తెలంగాణలో దేవాలయ పంపులను ప్రభుత్వం ఆన్ చేయడం లేదని, దీనివల్ల వరంగల్ రైతులు తీవ్రంగా బాధపడుతున్నారని BRS వర్కింగ్ ప్రెసిడెంట్ కేటీఆర్ ఆవేదన వ్యక్తం చేశారు. తెలంగాణ భవన్‌లో మాట్లాడిన ఆయన, ప్రస్తుత ప్రభుత్వ వ్యవహార శైలిని తప్పుపట్టారు. గత BRS పాలనలో వరంగల్‌లో దేవదయ సిస్టంను అద్భుతంగా నడిపించారని కేటీఆర్ పేర్కొన్నారు. మాజీ సీఎం కేసీఆర్ హయాంలో వ్యవసాయాన్ని ఒక పండుగలా మార్చారని కొనియాడారు. కాంగ్రెస్ ప్రభుత్వం తాము ఇచ్చిన హామీలను అమలు చేయడంలో పూర్తిగా విఫలమైందని ఆయన విమర్శించారు.

యాదగిరిగుట్ట శ్రీలక్ష్మీనరసింహస్వామి ఆలయ ట్రస్ట్ బోర్డు ప్రమాణస్వీకారోత్సవం కారణంగా ఘాట్ రోడ్డును మూసివేయడంతో భక్తులు తీవ్ర ఇబ్బందులను ఎదుర్కొంటున్నారు. ఈ మార్పు వల్ల వాహనాలు నిలిచిపోవడంతో భక్తులు కాలినడకన కొండపైకి చేరుకోవాల్సి వస్తోంది. ప్రధానంగా వృద్ధులు మరియు చిన్నారులతో వచ్చిన భక్తులు తీవ్ర అవస్థలు పడుతున్నారు. భక్తుల సౌకర్యార్థం కనీసం అత్యవసర పరిస్థితుల్లోనైనా వాహనాలను అనుమతించాలని స్థానిక భక్తులు కోరుతున్నారు.

యాదాద్రి భువనగిరి జిల్లా ఇంద్రపాలనగరంలో భువనగిరి-చిట్యాల ప్రధాన రహదారి పక్కన ఉన్న ఒక భారీ వేపచెట్టుకు అర్ధరాత్రి సమయంలో నిప్పు అంటుకుంది. ఈ ప్రమాదంలో మంటలకు కాలిపోయిన చెట్టు ఒక్కసారిగా రోడ్డుకు అడ్డంగా కుప్పకూలింది. స్థానిక సర్పంచ్ గర్ధాస్ విక్రమ్ ఈ విషయాన్ని గుర్తించి వెంటనే స్పందించారు. రహదారిపై భారీగా ట్రాఫిక్ జాం కావడంతో ఆయన స్థానిక పోలీస్ మరియు ఫైర్ సిబ్బందికి సమాచారం అందించారు. అనంతరం జేసీబీ సహాయంతో రోడ్డుకు అడ్డంగా పడిన చెట్టును తొలగించి, ట్రాఫిక్‌ను క్రమబద్ధీకరించి రాకపోకలను పునరుద్ధరించారు.

ఎల్కతుర్తి మండల కేంద్రంలో కేంద్ర హోం సహాయ మంత్రి, కరీంనగర్ పార్లమెంట్ సభ్యులు బండి సంజయ్ కుమార్ జన్మదిన వేడుకలను బీజేపీ మండల అధ్యక్షులు మంతుర్తి శ్రీకాంత్ యాదవ్ ఆధ్వర్యంలో ఘనంగా నిర్వహించారు. ఈ సందర్భంగా శ్రీకాంత్ యాదవ్ మాట్లాడుతూ, ఒక సాధారణ కార్యకర్తగా రాజకీయ ప్రస్థానాన్ని ప్రారంభించిన బండి సంజయ్ కుమార్ తన అంకితభావం, నిబద్ధత, నిరంతర పోరాట పటిమతో బీజేపీ జాతీయ స్థాయి కీలక నాయకుడిగా ఎదిగి, కేంద్ర హోం సహాయ మంత్రిగా బాధ్యతలు చేపట్టడం ప్రతి యువకుడికి స్ఫూర్తిదాయకమని కొనియాడారు. బండి సంజయ్ ఆశయాలు, సిద్ధాంతాలు, ప్రజాసేవా తత్వాన్ని ఆదర్శంగా తీసుకుని పార్టీ బలోపేతం కోసం ప్రతి కార్యకర్త కృషి చేయాలని, ఆయన అడుగుజాడల్లో నడుస్తూ ప్రజా సమస్యల పరిష్కారం, అభివృద్ధి కార్యక్రమాల అమలులో ముందుంటామని స్పష్టం చేశారు. బండి సంజయ్ అండదండలతో ఎల్కతుర్తి మండల అభివృద్ధికి మరింత కృషి చేస్తూ, కేంద్ర ప్రభుత్వ సంక్షేమ పథకాలను ప్రతి అర్హులైన లబ్ధిదారునికి చేరవేస్తామని తెలిపారు. వేడుకల్లో భాగంగా కేక్ కట్ చేసి, కార్యకర్తలు మరియు ప్రజలకు అరటిపండ్లు పంపిణీ చేసి ఆనందాన్ని పంచుకున్నారు. ఎంతో ఉత్సాహభరిత వాతావరణంలో జరిగిన ఈ కార్యక్రమంలో సుమారు 50 మందికి పైగా బీజేపీ కార్యకర్తలు, సీనియర్ నాయకులు, బూత్ అధ్యక్షులు, మండల బాధ్యులు, జిల్లా నాయకులు పాల్గొని బండి సంజయ్ కుమార్‌కు జన్మదిన శుభాకాంక్షలు తెలియజేశారు.

పోక్సో కేసులో నమోదైన నిందితుడు ఆరుగురిని హత్య చేసిన ఘటనపై ఆర్ఎస్ ప్రవీణ్ కుమార్ స్పందించారు. ఈ ఘోర ఘటన నేపథ్యంలో పోక్సో కేసు బాధితురాలు, ఆమె తల్లి తనకు ఫోన్ చేసి తీవ్ర భయాందోళనతో మాట్లాడారని ఆయన వెల్లడించారు. తమ భద్రతపై తీవ్ర ఆందోళన నెలకొందని బాధిత కుటుంబం తనతో చెప్పినట్లు ఆయన పేర్కొన్నారు. పోక్సో కేసుల్లో నిందితులు బెయిల్‌పై బయటకు వచ్చిన తర్వాత బాధితులు ఎదుర్కొంటున్న భయాందోళనలపై ప్రభుత్వం తక్షణమే దృష్టి సారించాలని ఆర్ఎస్ ప్రవీణ్ కుమార్ డిమాండ్ చేశారు. నేరాలకు పాల్పడే వ్యక్తులపై కఠిన చర్యలు తీసుకోవాలని, బాధితులకు పూర్తి రక్షణ కల్పించాలని ఆయన స్పష్టం చేశారు. ఈ తరహా దారుణ ఘటనలు భవిష్యత్తులో పునరావృతం కాకుండా ఉండేందుకు న్యాయ మరియు పోలీసు వ్యవస్థలు అత్యంత అప్రమత్తంగా వ్యవహరించాలని ఆయన కోరారు.

సిద్దిపేట జిల్లా బెజ్జంకి మండల కేంద్రంలో కరీంనగర్ పార్లమెంట్ సభ్యుడు, కేంద్ర హోంశాఖ సహాయ మంత్రి బండి సంజయ్ కుమార్ జన్మదిన వేడుకలను బీజేపీ మండల శాఖ ఆధ్వర్యంలో ఘనంగా నిర్వహించారు. మండల అధ్యక్షుడు కొలీపాక రాజు నేతృత్వంలో జరిగిన ఈ కార్యక్రమంలో పార్టీ నాయకులు, కార్యకర్తలు కేక్ కట్ చేసి ఒకరికొకరు శుభాకాంక్షలు తెలుపుకుంటూ సంబరాలు జరుపుకున్నారు. ఈ సందర్భంగా నాయకులు మాట్లాడుతూ, ప్రజా సమస్యల పరిష్కారంలో బండి సంజయ్ ఎల్లప్పుడూ ముందుండి పనిచేస్తున్నారని ప్రశంసించారు. కేంద్ర మంత్రిగా తెలంగాణ అభివృద్ధికి ఆయన విశేష కృషి చేస్తున్నారని పేర్కొంటూ, ఆయన దీర్ఘాయుష్షుతో ఆరోగ్యంగా ఉండి ప్రజలకు మరిన్ని సేవలు అందించాలని ఆకాంక్షించారు. ఈ కార్యక్రమంలో రాష్ట్ర కిసాన్ సెల్ కార్యదర్శి కరివేద మహిపాల్ రెడ్డి, సొల్లు అజయ్ వర్మ, బుర్ర మల్లేశం, బండిపల్లి సునీతతో పాటు బీజేపీ నాయకులు మరియు కార్యకర్తలు పెద్ద సంఖ్యలో పాల్గొని బండి సంజయ్‌కు జన్మదిన శుభాకాంక్షలు తెలిపారు.

తెలంగాణ మేధావులు, రిటైర్డ్ ఇంజనీర్లపై ముఖ్యమంత్రి రేవంత్ రెడ్డి తీవ్ర వ్యాఖ్యలు చేస్తూ బూతుల పర్వం లంకించుకున్నారు. కన్నెపల్లి మోటార్లను వెంటనే ఆన్ చేయాలని లేఖ రాసినందుకు రిటైర్డ్ ఇంజనీర్లపై ఆయన తీవ్ర ఆగ్రహం వ్యక్తంచేశారు. రిటైర్డ్ ఇంజనీర్లు వచ్చి తనకు బేవకూఫ్ సలహాలు ఇస్తున్నారని మండిపడ్డారు. వీళ్ళని బొక్కలో వేయకపోవడమే తాను చేసిన తప్పని, తెలంగాణ మేధావులను, రిటైర్డ్ ఇంజనీర్లను బొక్కలో వేయాలని సీఎం రేవంత్ రెడ్డి స్పష్టం చేశారు.

జనగామ జిల్లా బచ్చన్నపేట మండలం గోపాల్‌నగర్ గ్రామంలో నివాస గృహాల మధ్య నుండి వెళ్తున్న 11 కేవీ విద్యుత్ లైన్‌ను వెంటనే మార్చాలని కోరుతూ గ్రామస్థులు ఆందోళన వ్యక్తం చేశారు. నివాస ప్రాంతాల గుండా ఈ హైటెన్షన్ లైన్ ఉండడం వల్ల ఎప్పుడైనా ప్రమాదం జరిగే అవకాశం ఉందని, ముఖ్యంగా వర్షాకాలంలో తీగలు తెగిపడి భారీ ప్రాణనష్టం సంభవించే ప్రమాదం ఉందని వారు ఆవేదన వ్యక్తం చేశారు. ఈ సమస్య పరిష్కారం కోసం తాము గతంలో పలుమార్లు విద్యుత్ శాఖ అధికారులకు వినతులు సమర్పించినప్పటికీ ఫలితం లేదని గ్రామస్థులు పేర్కొన్నారు. గ్రామంలో కొన్ని విద్యుత్ స్తంభాలను ఏర్పాటు చేసినప్పటికీ, ఆ పనులు మధ్యలోనే నిలిచిపోయాయని వారు ఆరోపించారు. ఈ నేపథ్యంలో, గంగరబోయిన మల్లేష్, పిట్టల జహంగీర్, గంగరబోయిన జెలేందర్, చేర్యాల లింగం, శివరాత్రి మహేష్, శివరాత్రి వెంకటేష్, శివరాత్రి మంజుల, శివరాత్రి ఉమా, శివరాత్రి శ్రీను, శివరాత్రి లక్ష్మి, శివరాత్రి నవీన్ తదితరులు కలిసి విద్యుత్ శాఖ ఉన్నతాధికారులకు లిఖితపూర్వక ఫిర్యాదును అందజేశారు. ప్రజల ప్రాణ భద్రతను దృష్టిలో ఉంచుకుని, అధికారులు తక్షణమే స్పందించి 11 కేవీ లైన్‌ను గ్రామానికి వెలుపల లేదా ఏదైనా సురక్షిత మార్గంలోకి మార్చాలని గ్రామస్థులు డిమాండ్ చేశారు.

వరంగల్ జిల్లా గీసుగొండ మండలం గంగాదేవిపల్లి గ్రామంలో నిర్వహించిన గ్రామపంచాయతీ సమగ్ర అభివృద్ధి ప్రణాళిక శిక్షణ కార్యక్రమంలో పరకాల ఎమ్మెల్యే రేవూరి ప్రకాశ్ రెడ్డి, కలెక్టర్ సత్య శారదతో కలిసి పాల్గొన్నారు. ఈ సందర్భంగా ఎమ్మెల్యే మాట్లాడుతూ గ్రామాల సమగ్ర అభివృద్ధికి సర్పంచులు, పంచాయతీ కార్యదర్శులు ప్రత్యేక శ్రద్ధ వహించాలని సూచించారు. ప్రభుత్వ నిధులను సద్వినియోగం చేసుకుని గ్రామాలను ఆదర్శ పంచాయతీలుగా తీర్చిదిద్దాలని పిలుపునిచ్చారు. గ్రామం అభివృద్ధి చెందితేనే దేశం అభివృద్ధి చెందుతుందని ఆయన పేర్కొన్నారు. ఎల్ నినో ప్రభావంతో వర్షాలు తక్కువగా ఉండే అవకాశం ఉన్నందున, తక్కువ నీటితో సాగు చేసే పంటలపై రైతులకు అవగాహన కల్పించాలని ఎమ్మెల్యే రేవూరి ప్రకాశ్ రెడ్డి సూచించారు. గ్రామాల్లో మౌలిక వసతులు, పారిశుద్ధ్యం, తాగునీరు, విద్య, ఆరోగ్యం, పచ్చదనానికి ప్రాధాన్యం ఇస్తూ ప్రణాళికలు రూపొందించాలని స్పష్టం చేశారు. ఈ కార్యక్రమం అనంతరం వారు జలసిరి ప్రతిజ్ఞ చేశారు. గ్రామాల సమగ్ర అభివృద్ధే సర్పంచుల లక్ష్యంగా ఉండాలని ఆయన పిలుపునిచ్చారు.

గోదావరిలో కళ్ల ముందే లక్ష క్యూసెక్కుల నీరు వరదలా కిందకు పోతుంటే, అక్కడ ఎత్తిపోయడానికి నీళ్లు లేవని చెప్పడం బుర్రతక్కువతనం అని కేటీఆర్ విమర్శించారు. రైతుల కోసం ఈ పని చేయమన్నవాళ్లు తెలివిలేనివాళ్లా అని ఆయన ప్రశ్నించారు. కన్నెపల్లి వద్ద 93 మీటర్ల నుంచే నీళ్లు ఎత్తిపోసే అవకాశం ఉన్నప్పటికీ, రాజకీయ ద్వేషంతో కళ్లు మూసుకున్న రేవంత్ రెడ్డి బుర్రతక్కువ వాడో కాదో సమాధానం చెప్పాలని డిమాండ్ చేశారు. మేడిగడ్డ వద్ద 97 మీటర్ల ఎత్తులో నీరు ప్రవహిస్తుంటే, కళ్లుండి కూడా చూడలేని రేవంత్ రెడ్డి తెలివిలేనివాడా, లేక వాస్తవాలు చూపిస్తున్న తాము తెలివిలేనివాళ్లమా అని నిలదీశారు. పోలవరం ప్రాజెక్టు వల్ల మునిగిపోయే భద్రాచలాన్ని పట్టుకొని, మేడిగడ్డ వల్లే మునిగిపోతోందని అంటున్న రేవంత్ రెడ్డికి అస్సలు బుర్రలేదని కేటీఆర్ మండిపడ్డారు. రైతాంగం మొత్తం కన్నెపల్లి నుంచి నీళ్లివ్వాలని అడుగుతుంటే పట్టించుకోని వాడిని బుర్రతక్కువ వాడు అనాలా లేక లుచ్చా అనాలా అని ప్రశ్నించారు. తన గురువు కోసం నీళ్లను కిందకు వదులుతున్నావా అని రైతులు అడుగుతుంటే, దానికి సమాధానం చెప్పే దమ్ము లేని దద్దమ్మ అనాలా లేక దరిద్రుడు అనాలా అంటూ తీవ్రస్థాయిలో ధ్వజమెత్తారు.