रयत शिक्षण संस्थेच्या उत्तर विभागाचे अध्यक्ष म्हणून निवड झाल्याबद्दल आमदार रोहित पवार यांचा कर्जत येथील दादा पाटील महाविद्यालयात भव्य जाहीर नागरी सत्कार करण्यात आला. या सत्कार समारंभाचे आयोजन रयत संकुल कर्जत तालुका आणि महाविद्यालयाच्या माजी विद्यार्थी संघातर्फे शारदाबाई पवार सभागृहात करण्यात आले होते. महाविद्यालयाचे प्राचार्य डॉ. संजय नगरकर यांनी प्रास्ताविक करताना आमदार रोहित पवार यांच्या निवडीबद्दल अभिमान व्यक्त केला आणि रयत संस्थेला नव्या पिढीचे प्रतिनिधित्व करणारे नेतृत्व मिळाल्याचे सांगितले. सत्काराला उत्तर देताना आमदार रोहित पवार म्हणाले की, शिक्षण क्षेत्रात सकारात्मक बदल आणि क्रांती घडवण्यासाठी रयत शिक्षण संस्था हे उत्तम माध्यम आहे. भविष्यात सर्व शैक्षणिक संकुलांमध्ये अत्याधुनिक सुविधा वाढवण्यावर भर दिला जाईल असे आश्वासन त्यांनी दिले. त्यांनी आपल्या कामाचा आढावा घेताना सांगितले की, गेल्या तीन वर्षांत कर्जत-जामखेड तालुक्यातील रयतच्या शाळा-महाविद्यालयांमध्ये अद्ययावत स्वच्छतागृहे बांधण्यात आली असून, विद्यार्थ्यांना १० हजार सायकलींचे वाटप केले आहे. तसेच, राष्ट्रीय महिला कुस्ती स्पर्धा आणि बालकुमार साहित्य संमेलन यांसारखे उपक्रम राबवले आहेत. रयत व इतर शाळांच्या विविध उपक्रमांसाठी आतापर्यंत सुमारे ६० ते ६५ कोटी रुपये खर्च केले असून, कुसडगाव येथे पोलीस प्रशिक्षण केंद्र सुरू केले आहे. यावेळी त्यांनी उत्तर विभागातील सर्व शाळा-महाविद्यालयांतील विद्यार्थ्यांच्या सर्वांगीण विकासासाठी सर्वतोपरी सहकार्य करण्याचे आश्वासन दिले. या सोहळ्याला माजी विद्यार्थी संघटनेचे अध्यक्ष सुभाष तनपुरे, नामदेव राऊत, बाळासाहेब शिंदे, प्रा. किरण पाटील, आबासाहेब डमरे, विजू मोढळे, बाळासाहेब साळुंके, दीपक शिंदे, प्रकाश धांडे, पूजा सूर्यवंशी, रज्जाक झारेकरी, स्वाती पाटील, नितीन धांडे, ऋषीकेश धांडे, राहुल नवले, रघुनाथ काळदाते, माजी प्राचार्य भानुदास नेटके यांच्यासह कर्जत तालुका कुस्तीगीर संघ, कर्जत तालुका पत्रकार संघ, रोटरी क्लबचे पदाधिकारी, सामाजिक संघटनांचे प्रतिनिधी आणि रयत संस्थेचे आजी-माजी सेवक मोठ्या संख्येने उपस्थित होते.

कर्जत लाईव्ह

Advertising agency कर्जत, अहमदनगर, महाराष्ट्र•

4 hrs ago

रयत शिक्षण संस्थेच्या उत्तर विभागाचे अध्यक्ष म्हणून निवड झाल्याबद्दल आमदार रोहित पवार यांचा कर्जत येथील दादा पाटील महाविद्यालयात भव्य जाहीर नागरी सत्कार करण्यात आला. या सत्कार समारंभाचे आयोजन रयत संकुल कर्जत तालुका आणि महाविद्यालयाच्या माजी विद्यार्थी संघातर्फे शारदाबाई पवार सभागृहात करण्यात आले होते. महाविद्यालयाचे प्राचार्य डॉ. संजय नगरकर यांनी प्रास्ताविक करताना आमदार रोहित पवार यांच्या निवडीबद्दल अभिमान व्यक्त केला आणि रयत संस्थेला नव्या पिढीचे प्रतिनिधित्व करणारे नेतृत्व मिळाल्याचे सांगितले. सत्काराला उत्तर देताना आमदार रोहित पवार म्हणाले की, शिक्षण क्षेत्रात सकारात्मक बदल आणि क्रांती घडवण्यासाठी रयत शिक्षण संस्था हे उत्तम माध्यम आहे. भविष्यात सर्व शैक्षणिक संकुलांमध्ये अत्याधुनिक सुविधा वाढवण्यावर भर दिला जाईल असे आश्वासन त्यांनी दिले. त्यांनी आपल्या कामाचा आढावा घेताना सांगितले की, गेल्या तीन वर्षांत कर्जत-जामखेड तालुक्यातील रयतच्या शाळा-महाविद्यालयांमध्ये अद्ययावत स्वच्छतागृहे बांधण्यात आली असून, विद्यार्थ्यांना १० हजार सायकलींचे वाटप केले आहे. तसेच, राष्ट्रीय महिला कुस्ती स्पर्धा आणि बालकुमार साहित्य संमेलन यांसारखे उपक्रम राबवले आहेत. रयत व इतर शाळांच्या विविध उपक्रमांसाठी आतापर्यंत सुमारे ६० ते ६५ कोटी रुपये खर्च केले असून, कुसडगाव येथे पोलीस प्रशिक्षण केंद्र सुरू केले आहे. यावेळी त्यांनी उत्तर विभागातील सर्व शाळा-महाविद्यालयांतील विद्यार्थ्यांच्या सर्वांगीण विकासासाठी सर्वतोपरी सहकार्य करण्याचे आश्वासन दिले. या सोहळ्याला माजी विद्यार्थी संघटनेचे अध्यक्ष सुभाष तनपुरे, नामदेव राऊत, बाळासाहेब शिंदे, प्रा. किरण पाटील, आबासाहेब डमरे, विजू मोढळे, बाळासाहेब साळुंके, दीपक शिंदे, प्रकाश धांडे, पूजा सूर्यवंशी, रज्जाक झारेकरी, स्वाती पाटील, नितीन धांडे, ऋषीकेश धांडे, राहुल नवले, रघुनाथ काळदाते, माजी प्राचार्य भानुदास नेटके यांच्यासह कर्जत तालुका कुस्तीगीर संघ, कर्जत तालुका पत्रकार संघ, रोटरी क्लबचे पदाधिकारी, सामाजिक संघटनांचे प्रतिनिधी आणि रयत संस्थेचे आजी-माजी सेवक मोठ्या संख्येने उपस्थित होते.