राष्ट्रीय जनगणनेसारख्या महत्त्वाच्या शासकीय कामात जाणीवपूर्वक कसूर केल्याप्रकरणी भिगवण पोलीस ठाण्यात एका जिल्हा परिषद शिक्षकाविरुद्ध गुन्हा दाखल करण्यात आला आहे. इंदापूर तालुक्यातील पोंधवडी येथील जिल्हा परिषद शाळेचे शिक्षक किशोर हनुमंत खाडे यांच्यावर ही कारवाई करण्यात आली आहे, कारण त्यांनी आगामी राष्ट्रीय जनगणना २०२७ च्या कामासाठी प्रगणक म्हणून नियुक्ती झाल्यानंतरही आदेशाचे पालन न करता कामावर गैरहजेरी लावली. ग्राममहसूल अधिकारी बजरंग केशव सोनवले (वरकुटे बु||, ता. इंदापूर व जनगणना सुपरवायझर मदनवाडी) यांनी या संदर्भात फिर्याद दिली आहे. खाडे यांची 'प्रगणक' म्हणून कायदेशीर नेमणूक करण्यात आली होती, मात्र त्यांनी १६ मे २०२६ रोजी सकाळी १०:०० वाजल्यापासून ते २८ मे २०२६ रोजी सायंकाळी ६:०० वाजेच्या दरम्यान मौजे मदनवाडी (ता. इंदापूर) गावच्या हद्दीत जनगणनेचे शासकीय काम करण्यास जाणीवपूर्वक नकार दिला. या कालावधीत ते पूर्णपणे गैरहजर होते आणि जनगणना सुपरवायझर यांनी वारंवार सूचना देऊन व्हॉट्सॲप मेसेजद्वारेही आदेश पाठवले होते, तरीही त्यांनी शासकीय आदेशांचे उल्लंघन करत गंभीर कसूर केली. या प्रकरणी २८ मे २०२६ रोजी रात्री ११:१६ वाजता (नोंद क्र. २४/२०२६) भिगवण पोलीस ठाण्यात कलम रजि न १३२/२०२६, जनगणना अधिनियम १९४८ चे कलम ११(१)(२) आणि भारतीय न्याय संहिता (BNS) २०२३ चे कलम २२३ (अ) प्रमाणे गुन्हा दाखल करण्यात आला आहे. भिगवण पोलीस ठाण्याचे प्रभारी अधिकारी सहायक पोलीस निरीक्षक श्री. महांगडे यांच्या मार्गदर्शनाखाली पोलीस हवालदार उगले (ब. नं. २६३७) या प्रकरणाचा पुढील तपास करत आहेत, तर गुन्हा दाखल करण्याचे काम पोलीस हवालदार साबळे (ब. नं. १७९०) यांनी केले आहे. राष्ट्रीय आणि शासकीय महत्त्वाच्या कामात निष्काळजीपणा किंवा नकार देणे कर्मचाऱ्यांसाठी किती महाग ठरू शकते, याचेच हे एक उदाहरण असून या कारवाईमुळे इंदापूर तालुक्यात शासकीय आणि शैक्षणिक वर्तुळात मोठी खळबळ उडाली आहे.

समर्थ न्युज आवाज महाराष्ट्राचा

Photographer इंदापूर, पुणे, महाराष्ट्र•

13 hrs ago

राष्ट्रीय जनगणनेसारख्या महत्त्वाच्या शासकीय कामात जाणीवपूर्वक कसूर केल्याप्रकरणी भिगवण पोलीस ठाण्यात एका जिल्हा परिषद शिक्षकाविरुद्ध गुन्हा दाखल करण्यात आला आहे. इंदापूर तालुक्यातील पोंधवडी येथील जिल्हा परिषद शाळेचे शिक्षक किशोर हनुमंत खाडे यांच्यावर ही कारवाई करण्यात आली आहे, कारण त्यांनी आगामी राष्ट्रीय जनगणना २०२७ च्या कामासाठी प्रगणक म्हणून नियुक्ती झाल्यानंतरही आदेशाचे पालन न करता कामावर गैरहजेरी लावली. ग्राममहसूल अधिकारी बजरंग केशव सोनवले (वरकुटे बु||, ता. इंदापूर व जनगणना सुपरवायझर मदनवाडी) यांनी या संदर्भात फिर्याद दिली आहे. खाडे यांची 'प्रगणक' म्हणून कायदेशीर नेमणूक करण्यात आली होती, मात्र त्यांनी १६ मे २०२६ रोजी सकाळी १०:०० वाजल्यापासून ते २८ मे २०२६ रोजी सायंकाळी ६:०० वाजेच्या दरम्यान मौजे मदनवाडी (ता. इंदापूर) गावच्या हद्दीत जनगणनेचे शासकीय काम करण्यास जाणीवपूर्वक नकार दिला. या कालावधीत ते पूर्णपणे गैरहजर होते आणि जनगणना सुपरवायझर यांनी वारंवार सूचना देऊन व्हॉट्सॲप मेसेजद्वारेही आदेश पाठवले होते, तरीही त्यांनी शासकीय आदेशांचे उल्लंघन करत गंभीर कसूर केली. या प्रकरणी २८ मे २०२६ रोजी रात्री ११:१६ वाजता (नोंद क्र. २४/२०२६) भिगवण पोलीस ठाण्यात कलम रजि न १३२/२०२६, जनगणना अधिनियम १९४८ चे कलम ११(१)(२) आणि भारतीय न्याय संहिता (BNS) २०२३ चे कलम २२३ (अ) प्रमाणे गुन्हा दाखल करण्यात आला आहे. भिगवण पोलीस ठाण्याचे प्रभारी अधिकारी सहायक पोलीस निरीक्षक श्री. महांगडे यांच्या मार्गदर्शनाखाली पोलीस हवालदार उगले (ब. नं. २६३७) या प्रकरणाचा पुढील तपास करत आहेत, तर गुन्हा दाखल करण्याचे काम पोलीस हवालदार साबळे (ब. नं. १७९०) यांनी केले आहे. राष्ट्रीय आणि शासकीय महत्त्वाच्या कामात निष्काळजीपणा किंवा नकार देणे कर्मचाऱ्यांसाठी किती महाग ठरू शकते, याचेच हे एक उदाहरण असून या कारवाईमुळे इंदापूर तालुक्यात शासकीय आणि शैक्षणिक वर्तुळात मोठी खळबळ उडाली आहे.