కర్నూలు జిల్లా ఆలూరు నియోజకవర్గ వైఎస్సార్సీపీ ఎమ్మెల్యే భూసినె విరుపాక్షి, కూటమి ప్రభుత్వం రెండేళ్ల పరిపాలన కేవలం అబద్ధాలు, మోసాలతోనే సాగిందని తీవ్రస్థాయిలో ధ్వజమెత్తారు. చంద్రబాబు నాయుడు ప్రజా వెన్నుపోటు పొడిచిన రోజుగా ఈ రోజును అభివర్ణించిన ఆయన, ఎన్నికల హామీలను విస్మరించిన తీరుపై ఘాటుగా స్పందించారు. సంక్షేమ పథకాల విషయంలో ప్రభుత్వం అన్నీ ఇచ్చేశామని ప్రగల్భాలు పలుకుతోందని, అసలు ఏ పథకం ఎక్కడ ఇచ్చారో బహిరంగంగా చెప్పాలని ఎమ్మెల్యే డిమాండ్ చేశారు. 'తల్లి వందనం' కింద రెండేళ్లకు గానూ కేవలం ఒక్కసారి మాత్రమే అరకొరగా నిధులు ఇచ్చి చేతులు దులుపుకున్నారని ఆయన మండిపడ్డారు. 'రైతు భరోసా'పై బీజేపీ ఎమ్మెల్యేలు సార్వత్రిక సమావేశాల్లో రైతుల అకౌంట్లలో 20 వేల నుంచి 40 వేల రూపాయలు వేశామని చెప్పడం ముమ్మాటికీ అబద్ధమని విరుపాక్షి పేర్కొన్నారు. ప్రెస్ మీట్లలో కాకుండా, రైతుల ఖాతాల్లో డబ్బులు పడినట్లు నిజంగా ఆధారాలు ఉంటే బహిరంగంగా చూపాలని ఆయన సవాల్ విసిరారు. నిరుద్యోగ భృతి, మెగా డీఎస్సీపైనా ఆయన తీవ్ర ఆగ్రహం వ్యక్తం చేశారు. 'ఆడబిడ్డ నిధి' బడ్జెట్‌లో పైసా కూడా కేటాయించలేదని, నిరుద్యోగ భృతి ఊసే లేదని విమర్శించారు. లోకేష్ ఏటా 5 లక్షల ఉద్యోగాలు ఇస్తామన్న హామీ ఏమైందని ప్రశ్నించిన ఎమ్మెల్యే, పరీక్షలు లేకుండానే డీఎస్సీ పోస్టులు భర్తీ చేయవచ్చనే జీవో ఇవ్వడం అన్యాయమని, దీనిపై సీబీఐ విచారణ జరపాలని వైఎస్సార్సీపీ అధినేత జగన్ మోహన్ రెడ్డి కూడా డిమాండ్ చేశారని గుర్తుచేశారు. కూటమి నాయకులు, ముఖ్యంగా లోకేష్ అహంకారంతో వ్యవహరిస్తున్నారని వైజాగ్ ఘటనను ఉదాహరించారు. ప్రజా సమస్యలపై, ప్రభుత్వ తప్పులపై మాట్లాడే సీనియర్ జర్నలిస్టులను, ఇతరులను వైఎస్సార్సీపీ ముద్ర వేస్తూ కేసులు పెట్టి బెదిరిస్తున్నారని ఆరోపించారు. గతంలో వైఎస్ జగన్ మోహన్ రెడ్డి బాధితులకు తక్షణమే కోటి రూపాయలు ప్రకటించిన ఉదారతను గుర్తుచేస్తూ, ఇప్పుడున్న పవన్ కళ్యాణ్ గానీ, లోకేష్ గానీ ప్రభుత్వం తరపున ఒక్క రూపాయి అయినా విడుదల చేశారా అని విరుపాక్షి నిలదీశారు. అంగన్‌వాడీలు, పోలీసులు, ఉపాధ్యాయులకు ఇచ్చిన పీఆర్‌సీ హామీలను నెరవేర్చకుండా మోసం చేశారని, వాలంటీర్ల వ్యవస్థను దారుణంగా అణగదొక్కారని విరుపాక్షి ఆవేదన వ్యక్తం చేశారు. కూటమి రాక్షస పాలనపై ఈ రోజు నుంచి ప్రతి రోజూ ప్రజల్లోకి వెళ్లి గ్రామాల వారీగా ఎండగడతామని ఆయన స్పష్టం చేశారు. ఈ కార్యక్రమంలో పాల్గొన్న జెడ్పీటీసీలు, ఎంపీటీసీలు, సర్పంచ్‌లు, జిల్లా మరియు మండల కమిటీల వైఎస్సార్సీపీ నాయకులకు, కార్యకర్తలకు ఆయన ప్రత్యేక కృతజ్ఞతలు తెలిపారు. ప్రభుత్వం ప్రజలను, ఉద్యోగులను మోసం చేస్తూ బెదిరింపులకు పాల్పడితే చూస్తూ ఊరుకోబోమని, ప్రజల పక్షాన పోరాటం ఉధృతం చేస్తామని ఆలూరు ఎమ్మెల్యే భూసినె విరుపాక్షి హెచ్చరించారు.

ఆనంద్

ఆలూరు, కర్నూలు, ఆంధ్రప్రదేశ్•

18 hrs ago

కర్నూలు జిల్లా ఆలూరు నియోజకవర్గ వైఎస్సార్సీపీ ఎమ్మెల్యే భూసినె విరుపాక్షి, కూటమి ప్రభుత్వం రెండేళ్ల పరిపాలన కేవలం అబద్ధాలు, మోసాలతోనే సాగిందని తీవ్రస్థాయిలో ధ్వజమెత్తారు. చంద్రబాబు నాయుడు ప్రజా వెన్నుపోటు పొడిచిన రోజుగా ఈ రోజును అభివర్ణించిన ఆయన, ఎన్నికల హామీలను విస్మరించిన తీరుపై ఘాటుగా స్పందించారు. సంక్షేమ పథకాల విషయంలో ప్రభుత్వం అన్నీ ఇచ్చేశామని ప్రగల్భాలు పలుకుతోందని, అసలు ఏ పథకం ఎక్కడ ఇచ్చారో బహిరంగంగా చెప్పాలని ఎమ్మెల్యే డిమాండ్ చేశారు. 'తల్లి వందనం' కింద రెండేళ్లకు గానూ కేవలం ఒక్కసారి మాత్రమే అరకొరగా నిధులు ఇచ్చి చేతులు దులుపుకున్నారని ఆయన మండిపడ్డారు. 'రైతు భరోసా'పై

బీజేపీ ఎమ్మెల్యేలు సార్వత్రిక సమావేశాల్లో రైతుల అకౌంట్లలో 20 వేల నుంచి 40 వేల రూపాయలు వేశామని చెప్పడం ముమ్మాటికీ అబద్ధమని విరుపాక్షి పేర్కొన్నారు. ప్రెస్ మీట్లలో కాకుండా, రైతుల ఖాతాల్లో డబ్బులు పడినట్లు నిజంగా ఆధారాలు ఉంటే బహిరంగంగా చూపాలని ఆయన సవాల్ విసిరారు. నిరుద్యోగ భృతి, మెగా డీఎస్సీపైనా ఆయన తీవ్ర ఆగ్రహం వ్యక్తం చేశారు. 'ఆడబిడ్డ నిధి' బడ్జెట్‌లో పైసా కూడా కేటాయించలేదని, నిరుద్యోగ భృతి ఊసే లేదని విమర్శించారు. లోకేష్ ఏటా 5 లక్షల ఉద్యోగాలు ఇస్తామన్న హామీ ఏమైందని ప్రశ్నించిన ఎమ్మెల్యే, పరీక్షలు లేకుండానే డీఎస్సీ పోస్టులు భర్తీ

చేయవచ్చనే జీవో ఇవ్వడం అన్యాయమని, దీనిపై సీబీఐ విచారణ జరపాలని వైఎస్సార్సీపీ అధినేత జగన్ మోహన్ రెడ్డి కూడా డిమాండ్ చేశారని గుర్తుచేశారు. కూటమి నాయకులు, ముఖ్యంగా లోకేష్ అహంకారంతో వ్యవహరిస్తున్నారని వైజాగ్ ఘటనను ఉదాహరించారు. ప్రజా సమస్యలపై, ప్రభుత్వ తప్పులపై మాట్లాడే సీనియర్ జర్నలిస్టులను, ఇతరులను వైఎస్సార్సీపీ ముద్ర వేస్తూ కేసులు పెట్టి బెదిరిస్తున్నారని ఆరోపించారు. గతంలో వైఎస్ జగన్ మోహన్ రెడ్డి బాధితులకు తక్షణమే కోటి రూపాయలు ప్రకటించిన ఉదారతను గుర్తుచేస్తూ, ఇప్పుడున్న పవన్ కళ్యాణ్ గానీ, లోకేష్ గానీ ప్రభుత్వం తరపున ఒక్క రూపాయి అయినా విడుదల చేశారా అని విరుపాక్షి నిలదీశారు. అంగన్‌వాడీలు,

పోలీసులు, ఉపాధ్యాయులకు ఇచ్చిన పీఆర్‌సీ హామీలను నెరవేర్చకుండా మోసం చేశారని, వాలంటీర్ల వ్యవస్థను దారుణంగా అణగదొక్కారని విరుపాక్షి ఆవేదన వ్యక్తం చేశారు. కూటమి రాక్షస పాలనపై ఈ రోజు నుంచి ప్రతి రోజూ ప్రజల్లోకి వెళ్లి గ్రామాల వారీగా ఎండగడతామని ఆయన స్పష్టం చేశారు. ఈ కార్యక్రమంలో పాల్గొన్న జెడ్పీటీసీలు, ఎంపీటీసీలు, సర్పంచ్‌లు, జిల్లా మరియు మండల కమిటీల వైఎస్సార్సీపీ నాయకులకు, కార్యకర్తలకు ఆయన ప్రత్యేక కృతజ్ఞతలు తెలిపారు. ప్రభుత్వం ప్రజలను, ఉద్యోగులను మోసం చేస్తూ బెదిరింపులకు పాల్పడితే చూస్తూ ఊరుకోబోమని, ప్రజల పక్షాన పోరాటం ఉధృతం చేస్తామని ఆలూరు ఎమ్మెల్యే భూసినె విరుపాక్షి హెచ్చరించారు.