్గొన్నారు.

Sode Prasad

Insurance Agent చింతూరు, అల్లూరి సీతారామ రాజు, ఆంధ్రప్రదేశ్•

2 hrs ago

పోలవరం జిల్లా వ్యాప్తంగా ఏజెన్సీ ప్రాంతాల్లో మైనింగ్ మాఫియా సాగిస్తున్న దోపిడీ, చట్టాలను నీరుగార్చే భూకబ్జాలపై తక్షణమే ఉన్నత స్థాయి విచారణ జరిపి కఠిన చర్యలు తీసుకోవాలని ఆదివాసి సంక్షేమ పరిషత్ రాష్ట్ర ప్రధాన కార్యదర్శి కుంజ శ్రీను డిమాండ్ చేశారు. శనివారం నాడు రాష్ట్ర ఎస్టీ కమిషన్ చైర్మన్ చోళ బోజ్జి రెడ్డికి ఆదివాసి సంక్షేమ పరిషత్ రాష్ట్ర ప్రధాన కార్యదర్శి కుంజ శ్రీను నేతృత్వంలో ప్రతినిధి బృందం కలిసి ఏజెన్సీలో జరుగుతున్న పలు తీవ్రమైన సమస్యలతో కూడిన సమగ్ర వినతి పత్రాన్ని సమర్పించింది. ఈ సందర్భంగా ఆదివాసి సంక్షేమ పరిషత్ నాయకులు మాట్లాడుతూ, పోలవరం జిల్లా ఐదో షెడ్యూల్ ఏజెన్సీ ప్రాంతమైనప్పటికీ, రాజ్యాంగబద్ధమైన ఆదివాసి రక్షణ చట్టాలు అమలు కావడం లేదని ఆవేదన వ్యక్తం చేశారు. మైనింగ్ మాఫియా ఏజెన్సీ ప్రాంతాలను అడ్డాగా చేసుకుని, స్థానిక గిరిజనులను బినామీలుగా పెట్టి కోట్లాది రూపాయల ఏజెన్సీ మైనింగ్ సంపదను పగలు రేయి తేడా లేకుండా దోచుకుంటున్నారని మండిపడ్డారు. బినామీ పేర్లతో నడుస్తున్న ఈ అక్రమ మైనింగ్‌ క్వారీలపై ప్రత్యేక సిట్టింగ్ జరిపి, సమగ్ర దర్యాప్తు ద్వారా దోషులను కఠినంగా శిక్షించాలని కోరారు. ఏజెన్సీ ప్రాంతంలో గిరిజనేతరులకు భూ బదలాయింపును నిరోధించే చారిత్రాత్మక ఎల్టీఆర్ 1/70 చట్టాన్ని, 1905 చట్టాన్ని, జీవో నంబర్ 188ని జిల్లా అధికారులు పూర్తిగా నీరుగారుస్తున్నారని నాయకులు ధ్వజమెత్తారు. అధికారుల ఉదాసీనత వల్లే నాన్-ట్రైబల్స్ యథేచ్ఛగా భూకబ్జాలకు పాల్పడుతున్నారని, ఏజెన్సీ ప్రాంతాన్ని మొత్తం వ్యాపార సముదాయాలుగా మార్చేస్తున్నారని ఆగ్రహం వ్యక్తం చేశారు. చట్ట విరుద్ధంగా నిర్మించిన నాన్-ట్రైబల్స్ అక్రమ కట్టడాలను తక్షణమే కూల్చివేయాలని వారు చైర్మన్‌ను కోరారు. ఎటపాక మండలం లక్ష్మీదేవిపేటలో సుమారు 40 ఎకరాల విలువైన ప్రభుత్వ భూమిని ఒక నాన్-ట్రైబల్ రియల్ ఎస్టేట్ వ్యాపారి అక్రమంగా ఆక్రమించి, ప్లాట్లుగా మార్చి విక్రయిస్తున్నా అధికారులు పట్టించుకోవడం లేదని ప్రశ్నించారు. గిరిజన రక్షణ కొరకు ప్రవేశపెట్టిన పీజీఆర్ఎస్ (స్పందన) పోర్టల్‌లో ఆదివాసీలు ఎన్నిసార్లు ఫిర్యాదు చేసినా, జిల్లా అధికారులు కనీసం స్పందించడం లేదని, అర్జీలను బుట్టదాఖలు చేస్తూ గిరిజనుల గొంతు నొక్కుతున్నారని ఆరోపించారు. రంపచోడవరం మండలం నరసాపురం గ్రామంలో నల్లరాయి క్వారీల్లో నిబంధనలకు విరుద్ధంగా భారీ ఎత్తున బాంబు బ్లాస్టింగ్‌లు జరుపుతున్నారని, దీనివల్ల స్థానిక గిరిజనుల ఇళ్లు బీటలు వారి కూలిపోయే దశకు చేరాయని ఎస్టీ కమిషన్ దృష్టికి తీసుకెళ్లారు. ఈ అక్రమాలపై బాధితులు ఫిర్యాదు చేసినా రెవెన్యూ, మైనింగ్ శాఖల అధికారులు క్వారీ నిర్వహణదారులతో కుమ్మక్కై సమస్యను పక్కదారి పట్టిస్తున్నారని దుయ్యబట్టారు. ధైర్యంగా ఫిర్యాదు చేసిన ఆదివాసీలపై మైనింగ్ మాఫియా గుండాలతో దాడులు చేయిస్తూ భయభ్రాంతులకు గురిచేస్తోందని ఆందోళన వ్యక్తం చేశారు. అలాగే, వై.రామవరం మండలానికి చెందిన లండ శారద దేవి అనే గిరిజన మహిళ కుటుంబంపై, అదే మండలంలో రెవెన్యూ ఇన్‌స్పెక్టర్ గా విధులు నిర్వహిస్తున్న అధికారి కుటుంబ సభ్యులు అమానుషంగా దాడికి పాల్పడటం ఏజెన్సీలో గిరిజనులకు రక్షణ కరువైందనే దానికి నిదర్శనమన్నారు. ఈ దాడి ఘోరమని, బాధిత మహిళకు న్యాయం చేయాలని డిమాండ్ చేశారు. ఆదివాసి సంక్షేమ పరిషత్ సమర్పించిన వినతిపత్రంపై రాష్ట్ర ఎస్టీ కమిషన్ చైర్మన్ చోళ బోజ్జి రెడ్డి తీవ్రంగా స్పందించారు. ఏజెన్సీ చట్టాల ఉల్లంఘనను, గిరిజనులపై జరుగుతున్న దౌర్జన్యాలను సహించేది లేదన్నారు. వినతిపత్రంలోని ప్రతి సమస్యను కూలంకషంగా పరిశీలించి, సంబంధిత ఉన్నతాధికారుల దృష్టికి తీసుకెళ్తామని, గిరిజన చట్టాల రక్షణకు, బాధితులకు పూర్తి న్యాయం జరిగేలా తక్షణమే కఠిన చర్యలు తీసుకుంటామని ఆయన ఆదివాసి నాయకులకు హామీ ఇచ్చారు అని ఆదివాసి సంక్షేమం పరిస్థితి నాయకులు తెలియజేశారు. ఈ కార్యక్రమంలో ఆదివాసి సంక్షేమ పరిషత్ ముఖ్య నాయకులు చోడి ఏడుకొండల రావు, కంబాల అబ్బాయి దొర, బల్లెం గంగాభవాని, పోడియం అరుణ కుమారి, దుర్గ భవాని, కోటం రాజన్న దొర, సరియం వెంకటేశ్వర్లు, పెద్ద సంఖ్యలో ఆదివాసి కార్యకర్తలు, ఆదివాసి బాధితులు పాల్గొన్నారు.