पोलिसांना चकवा देणारा मोक्का आरोपी अखेर जेरबंद; वालचंदनगर पोलिसांची धडक कारवाई पुणे प्रतिनिधी : इंदापूर तालुक्यातील निमसाखर येथील बहुचर्चित उत्तम जाधव खून प्रकरणातील गेल्या १८ महिन्यांपासून फरार असलेला मुख्य आरोपी सोमनाथ बबन पवार (वय ३३, रा. कळंब, ता. इंदापूर) याला वालचंदनगर पोलिसांनी सापळा रचून अटक केली. पोलिसांना चकवा देण्यासाठी आरोपी वारंवार ठिकाणे तसेच वेषभूषा बदलून वावरत असल्याची माहिती पोलिसांनी दिली. १८ महिन्यांपासून पोलिसांना देत होता गुंगारा उत्तम जाधव खून प्रकरणानंतर सोमनाथ पवार हा फरार झाला होता. अटक टाळण्यासाठी तो सतत आपली ठिकाणे बदलत होता. तसेच पोलिसांची दिशाभूल करण्यासाठी वेगवेगळ्या वेषभूषेत वावरत असल्याचे तपासात समोर आले आहे. गुन्हेगारी टोळीशी संबंधित असल्याने त्याच्यावर यापूर्वीच महाराष्ट्र संघटित गुन्हेगारी नियंत्रण कायद्यान्वये (मोक्का) कारवाई करण्यात आली होती. कळंब येथे सापळा रचून अटक सोमनाथ पवार हा इंदापूर परिसरात येणार असल्याची खात्रीशीर माहिती वालचंदनगर पोलीस ठाण्याच्या तपास पथकाला मिळाली. त्यानंतर पोलिसांनी कळंब परिसरात वेषभूषा बदलून पाळत ठेवली. आरोपी परिसरात येताच पोलिसांनी त्याला घेराव घालून शिताफीने ताब्यात घेतले. ३१ ऑगस्टपर्यंत पोलीस कोठडी अटकेनंतर आरोपीला शिवाजीनगर, पुणे येथील विशेष मोक्का न्यायालयात हजर करण्यात आले. न्यायालयाने सोमनाथ पवार याला ३१ ऑगस्ट २०२६ पर्यंत पोलीस कोठडी सुनावली आहे. या प्रकरणाचा पुढील तपास बारामती विभागाचे उपविभागीय पोलीस अधिकारी चैतन्य कदम करीत आहेत. वरिष्ठ अधिकाऱ्यांच्या मार्गदर्शनाखाली कारवाई पुणे ग्रामीणचे पोलीस अधीक्षक संदीपसिंह गिल, अपर पोलीस अधीक्षक गणेश बिरादार आणि उपविभागीय पोलीस अधिकारी चैतन्य कदम यांच्या मार्गदर्शनाखाली ही कारवाई करण्यात आली. वालचंदनगर पोलीस ठाण्याचे सहाय्यक पोलीस निरीक्षक राजकुमार डूणगे, पोलीस अंमलदार आप्पा दराडे किर्तिलाल गायकवाड विक्रमसिंह जाधव, गणेश वानकर, अभिजीत कळसकर आणि राहुल माने यांनी आरोपीच्या अटकेत महत्त्वाची भूमिका बजावली.

महेश झेंडे (संपादक)

Local News Reporter इंदापूर, पुणे, महाराष्ट्र•

4 hrs ago

पोलिसांना चकवा देणारा मोक्का आरोपी अखेर जेरबंद; वालचंदनगर पोलिसांची धडक कारवाई पुणे प्रतिनिधी : इंदापूर तालुक्यातील निमसाखर येथील बहुचर्चित उत्तम जाधव खून प्रकरणातील गेल्या १८ महिन्यांपासून फरार असलेला मुख्य आरोपी सोमनाथ बबन पवार (वय ३३, रा. कळंब, ता. इंदापूर) याला वालचंदनगर पोलिसांनी सापळा रचून अटक केली. पोलिसांना चकवा देण्यासाठी आरोपी वारंवार ठिकाणे तसेच वेषभूषा बदलून वावरत असल्याची माहिती पोलिसांनी दिली. १८ महिन्यांपासून पोलिसांना देत होता गुंगारा उत्तम जाधव खून प्रकरणानंतर सोमनाथ पवार हा फरार झाला होता. अटक टाळण्यासाठी तो सतत आपली ठिकाणे बदलत होता. तसेच पोलिसांची दिशाभूल करण्यासाठी वेगवेगळ्या वेषभूषेत वावरत असल्याचे तपासात समोर आले आहे. गुन्हेगारी टोळीशी संबंधित असल्याने त्याच्यावर यापूर्वीच महाराष्ट्र संघटित गुन्हेगारी नियंत्रण कायद्यान्वये (मोक्का) कारवाई करण्यात आली होती. कळंब येथे सापळा रचून अटक सोमनाथ पवार हा इंदापूर परिसरात येणार असल्याची खात्रीशीर माहिती वालचंदनगर पोलीस ठाण्याच्या तपास पथकाला मिळाली. त्यानंतर पोलिसांनी कळंब परिसरात वेषभूषा बदलून पाळत ठेवली. आरोपी परिसरात येताच पोलिसांनी त्याला घेराव घालून शिताफीने ताब्यात घेतले. ३१ ऑगस्टपर्यंत पोलीस कोठडी अटकेनंतर आरोपीला शिवाजीनगर, पुणे येथील विशेष मोक्का न्यायालयात हजर करण्यात आले. न्यायालयाने सोमनाथ पवार याला ३१ ऑगस्ट २०२६ पर्यंत पोलीस कोठडी सुनावली आहे. या प्रकरणाचा पुढील तपास बारामती विभागाचे उपविभागीय पोलीस अधिकारी चैतन्य कदम करीत आहेत. वरिष्ठ अधिकाऱ्यांच्या मार्गदर्शनाखाली कारवाई पुणे ग्रामीणचे पोलीस अधीक्षक संदीपसिंह गिल, अपर पोलीस अधीक्षक गणेश बिरादार आणि उपविभागीय पोलीस अधिकारी चैतन्य कदम यांच्या मार्गदर्शनाखाली ही कारवाई करण्यात आली. वालचंदनगर पोलीस ठाण्याचे सहाय्यक पोलीस निरीक्षक राजकुमार डूणगे, पोलीस अंमलदार आप्पा दराडे किर्तिलाल गायकवाड विक्रमसिंह जाधव, गणेश वानकर, अभिजीत कळसकर आणि राहुल माने यांनी आरोपीच्या अटकेत महत्त्वाची भूमिका बजावली.