फुलसावंगीतील ट्रान्सफॉर्मरला आग; मोठा अनर्थ टळला, नागरिकांमध्ये संताप फुलसावंगीतील ट्रान्सफॉर्मरला आग; मोठा अनर्थ टळला, नागरिकांमध्ये संताप फुलसावंगी येथील ग्रामपंचायतला लागून असलेल्या ट्रान्सफॉर्मरमध्ये मागील २० ते २५ दिवसांपासून तांत्रिक बिघाड (फॉल्ट) होता. यामुळे परिसरातील वार्डात कमी व्होल्टेजचा त्रास नागरिकांना सहन करावा लागत होता. याबाबत वारंवार तक्रारी करूनही विद्युत विभागाच्या कर्मचाऱ्यांनी व अधिकाऱ्यांनी दुर्लक्ष केल्याचा आरोप नागरिकांनी केला आहे. दरम्यान, आज आठवडी बाजाराच्या दिवशी दुपारी सुमारे २ वाजताच्या सुमारास गर्दीच्या ठिकाणी असलेल्या या डीपीने अचानक पेट घेतल्याने एकच खळबळ उडाली. बाजारात मोठी गर्दी असताना ही घटना घडल्याने नागरिकांमध्ये भीतीचे वातावरण निर्माण झाले. सुदैवाने कोणतीही जीवितहानी झाली नाही, मात्र मोठा अनर्थ टळल्याची भावना व्यक्त होत आहे. स्थानिकांच्या म्हणण्यानुसार, गेल्या अनेक दिवसांपासून हा धोका लक्षात आणून देऊनही संबंधित अभियंते व कर्मचाऱ्यांनी याकडे गांभीर्याने लक्ष दिले नाही. त्यामुळे संतप्त नागरिकांनी जबाबदारांवर कारवाई करण्याची व तातडीने योग्य उपाययोजना करण्याची मागणी केली आहे.

Taha Mirza

Teacher महागाव, यवतमाळ, महाराष्ट्र•

2 hrs ago

फुलसावंगीतील ट्रान्सफॉर्मरला आग; मोठा अनर्थ टळला, नागरिकांमध्ये संताप फुलसावंगीतील ट्रान्सफॉर्मरला आग; मोठा अनर्थ टळला, नागरिकांमध्ये संताप फुलसावंगी येथील ग्रामपंचायतला लागून असलेल्या ट्रान्सफॉर्मरमध्ये मागील २० ते २५ दिवसांपासून तांत्रिक बिघाड (फॉल्ट) होता. यामुळे परिसरातील वार्डात कमी व्होल्टेजचा त्रास नागरिकांना सहन करावा लागत होता. याबाबत वारंवार तक्रारी करूनही विद्युत विभागाच्या कर्मचाऱ्यांनी व अधिकाऱ्यांनी दुर्लक्ष केल्याचा आरोप नागरिकांनी केला आहे. दरम्यान, आज आठवडी बाजाराच्या दिवशी दुपारी सुमारे २ वाजताच्या सुमारास गर्दीच्या ठिकाणी असलेल्या या डीपीने अचानक पेट घेतल्याने एकच खळबळ उडाली. बाजारात मोठी गर्दी असताना ही घटना घडल्याने नागरिकांमध्ये भीतीचे वातावरण निर्माण झाले. सुदैवाने कोणतीही जीवितहानी झाली नाही, मात्र मोठा अनर्थ टळल्याची भावना व्यक्त होत आहे. स्थानिकांच्या म्हणण्यानुसार, गेल्या अनेक दिवसांपासून हा धोका लक्षात आणून देऊनही संबंधित अभियंते व कर्मचाऱ्यांनी याकडे गांभीर्याने लक्ष दिले नाही. त्यामुळे संतप्त नागरिकांनी जबाबदारांवर कारवाई करण्याची व तातडीने योग्य उपाययोजना करण्याची मागणी केली आहे.