સુરત શહેરના રાંદેર પોલીસ સ્ટેશનની હદમાં મોડી સાંજે સિગારેટ પીવા જેવી નજીવી બાબતે થયેલી બોલાચાલીએ લોહિયાળ સ્વરૂપ ધારણ કર્યું હતું. આ ઘટનામાં 33 વર્ષીય અમર ઉર્ફે કાલુ દૌલતભાઈ પંજવાણીની ચપ્પુના ઘા ઝીંકી નિર્મમ હત્યા કરી દેવામાં આવી હતી. સનસનાટીભરી આ ઘટના બાદ પોતાના વતન નેપાળ ભાગી જવાની તૈયારી કરી રહેલા એક સગીર અને એક આરોપી શ્રવણ ઉર્ફે ગોપાલ રાજેશભાઈ વસાવાને પોલીસે ગણતરીની કલાકોમાં ઝડપી લઈને કાયદેસરની કાર્યવાહી હાથ ધરી છે. મળતી માહિતી મુજબ, અડાજણના આનંદ મહલ રોડ પર આવેલી પારસનગર સોસાયટીમાં રહેતા અમર પંજવાણી સાંજના સમયે એક પાનના ગલ્લા પર ગયો હતો. ત્યાં કાયદાના સંઘર્ષમાં આવેલ એક બાળ કિશોર અને તેનો મિત્ર શ્રવણ ઉર્ફે ગોપાલ પણ સિગારેટ પીવા માટે ભેગા થયા હતા. આ દરમિયાન સિગારેટ પીવા જેવી તદ્દન સામાન્ય બાબતે અમર અને બાળ કિશોર વચ્ચે ઉગ્ર બોલાચાલી અને ગાળાગાળી થઈ હતી. આ ઝઘડામાં બાળ કિશોરને માઠું લાગી આવતા તે ગુસ્સામાં ઘરે ગયો અને રસોડામાં વપરાતું તીક્ષ્ણ ચપ્પુ લઈને ફરી બહાર આવ્યો. ત્યારબાદ તેણે પોતાના મિત્ર શ્રવણ ઉર્ફે ગોપાલનો સંપર્ક કર્યો અને મોપેડ પર ફરી સિગારેટ પીવા જવાનો પ્લાન બનાવ્યો. આ સમયે શ્રવણ ઉર્ફે ગોપાલ મૃતક અમર પંજવાણીને પણ પોતાની સાથે લઈ આવ્યો હતો. ત્રણેય જણા મોપેડ પર સવાર થઈને જઈ રહ્યા હતા ત્યારે ચાલુ બાઇકે ફરીથી તેમની વચ્ચે ઝઘડો શરૂ થયો. બોલાચાલી એટલી ઉગ્ર બની કે મોપેડ ચલાવી રહેલા અમરે રામનગર સરકારી વસાહત પાસે ગાડી રોડની સાઈડમાં ઊભી રાખી દીધી. ગાડી ઊભી રહેતા જ આવેશમાં આવેલા સગીરે ઉશ્કેરાઈ જઈ પોતાની પાસે છુપાવેલું ચપ્પુ કાઢી અમરના છાતીના ભાગે ઝીંકી દીધું. ગંભીર ઈજાઓ થતા અમરનું ઘટના સ્થળ પર જ કરુણ મોત નિપજ્યું હતું. આ ગુનામાં શ્રવણ ઉર્ફે ગોપાલ પણ ઝઘડા દરમિયાન ત્યાં હાજર હતો અને તેણે પણ મૃતક સાથે બોલાચાલી કરીને ગુનામાં સાથ આપ્યો હતો. હત્યાના ગુનાને અંજામ આપીને બંને આરોપીઓ ત્યાંથી નાસી છૂટ્યા હતા. બનાવની ગંભીરતાને ધ્યાને લેતાં રાંદેર પોલીસ સ્ટેશનની સર્વેલન્સ ટીમ તાત્કાલિક એક્શનમાં આવી અને હત્યા કરીને નેપાળ ભાગી જવાની ફિરાકમાં રહેલા બંને આરોપીઓને ગણતરીના કલાકોમાં ઝડપી પાડ્યા.

Bullet 26 Gujarat News

Press advisory અડાજણ, સુરત, ગુજરાત•

19 hrs ago

સુરત શહેરના રાંદેર પોલીસ સ્ટેશનની હદમાં મોડી સાંજે સિગારેટ પીવા જેવી નજીવી બાબતે થયેલી બોલાચાલીએ લોહિયાળ સ્વરૂપ ધારણ કર્યું હતું. આ ઘટનામાં 33 વર્ષીય અમર ઉર્ફે કાલુ દૌલતભાઈ પંજવાણીની ચપ્પુના ઘા ઝીંકી નિર્મમ હત્યા કરી દેવામાં આવી હતી. સનસનાટીભરી આ ઘટના બાદ પોતાના વતન નેપાળ ભાગી જવાની તૈયારી કરી રહેલા એક સગીર અને એક આરોપી શ્રવણ ઉર્ફે ગોપાલ રાજેશભાઈ વસાવાને પોલીસે ગણતરીની કલાકોમાં ઝડપી લઈને કાયદેસરની કાર્યવાહી હાથ ધરી છે. મળતી માહિતી મુજબ, અડાજણના આનંદ મહલ રોડ પર આવેલી પારસનગર સોસાયટીમાં રહેતા અમર પંજવાણી સાંજના સમયે એક પાનના ગલ્લા પર ગયો હતો. ત્યાં કાયદાના સંઘર્ષમાં આવેલ એક બાળ કિશોર અને તેનો મિત્ર શ્રવણ ઉર્ફે ગોપાલ પણ સિગારેટ પીવા માટે ભેગા થયા હતા. આ દરમિયાન સિગારેટ પીવા જેવી તદ્દન સામાન્ય બાબતે અમર અને બાળ કિશોર વચ્ચે ઉગ્ર બોલાચાલી અને ગાળાગાળી થઈ હતી. આ ઝઘડામાં બાળ કિશોરને માઠું લાગી આવતા તે ગુસ્સામાં ઘરે ગયો અને રસોડામાં વપરાતું તીક્ષ્ણ ચપ્પુ લઈને ફરી બહાર આવ્યો. ત્યારબાદ તેણે પોતાના મિત્ર શ્રવણ ઉર્ફે ગોપાલનો સંપર્ક કર્યો અને મોપેડ પર ફરી સિગારેટ પીવા જવાનો પ્લાન બનાવ્યો. આ સમયે શ્રવણ ઉર્ફે ગોપાલ મૃતક અમર પંજવાણીને પણ પોતાની સાથે લઈ આવ્યો હતો. ત્રણેય જણા મોપેડ પર સવાર થઈને જઈ રહ્યા હતા ત્યારે ચાલુ બાઇકે ફરીથી તેમની વચ્ચે ઝઘડો શરૂ થયો. બોલાચાલી એટલી ઉગ્ર બની કે મોપેડ ચલાવી રહેલા અમરે રામનગર સરકારી વસાહત પાસે ગાડી રોડની સાઈડમાં ઊભી રાખી દીધી. ગાડી ઊભી રહેતા જ આવેશમાં આવેલા સગીરે ઉશ્કેરાઈ જઈ પોતાની પાસે છુપાવેલું ચપ્પુ કાઢી અમરના છાતીના ભાગે ઝીંકી દીધું. ગંભીર ઈજાઓ થતા અમરનું ઘટના સ્થળ પર જ કરુણ મોત નિપજ્યું હતું. આ ગુનામાં શ્રવણ ઉર્ફે ગોપાલ પણ ઝઘડા દરમિયાન ત્યાં હાજર હતો અને તેણે પણ મૃતક સાથે બોલાચાલી કરીને ગુનામાં સાથ આપ્યો હતો. હત્યાના ગુનાને અંજામ આપીને બંને આરોપીઓ ત્યાંથી નાસી છૂટ્યા હતા. બનાવની ગંભીરતાને ધ્યાને લેતાં રાંદેર પોલીસ સ્ટેશનની સર્વેલન્સ ટીમ તાત્કાલિક એક્શનમાં આવી અને હત્યા કરીને નેપાળ ભાગી જવાની ફિરાકમાં રહેલા બંને આરોપીઓને ગણતરીના કલાકોમાં ઝડપી પાડ્યા.