యాదాద్రి కొండపైన వర్తక సంఘాన్ని తిరిగి రెన్యువల్ చేయడాన్ని యాదాద్రి పరిరక్షణ కమిటీ సభ్యులు తీవ్రంగా తప్పుబట్టారు. యాదగిరిగుట్టలోని లక్కీ ఫంక్షన్ హాల్‌లో జరిగిన విలేకరుల సమావేశంలో వారు మాట్లాడుతూ, స్థానిక ఎమ్మెల్యే మరియు ప్రభుత్వ అధికారులు వర్తక సంఘానికి వత్తాసు పలుకుతూ, డబ్బులకు అమ్ముడుపోయి ఈ నిర్ణయం తీసుకోవడం సిగ్గుచేటని మండిపడ్డారు. ఈ చర్య నిరుద్యోగుల కడుపు కొట్టడమే కాకుండా, స్వామి వారి ఆదాయానికి కూడా గండి కొడుతోందని వారు ఆరోపించారు. కొండ కింద కొత్తగా నిర్మిస్తున్న దుకాణాలు పూర్తయ్యాకనే వర్తక సంఘాన్ని రద్దు చేస్తామని చెప్పడం బాధాకరమని కమిటీ సభ్యులు పేర్కొన్నారు. దేవస్థానం ఎవరి సొంత జాగీరా అని వారు ప్రశ్నించారు. వర్తక సంఘానికి శాశ్వతంగా దుకాణాలు ఎందుకు కేటాయిస్తున్నారని నిలదీసిన వారు, వెంటనే ఈ నిర్ణయాన్ని ఉపసంహరించుకోవాలని డిమాండ్ చేశారు. లేనిపక్షంలో న్యాయస్థానాన్ని ఆశ్రయించి పోరాటం చేస్తామని వారు స్పష్టం చేశారు. ఈ సమావేశంలో బట్టు సతీష్ రాజ్, పల్లపు బాలయ్య, బండి వాసు, వీరేష్, అనిల్, మాటూరి బాలయ్య, కర్రె ప్రవీణ్, బాల నర్సయ్య, సంజీవ, బండి రామస్వామి, మందోజు నరేష్, వెంకటేష్, విజయ్, శ్రీశైలం, వంశీ తదితరులు పాల్గొన్నారు.

ARUTLA KISHORE KUMAR

Teacher Yadagirigutta, Yadadri Bhuvanagiri•

1 day ago

యాదాద్రి కొండపైన వర్తక సంఘాన్ని తిరిగి రెన్యువల్ చేయడాన్ని యాదాద్రి పరిరక్షణ కమిటీ సభ్యులు తీవ్రంగా తప్పుబట్టారు. యాదగిరిగుట్టలోని లక్కీ ఫంక్షన్ హాల్‌లో జరిగిన విలేకరుల సమావేశంలో వారు మాట్లాడుతూ, స్థానిక ఎమ్మెల్యే మరియు ప్రభుత్వ అధికారులు వర్తక సంఘానికి వత్తాసు పలుకుతూ, డబ్బులకు అమ్ముడుపోయి ఈ నిర్ణయం తీసుకోవడం సిగ్గుచేటని మండిపడ్డారు. ఈ చర్య నిరుద్యోగుల కడుపు కొట్టడమే కాకుండా, స్వామి వారి ఆదాయానికి కూడా గండి కొడుతోందని వారు ఆరోపించారు. కొండ కింద కొత్తగా నిర్మిస్తున్న దుకాణాలు పూర్తయ్యాకనే వర్తక సంఘాన్ని రద్దు చేస్తామని చెప్పడం బాధాకరమని కమిటీ సభ్యులు పేర్కొన్నారు. దేవస్థానం ఎవరి సొంత జాగీరా అని వారు ప్రశ్నించారు. వర్తక సంఘానికి శాశ్వతంగా దుకాణాలు ఎందుకు కేటాయిస్తున్నారని నిలదీసిన వారు, వెంటనే ఈ నిర్ణయాన్ని ఉపసంహరించుకోవాలని డిమాండ్ చేశారు. లేనిపక్షంలో న్యాయస్థానాన్ని ఆశ్రయించి పోరాటం చేస్తామని వారు స్పష్టం చేశారు. ఈ సమావేశంలో బట్టు సతీష్ రాజ్, పల్లపు బాలయ్య, బండి వాసు, వీరేష్, అనిల్, మాటూరి బాలయ్య, కర్రె ప్రవీణ్, బాల నర్సయ్య, సంజీవ, బండి రామస్వామి, మందోజు నరేష్, వెంకటేష్, విజయ్, శ్రీశైలం, వంశీ తదితరులు పాల్గొన్నారు.