పోక్సో కేసులో నమోదైన నిందితుడు ఆరుగురిని హత్య చేసిన ఘటనపై ఆర్ఎస్ ప్రవీణ్ కుమార్ స్పందించారు. ఈ ఘోర ఘటన నేపథ్యంలో పోక్సో కేసు బాధితురాలు, ఆమె తల్లి తనకు ఫోన్ చేసి తీవ్ర భయాందోళనతో మాట్లాడారని ఆయన వెల్లడించారు. తమ భద్రతపై తీవ్ర ఆందోళన నెలకొందని బాధిత కుటుంబం తనతో చెప్పినట్లు ఆయన పేర్కొన్నారు. పోక్సో కేసుల్లో నిందితులు బెయిల్‌పై బయటకు వచ్చిన తర్వాత బాధితులు ఎదుర్కొంటున్న భయాందోళనలపై ప్రభుత్వం తక్షణమే దృష్టి సారించాలని ఆర్ఎస్ ప్రవీణ్ కుమార్ డిమాండ్ చేశారు. నేరాలకు పాల్పడే వ్యక్తులపై కఠిన చర్యలు తీసుకోవాలని, బాధితులకు పూర్తి రక్షణ కల్పించాలని ఆయన స్పష్టం చేశారు. ఈ తరహా దారుణ ఘటనలు భవిష్యత్తులో పునరావృతం కాకుండా ఉండేందుకు న్యాయ మరియు పోలీసు వ్యవస్థలు అత్యంత అప్రమత్తంగా వ్యవహరించాలని ఆయన కోరారు.

యాదగిరిగుట్ట శ్రీ లక్ష్మీనరసింహస్వామి దేవస్థానం నూతన పాలక మండలి ప్రమాణ స్వీకార కార్యక్రమంలో మంత్రి కొండా సురేఖ పాల్గొన్నారు. ఆలయానికి చేరుకున్న మంత్రికి అర్చకులు పూర్ణకుంభ స్వాగతం పలికారు. అనంతరం దేవాలయ నూతన ఛైర్మన్ ఎం. సత్యనారాయణ రెడ్డితో పాటు పాలక మండలి సభ్యులు ప్రమాణ స్వీకారం చేశారు. ఈ సందర్భంగా మంత్రి కొండా సురేఖ మాట్లాడుతూ యాదగిరిగుట్టను దేశంలోనే ప్రముఖ ఆధ్యాత్మిక క్షేత్రంగా, రాష్ట్రానికి తలమానికంగా తీర్చిదిద్దేందుకు నూతన పాలక మండలి కృషి చేయాలని సూచించారు. ఆలయ అభివృద్ధి, భక్తులకు మెరుగైన సౌకర్యాలు అందించడం, మరియు పారదర్శక పాలనకు ప్రాధాన్యం ఇవ్వాలని కోరారు. ఈ కార్యక్రమంలో భువనగిరి ఎంపీ చామల కిరణ్ కుమార్ రెడ్డి, ఆలేరు ఎమ్మెల్యే బీర్ల అయిలయ్య, ఆలయ అధికారులు మరియు ప్రజాప్రతినిధులు పాల్గొన్నారు.

మహబూబాబాద్ జిల్లా నెల్లికుదురు మండలంలోని పర్వతమ్మగూడెం గ్రామంలో "మన ఊరు – మన బాధ్యత" కార్యక్రమం నిర్వహించారు. ఈ కార్యక్రమంలో జిల్లా ఎస్పీ డా. శబరీష్, ఐపీఎస్ పాల్గొని, గ్రామాన్ని గంజాయి రహితంగా, నేర రహితంగా మరియు సురక్షితంగా తీర్చిదిద్దేందుకు గ్రామ ప్రజల భాగస్వామ్యం ఎంతో అవసరమని పిలుపునిచ్చారు. ఈ సందర్భంగా గ్రామస్థులకు వీడియో ప్రదర్శనల ద్వారా గంజాయి మరియు ఇతర మాదకద్రవ్యాల వల్ల యువత భవిష్యత్తు ఏ విధంగా దెబ్బతింటుందో వివరించి అవగాహన కల్పించారు. గంజాయి రహిత గ్రామ నిర్మాణంలో ప్రతి గ్రామస్థుడు బాధ్యతగా వ్యవహరించాలని ఆయన కోరారు. ద్విచక్ర వాహనదారులు తప్పనిసరిగా నాణ్యమైన హెల్మెట్ ధరించాలని మరియు రోడ్డు భద్రతా నిబంధనలు పాటించాలని ఎస్పీ సూచించారు. గ్రామ భద్రతలో, నేరాల నియంత్రణలో మరియు నేరస్థుల గుర్తింపులో సిసి కెమెరాలు కీలక పాత్ర పోషిస్తాయని వాటి ప్రాముఖ్యతను వివరించారు. ఈ సందర్భంగా గ్రామస్థులకు మరియు మీడియా మిత్రులకు ఎస్పీ హెల్మెట్లను పంపిణీ చేశారు. అనంతరం గ్రామంలో ఏర్పాటు చేసిన "Wall of Promise" (ప్రతిజ్ఞ గోడ) వద్ద గ్రామ సర్పంచ్, పాలకవర్గ సభ్యులు, గ్రామ పెద్దలు, యువత మరియు గ్రామస్థులతో కలిసి గంజాయి, మాదకద్రవ్యాలకు దూరంగా ఉంటామని, హెల్మెట్ ధరిస్తామని మరియు గ్రామ భద్రతకు సహకరిస్తామని ప్రతిజ్ఞ చేయించి, సంతకాలు చేయించారు. గ్రామ సర్పంచ్, పాలకవర్గం, యువత మరియు ప్రజలు కలిసి ఈ కార్యక్రమాన్ని ముందుకు తీసుకెళ్లడం అభినందనీయమని ఎస్పీ పేర్కొన్నారు. గంజాయి నిర్మూలనలో ప్రజల భాగస్వామ్యం ఎంతో అవసరమని పేర్కొంటూ, గంజాయి సాగు, రవాణా, విక్రయాలు లేదా వినియోగానికి సంబంధించిన సమాచారం అందించిన వారికి రూ.5,000 వరకు నగదు బహుమతి అందజేస్తామని వెల్లడించారు. సమాచారం ఇచ్చిన వారి వివరాలు పూర్తిగా గోప్యంగా ఉంచబడతాయని తెలుపుతూ, ఎలాంటి సమాచారం ఉన్నా 87126 56999 నంబర్‌కు తెలియజేయాలని ఎస్పీ ప్రజలను కోరారు.

హుస్నాబాద్ పట్టణంలోని ప్రభుత్వ ఆసుపత్రిలో కేంద్ర హోంశాఖ సహాయ మంత్రి గౌరవనీయ శ్రీ బండి సంజయ్ కుమార్ జన్మదినాన్ని పురస్కరించుకుని వేడుకలను ఘనంగా నిర్వహించారు. బీజేపీ హుస్నాబాద్ పట్టణ అధ్యక్షుడు బత్తుల శంకర్ బాబు ఆధ్వర్యంలో, ప్రభుత్వ ఆసుపత్రి వైద్యులు డాక్టర్ శివ మరియు బీజేపీ నాయకులతో కలిసి రోగులకు పండ్లను పంపిణీ చేశారు. ఈ సందర్భంగా బత్తుల శంకర్ బాబు మాట్లాడుతూ, బండి సంజయ్ కుమార్ సామాన్య కార్యకర్త స్థాయి నుంచి కేంద్ర మంత్రిగా ఎదగడం ఎంతో గొప్ప విషయమని కొనియాడారు. వారు ఆయురారోగ్యాలతో, సుఖసంతోషాలతో ఉండాలని, మరిన్ని ఉన్నత పదవులను అధిరోహించాలని భగవంతుడిని వేడుకున్నారు. ఈ కార్యక్రమంలో బీజేపీ హుస్నాబాద్ పట్టణ ప్రధాన కార్యదర్శులు గాదాసు రాంప్రసాద్, పోలోజు రాజేందర్ చారీ, కార్యదర్శులు వడ్డెపల్లె లక్ష్మయ్య, బొప్పిశెట్టి సాయిరామ్, అకోజు అరుణ్ కుమార్, కోశాధికారి బుర్ర రాజు, శక్తి కేంద్ర ఇంచార్జీ నారోజు నరేష్, సీనియర్ నాయకులు కాయిత అరుణ్ రెడ్డి, ఆశాడపు శ్రీనివాస్, అబ్బిడి లింగారెడ్డి, బూత్ అధ్యక్షులు పోగుల శేఖర్, బొనగిరి రాజేష్, వరికోలు నాగరాజు, మొలుగూరి గణేష్, నాయకులు ఎల్కపల్లి నవీన్, రమేష్, శ్రీనుతో పాటు పలువురు కార్యకర్తలు, అభిమానులు పాల్గొన్నారు.

తెలంగాణలోని ప్రసిద్ధ పుణ్యక్షేత్రమైన యాదాద్రి లక్ష్మీనరసింహస్వామి దేవస్థానంలో కొత్త పాలకమండలి ఇవాళ కొలువు తీరింది. పాలకమండలి చైర్మన్ మన్నె సత్యనారాయణ రెడ్డితో పాటు మరో 17 మంది సభ్యులు ప్రమాణ స్వీకారం చేశారు. యాదగిరిగుట్టలో జరిగిన ఈ ప్రమాణస్వీకార మహోత్సవ కార్యక్రమానికి దేవాదాయ శాఖ మంత్రి కొండా సురేఖ హాజరయ్యారు. కాగా, ఈ పాలకమండలి నియామకానికి సంబంధించి ఏపీకి చెందిన చిరంజీవి సతీమణిని ఎలా నిర్ణయిస్తారని వివాదం చెలరేగిన సంగతి తెలిసిందే. ఈ వివాదం నడుమనే యాదగిరిగుట్టలో కొత్త పాలక మండలి ప్రమాణస్వీకార ఉత్సవం జరగగా, చిరంజీవి సతీమణి కూడా ప్రమాణ స్వీకారం చేశారు.

జగిత్యాల జిల్లా మెట్ పల్లి సోషల్ వెల్ఫేర్ బాలికల గురుకుల పాఠశాలలో పురుగులు పడ్డ భోజనం పెడుతున్నారని విద్యార్థులు, వారి తల్లిదండ్రులు తీవ్ర ఆందోళనకు దిగారు. పాఠశాలలో నిత్యం వడ్డించే వంట సామాగ్రిని వారు స్వయంగా పరిశీలించి, భోజనంలో కనీస నాణ్యత లేదని మరియు పాఠశాలలో సరైన సౌకర్యాలు కరువయ్యాయని ఆరోపిస్తూ తీవ్ర ఆగ్రహం వ్యక్తం చేశారు. ఆందోళనకారులు వంటగదిలోని సామాగ్రిని తనిఖీ చేయగా, తెల్ల పురుగులు ఉన్న బియ్యంతో వంట చేస్తున్నట్లు గుర్తించారు. కుళ్ళిపోయిన కూరగాయలతో పాటు ఏమాత్రం నాణ్యత లేని నీళ్ళ సాంబార్‌ను వడ్డిస్తున్నారని వారు ఆవేదన వ్యక్తం చేశారు. ఇటువంటి నాణ్యతలేని ఆహారాన్ని తినడం వల్లే తమ పిల్లలు అనారోగ్యానికి గురవుతున్నారని తల్లిదండ్రులు ఆరోపించారు. ఈ దారుణ పరిస్థితికి బాధ్యులైన పాఠశాల ప్రిన్సిపల్‌ను వెంటనే సస్పెండ్ చేయాలంటూ వారు డిమాండ్ చేశారు. ఈ ఆందోళనల నేపథ్యంలో సమాచారం అందుకున్న ఎంఈఓ కనుకతార గురుకుల పాఠశాలను సందర్శించి పరిస్థితిని సమీక్షించారు. విద్యార్థులు, తల్లిదండ్రులతో మాట్లాడి సమస్యను త్వరలోనే పరిష్కరిస్తామని ఆమె హామీ ఇవ్వడంతో ఆందోళన సద్దుమణిగింది.

రామన్నపేట మాజీ వైస్ ఎంపీపీ శ్రీమతి బద్దుల ఉమా గారి భర్త, బీఆర్ఎస్ పార్టీ సీనియర్ నాయకులు బద్దుల రమేష్‌పై రామన్నపేట ఎస్సై సతీష్ అనుచితంగా ప్రవర్తించి, భౌతికంగా దాడికి పాల్పడటాన్ని మాజీ ఎమ్మెల్యే చిరుమర్తి లింగయ్య గారు తీవ్రంగా ఖండించారు. రామన్నపేట మండలంలో చేనేత సంఘ ఎన్నికల నేపథ్యంలో బీఆర్ఎస్ పార్టీ మద్దతు ప్రకటించేందుకు వెళ్లిన బద్దుల రమేష్‌తో ఎస్సై సతీష్ నోటికి వచ్చినట్లు దుర్భాషలాడడంతో పాటు భౌతికంగా దాడికి పాల్పడినట్లు ఆరోపించారు. ఇటువంటి చర్యలు అత్యంత దురదృష్టకరమని, ప్రజాస్వామ్య స్ఫూర్తికి విరుద్ధమని ఆయన మండిపడ్డారు. ఈ ఘటనపై తీవ్ర ఆగ్రహం వ్యక్తం చేసిన మాజీ ఎమ్మెల్యే చిరుమర్తి లింగయ్య గారు రామన్నపేట పోలీస్ స్టేషన్‌కు వెళ్లి సీఐను కలిసి, సంబంధిత ఎస్సైపై తక్షణమే చర్యలు తీసుకుని సస్పెండ్ చేయాలని డిమాండ్ చేశారు. ఈ దాడి రాజకీయ ఒత్తిళ్లు, అధికార పార్టీ నాయకుల ప్రేరేపణతోనే జరిగిందని ఆయన ఆరోపించారు. ప్రజాస్వామ్యంలో ప్రతిపక్ష నాయకులను భయభ్రాంతులకు గురిచేసే ప్రయత్నాలను బీఆర్ఎస్ పార్టీ ఎట్టి పరిస్థితుల్లోనూ సహించబోదని ఈ సందర్భంగా స్పష్టం చేశారు. దాడికి పాల్పడిన ఎస్సై సతీష్ బేషరతుగా క్షమాపణ చెప్పడంతో పాటు, సంబంధిత అధికారులు ఆయనపై తగిన క్రమశిక్షణ చర్యలు తీసుకోవాలని డిమాండ్ చేశారు. లేనిపక్షంలో బీఆర్ఎస్ పార్టీ ఆధ్వర్యంలో రామన్నపేట పోలీస్ స్టేషన్‌ను ముట్టడించి ప్రజాస్వామ్యబద్ధంగా భారీ స్థాయిలో ఆందోళన చేపడతామని మాజీ ఎమ్మెల్యే చిరుమర్తి లింగయ్య గారు హెచ్చరించారు.

తెలంగాణలోని యాదాద్రి శ్రీ లక్ష్మీనరసింహస్వామి దేవస్థాన నూతన పాలకమండలి ప్రమాణ స్వీకారోత్సవం ఇవాళ అత్యంత ఘనంగా జరిగింది. ఈ సందర్భంగా దేవస్థాన నూతన పాలకమండలి ఛైర్మన్ మన్నే సత్య నారాయణరెడ్డితో పాటు చిరంజీవి సతీమణి సురేఖ, అలాగే మరో 17 మంది సభ్యులు ప్రమాణ స్వీకారం చేశారు. ఈ విశేష కార్యక్రమానికి మంత్రి కొండా సురేఖ ముఖ్య అతిథిగా హాజరయ్యారు. ఈ ప్రమాణ స్వీకారంతో యాదగిరిగుట్ట దేవస్థానం నూతన పాలకమండలి సభ్యులు అధికారికంగా కొలువుదీరారు.

పోక్సో కేసులో నమోదైన నిందితుడు ఆరుగురిని హత్య చేసిన ఘటనపై ఆర్ఎస్ ప్రవీణ్ కుమార్ స్పందించారు. ఈ ఘోర ఘటన నేపథ్యంలో పోక్సో కేసు బాధితురాలు, ఆమె తల్లి తనకు ఫోన్ చేసి తీవ్ర భయాందోళనతో మాట్లాడారని ఆయన వెల్లడించారు. తమ భద్రతపై తీవ్ర ఆందోళన నెలకొందని బాధిత కుటుంబం తనతో చెప్పినట్లు ఆయన పేర్కొన్నారు. పోక్సో కేసుల్లో నిందితులు బెయిల్‌పై బయటకు వచ్చిన తర్వాత బాధితులు ఎదుర్కొంటున్న భయాందోళనలపై ప్రభుత్వం తక్షణమే దృష్టి సారించాలని ఆర్ఎస్ ప్రవీణ్ కుమార్ డిమాండ్ చేశారు. నేరాలకు పాల్పడే వ్యక్తులపై కఠిన చర్యలు తీసుకోవాలని, బాధితులకు పూర్తి రక్షణ కల్పించాలని ఆయన స్పష్టం చేశారు. ఈ తరహా దారుణ ఘటనలు భవిష్యత్తులో పునరావృతం కాకుండా ఉండేందుకు న్యాయ మరియు పోలీసు వ్యవస్థలు అత్యంత అప్రమత్తంగా వ్యవహరించాలని ఆయన కోరారు.