मेफेड्रॉन (एम.डी.) विक्रेत्यावर मार्केटयार्ड पोलिसांची धडक कारवाई; २५ लाखांहून अधिकचा मुद्देमाल जप्त, एक जण अटक

भटक्या कुत्र्यांचा हैदोस! आईवर हल्ला, चिमुरडा थोडक्यात बचावला... पिंपरी चिंचवड : पिंपरी-चिंचवडमध्ये भटक्या कुत्र्यांचा हैदोस कायम असून, नागरिकांच्या सुरक्षेचा प्रश्न पुन्हा ऐरणीवर आलाय. एका चिमुरड्याला घेऊन जात असलेल्या आईवर भटक्या कुत्र्याने अचानक हल्ला केला. कुत्र्याच्या हल्ल्यामुळे आईच्या हातातून एक वर्षांचा चिमुरडा निसटून थेट रस्त्यावर पडला. सुदैवाने मुलाला गंभीर इजा झाली नाही. मात्र, आई अमृता बसन्नावार या हल्ल्यात जखमी झाल्या. ही संपूर्ण घटना सीसीटीव्हीत कैद झाली आहे. विशेष म्हणजे, सत्तारूढ पक्षनेते प्रशांत शितोळे यांच्या प्रभागातच ही घटना घडल्याने भटक्या कुत्र्यांच्या वाढत्या दहशतीवरून महापालिका प्रशासनाच्या उपाययोजनांवर प्रश्नचिन्ह उपस्थित होत आहे. नागरिकांच्या सुरक्षेसाठी आता महापालिका ठोस पावलं उचलणार का, हा सवाल आहे... #भटक्याकुत्रे #कुत्र्यांचाहल्ला #पिंपरीचिंचवड #DogAttack #StrayDogs #PCMC #पिंपरीचिंचवडमहापालिका #नागरिकसुरक्षा #CCTV #भटक्याकुत्र्यांचीदहशत #कुत्र्यांचाउपद्रव #महापालिका #PCMCNews #PimpriChinchwadNews #MaharashtraNews #TheNayakNews

मुली सुरक्षित तरच त्यांचे शिक्षण आणि भविष्य सुरक्षित! 💪👧 भोकरदनमधील मुली व महिलांच्या सुरक्षेसाठी केलेल्या मागणीची तात्काळ दखल घेत दामिनी पथकाची शाळा मुली सुरक्षित तरच त्यांचे शिक्षण आणि भविष्य सुरक्षित! 💪👧 भोकरदनमधील मुली व महिलांच्या सुरक्षेसाठी केलेल्या मागणीची तात्काळ दखल घेत दामिनी पथकाची शाळा, वसतिगृह, प्रशिक्षण केंद्रे आणि शहरातील संवेदनशील भागांत गस्त सुरू झाली आहे. हीच अपेक्षा होती — मुलींना सुरक्षित वातावरण, निर्भय शिक्षण आणि सक्षम भविष्य! पोलीस अधीक्षक तेगबीर सिंह संधू, दामिनी पथक आणि भोकरदन पोलिस प्रशासनाचे मनःपूर्वक आभार! 🙏 मुली शाळेत जातील… शिकतील… सक्षम होतील! ✊ #प्रा_सौ_अनिता_अंकुश_जाधव

हिप्परगा रवा येथे वीज बिलांचा भोंगळ कारभार! वेळेवर बिल नाही, थेट वीज खंडित; नागरिकांचा संताप

शिरूरमध्ये कुख्यात गुंडाच्या टोळीवर MCOCA अंतर्गत कारवाई; ११ आरोपी अटकेत शिरूर : शिरूर पोलीस स्टेशनच्या हद्दीत संघटित गुन्हेगारी करून दहशत निर्माण करणाऱ्या कुख्यात गुंड इशप्पा उर्फ विशाल जगन्नाथ पांढी, वय २४ वर्षे, रा. वाघोली, ता. शिरूरमध्ये कुख्यात गुंडाच्या टोळीवर MCOCA अंतर्गत कारवाई; ११ आरोपी अटकेत शिरूर : शिरूर पोलीस स्टेशनच्या हद्दीत संघटित गुन्हेगारी करून दहशत निर्माण करणाऱ्या कुख्यात गुंड इशप्पा उर्फ विशाल जगन्नाथ पांढी, वय २४ वर्षे, रा. वाघोली, ता. हवेली, जि. पुणे आणि त्याच्या गुन्हेगारी टोळीविरोधात महाराष्ट्र संघटित गुन्हेगारी नियंत्रण अधिनियम (MCOCA) अंतर्गत कारवाई करण्यात आली आहे. या टोळीतील ११ आरोपींवर MCOCA अंतर्गत कारवाईस मंजुरी देण्यात आली आहे. शिरूर पोलीस स्टेशनमध्ये गुन्हा रजिस्टर क्रमांक ५०९/२०२६ नुसार दिनांक १ जून २०२६ रोजी भारतीय न्याय संहिता २०२३ मधील विविध कलमे, भारतीय हत्यार कायदा १९५९ तसेच मोटार वाहन कायद्यानुसार गुन्हा दाखल करण्यात आला होता. नेमका प्रकार काय? १ जून २०२६ रोजी सायंकाळी सुमारे ५.१५ वाजता, शिरूर तालुक्यातील सारडवाडी येथील करडे घाट परिसरातील राजस्थान ढाब्याजवळ ही घटना घडली. फिर्यादी व त्याचा मित्र टोयोटा कारमधून शिरूरकडे जात असताना आरोपींनी त्यांचा पाठलाग करून वाहनाला धडक दिल्याचे तसेच त्यानंतर फिर्यादीला धमकावून हल्ला केल्याचे पोलिस तपासात समोर आले. या घटनेत फिर्यादीच्या मित्रावर जीवघेणा हल्ला करण्यात आला, तर फिर्यादीवरही हल्ला करण्याचा प्रयत्न झाल्याचे नमूद आहे. या प्रकरणी शिरूर पोलीस स्टेशनमध्ये गुन्हा दाखल करण्यात आला. तपासात टोळीचे गुन्हेगारी कृत्य उघड गुन्ह्याच्या तपासादरम्यान इशप्पा उर्फ विशाल जगन्नाथ पांढी, सनी संजय यादव आणि त्यांच्या गुन्हेगारी टोळीचा सहभाग समोर आला. तपासात टोळीतील एकूण ११ आरोपींचा सहभाग निष्पन्न झाला असून त्यापैकी १० आरोपींना शोधून अटक करण्यात आली आहे. एक आरोपी फरार असल्याचे पोलिसांनी नमूद केले आहे. या टोळीविरोधात यापूर्वीही संघटित पद्धतीने गुन्हे केल्याचे पोलिस तपासात आढळून आले. टोळीमार्फत बेकायदेशीर गर्दी जमवणे, शस्त्रांचा वापर करून दहशत निर्माण करणे, खंडणीसाठी धमकावणे, जीवघेणे हल्ले करणे आणि खुनाचा प्रयत्न यांसारख्या गंभीर स्वरूपाचे गुन्हे केल्याचे कागदपत्रात नमूद आहे. कोल्हापूर परिक्षेत्राकडून MCOCA मंजुरी टोळीच्या गुन्हेगारी कारवायांना आळा घालून परिसरात कायदा व सुव्यवस्था अबाधित ठेवण्यासाठी शिरूर पोलिसांनी MCOCA अंतर्गत कारवाईचा प्रस्ताव वरिष्ठ कार्यालयाकडे पाठवला होता. या प्रस्तावाची कागदपत्रे व गुन्ह्यांची पडताळणी केल्यानंतर विशेष पोलीस महानिरीक्षक, कोल्हापूर परिक्षेत्र, कोल्हापूर मा. रंजनकुमार शर्मा साओ यांनी MCOCA कायद्यान्वये कलमांची वाढ करण्यास सक्षम प्राधिकारी म्हणून मंजुरी दिली. त्यानंतर पुढील तपासाची कार्यवाही सुरू करण्यात आली आहे. या कारवाईत पुणे ग्रामीण पोलीस अधीक्षक संदीपसिंह गिल, अपर पोलीस अधीक्षक शुभम कुमार यांच्या मार्गदर्शनाखाली शिरूर पोलीस स्टेशनचे पोलीस निरीक्षक विनोद पाटील, उपनिरीक्षक महेश डोंगरे, स्थानिक गुन्हे शाखेचे अधिकारी व शिरूर विभागातील पोलिस अधिकारी-कर्मचाऱ्यांनी महत्त्वाची भूमिका बजावली. पोलिसांच्या या कारवाईमुळे शिरूर परिसरात दहशत निर्माण करणाऱ्या संघटित गुन्हेगारी टोळ्यांना मोठा धक्का बसला असून, गुन्हेगारीवर पोलिसांचा वचक निर्माण करण्याच्या दृष्टीने ही कारवाई महत्त्वाची मानली जात आहे.

‘विकृत, विक्षिप्त’ म्हणविलेल्या आरोपांवरून सारिका चंद्रकांत नागरे यांच्या विरोधात जनशक्ती एकवटली शिरूर : स्वतःला समाजसेविका म्हणून पुढे करणाऱ्या सारिका चंद्रकांत नागरे यांच्या कथित कार्यपद्धतीविरोधात नागरिकांमध्ये नाराजी वाढत असून, त्यांच्या विरोधात जनशक्ती एकवटत असल्याचे चित्र आहे. नागरे यांच्या संदर्भात विविध आरोप व तक्रारी पुढे येत असून, या सर्व बाबींची प्रशासनाने निष्पक्षपणे चौकशी करावी, अशी मागणी नागरिकांकडून होत आहे. समाजसेवेच्या नावाखाली कोणतेही गैरप्रकार होत असतील किंवा सर्वसामान्य नागरिकांवर अन्याय होत असेल, तर त्याची सत्यता अधिकृत चौकशीतून समोर आणणे आवश्यक असल्याची भूमिका नागरिकांनी घेतली आहे. संबंधित प्रकरणातील कागदपत्रे, पुरावे आणि तक्रारींची सखोल तपासणी करून वस्तुस्थिती स्पष्ट करावी, अशी मागणी करण्यात येत आहे. दरम्यान, नागरे यांच्या विरोधातील कथित आरोपांमुळे परिसरात चर्चेला उधाण आले असून, नागरिकांमध्येही तीव्र प्रतिक्रिया उमटत आहेत. प्रशासनाने कोणत्याही दबावाला बळी न पडता पारदर्शक चौकशी करून दोष आढळल्यास कायद्यानुसार योग्य ती कारवाई करावी, अशी मागणी जोर धरत आहे. ‘समाजसेवेच्या नावाखाली गैरप्रकारांना थारा नको; सत्य काय आहे हे निष्पक्ष चौकशीतून समोर आले पाहिजे,’ अशी भूमिका नागरिकांकडून व्यक्त होत असून, आता प्रशासन या प्रकरणात कोणती भूमिका घेते, याकडे सर्वांचे लक्ष लागले आहे.

लोणंद शहरामध्ये श्रीनाथ पार्क चे भव्य थाटामाटात उद्घाटन संपन्न.

लिंबेवाडीत विकासकामांच्या नावाखाली भ्रष्टाचार? दलित वस्तीतील नागरिकांचा गंभीर आरोप; कारवाईची मागणी

अमरावती अग्नीकांडामध्ये हरपळलेल्या बालकांच्या साठी नेमलेली चौकशी समिती या समितीचे अध्यक्ष काटकर यांनी भेटण्याचे टाळले. प्रचंड संघर्षानंतर अमरावती अग्नीकांडामध्ये हरपळलेल्या बालकांच्या साठी नेमलेली चौकशी समिती या समितीचे अध्यक्ष काटकर यांनी भेटण्याचे टाळले. प्रचंड संघर्षानंतर पुन्हा एकदा जिल्हाधिकाऱ्यांच्या दालनामध्ये बैठक भरली. त्यात त्यात आरोग्य संचालक काटकर यांची चूक दाखवून देताना..

खालुंब्रे गावात गुटख्याची खुलेआम विक्री? पोलिसांच्या भूमिकेवर प्रश्नचिन्ह