ప్రజాపాలన ప్రగతి ప్రణాళికలో భాగంగా, ప్రపంచ పర్యావరణ దినోత్సవం సందర్భంగా మెదక్ జిల్లా రామాయంపేట మండలం అక్కన్నపేట గ్రామంలోని వన యోజన అటవీ పార్కులో శుక్రవారం ఓ కార్యక్రమం జరిగింది. ఈ కార్యక్రమంలో జిల్లా కలెక్టర్ ప్రతిమా సింగ్ ముఖ్య అతిథిగా పాల్గొని మొక్కలు నాటారు. పర్యావరణ పరిరక్షణ పట్ల తన బాధ్యతను చాటుతూ, 200 చెట్లతో పర్యావరణ పరిరక్షణ దినోత్సవాన్ని ప్రారంభించారు. ప్రిన్సిపల్ చీఫ్ కన్జర్వేటర్ ఆఫ్ ఫారెస్ట్ రత్నాకర్, డిఎఫ్‌ఓ జోజి, డిఆర్‌డిఓ పిడి శ్రీనివాసరావు, ఆర్‌ అండ్ బి ఈఈ వేణు, సంబంధిత ఎఫ్‌ఆర్‌ఓ, రెడ్ క్రాస్ సొసైటీ అధ్యక్షులు యాదగిరి, శర్మ రాజశేఖర్, సర్పంచ్ యాదగిరి, ఉపసర్పంచ్ ప్రసాద్ తదితరులు పాల్గొన్నారు. ఈ సందర్భంగా కలెక్టర్ ప్రతిమా సింగ్ మాట్లాడుతూ, తెలంగాణ రాష్ట్ర ప్రభుత్వ ఆదేశాల మేరకు జిల్లాలో అటవీ వారోత్సవాలను విజయవంతంగా నిర్వహిస్తున్నామని తెలిపారు. 'ఏక్ పెడ్ మా కే నామ్' అనేది ప్రతి భారతీయుడిని తమ తల్లి మరియు భూమాత గౌరవార్థం ఒక మొక్కను నాటమని ప్రోత్సహించే దేశవ్యాప్త పర్యావరణ ఉద్యమమని ఆమె వివరించారు. మానవాళి మనుగడకు మొక్కలే జీవనాధారాలని, అందుకే ప్రతి ఒక్కరూ అమ్మ పేరు మీద ఒక మొక్క నాటి వాటిని సంరక్షించి, అవి వృక్షాలుగా ఎదిగేందుకు కృషి చేయాలని పిలుపునిచ్చారు. జిల్లాలో 24% అటవీ సంపద ఉందని పేర్కొంటూ, నర్సాపూర్, వడియారం, పరికిబండ, మనోరాబాద్ వంటి అర్బన్ ఫారెస్ట్ పార్కులను హైలెట్ చేస్తూ పర్యాటకులకు వాటి గొప్పతనాన్ని ప్రాచుర్యం కల్పించాలని సూచించారు. అటవీ సంపద, ఫారెస్ట్ పార్కులు, మొక్కల వల్ల భవిష్యత్ తరాలకు కలిగే ప్రయోజనాలపై అవగాహన కల్పించేందుకు పిల్లలకు ప్రత్యేక పర్యటనలు ఏర్పాటు చేయాలని అధికారులను ఆదేశించారు. మెదక్ ఫారెస్ట్‌ను టూరిస్ట్ హబ్‌గా అభివృద్ధి చేయాలని ఆమె ఆకాంక్షించారు. అనంతరం తెలంగాణ ప్రిన్సిపాల్ చీఫ్ కన్జర్వేటర్ ఆఫ్ ఫారెస్ట్ రత్నాకర్ జోహారి మాట్లాడుతూ, మెదక్ జిల్లాలో ప్రపంచ పర్యావరణ కార్యక్రమంలో పాల్గొనడం ఆనందంగా ఉందని, మానవాళి మనుగడకు చెట్లే ప్రతిరూపమని అన్నారు. విశాఖపట్నంలో సునామీ వచ్చినప్పుడు చెట్లు ఉన్న ప్రాంతాలలో దాని ప్రభావం చాలా తక్కువగా ఉందని ఉదహరిస్తూ, చెట్ల ప్రాముఖ్యతను వివరించారు. జిల్లాలో గ్రామీణాభివృద్ధి శాఖ, అటవీ శాఖల సమన్వయంతో గ్రీన్ యాక్షన్ ప్లాన్ కార్యక్రమాన్ని పటిష్టంగా అమలు చేయాలని తెలిపారు. భవిష్యత్ తరాలకు ప్రశాంతమైన వాతావరణం కల్పించేలా అడవులను పరిరక్షించేందుకు నిర్దిష్ట ప్రణాళిక ప్రకారం ముందుకు సాగుతున్నట్లు అధికారులు వివరించారు. ఈ కార్యక్రమంలో అటవీ శాఖ అధికారులు, జిల్లా అధికారులు, ప్రజా ప్రతినిధులు, సిబ్బంది పాల్గొన్నారు.

మెదక్ న్యూస్

Medak, Telangana•

3 hrs ago

ప్రజాపాలన ప్రగతి ప్రణాళికలో భాగంగా, ప్రపంచ పర్యావరణ దినోత్సవం సందర్భంగా మెదక్ జిల్లా రామాయంపేట మండలం అక్కన్నపేట గ్రామంలోని వన యోజన అటవీ పార్కులో శుక్రవారం ఓ కార్యక్రమం జరిగింది. ఈ కార్యక్రమంలో జిల్లా కలెక్టర్ ప్రతిమా సింగ్ ముఖ్య అతిథిగా పాల్గొని మొక్కలు నాటారు. పర్యావరణ పరిరక్షణ పట్ల తన బాధ్యతను చాటుతూ, 200 చెట్లతో పర్యావరణ పరిరక్షణ దినోత్సవాన్ని ప్రారంభించారు. ప్రిన్సిపల్ చీఫ్ కన్జర్వేటర్ ఆఫ్ ఫారెస్ట్ రత్నాకర్, డిఎఫ్‌ఓ జోజి, డిఆర్‌డిఓ పిడి శ్రీనివాసరావు, ఆర్‌ అండ్ బి ఈఈ వేణు, సంబంధిత ఎఫ్‌ఆర్‌ఓ, రెడ్ క్రాస్ సొసైటీ అధ్యక్షులు యాదగిరి, శర్మ రాజశేఖర్, సర్పంచ్ యాదగిరి, ఉపసర్పంచ్ ప్రసాద్ తదితరులు పాల్గొన్నారు. ఈ సందర్భంగా కలెక్టర్ ప్రతిమా సింగ్ మాట్లాడుతూ, తెలంగాణ రాష్ట్ర ప్రభుత్వ ఆదేశాల మేరకు జిల్లాలో అటవీ వారోత్సవాలను విజయవంతంగా నిర్వహిస్తున్నామని తెలిపారు. 'ఏక్ పెడ్ మా కే నామ్' అనేది ప్రతి భారతీయుడిని తమ తల్లి మరియు భూమాత గౌరవార్థం ఒక మొక్కను నాటమని ప్రోత్సహించే దేశవ్యాప్త పర్యావరణ ఉద్యమమని ఆమె వివరించారు. మానవాళి మనుగడకు మొక్కలే జీవనాధారాలని, అందుకే ప్రతి ఒక్కరూ అమ్మ పేరు మీద ఒక మొక్క నాటి వాటిని సంరక్షించి, అవి వృక్షాలుగా ఎదిగేందుకు కృషి చేయాలని పిలుపునిచ్చారు. జిల్లాలో 24% అటవీ సంపద ఉందని పేర్కొంటూ, నర్సాపూర్, వడియారం, పరికిబండ, మనోరాబాద్ వంటి అర్బన్ ఫారెస్ట్ పార్కులను హైలెట్ చేస్తూ పర్యాటకులకు వాటి గొప్పతనాన్ని ప్రాచుర్యం కల్పించాలని సూచించారు. అటవీ సంపద, ఫారెస్ట్ పార్కులు, మొక్కల వల్ల భవిష్యత్ తరాలకు కలిగే ప్రయోజనాలపై అవగాహన కల్పించేందుకు పిల్లలకు ప్రత్యేక పర్యటనలు ఏర్పాటు చేయాలని అధికారులను ఆదేశించారు. మెదక్ ఫారెస్ట్‌ను టూరిస్ట్ హబ్‌గా అభివృద్ధి చేయాలని ఆమె ఆకాంక్షించారు. అనంతరం తెలంగాణ ప్రిన్సిపాల్ చీఫ్ కన్జర్వేటర్ ఆఫ్ ఫారెస్ట్ రత్నాకర్ జోహారి మాట్లాడుతూ, మెదక్ జిల్లాలో ప్రపంచ పర్యావరణ కార్యక్రమంలో పాల్గొనడం ఆనందంగా ఉందని, మానవాళి మనుగడకు చెట్లే ప్రతిరూపమని అన్నారు. విశాఖపట్నంలో సునామీ వచ్చినప్పుడు చెట్లు ఉన్న ప్రాంతాలలో దాని ప్రభావం చాలా తక్కువగా ఉందని ఉదహరిస్తూ, చెట్ల ప్రాముఖ్యతను వివరించారు. జిల్లాలో గ్రామీణాభివృద్ధి శాఖ, అటవీ శాఖల సమన్వయంతో గ్రీన్ యాక్షన్ ప్లాన్ కార్యక్రమాన్ని పటిష్టంగా అమలు చేయాలని తెలిపారు. భవిష్యత్ తరాలకు ప్రశాంతమైన వాతావరణం కల్పించేలా అడవులను పరిరక్షించేందుకు నిర్దిష్ట ప్రణాళిక ప్రకారం ముందుకు సాగుతున్నట్లు అధికారులు వివరించారు. ఈ కార్యక్రమంలో అటవీ శాఖ అధికారులు, జిల్లా అధికారులు, ప్రజా ప్రతినిధులు, సిబ్బంది పాల్గొన్నారు.